Search
正宗泰國風味
今晚約咗朋友食泰國菜，選擇了小曼谷泰國美食站，因為交通方便，位於銅鑼灣 tower 535，世貿中心隔離，出地鐵站幾分鐘就到。
餐廳裝修幾型格，聽講晚上八點起，仲有live music，不過今晚時間尚早，所以就欣賞唔到。
我哋點咗好多嘢食好豐富，蟹肉雞絲魚肚羹大大保，好多魚肚，亦見到一絲絲蟹肉。
泰式飛天炒通菜有鑊氣，份量大。海南雞飯嘅雞好滑，油飯香，囡囡差唔多自己清曬成碟。
燒脆皮白鱔，燒得夠香又厚肉。今晚嘅主角係泰皇咖哩炒膏蟹配泰式原味烤薄餅。膏蟹足一斤二兩，十分重量級。膏蟹多肉又多膏，配咖哩汁好惹味。咖哩汁唔會太鹹或者太油，配酥餅食一流。
西瓜沙冰囡囡大愛，夠曬清新香甜，用料新鮮。最後食埋椰汁西米糕拼泰式千層糕，滿足曬。
＃Thai #curry #crab #chickenrice
#watermelon #dinner #gathering #restaurant #hkiger #hkblogger #hkfoodie #COOLLIKEHK @ Minibangkok Thai Food Stataion 小曼谷泰國美食站
叙福樓集團（1978）在上周發出一篇很令人注目的公告：集團在一天之內關閉了三間分店，包括沙田新城市柳氏家、旺角瓊華中心及銅鑼灣世貿的牛涮鍋。主席黃傑龍亦同時指出，已經收舖但仍未開始裝修的永華麵家，也決定擱置開張計劃，輸少當贏。
對於店舖關門的悲慘決定，黃傑龍對媒體的答覆非常之好，很值得其他公關學習：他說停業不能夠怪罪任何人，只能怪自己管理不佳，社會運動帶來的社會成本，作為香港人的他，願意一同承擔；目前香港零售餐飲業經營極度困難，並非敘福樓才面對這個困境，建議大家唔需要特別支持他，就算去都去咗小店先。最後他在Facebook尾段寫下這句：「肯定我們將來會更加強壯，只要今次唔死。」
「將來會更強壯……只要今次唔死。」這句話很令人感動，最能代表香港人的精神。
敘福樓集團的名字雖然很「酒樓Feel」，但其實集團旗下的粵菜餐廳只有兩間，分別是「叙福樓金閣」及「煲仔王」，其餘十三間為亞洲菜餐廳（「牛涮鍋」及「和平飯店」）自有品牌店舖，以及「牛角」、「牛角次男坊」、「溫野菜」及「柳氏家」（韓式）共二十一間的亞洲菜餐廳特許經營店舖。今次將三間分店結業，讓集團經營的餐廳數目，從三十六間減到三十三間。
我在早前專欄的文章曾經指出，香港餐飲業真係好難捱，如果業務範圍不包括國內開分店，基本上係好難賺錢；當中以中餐酒樓最慘，例如擁有79間分店的富臨集團（1443），假如你到富臨幫襯100元，公司落袋只有0.5元，龍皇集團（8493）更是長期蝕本，反而火鍋店、快餐及麵店的盈利能力較好，Net Profit Margin可達5%至10%。
叙福樓最初以中菜起家，八十年代曾以「麗閣酒樓」、「嘉禾大酒樓」、「淘大酒樓」等品牌營業，後來以「叙福樓」打起市場，覆蓋面跨及香港二十多個地區，到二零一零年開始轉向，走「牛涮鍋」、「牛角」等日式路線。全靠放棄酒樓業務，敘福樓的盈利能力才變得更好，今年中期半年收入5.2億元，股東應佔溢利3,970萬元，假如你幫襯100元，其中食物成本28.9元，員工成本31.1元，租金及使用權資產折舊17.3元，其他開支17.1元，落袋有5.6元。當然這些漂亮的數據，主要由日式餐廳貢獻，兩間粵菜餐廳半年收入1.02億，但分部溢利只有211萬元，Net Profit Margin只有兩個巴仙，反而日式及韓式就可達到8%至10%。
雖然敘福樓集團的經營數據算是不錯，但自從去年五月底上市後，股價就由頭跌到尾，認真慘情。敘福樓在上市時曾經非常威水，超額認購高達531倍，招股上市價為1.1元，首日掛牌一開報已經是1.98元，收市也有1.54元，如果你當時抽IPO後立刻沽貨，應該夠去敘福樓及牛角食好多餐；但可惜去年中期業績盈利大跌57.1%，股價就一直向下尋底，就算後來盈利回升，股價較IPO仍是長期潛水。如果你從IPO抽到後持有至今，目前損失已經冇咗一半。
https://eastweek.my-magazine.me/main/91419
今日一日之內我哋暫停營業咗3.5間分店，有客人同埋朋友即刻問點解同埋關心我。其實三間分別係沙田新城市柳氏家、旺角瓊華中心及銅鑼灣世貿WTC的MMC牛涮鍋，仲有0.5間係收咗鋪未裝修嘅永華麵家現在也決定擱置了。 三間分店一向生意都只屬一般，過去呢幾個月亦係處於社會運動的核心區，踏入10月只有正常生意的10-20%，能夠頂到今天已經係同事最大的努力，奈何實在係虧損得太嚴重了。 停業唔可以怪任何人，只係我管理不佳。 中美貿易戰嚴重困擾本地經濟，港鐵經常突然提早關站，都明顯加速了問題的浮現。社會運動帶來的社會成本，我作為香港人當然願意一同承擔。
生意人做到要關門從來都係最困難嘅決定，但係面對着完全不明朗的處境，再困難的決定只要正確，都要馬上落實。 三間鋪我堅持一個同事都唔裁減，全部同事只要願意都會繼續被聘請調去其他店舖。
我會繼續懇請同哀求各大業主高抬貴手願意減租，6月至今暫時只有兩個舖業主同意減租，雖然減幅是很少（幫助極微）但係我內心都好感激佢哋，因為只講合約精神的話其實佢係一毫子都唔需要減嘅。
我唔想裁員，只要同事願意一起努力，一起面對困難的前路，我希望敘福樓集團仲會成為一間百年企業。今天香港亦有一些百年企業，100年以上即係經歷過滿清倒台、國共內戰、第二次世界大戰、六七暴動、中英前途談判、天安門事件、金融風暴海嘯地震、SARS... 既然這麼困難都有企業捱得過，正好是我們學習的榜樣。(事實上我們公司亦係捱過咗以上其中幾個難關)
我會繼續擔任公司CEO，直至同事與顧客對我嘅支持率跌破50分，絕對不會等到低過20分。懇請大家繼續指正教導🙏 , 肯定我們將來會更加強壯, 只要今次唔死😅。
今天香港整個零售餐飲業都經營極度困難，所以唔係單單我面對這個困境，大家唔需要特別嚟支持我，去都去咗小店先💪。
