[今日寫啲乜]大市嘅嘢,冇乜特別啦,話咁快繼續打牌。「幣災」後,港股跌些少,但反而科技股幾強(科指升1.4%),好事,證明風險胃納強。美股呢?「幣災」當晚跌600點(好多咩?2%咋喎),但好快收窄,納指仲差不多收復所有失地。咁你係都話乜「好多公司買咗好唔掂」「資金鏈斷裂」「銀行爆煲股災然後中美開戰射核彈冚球鏟」嘅,be my guest.唔好笑呀,負油價嗰時咪又係咁講,頁岩氣公司破產嘛。瑞信韓仔爆煲夠係咁講,史上最大trading loss(是真的),但,一個星期已經冇人講。論述人人有,但量化唔到嘅不如都係返屋企做定期存款啦。「不過銀行都會執笠」「你點知唔會」「買美債都可能會破產」「你點知唔會」
騰訊嘅,其實…….都冇乜好講。業績嘅,話好唔太好,話差唔太差。但相信no news is good news ,你股價800蚊時出呢個業績梗係插,但而家跌咗落嚟,照計吸引。Patreon入面細講
恒指季檢嘅,「其實幾難炒」。唔怕話埋你知炒邊隻,咪又係京東網易。計埋成交額vs 潛在被動資金流入嘅比例了。重點係,大佬,我發現呢個世界好多人諗嘢係唔諗downside的,我就經常都諗「如果我錯呢?」。咁你搏啲唔知咩公司,有啲擺明炒上去摶入指數然後散貨畀被動基金嘅(而家少咗),一個唔該落空,你邊有得守?唔止,入到指數人地再彈弓手都試過啦。但如果京東網易呢啲比較好嘅公司,你落空咗都仲有得玩,兩隻剛出業績都唔錯
至於「港股通」炒邊隻,就入面先講了。雖然早兩日已講咗次,都炒咗幾日。
同樣地,摶收購對象,我先唔使打格(呢排先睇返「全裸監督」),盡量都真刀真槍本番全破解啦。反正金朝陽呢度都寫咗。有乜好打格?
咁另一隻係美股,LionsGate.做乜的?下?唔知嘅,咁都真係要惡補下,本人就勝在乜都知啲。拍戲的嘛。咁點解係LionsGate? Warner Media又買Discovery(搵笨,買貴貨,兩隻股價都跌),Amazon又話想買MGM(占士邦大戰光頭佬,或者洛奇打鳩Jeff Bezos ,Anyone?BTW,同賭場酒店嗰間冇關的,即係新鴻基地產同新鴻基證券咁)。為乜?為打NetFlix同迪士尼。
係喎,寫埋出嚟,先唔怕你抄。反正你抄到冧把都抄唔到神髓,其實仲衰過唔睇,梗係睇原文先有風味。仲有,「入面仲有第三隻」,hidden track.
呀,6月會出埋聲音版同影片版了
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
同時也有1部Youtube影片,追蹤數超過4萬的網紅Raymond Regulus,也在其Youtube影片中提到,華為最后一騙吹到盡 ~ 冇Android 注冊鴻蒙露底牌 軒轅族真相起源 1: https://youtu.be/JX07JmiRXy8 軒轅族真相起源 2 (starting 5:20): https://youtu.be/stpffllb30g ~~~~~~~~~~ 包商銀行爆煲, ...
銀行爆煲 在 君子馬蘭頭 - Ivan Li 李聲揚 Facebook 的精選貼文
[台北書簡]Patreon讀者為先,Facebook Page為副,我本人就放最後(唏,講到冇收錢咁喎)。幾頹我都係keep住一星期六篇文,冇質都有量,應該好少人好似我打咁多字。(https://bityl.co/4Y0h)
1. 介紹返,上星期六嘅Patreon專題就係寫呢個。Tesla 12月21號就入標普指數,史無前例。你話,下星期一喎。係丫,但執位嘅嘢12月18號,星期五就會做。到時會點?用返JP Morgan(係一個人嚟的)嘅名句:股市將會非常波動。廢?咁係你道行未夠啫。記住唔止係郁Tesla一隻,仲有其他機會
2. 至於標普指數係乜,有乜要求,點解Tesla之前入唔到呢季又入到,點解Tesla今次入指數係史無前例,標普指數有幾多資金追蹤(恒指嘅200倍!),Tesla會在指數佔幾多比重,有幾多資金要買之類呢?「就一早上個月已經寫咗啦」(https://bityl.co/4Y0h)
3. 不過放心,一訂Patreon,就全部舊文都睇晒。有啲作者(特別係賣相嘅女)會鏟走舊嘢,慎防你等到年尾一次過睇晒以前。我就理解嘅,不過我就唔打算咁做。一做會員,已經睇返晒過去嘅文。咁搞咗4個月啫,唔係好多,100篇咯,每篇平均都兩千字。
4. 咁12蚊美金你睇完覺得冇料到嘅,咪cut.唔會阻止你亦阻止唔到,亦都一個keep住有十幾廿人cut的—「不過有百幾人加入」
5. 另外,除咗講股市,偶然畀下冧把(其實我是拒絶的),例如星期五講過隻Dropbox有機會畀人買,即升。當然我都係睇其他人講,但站在巨人肩膊上,我仲幫你filter埋邊啲混吉邊啲廢嘢唔使理。除咗呢啲外,仲會有其他嘢。一個星期六篇,留返一日畀我休息。我仲會有「每日一圖」「Good Read」,今期寫乜?係以下嘅嘢(由我畀讀者嘅導讀copy出嚟,係喎,仲有導讀)
6. 「第一張圖講美國股票,今季第一次係IPO/集資 多過回購。但係咪就不利股市?可以睇下。肯定唔係某啲半桶水嘅人講「股票都係供求多供應咪跌」。第二張圖,講美國人,一生中唔同階段,時間用咗去咩人度?自己?仔女?朋友?張圖唔會好震憾(但有啲哀愁)。我覺得更好玩係試下當題目咁考人,叫人地畫返出嚟,睇下對方有幾理解人性,同埋個世界
7. Good Read方面,第一篇講今年係霸菱銀行爆煲25年,有乜教訓?歷史都係不停重覆,總係玩推土機前執銀仔。第二篇係講「殺人放火金腰帶」,大家覺得賤人先上到位。但人格缺憾係咪真係同成功有正向相關?文中有講」
8. 我嘅聖誕願望,當然係年尾前做到1000人。正路係不可能,因為仲爭150個,而除咗第一個月,冇試過半個月有150個讀者。但Think Big 嘛。「當初我話年尾前500人都有人話冇乜可能架」
9. 台北關閉話咁快就一星期,咁就一半。悶?完全唔悶。雖然工作效率極低。尤幸都睇咗少少書,加埋身處異地,有啲想法。大搞作,不日同大家分享。不過照計都一年半載,未咁快,到時話你知。但大搞作,梗係真係大搞作。搞個Patreon或者出本書都唔算大搞作。真係值得死咗都有人講先叫大搞作啦。
==========================
Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已850人訂!(https://bityl.co/4Y0h)
銀行爆煲 在 君子馬蘭頭 - Ivan Li 李聲揚 Facebook 的最佳貼文
1. [美國47.2%人冇開工!]是真的,冇呃你。不過唔等於47.2%失業率。
2. CNBC 原文:https://cnb.cx/3dOWLVU
3. 寫過至少十次八次美國就業數據(包括失業率呀 職位呀 時薪之類),無他,世界最大經濟體系,影響力仲遠大於佢經濟佔全球份額,仲咁啱又係肺炎重災區,仲要選總統。當然,最重要原因係,收視保證。想睇返以往寫過嘅文(部份),(*)入面有。
4. 又當然了,呢啲數字好重要,但又要知道有乜局限。其實同好多領域一樣。乜數字都冇齋鳩up推論嘅,等於廢話(「頁岩氣破產銀行爆煲經濟蕭條打仗啦」「香港失業率升人人負資產銀行爆煲經濟蕭條打仗啦」)。但只睇數字嘅,又出問題。盡信,或者完全唔信嘅,都係傻仔,最後咪淪為「美國啲失業率出完又改,假撚到丫」「中國嗰啲夠假」「明明我好多美國朋友失業」「我啲朋友明明有工開」之類的垃圾討論。當然點樣拎平衡就係功力,否則我點搵食?
5. 好,生日唔好咁撚多勞蘇,講正題。之前都講過,美國每個星期都出職位增長數據呀,失業救濟人數(首次同持續都有),十分有效率。但失業率就一個月出一次。理論上,你由失業救濟人數,大約可以估到個失業人數—當然部份申請拎救濟嘅唔會批,但你咪用返歷史上嘅大約批核率(係架唔撚確定架好撚化學架咪睇丫),大約計到幾多人失業的。
6. 失業人數不難估,但失業率就惡搞啲。個分母惡搞
7. 呢度講返幾個概念。首先係「適齡人口」,呢個情況下只講15-64歲嘅,就當然計埋停止咗搵工嗰啲。
8. 呢個「適齡人口」入面,又有再分「勞動人口」同「非勞動人口」。咩係「非勞動人口」?就係,又唔係工作又唔係失業嘅人,即係適齡又唔搵工嘅人。
9. 咁然後,「勞動人口」入面,就再分「有工作人口」同「失業人口」。明呀可?唔明睇呢張圖(https://bit.ly/2NL8quC)
10. 我地以某個虛構嘅勞蘇國為例,120個人,100個15-64歲,當中40個唔搵工,60個搵工嘅入面,50個有工返,10個冇工返。勞蘇國「適齡人口」就係100,「非勞動人口」40,「勞動人口」60,「有工作人口」50個,「失業人口」10個。
11. 嚟啦喎,咁你平時講嘅失業率,就係「失業人口」除以「勞動人口」—留意唔係除「適齡人口」。勞蘇國嘅失業率,係10/60 (唔係10/100 更唔係 10/120),16.7%,唔怪得啲友咁多勞蘇
12. 另一個有機會見到嘅術語,深啲,就係「勞動力參與率」(Labor Force Participation Rate)。係「勞動人口」除以「適齡人口」。勞蘇國嘅「勞動力參與率」,60/100,60%。
13. 呢個比率,可以受好多因素影響,例如福利好唔好,地下經濟大唔大,都有影響。個個可以拎救濟或做PTGF嘅,冇咁大意慾搵工。
14. 問題係,即使係同一個國家,呢個比率可以變嘅。一般都係經濟擴張時勞動力參與率高—原因好簡單,經濟好時工搶人,打工仔惡,好多可能半退休或在家做全職主婦主夫嘅都走返出嚟,甚至書都唔讀出嚟做嘢。經濟差,機會又少返工又受氣,自然有啲人覺得不如返屋企陪下仔女,之類
15. 咁仲有個概念,叫做employment-population ratio ,中文特登唔講,易誤導。employment-population ratio 係「有工作人口」除以「適齡人口」。勞蘇國嘅employment-population ratio係50/100,50%。
16. 結果而家見到啦, 美國employment-population ratio ,講緊跌到52.8% — 即係,47.2%嘅人係冇開工嘅。留意我特登寫「冇開工」,未必係「冇工開」。47.2%嘅人冇開工,不等於47.2%嘅失業率。
17. Anyway,2000年,呢個 employment-population ratio講緊64.7%,戰後最高。亦即係,即使最好嗰時,都有三份一人係唔返工嘅,當中應該唔少係主婦主夫學生,亦有啲廢青廢老。
18. 唔講咁遠呢?未肺炎之前,都有成61.2%,而家跌到52.8%。
19. 有幾誇張?其實二次大戰後, employment-population ratio從冇低過55%。當然當時社會同而家唔同,但如果講金融海嘯,都冇低過57%,而家係52.8%。
20. 如果用美國情況,而家「適齡人口」大約係2億,「勞動力參與率」大約60%,「勞動人口」大約1.2億咁上下。失業率13.3%,失業人口1600萬人咁上下,有工作人口即係1.2億減1600萬,1.04億左右。所以咪得出,個employment-population ratio大約 1.04億/2億,52%咁上下咯
21. 就係咁關係,係咪好簡單呢。其實畫個圖(comment有)咪明。47%人冇開工,但失業率係13.3%啫。
22. 最後,正路地,唔少人係離開咗呢個「勞動人口」,索性唔搵工。或者講得白啲,即係「實際」嘅失業率,比你見到更高。當然何謂「實際」都可以討論,失業率呢啲都係人為度嘅嘢,冇乜「實際」「唔實際」,睇你點定義。你話失業率47.2%都得的。點解要跟你個定義呀?聯儲局好叻呀?教大學好叻呀?PhD好叻呀?「我夠識好多PhD失業去送Pizza」
23. (*)未係全部,但幫你順時序(https://fbook.cc/3BKC)(https://fbook.cc/3BKD)(https://fbook.cc/3BKE)(https://fbook.cc/3BKF)(https://fbook.cc/3BKG)(https://fbook.cc/3BKH)
————————————
多謝你睇到呢度,而家到你救我全家了。新搞作。同Homeblogger新合作,以往得文字,而家玩短片。第一炮當然係你最關心嘅,下半年個市點睇。港股,美股,樓市。暫時斷次買。80蚊,講足半個鐘。你請我食一次飯一定唔止,我好大食的,食你七八舊水都得。
入面有埋圖,有埋恒指標普目標價,教埋資產配置,有埋6隻心水股。有港股有美股有大有細。
請去呢度睇:https://bit.ly/37S4iC5
課程編號:CC002
客服whatsapp: 63832145
銀行爆煲 在 Raymond Regulus Youtube 的最佳貼文
華為最后一騙吹到盡 ~ 冇Android 注冊鴻蒙露底牌
軒轅族真相起源 1:
https://youtu.be/JX07JmiRXy8
軒轅族真相起源 2 (starting 5:20):
https://youtu.be/stpffllb30g
~~~~~~~~~~
包商銀行爆煲, Jojigers 走資者聯盟 examples:
第二集: 台灣佬走佬
https://www.facebook.com/raymond.regulus.80/posts/10157085479981636
第一集: 走佬之蘋果
https://www.facebook.com/raymond.regulus.80/posts/10157085476756636
前傳: 李嘉誠走佬
https://www.facebook.com/raymond.regulus.80/posts/10157083287661636
外傳: 蕭若元跪低
https://youtu.be/FT1XxgsRwII
內傳: 孟晚舟著草
https://youtu.be/phVDPVfcCfw
and many more, too many episodes...
~~~~~~~~~~
#中国经济支爆 #中美貿易戰 #外匯管制 #特朗普 #習近平 #香港樓市 #香港股市 #香港關係法 #走資 #移民 #大灣區 #A股 #美金短缺 #美國聯邦儲備局 #黃金 #聯繫匯率 #逃犯條例 #金管局 #中國銀行 #中國人民銀行
Real News Source: https://raymondregulus.wordpress.com
軒轅光正 Facebook: https://facebook.com/raymond.regulus.80
![post-title](https://i.ytimg.com/vi/1t0Cp7faO88/hqdefault.jpg)
銀行爆煲 在 【華哥好政經】雷曼翻版?傳瑞信德銀爆煲/瑞信3 招挽救銀行 的推薦與評價
![影片讀取中](/images/youtube.png)
【華哥好政經】雷曼翻版?傳瑞信德銀 爆煲 /瑞信3 招挽救 銀行 /點解李嘉誠套現23萬元郵儲 銀行 大跌12%?. ... <看更多>
銀行爆煲 在 河南村鎮銀行爆煲類似事件只會越嚟越多維權事件一 ... - YouTube 的推薦與評價
![影片讀取中](/images/youtube.png)
習近平 #中國 #人民幣. 河南村鎮 銀行爆煲 類似事件只會越嚟越多維權事件一鑊接一鑊要搵嘢轉移中共二十大前中共為自救係乜都做得出香港人走人走資最緊要 ... ... <看更多>
銀行爆煲 在 村鎮銀行爆煲- Explore 的推薦與評價
【#村鎮銀行爆煲】示威現場突然有一批沒穿制服的人從銀行前門側邊衝出,從各片段所見,不少示威者被強行拖走,期間遭拳打腳踢、扯落樓梯,他們其後被帶到大巴上,有人已被 ... ... <看更多>