好多人都問過我兩條問題：
「個page嘅留言係咪真係你親自覆㗎？」
「有冇考慮過唔用『嘅』、『喇』、『你哋、我哋』，改用『的』、『了』、『我們、你們』，可以吸納多啲follower。」
答咗第一條先，所有留言都係我親自覆嘅。咁點解唔請個「小編」幫手？原因係要畀外人以「辦公室日報」身份回覆留言，我必須分配一個角色（Page Roles）畀呢位同事，如果佢覆得到留言，亦意味住佢睇得到個page嘅inbox，即係你哋send msg過嚟會睇到晒。
好多讀者會同我講心事，呻下份工嘅點點滴滴，間中更加會有人send CV畀我（雖然已經勸過唔好），inbox內牽涉咗極多個人資料，作為一個版主，我點都要保障自己嘅讀者，亦正正因為咁，我操作個人Facebook account都比過往謹慎咗十倍，特別係坊間有好多釣魚網站，手多多一撳都會出賣咗個人私隱同埋資料，如果我個人account被hack，唔止要擔心自己，仲要擔心個page，擔心讀者，試問又點可以掉以輕心呢？
大家唔好以為～～～「唓，我都冇run緊任何page，冇所謂啦！」而家講緊私隱喎！邊個想赤裸裸畀人睇晒先？好簡單一個例子，我剿你個袋或者剿你櫃桶，你都會極度反感啦！所以Facebook私隱你要知，喺度簡單分享兩招傍下身，首先，唔好見到任何連結就即刻去開，我都知送coupon、送口罩呢啲甜頭好吸引，但係邊有咁大隻蛤乸隨街跳吖，時刻提高警覺係必需。千祈唔好貪得意click入去，通常呢類網站會用一啲著數做餌，要求你提供個人資料，例如帳戶名稱、密碼、個人身份資料甚至信用卡資料等等，呢啲都好大機會係釣魚網站，遇到就要舉報喇。其次係防患於未然就更加好，喺Facebook set好雙重驗證功能其實好easy，去設定選項揀「帳戶安全和登入」，然後會見到「雙重驗證」用手提電話取得SMS驗證碼或者設定從第三方驗證應用程式取得驗證碼適隨尊便，透過QR code同一組代碼去驗證登入，咁就可以防止畀人撞密碼log in嘅情況出現啦，所以使用雙重驗證唔止保護自己，仲保護埋你身邊嘅人，成個過程幾分鐘㗎咋！
至於「嘅呢的了」呢個用字問題，我明白用「的的了了」可以吸納更多follower，不過自己土生土長，真係好鍾意香港文化，暫時唔打算改變。
化身做聶Sir講咗咁多保障個人私隱嘅重要性，喺度同大家玩個小測驗吖，希望你了解更多之餘，亦順便考考你係咪清楚乜嘢叫雙重驗證，不過我唔會要你白做嘅，完成呢個小測驗之後，Facebook會有禮物送畀大家，喺呢個咁艱難嘅營商環境之下，Facebook同我一樣咁撐本地企業同香港文化，所以啲獎品分別嚟自4間香港小店，係咪好有意義呢？Click入嚟睇下點玩，一齊攞獎品啦！
#Facebook私隱你要知 #雙重認證 #防止畀人撞密碼 #保護自己 #保護身邊人 #釣魚網站要小心 #私隱及個人資料 #支持本地企業及香港文化
釣魚網站要小心 在 [新聞] 小心釣魚詐騙- 看板Steam - 批踢踢實業坊 的推薦與評價
就在剛剛我收到兩個不認識的人要求加入好友
https://steamcommunity.com/profiles/76561198119798016
https://steamcommunity.com/id/zywahy
然後其中一個人傳訊給我一個頁面
ttp://steamcomunnity.com/id/554778856332187 <--此為釣魚網站 請勿登入
告知說他想跟我交易。問我可不可以登入加他
我不小心中標了。不過我當然很快的反應把該改的資料都改過了
在這邊通知各位用STEAM的朋友們
千萬小心，不要加任何不認識的陌生人。不要點任何陌生人給的連結
以上 希望這些詐騙集團趕快全部被抓＝W＝
--
※ 發信站: 批踢踢實業坊(ptt.cc), 來自: 27.147.26.129
※ 文章網址: https://www.ptt.cc/bbs/Steam/M.1401175682.A.ECF.html
... <看更多>