關於 鍾意加咩餡都得 ，我們在網路上蒐集到這些相關的討論、資訊與評價

我老公365日都要食個麵包🥐飲杯咖啡☕️做早餐先醒神😎🌞
就係因為知道市面上大部分出售嘅都係「化學麵包」，之前買過麵包機做包，但佢對飲食好有要求，唔鍾意麵包機做出嚟嘅口感，咁我又有一輪去日本/ 法國麵包舖買麵包，但貴之餘都唔肯定佢無落添加劑，卒之的起心肝自學做包。
睇完呢篇文👇🏼更加覺得自家做包帶比屋企人嘅健康、幸福是無價的~
#但真係要勤力啲囉😆
#自學做包
#鍾意加咩餡都得
#一樣做到好鬆軟

「化學麵包」點解長命又唔發霉呢？

因為自幼已成為「麵包控」，所以十多年前學做自家麵包，以為麵包主要原材料是麵粉、水、鹽、酵母、糖，詎料再認真細看超巿及連鎖店出售的常規製作麵包，方發現以內裡加了許多食物添加劑，成為食物添加劑混合的「化學麵包」

就好像麵包，其食物標籤竟然有17種食物添加劑 (小麥粉、水、糖、動物油、脫脂奶粉、鹽、麵粉處理劑 (含有麩質的穀類、E300、E341、E516、E517、E927a)、酵母、磷酸三鈣(0.5%)、麥芽精(大麥製品)、乳化劑(E481、E482)、防腐劑(E282)、增味劑(E631, E627)、維生素B、鐵質、葉酸) 。數量之多，令人難以致信，究竟我們是吃麵包，還是吃化學劑呢？

有傳媒為了證明哪一款麵包最易發霉，哪個壽命最長，於是就搜羅巿面4大品牌：嘉頓方包、東海堂方包、聖安娜英國方包、美心高級方包，並將各塊麵包放進密實袋內，模擬一般存放麵包的環境 (平均室溫：約攝氏23-26度、平均相對濕度：約72-90%)，結果「嘉頓方包」以大熱姿態勝出，成為最長壽的麵包，放足一個月都白滑靚仔，沒有面青發霉，而背後的致勝原因是加添了大量「防腐劑E282酵母含乳化劑491、抗氧化劑300」。
防腐劑的主要作用壓抑細菌滋生，防止腐爛發霉，保持麵包的「新鮮感」，延長產品的保質期，一定會加入大量防腐劑，以抑制霉菌及其他微生物生長。其中防腐劑E282，可致小童出現急躁、情緒不安、注意力不集中、睡眠障礙等。

每當看到這些食物危機的新聞，明白到現時食物工業雖然帶來方便、廉宜、大量的加工食品，同時亦在不知不覺中危害身體健康，破壞自身的免疫系統，並影響精神和生活質素，長期食用會為此付出沉重的代價。

文&圖節錄自網上。

#高cp值必買 #東京便利店 #東京便利店手信

Hello大家好, 今日又為大家介紹東京池袋無敵家對面嘅711便利店,
池袋係喺東京旅程中一個幾好住嘅旅館地區, 大家可以去無敵家食完宵夜, 再過嚟呢間7仔買零食早餐,旅行用品、手信一樣方便,
快啲睇下今日嘅十大必買, are you ready?

第一必買, 7 PREMIUM GOLD黑毛咖哩牛肉, 我要介紹畀大家, 7 PREMIUM GOLD喺日本7-Eleven屬於「最高級嘅自家品牌」, 產品嚴選日本優質原材料，採用日本精湛生產技術製成。只要大家認住呢個logo, 下次去7仔就唔使淨係感覺上買cheap嘢.其實7仔都可以買到好多優質嘅食品同用品,而且佢係著重品質高而價錢低嘅商品, Premium Gold 金色咖喱牛肉是日本7-11 旗下最高級的食品系列，
呢款嘅咖哩牛肉100%使用安格斯黑毛牛，加入切得很細碎的洋蔥，再以紅酒，烤雞，黑毛牛、糖、蔬菜燉煮，淋喺飯上面絕對好食到停唔到口 ,第二必買, 森永蘆薈乳酪飲品, 呢個產品包含蘆薈衍生的三聚酚和蘆薈衍生的環戊醇，可以增強皮膚的水分保持力並且增加水分含量。旅行舟車勞頓一定唔夠瞓, 飲咗呢個飲品, selfie都會靚啲。
第三必買, 如果你大頭蝦唔記得帶洗面奶, 又或者唔想咁重攞上機, 呢個雪肌粋旅行護膚套裝就最啱你,肌粹係遊客喺7仔嘅搶手貨, 亦係高絲集團經典系列「雪肌精」嘅姐妹品牌，親民嘅價錢, 不管自用或送畀人都好適合。「雪肌粋」是日本高絲集團與7-11共同開發的商品系列，同雪肌精一樣添加有薏仁淬取液同埋漢植物精華，
堪稱高CP值必買產品，套裝裏面嘅雪肌粋淨白洗面奶white washing cream,同埋雪肌粋卸粧oil in cleansing gel, 絕對係呢個品牌嘅皇牌產品, 你值得擁有,第四必買, Papico朱古力latte咖啡冰棒, 口感香濃順喉嘅咖啡味, 可以用口同鼻都享受到,外型似汽水樽,一包裏面有兩樽, 情侶可以買一包就夠喇,好似我哋細個食過嘅孖條,市面上咖啡味嘅雪條比較少, 凍冰冰一對小情侶喺街度相擁食雪條, 呢啲叫做咩呀?係愛呀!

第五必買, 山椒香鹽撈麵,去日本梗係要買即食麵喇, 但係咁多款點揀好呢,呢個麵厚而有彈性的細麵條有山椒嘅味道，附有特製鹽味的雞肉湯, 記得個湯係放落另一個杯嚟享用,包裝有寫明㗎, 而且佢只需要焗一分鐘就夠,無論係宵夜、ot都最方便啱食、亦係長期糧尾嘅至愛。

第六必買, 炙燒辛子明太子, 明太子來自於助惣鱈的魚卵。明太子嘅用途非常廣泛, 可以用嚟送飯、加入意大利粉 ,亦可以搽喺麵包餅乾上, 當下午茶, 明太子是魚卵，除了有DHA和EPA能幫助血液循環、仲可以促進腦部發展、降低血液膽固醇等效用之外，更加含豐富嘅蛋白質、維他命B1、B2、E和礦物質鋅等營養素。尤其係礦物質鋅，配合蛋白質的作用，可以幫助發育、能量代謝、傷口癒合等功能。又要食得平, 但係又要豐富營養, 其實日本食品有好多選擇。

第七必買, 暖腳板貼, 最高溫可以去到43度攝氏,平均溫度係37度攝氏, 可以持續五個小時,如果你成日手腳冰冷, 又去到啲好凍嘅國家旅行
,呢樣嘢就最適合你, 送畀老人家都好窩心,因為老人家通常活動量較少, 貼喺個鞋底就ok啦,唔好直接貼喺腳嘅皮膚。

第八必買, 關東煮, 通常材料包括雞蛋、蘿蔔、薯仔、海帶、蒟蒻、魚丸、竹輪（魚漿或豆類製品）等等,將呢啲食材每種都分别放在一個個的鐵格仔鍋中，用海帶鰹魚熬製的高湯細火慢煮，煮好後就可以吃啦,看似普通的燉白蘿蔔，入口即化。根本唔需要咀嚼,蘿蔔亦吸收咗高湯嘅鮮甜味 ,仲有白玉子,即係關東煮嘅水煮蛋，鹹味中帶著一點鮮高湯甜味,厚實嘅椰菜卷，加上雞肉餡料，經過高湯浸過之後,回味無窮。仲有牛筋串、厚炸油豆腐、炸魚肉、蒟蒻絲、雞肉小福袋,
便利店24小時開放, 旅行一日三餐,可以揀一餐食關東煮, 2 30港紙就已經食得飽飽喇 。

第九必買, 日本明治Colaup可樂樽軟糖,特色就係超彈力， 好有趙勁、可樂味好重 ,食完個口會有好香可樂味, 我有位好朋友,即將會同男朋友去馬來西亞旅行,但係男朋友好鍾意食榴槤, 我個friend就好討厭榴槤味.所以我買咗呢隻糖畀我朋友, 佢自己食咗就聞唔到男朋友嘅榴槤口氣.一係就叫男朋友食完榴槤之後食呢隻糖,如果佢男朋友食完榴槤, 再飲罐可樂, 返啲氣出嚟, 我都幾難想像,所以都係食呢隻糖喇,
第十必買 , 便利店都有好多雜誌賣㗎,上次我講過, 喺日本買雜誌好多贈品㗎啦,唔知道你哋喺唔喜歡我今次呀介紹呢?記得留表情符號以示支持,入7仔點止十件必買咁少呀,約定你, 下一條片見, 88.
請用片右下角調4K睇片。

噓……
天空墨黑，厚雲沒星。手錶上指針是凌晨二時，大部分人已熟睡就寢，街上一片寂靜，黑暗滿佈街角，昏黃街燈，照得人睡意濃濃。

嗞嗞……
機器的轉動聲卻在深水埗福華街，一排關閉的鐵皮小排檔叢後，一間鋪頂上書「坤記士多」四個大字，在鐵閘縫中透出幾扇白光，聲音就從這製糕工場發出，訴說着眾人皆睡我獨醒，明碼實價的起早摸黑，辛勤的一天就從這嗞嗞作響揭開序幕。

「由晚到朝，由早到夜，循環不息，兩三點鐘起身開工磨米，做埋洗埋嘢賣埋，兩更人，收埋鋪夜晚八點幾，年中冇息休㗎！不過唔緊要，慣㗎啦！」半頭白髮的傳永祥一口沙啞地說。

傳永祥是坤記老闆和掌舵人，64歲，對這數十年如一日的辛勞已司空見慣。還有弟弟傅永康，三個協力的阿哥阿姐夥計，同時在凌晨開工，默默無語。守在四五十度高溫的火爐邊，人人揮汗如雨，各佔各崗位的忙着磨米、抽出抽入竹筲簊、提上提落重甸甸的石頭壓漿，誰也沒注意到這百忙的街外上一絲靜態。


咔嚓……
一手拉開了店面的鐵閘。時為早上七時許，深水埗地鐡站B2出口旁，這不過百呎，80年代士多的舊模樣，汽水、香煙、啤酒、土炮……，老士多的產品。然而主角是陸續放到店門當眼處的各式老糕，白糖糕砵仔糕芝麻糕紅豆糕……琳瑯滿目，吸引途人。連銷售也數十年不變。現時外面的糕都早已包裝好，這裏卻依舊即切即放磅上秤重量，再入小袋給客，這樣的動作常惹客人投訴慢。

「件糕幾重就收幾多，冇呃秤，夠均真！幾廿年都係咁，冇變過，舊時啲人冇投訴㗎！」

隨時代變遷，深水埗生活改變了，舊的事物正在消失，他仍竭力保留這裏的一點一滴。分毫不動，緊握着舊。

「我都後生過，輕佻過，試過變新，錯咗一次，唔可以再錯！」像他的白糖糕，水靈模樣，心眼兒透亮，會有點調皮。他也曾稚氣未脫，違反父旨，背叛自己，陷於迷惘，卻終歸是貼心的。還不忘父訓：「做人做生意要對得住天地良心。」


一度無心之心，使他念茲在茲，謹遵此宗旨，勤懇守着，天荒地老。縱使父已逝，精神卻長存。

父技藝恭謹以待

嗯……
閉目沉思的他，想起父親，思緒如泉湧。他祖籍順德，鄉下作為魚米之鄉，河澤廣佈，水域通達，適於稻米生長。賦予了製作米糕的創造力。選粘米、糖、水這些家常材料製成的白糖糕、砵仔糕等，是稻米變身的傑作。

看來簡單，實際上製作十分繁瑣。父親傳承的技藝，他不怠慢，淘米、浸米、磨粉、壓水、和餡、發酵、灌籠、水蒸，做足八道工序，糕才爽香可口。

滴噠滴噠……
磨米的滴水聲，回應着石頭壓印米漿滴出的米水聲，格外清脆。他將用半新舊的泰國粘米按比例混合，浸泡一晚軟了的米放進磨機，扭動水喉，米粒漸研磨成漿，奶白的水柱細細流進布袋。紮好裝滿米漿的布袋，然後抬塊大石把米漿重重壓着，待水分全部流走，壓成半乾濕的米粉糰。以壓乾的米粉糰上秤，斤両才準確。

「用磨米壓出嘅米漿嚟蒸糕，啲糕有一種膠質，特別煙韌。」他一時忙着調校不同糕點的糖水米漿，這個要加黑芝麻漿，那個要放紅豆……一時又要磨糯米粉，做煎堆、包茶果。磨米機在一邊動，他也像機器一樣，沒有一刻停下來，多磨人！

最不容易是順德獨有的白糖糕，壓成的米粉糰，加入糖水搓勻，擺放到晚上，粉糰不停發酵，晚上變「老種」，又配搭新加了糖的米粉糰去，再發酵到第二日才蒸，往而復來，日日如是。白糖糕好不好吃？還是靠發酵。米與糖水的比例怎樣？發酵時溫度如何？全靠他拌和米漿時，一雙巧手去感應。

將發了酵的米漿倒在竹箕上，拿去蒸。「蒸起咗啦！蒸起咗啦！」隨着他揭開蒸鍋，熱氣上升，夾著帶酒味的甜米香，一股複合香氣撲面而來。剛蒸好的白糖糕白嫩蓬鬆，密密的小氣孔如同蜂巢一般，光滑剔透。嘗一口，軟滑爽口，甜甜的滋味帶着剛出爐的暖意在舌尖化開，口感綿密帶韌勁，微微似米酒的香氣，意想不到的清新吸引。

家傳秘方不易來

呼……
他大力地呼出一口煙圈。這個做糕的家傳秘方，是寶貴的經驗及睿智，都是他的父輩，順德人一代代口耳相傳下來的結晶。最初，也與一口煙有關。

「我老竇叫傅坤信，戰前喺順德嘅茶樓打工學整糕，佢個師傅做嘅白糖糕爽彈細膩，點樣整？佢就教啲唔教啲。不過呢個師傅係食大煙嘅！」

食大煙，即抽鴉片，當年是合法的，很平常，但價格高昂，普通打工的吃幾遍可花掉一個月人工。他父親知師傅有煙癮，出錢請食，期望師傅上足電，會過招教他。這樣的討好非一推即就，師傅一次不教、兩次不教，直到第八次才教少許。之後不斷請食，師傅才像擠牙膏般逐少逐少地教。

「請佢食個大煙，嗰份糧畀晒佢㗎啦！老竇先慢慢學到做糕竅門！」到他父親成功獲知箇中秘訣，幾已傾盡家財，可謂得來不易。和平後，他父親就帶着這秘方，到香港打工。

做米糕養家餬口

依呀﹗依呀﹗
石磨在轉動，轉一圈就依呀一聲，昔時就是用石磨磨米做糕。「我老竇嗰時喺香港嘅油器白粥大牌檔做糕，用石磨磨米，憑學番嚟嘅秘方整出好食嘅糕，其他師傅都冇佢整得咁好，啲客咪叫我老竇不如自己出嚟做生意！」

1965年，他家住唐九樓，在十樓的天台自立做糕，山寨原始，做批發生意。「點知攞貨買嗰啲商戶客，好生意就嚟攞，唔好生意就唔攞，落雨唔嚟攞又唔找數，啲糕剩喺度唔通倒咗佢，我阿媽咪拎出街賣囉！」山不轉路轉，他母親挑起擔挑，秤兩隻竹籮，糕點放在籮上，到福華街、北河街沿街擺賣。那時小小的傅永祥，已跟着媽媽一起上街。

「老竇真係好勤力，佢一個人，用手磨米、石頭壓水、米漿溝糖水、發酵、入爐蒸，嗰時仲用燒柴，乜都一腳踢！」父親就靠這糕養活一家九口，逐漸做到有生意，坤記的雛形就是這樣形成。

窮人孩子早當家

鈴鈴鈴鈴……
鬧鐘響起，早上六點，傳永祥兒時最痛恨這聲音，他不情不願的起床來。「起身幫老竇開檔，之後七點幾返學，到下晝三四點放學返嚟，又磨米、搓糕，整呢樣整嗰樣，到夜晚九點，先去做功課……」

對一個小孩，體力及精神都往做糕去，上學沒精神，成績也越來越差。「整整下無心機讀書，升唔到班，咪冇讀，一路跟住老竇去做糕。」中二就輟學，這遺憾一度令他無法釋懷。

「人哋放學就去玩去踢波，禮拜六禮拜日去露營、去旅行。我禮拜六禮拜日都要開工，好辛苦架！做糕有咩樂趣？」他很矛盾，對做糕，嘴裏說着嫌棄，實則卻又留有美好回憶。「當年冇咁多電子產品，我細個陪老竇開檔有得食，又同其他檔口嘅細路玩，賣出啲糕，老竇賞我零用錢，幾開心㗎！」多年後憶起與父親一起賣糕的時光，苦中有樂，很寶貴，他特別珍惜！

他與父母漸漸做到生意，從街頭做上排檔，他的工資也多了。「嗰時未識諗，冇儲低！啲錢淨係愛嚟行街睇戲食飯，唔夠咪問阿爸攞囉！」

人迹渺意興闌珊

轟隆轟隆……
地鐵行走聲音劃破寧靜的深水埗，時為79年起地鐵。坤記被迫搬到南昌街的大牌檔。「因為唔就腳，完全冇生意，做糕生意差，搵唔到錢。」同期麥當勞又進軍香港，市民多了選擇，坤記漸被擠到邊緣去。生意不佳，令傅永祥更加意興闌珊。

「我都要支人工，飲茶食飯都要錢。做糕冇前景，都諗轉吓行啦！由細對住呢行咁耐真係厭㗎，邊至想做？當然唔想做！」常言做那行，厭那行。他放下了做糕，離開父母和弟弟。當時他考到的士牌，就去揸的士搵食。

當了的士司機，他才發現爭食的士愈來愈多。「的士多，分薄咗，難搵食，我覺得揸的士已經唔合時宜。」他只好回家再做糕去。

人心之花散落時

哎呀﹗
這痛楚的嘶喊，如被一拳激中喚醒做糕的初心。他離去而再回來，父親沒有責怪，但最終也要靠父母，他感覺像欠了一個情。這時父親年事已高，還交付給他打理。他有感傳統磨米、壓漿、發酵，花工夫又費時，生產能力低。適逢工場拆樓，沒地方磨米，他打出如意算盤來。「新時代講求快，可以用現成嘅粘米粉，節省咗磨米艱辛嘅過程，慳番唔少成本。」

有不待風吹而自行散落者，人心之花是也。人心搖蕩、人性明暗，有跡可循卻難以理解。他騙得了自己，卻瞞不到客人，有些熟客吃過，覺得不是死實實，便是散收收，味道不同了。當他面前，把糕丟進垃圾桶，這恍如大力地摑了他一記耳光﹗「我好唔開心！」

客人騙不了，一個個離去，不單虧本，父親打下來的江山招牌也搖搖欲墜。他痛過，才領會，才醒覺。「老竇曾經同我講，做生意最緊要老實，對得住啲客，如果啲嘢唔得賣畀人，等於呃人。」

痛定思痛，自此，他堅持用傳統方法，磨米蒸糕，慢慢把客挽回來。

兵戎相見終告捷

傾哐！傾哐……
電視機傳來武俠劇的刀劍聲，短兵相接，仿如與同行舞刀弄劍的惡鬥……八十年代，大牌檔人稀少，父母接受他的提議，到較多人流的福華街租鋪，他可以邊看着電視邊賣糕。

如今他不辭勞苦，店仍維持磨米做糕，果然吸客，生意滔滔。那時深水埗有不少經營糕點的行家，見其客人川流不息，不免見獵心喜。某行家到來請教，叫他傳授做糕訣竅。「老竇當年都千辛萬苦先學識，而家問一問就要教你，有冇咁便宜嘅事？況且你又喺深水埗做糕，教咗你，咪搶自己嘅生意？傻㗎！」

他拒絕了，於是行家心生一計，急遽地將其租鋪買下。「佢買咗間舖，繼續租畀我哋，遲遲唔收，等我做旺咗佢先至要返，到時接收晒我啲客，賣佢嘅糕。」

他被擺了一道，但對方有鋪佔了優勢。他覺得租鋪不是長遠計，立意要父親買鋪。機緣下他們買到隔鄰的店，即現址的角落鋪，於是搬到鄰店繼續賣糕。行家業主收回原店，賣同樣的糕品，兩家並列打對台。「大家爭，佢鬥平，佢賣五蚊三件，我一件三個半。啲客嚟買，話我貴，但一樣幫襯，因為我嘅糕好食過佢。」

對家乏人光顧，大拍烏蠅，結果結了業。「以前一直覺得老竇嘅手藝好平常，而家我知道係寶。」他深深感到做糕秘方的強悍和魅惑力，亦全憑這贏了漂亮一仗。

仍不敢須臾或忘

啪啪啪啪……
掌聲響起，在百般磨難過後﹗97年金融風暴後生意轉淡，他想到增加產品提升銷售。「試過加整老婆餅、合桃酥，同芝麻糕、紅豆糕、馬蹄糕。啲客都係鍾意食用磨米做嘅糕，麵粉做嘅老婆餅冇得留低，磨米嘅紅豆糕同芝麻糕都賣得，就繼續賣到而家。」

他將芝麻磨粉混合米漿倒進盤內，先蒸熟第一層，然後第二層、第三層，如此類推，蒸到第九層，做出芝麻糕。入口綿細軟滑，慢慢化開，不甜膩，飄散出芝麻香氣，細嚼還能感覺到點點的黑芝麻末，滿嘴生香。內裏沿用父親的磨米米漿，糕身特別柔韌有米香。

03年，《飲食男女》報道坤記，指明香港製造。「由嗰時開始旺，生意幾倍咁升。到15年攞米芝蓮推介，多咗好多外國遊客慕名嚟幫襯。」

店子紅了，親友都建議他擴大工場、增加產量。「要快就要機器生產，就冇咗手做嘅味道。」用手做糕，時間有所局限，快不得，產量不多，如白糖糕一天最多二十多底，砵仔糕一天只一千幾百碗。他斷然回絕。

「唔會大量生產！我一定唔會再犯錯！」他絕不容犯下些許錯，縱使別人不追究，自己卻不敢須臾或忘。堅持遵循父法，不粗製濫造。09年父親因年邁身故。「我會盡自己能力細心做糕。咁樣做係為咗品質，亦係為咗啲客。更大嘅意義，係為咗阿爸。」他回憶中的父親，為人正直，扛起家庭和事業，勤懇堅忍，從未埋怨過辛苦。做人忠誠，對客童叟無欺，因而儲落大批熟客。

入夜，他開啟門口射燈，照着坤記的招牌，淡淡的糕香，歷五十年而不散，讓人念念不忘，有燈就有人，延續父親的精神。

撰文：孟惠良
攝影：關永浩

坤記糕品專家
地址：深水埗福華街115-117號北河商場地下十號鋪
電話：2360 0328
營業時間：7:30am-8pm
詳情： http://bit.ly/2QLfzLk

焗薯都可以用微波爐就做到？
自己鍾意加咩餡料都得～好方便！
路專員Hoyin建議咗幾種食材
凍豆腐就幫佢完成咗心願！！
（雖然就話暗黑，但其實幾好食...）

想知多啲就Click入嚟啦 ：
http://www.roadshow.hk/115077/

一 [路]追貼我地
FACEBOOK： https://www.facebook.com/RoadShow.hk/
WEBSITE： http://www.roadshow.hk
INSTAGRAM：ROADSHOWHK