【畢打街閒人】香港封城，長春圍城（渾水）
有八個湖北來的人入境，入境處做法正確，堅決拒絕讓他們進入香港境內，同一時間當把這些人運去羅湖的時候，羅湖卻拒絕接收這些立法會議員所講的「自己人」。現在這八個人卡在中間地帶，有點像湯漢斯的電影The Terminal，也有點像長春圍城戰役。
這套電影我冇睇過，但長春圍城的資料有略略讀過，睇過一些書。這是國共內戰最慘烈的戰役，也是最多反人道爭議的戰役。
共產黨有一招戰術叫做圍點打援，部份概念都有應用喺今次戰役之上。長春圍城顧名思義就係共產黨圍住一班長春人同埋國民黨守護軍隊，呢場戰役係一場消耗戰，共產黨包圍了長春，缺水缺糧，甚至乎出現人食人慘況，死嘅人數冇辦法估計，最高有人估超過600,000 ，亦都有人估大約10幾萬，但是戰爭沒有人做很完整的統計。
戰爭去到中後段，由於缺水缺糧，國民黨開放了城門，希望讓難民外逃，當然難民外逃係一啲人道理由，你亦都不排除有一啲國民黨士兵是混入其中一齊走。
從戰術上來講林彪睇得好準，佢知道一定有國民黨士兵混入其中，為咗一網打盡，佢落咗一道命令，大致上就是說「難民都是敵人，不能放過」，結果難民離開咗長春城門之後共產黨軍隊就將佢打返轉頭，但係由於難民已經離開咗長春城門，國民黨亦都怕共產黨嘅人混入喺入面，同一時間亦都唔想再增加城內物資負荷，結果國民黨亦都封咗城門。最後呢一班人卡住左係中間地帶。
當然，長春圍城係以共產黨嘅勝利結束。大家成日誤會咗我好討厭共產黨，其實我係非常喜歡研究共產黨，雖然我研究歷史唔叻，但係我亦都知道研究共產黨是有價值的。防疫工作亦都要有長春圍城的決心，這是我從共產黨戰爭手法上面學到的，千其唔可以打開缺口，否則人傳人嘅情況下只會令到更多香港人犧牲。咁樣做亦都解除左某部份道德危機（moral hazard)，政府容許大陸人睇武漢病唔使錢，一定一班大陸人衝入嚟香港，只有讓佢哋承受卡在中間地帶嘅惡果，咁樣先至可以阻塞呢一個漏洞。
長春圍城引發嘅返人道討論，最尾係要互相指責不了了之，講真而家又有幾多人有認真研究返呢段歷史。國民黨話共產黨唔啱，共產黨又話國民黨唔啱，文宣嘅嘢之後再算，勝利卻是真實的，更何況我哋冇欠武漢人，我哋唔需要覺得武漢人係自己人，正如上海北京都唔歡迎武漢人一樣。
防疫工作不是講一家人或者人道。儒家說愛有等差，我哋係要先關心香港人，能力範圍做得到先至將更多嘅愛去關心更多嘅人。
長春圍城 電影 在 國共內戰:長春圍城! 林彪下令:讓長春變成一座死城! - YouTube 的推薦與評價
長春圍城 餓斃30萬人! 國共內戰 長春圍城 是指在第二次國共內戰時期，解放軍對長春進行圍困不讓饑民出城，最終導致數十萬難民餓斃. ... <看更多>