【英國《Sky News》報導香港示威，香港嘅警察緊係有辦法扭轉局勢搶返傳媒個FO（Focous）。
當觀眾覺得好似有啲激嘅時候，奇妙嘅畫面就响眼前出現，警察响（銅鑼灣）地鐵站口掉出一個無目標嘅催淚彈，記者Alex Crawford指警察之所以極不受歡迎（deeply unpopular），就係警察呢類咁嘅應對方式令香港人震驚（responses like this had shocked Hong Kongers ）。另外，警察每次都响示威者走晒或者融入人羣嘅時候，先好遲咁衝出黎控制場面。
【英國《Sky News》報導香港示威，82歲「守護孩子」伯伯表示：
「啲細路已經流咗好多血，香港人嘅細路仔唔應該再受呢啲痛苦！」】
今日（9月8號）英國（歐洲）最大有線新聞頻道《Sky News》，報導香港美國領事館示威。主播報導香港第十四個星期出現示威，示威者要求美帝「解放」（liberate）呢個城市，然後出現衝擊行為。好似平平無奇，不過經過駐港特派員Alex Crawford現場精準嘅報導後，觀眾就明白報導嘅主角又又..又再係香港警察。坦白講，每次睇英國廣播媒體報導香港示威，初頭總會擔心會令人感覺激進，但係香港嘅警察緊係有辦法扭轉局勢搶返傳媒個FO（Focus）。今晚佢地响《Sky News》繼續無令觀眾「失望」，加埋嗰位82歲「守護孩子」伯伯嗰句"Children of Hong Kong should not be suffered in this way"，可以話係將所謂嘅the world finest推到覆蓋歐洲再推出國際。
報導開頭影住啲美國旗同人羣，話示威者就係咁樣回應香港特首早幾日嘅所謂讓步。佢地要求美帝議會支持香港擁有更多自由同民主，當啲示威者舉高五隻手指，就解釋等如五大訴求，"Not one less" they shout（佢地高呼缺一不可！）。呢個時候Alex Crawford就將觀眾嘅注意傳移到香港警察，表示其實好多香港人真正嘅焦點都係警察嘅所為（ much of the focus now is on the police）。鏡頭一轉就係勇武前線嘅頭盔嗰幾個字，"Give me LIBERTY or give me DEATH!"（「不自由，毋寧死！」呢句美國獨立革命名言）。形容示威者依家更強硬，堅定同激進（tougher, more determined，more aggressive），主要目標都係地鐵站，重複咁製造障礙同向其中一個出口放火。
當觀眾覺得好似有啲激嘅時候，奇妙嘅畫面就响眼前出現喇，警察响（銅鑼灣）地鐵站口掉出一個無目標（或者示威者）嘅催淚彈（好似掉中咗個記者）。Alex Crawford就形容警察之所以極不受歡迎（deeply unpopular），就係警察呢類咁嘅應對方式令香港人震驚（responses like this had shocked Hong Kongers ）。之後畫面就出現SOGO門口充滿行人嘅時候出現催淚彈，話警察每次都响示威者走晒或者融入人羣嘅時候，先好遲咁衝出黎控制場面。
報導嘅結尾就用一位82歲著住「守護孩子」背心，帶住口罩游泳鏡嘅Tony Wong伯伯差啲喊嘅訪問做總結。「我每次都用雙手舉高拐杖，叫佢地（警察）唔好再傷害啲細路仔。啲細路已經流咗好多血，香港人嘅細路仔唔應該再受呢啲痛苦。」。Alex Crawford話伯伯之後比佢睇睇自己隻腳被打嘅傷痕，然後帶上口罩話準備受催淚彈同橡膠子彈，臨走嘅時候叫記者小心...
Video Source: Sky News 08/09/2019
《Sky News》Alex Crawford文字圖片報導：
https://news.sky.com/…/protesters-need-powerful-outsiders-t…
#天理何在
#TheSkyIsWatching
銅鑼灣地鐵站sogo出口 在 香港Timehouse戀戀時光銅鑼灣SOGO地鐵站D1出口館 的推薦與評價
我們在銅鑼灣時代廣場旁.離銅鑼灣地鐵站F1出口走路五分鐘,鳳鳴大廈裡接了八套賓館改裝38間套房.有合格牌照.消防.可以開發票~歡迎預約. ... <看更多>