《認真》
😇：搞乜啊你！你Block左雪兒？
👿：係，阿嫂同你講左？
😇：【圖片】你自己睇！
👿：你覺得我配得上佢咩？
😇：愛情要講配唔配咩？鍾意就得啦
👿：你出身好，有事業有家底，呢種問題你根本就唔會明，如果唔係老豆留落黎既錢，我依家係身無分文你知嫁
😇：阿媽都話比錢你買樓，你再正正經經搵份工，咁咪得囉，已經好過好多人啦
👿：雪兒無人追咩？醫生律師金融才子，我係好過好多人，但亦有好多人比我好，更何況，我依家搵份工，幾耐先穩定，幾時先可以還到錢，幾時先真正搵得多過雪兒，一個月？一年？三年？其實三年可以搵到我都覺得好叻喇，咁呢三年點？三年後佢29歲，跟住我再用三年去儲錢結婚？到佢32歲我先同佢可以穩定咁過生活？
😇：你地可以一齊努力啊
👿：大哥，依家唔係寫小說啊，故事我可以一句講，三年過去，主角已經捱出頭，可以同女主角獲得快樂生活，但依家係現實啊，我呢排唔努力咩？但愈努力我就愈有無力感，我好知道自己個進度，預測到幾時可以做到佢要既野
😇：我只係問你一句，你對雪兒係咪認真！
👿：認真啊，認真咁又點？
😇：認真既你就去搵返人！
👿：我好想搵佢啊，但我受唔住佢對我愈來愈冷漠，我唔想佢係我心目中既好感慢慢變成恨
😇：我搵得你就即係你要搵佢啦，如果我知道雪兒對你無野，我點會咁講啊，你幾時變到咁蠢？
👿：佢對我講既野，我真係好在意，佢問我係咪後悔無食佢，我見佢幾次，幾次都有機會，但我無，我真係連少少想都無，唔係佢唔吸引，而係我覺得未係時候，我對呢段感情太認真，之前我試過調轉左個次序，我唔知點解就黎三十都講咁幼稚既野，我想同佢認認真真咁經營呢段關係。
👿：消失左一日，然後明顯唔同左，我唔知佢咩事，我問佢唔答，我關心佢唔理，一日比一日更遠，既然佢都想推開我，咁我咪如佢所願囉，其實大家成年人，唔需要咁間接，講一句就得
😇：【圖片】
👿：……
😇：雖然我唔太認同呢種考驗同試探，但女人就係咁，佢地就係想知你係咪表裡如一，佢知答案啊，但佢偏偏唔信，就係想聽你講，你有冇諗過人地點解唔敢應承做你女朋友，佢係明星黎，公開會有好大麻煩，你認真都唔緊要喇，一陣你唔認真，會對佢有幾大影響你知唔知！
👿：因為雪兒，我返香港，我留係度，我搵工，我努力做野，我連機都唔打，甚至我仲打算買樓啊！買樓啊！你知我份人幾討厭買樓呢件事！我只想盡快達到可以同佢一齊既程度，但係我做錯決定……唔係依家，而係以前，我做左太多太多錯既決定，令我今日同佢落得呢個下場，我抵死，但我道歉又有用咩？我只可以用時間同心機去彌補錯誤，但我做錯既太多太多喇，依家我要彌補既多到我承受唔到你明唔明！
😇：我聽到你買樓留低都好意外，但呢個係正確既決定，過去既野就由佢啦，好好努力就得啦
👿：都係個句，要時間，而呢段時間，絕對唔好過
😇：你可以咁決定，但我可以同你講，你唔搵雪兒，都唔駛期望佢會搵你
👿：我知佢性格
😇：我都知你性格，你可以等好多好多年，你好有耐性，但人生唔等人，佢唔係無人追，你再等就無，好自為之
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
金融才子 在 恭喜！ 40歲胡定欣傳喜訊！與金融才子好事將近 - Facebook 的推薦與評價
恭喜！ 40歲胡定欣傳喜訊！與金融才子好事將近，，今現任曝光果然不一般！ ... <看更多>