【《Three Seconds》／《Going Vertical》／《絕殺慕尼黑》：奧運比賽可以咁樣拍堅神！將「扣人心弦」四隻字完美演繹！】
久仰大名，曾經一度係俄羅斯史上最高票房電影，估到香港唔會播，喺當年仲會返深圳睇戲時，堅有諗過上去睇IMAX，但見大陸無厘頭cut咗13分鐘，最後作罷都冇睇到。近日因為奧運大家又講返呢套戲，嘩屌，我好後悔有機會戲院睇時冇睇到。
故事講1972年前蘇聯首次贏得美國奪得籃球金牌，前半段講個魔鬼教練點樣用人，而呢班人個個都有自身問題，教練又點樣處理到呢班雜牌軍，的確係同類體育題材必會出現嘅情節，但勝在人物極多，又有能俾你認識到呢班角色彼此嘅關係同故事。雖然你會覺得「都係果啲嘢」，可能都有少少散，但拍得好睇嘅。
亮點係壓軸一戰嘅賽事，即使係真人真事，一般拍比賽場面，都只係將精華嘅得分位展現，呢套最神係幾乎shot-by-shot還原，即係由比賽開始一直打到完場，逐分逐分咁拍俾你睇，仲用埋直播方式有埋分數同計時，觀眾完全係好似睇緊奧運賽事咁，只係加咗教練同成員之間嘅對話。好欣賞成場比賽嘅鏡頭如入無人之境，真係俾你好似喺比賽場上咁，超精準嘅鏡頭運用同凌厲剪接，睇到你熱血沸騰。最後一場逆轉勝，完全估唔到佢咁樣處理（更估唔到歷史都真係咁樣，唔知唔好Google咩事，睇時會極緊張），點樣呼應英文片名《Three Seconds》，又真係將三秒鐘拍到咁精彩，佢都算世界級喇。
Overall佢好明顯係一套俄羅斯主旋律片，都明顯妖魔化緊美國人－－睇荷里活片又何嘗唔係妖魔化俄羅斯人，但絕對拍得扣人心弦，外國觀眾如你同我都一樣投入得到！喂陳可辛拍《奪冠》學吓嘢啦🤣🤣
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
鏡頭運用 英文 在 限時79 折起｜讓「鏡頭動態」幫作品畫龍點睛 的推薦與評價
手把手教「畫面氣勢」到「進階設置」的 鏡頭運用 ... 讓鏡頭動態幫作品畫龍點睛，成就每一幀絕倫的炫 限時79 折起， ... 出社會之後才發現 英文 有多重. ... <看更多>