趁住我仲有啖氣就寫下感想先！(早兩日真係病到透氣都冇力...)
老友劇團：
首先，恭喜你哋可以完成左一個奇蹟一樣嘅演出，係平常演出嘅1/10入台排練時間之下，甚至互動環節係幾乎未排練過嘅情況之下，可以完成一個互動性強、暢順、令觀眾歡呼的演出，的確好唔容易！但係你哋做到啦！
其次，我想同你地講一聲：對不起！今次嘅演出綵排，我比以往對你哋嚟得嚴格，甚至乎要求你哋做一啲比較難度超乎你地想像嘅演出調節，但係我希望你哋明白：我所做嘅一切，係視你地為演員嘅一個尊重！
本身今次嘅演出難度就係高，同以往嘅街頭劇唔同，並唔係可以即興處理咁簡單，入到舞台，好多野都唔係我哋控制到，做演員唯一可以做嘅，就係準確地做好自己嘅演出！
我嚴格，係因為我知道你哋可以行得幾遠，所以無論如何我都會要求你地行到嗰個距離，成為嗰個最好嘅演員！因為世界上最清楚你哋演出能力嘅人，一定係我。所以無論你鍾唔鍾意我都好，我都會對你哋有！所！要！求！
還記得演出前的晚上，睇到大家咁「極端」嘅排練，真係好擔心，真係擔心到瞓唔着，所以演出前瞓得兩個鐘...我喺度問自己：「係咪應該要放棄一個好睇但難度高嘅劇本，而用一個簡單但相對冇咁好睇嘅劇本，去遷就你哋呢？」「我一直咁嚴格要求你哋係咪錯呢？」
最後，感謝你地係演出前的一晚，做好晒演員嘅本份，預備好自己係舞台上展示咗自己接近400%嘅進步，當時嘅我真係既驚喜又感動！「我總算冇睇錯 #老友劇團 呢一班演員！佢哋的確可以比其他人眼中嘅演出更高一線！」
係上年嘅街頭快閃劇場，我讓你地感受到演出嘅快樂同埋歡欣。
係今年嘅長者互動劇場，我要你地體會到作為一個演員應有嘅態度同埋預備！
我要求你哋嘅同時，我亦都同樣要求自己，因為我都係一個演員！
感謝你地一直忍受我！祝福你哋將來演出會更加成功同埋專業！我喺紅館等你哋！
#鎖匙係主持 #鎖匙係導演 #鎖匙係編劇 #鎖匙係老師
Photo by 李氏。經理人
鎖匙係老師 在 #鎖匙係老師 - Explore | Facebook 的推薦與評價
「做老師其中一樣最重要嘅- 係保持好奇心。」 你哋係鎖匙遇過其中一班最#乖 嘅學生：請假先會WhatsApp我、經常奉上飲品同零食、每一個活動都聽聽話話......但係唔知點 ... ... <看更多>