［JR東日本JR西日本史上最大虧損］鬼咩，政府津貼一半都冇乜人坐，客量得返舊年25%。不過冇事嘅，死唔去的。
上次寫過全日空供股（https://fbook.cc/3Ghh），寫過飛機，今次就寫火車。實情我唔係飛機膠亦唔係鐵膠，甚至唔係日本膠。不過你地鍾意睇。
原文：Japan struggles to fill bullet trains running with empty seats（https://bityl.co/3qQ3）
1. 小小背景，我估好多人知，但唔知嘅快講。日本嘅JR，1987年開始已係完全私營。7間公司，1間貨運，6間客運。貨運就全國，6間客運就係不同地區：JR東日本，JR西日本，JR東海（英文叫Central），JR四國，JR北海道，JR九州。當中JR東日本，JR西日本，JR東海同JR九州呢4間有上市。而4間之中亦都好易估到JR九州最細，另外3間都係日經指數成份股。
2. 更有趣係日經指數其實有8隻鐵路股！咁仲有5隻係乜？正係私鐵，東武，東急，小田急，京王，京成。當然5間市值大過JR九州，私鐵大城市多人坐，當中以小田急最大，市值比得上JR西日本！
3. 頭先講咗，7間JR，4間上市，JR九州當然最細。另外JR東海，JR東日本，JR西日本三隻都係日經指數成份股，邊隻最大？「上一段最尾咪暗示咗JR西日本最細」，而JR東海係大過JR東日本嘅，可能因為東海道新幹線，一命救全家，成檔JR東海九成收入嚟自東海道新幹線。
4. JR東海講緊2200億（港紙，下同）市值，JR東日本1800億，JR西日本大約740億。大約咩概念？比較下。JR九州係260億市值，而小田急電鐵差不多720億。如果同航空公司比？其實全日空都不過係630億市值，日航仲細啲。香港嘅因航，就350億市值左右。大約有個概念。
5. 咁但，正如航空公司經營艱難，JR公司可能好少少，但都係相當惡搞。而家新幹線，就冇內人坐了。幾間都預今年虧損係成立以嚟（1987）最大，JR東日本預蝕300億，JR西日本預蝕180億，JR東海照舊係最好狀況，但都預蝕40億。比較下（雖然冇乜可比性），市值細一截嘅因航半年已經蝕咗100億，「都未執笠啦」。所以財政上仲係安全，但股價當然就麻麻地，好過航空公司咁咯，但年初至今都要跌三四成。
6. 點解蝕錢？當然係因為冇人坐。上次篇文講過，全日空國際線當然近乎冇晒，8月得返舊年4%嘅客，但國內線8月叫做有舊年同期25%。咁JR東日本同JR東海呢（冇講JR西日本）？客量都係得返舊年同期25%。
7. 少少唔同嘅係，JR幾間公司，今次係有政府幫幫手嘅（航空公司好似冇）。暫時未直接出手，但搞咗個Go To Travel嘅東西，鼓勵國內遊，津貼火車費酒店景點入場費，最高可以去到政府出一半。
8. 問題係，似乎唔多見效，個計劃7月出，而你見8月啲客量都係得舊年25%。政府貼一半都仲係咁喎！所以原本唔包東京，剛剛都要加埋了。但真係等到鍾嘉欣又返返嚟，韓馬利又唔爭氣。咁玩法，又到航空公司叫救命了，近乎直接競爭的（不過聽聞東京—京阪神呢段反而好啲，因為關西個機場離市中心好Q遠）。
9. 點解冇人搭？倒唔係冇錢（況且，有閒情國內遊戲怕且多數係退休人士，日本好多老嘢，仲好富貴），而係怕死，驚感染。亦都有啲人批評個計劃會令到啲老嘢周圍播毒。同埋唔少真係有錢又有閒情國內遊嘅，都寧願自己開車。
10. 重災區當然係京都。去過京都都知，超超超多人，好Q恐怖，我係去到發火的，香港人大陸人台灣人韓國人白人黑人乜人都質滿晒，在嵐山連電話都上唔到網！夠痴線未？但而家就物極必反，國外客固然得返0.2%（唔係2%），國內遊客都只係得返一半。祇園（＊）啲藝伎就話冇飯開了。
11. 不過，話說日本似乎無論如何都要推2021奧運如期舉行，亦都無論如何唔想閉門，仲無論如何希望有海外遊客。咁所以，冇事嘅，唔會爆煲。
（＊）做廢老講一下，應該去過京都或福岡都知，Gion，係「奇」園，唔係紙園。但唔少人係去完日本先發現，甚至以為係日文地名，絶對係米赫洛域射出一個碧咸式罰球。查實灣仔咪有間齋舖，東方小祇園嘛。又，嫌未夠廢老磨墨嘅，不妨話畀女神知，嚴格嚟講應該係神「祗」唔係神「祇」，但當年條友由印度抄，抄抄下抄錯，中文日文結果都錯晒，等於風見隼人變咗風見車人。但無論如何，係「奇」園
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
鍾嘉欣 背景 在 TVB 民初醫藥| 大藥坊01/30 | 黃浩然(繼祖)鍾嘉欣(佳期)救助病童 的推薦與評價
(iOS觀眾須以網頁版YouTube加入成為會員) 按此連結加入 https://bit.ly/3vRqMQX 本劇因音樂版權所限，中段某些部分的聲音或 背景 音樂會被移除， ... ... <看更多>