二月二十一日是光仔誕;而今天凌晨一時,聰聰也乘上了太空船,往喵汪星(真希望有這麼一個星球)跟薑光仔開生日派對去了。
聰聰彌留時,我也思量過該何時向大家宣布這個傷感的消息。豈料當牠合上眼睛不久,時鐘一響,擡頭赫然發現正是二月二十一日。我猜,聰聰一定早計劃好了,要在這個象徵誕生的日子來向大家告別,好沖淡你們的哀傷,並預告愛必將以另一方式重生。聰聰,從來都是一隻善解人意的小狗,是我家的開心仔。因此,當大家讀下去時,請記住牠的笑臉。
聰聰昨晚離開得很快很自然,應該並不痛苦。牠是去年九月照超聲波時發現腎癌的,然而,遠在去年初,已發現口腔裡有惡性黑色素瘤,除非切除下顎無法根治;再推前一點,其實在2019年尾已察覺牠行動退化,所以當時才急於辦一次生日會來一償心願,與大家見面。可以說,聰聰所經歷的,只是自然的虛弱過程;而我們與獸醫的共識,就是讓牠舒舒服服去過餘下日子。一月中,曾有幾天情況急轉直下,食欲不振,更要命是牠的尖尖犬齒不小心咬爛了下唇,傷口流血不止。幸好鴨脷洲獸醫姐姐教馬麻餵聰聰飲加營素(吳鎮宇賣廣告那種),又把各種新鮮肉肉加以攪拌(本來講過聰聰老咗餐餐食叉燒都得,原來老咗根本食唔落),再加一兩種補品,竟又神奇地恢復胃口與精神(不過飲得奶多易肚痾,幾天之內巴拔沖洗屁股的絕技已臻化境)。於是,一月尾二月頭又可以密密出動去玩,單是西九草地已碌了四次,與巴拔馬麻拍了很多傻傻的selfie。那半個月無憂的時光,應該是賺回來的。
到這個星期,聰聰狀態再度下降;不過直至星期五,聰聰仍可以威風地坐戰車陪巴拔馬麻去飲咖啡,晚餐也吃了大半。故嚴格來說,聰聰進入昏昏沉沉不肯進食的臨終狀況,只有星期六一天。直到凌晨,開始彌留,也不過一小時左右:沒有悲鳴,呼吸不算辛苦,何況聰聰著慣尿片,失禁也沒有弄髒身體,「質本潔來還潔去」,最終仍然是一隻英俊的、毛髮順滑的、香香的金毛BB。那一刻,巴拔馬麻知道時候到了,便輪流抱抱聰聰,吻吻臉蛋,掃掃背脊,摸摸肚肚,輕喚聰聰:快登上太空船了,不用擔心巴拔馬麻和竹妹桐妹,最緊要去找光仔小津,還要告訴天主:偶有年年參加寵物祝福的。就這樣,金毛尋回犬聰聰,十四歲半,牠在人世間畢業了,此刻應已登陸在汪喵星的草地上,快樂地奔跑和翻滾,就如我們初認識牠時那樣。
請大家不用擔心巴拔和馬麻,因為我們是最幸運的人,幸運在於:我們的兒子是一隻最聽話最體貼的小狗。巴拔馬麻因要上班,日間常留牠孤伶伶在家中,內心常感歉疚。聰聰踏入十歲後,巴拔的盤算是:假如有天知悉聰聰只剩一年半載,就試試跟學校申請停薪留職吧,甚至大不了辭工,但求可以在聰聰的最後歲月克盡父職。故此,疫下得以留家工作,竟成為天主對我們的恩賜。2020年二三月,每天上山散步,充實非常,而聰聰仍步履穩健。正式衰退是六月首次復課後(是聰聰懊惱巴拔馬麻又再早出晚歸?),開始戴輔助帶、做物理治療、水療,曾經滿有復元的希望,但最終還是不敵關節的退化,外出需坐上戰車,漸漸無力落地步行;在家飲食以至大小便,亦癱瘓在地,由巴拔馬麻餵飼和代勞。但這是一段無悔且滿足的旅程,因為我倆終於得嘗廿四小時貼身照料這位皇帝仔的滋味:在家上網課,一轉堂又可以餵兩啖,讓聰聰更健康地少食多餐(更不用像從前上班時,在歸途上乾著急,擔心仔仔有否內急或肚餓)。下午倘有空,則可開動戰車兜兜風,到維港岸邊欣賞夕陽。做個二十四孝爸媽,大概是天下為人父母者最大心願吧,而我倆有幸一試。
然而,有說照料老狗最難捱的不是這些,而是老犬因老年癡呆導致的日夜顛倒、晚間不住吠叫。不少照料者到此時便心力交瘁,不獨自己無法成眠,更惹來鄰居投訴,萌生讓愛犬安樂死的念頭。說實話,聰聰的最後一個月也常有這種癥狀;而被牠吠叫扎醒時,你是無法詐作不知繼續蒙頭大睡的,因為:一、吠聲太持久太頑強,二、心疼。此時唯有起床,摸摸肚仔、給牠轉身,或給牠飲啖水,幸運或可安撫一時,倒霉則或需數小時陪伴。但聰聰是隻乖巧小狗,牠即使有夜吠之需,竟也選在年假期間,是否因為知道巴拔馬麻不用上班,翌天可以補眠?甚至牠最終離開,竟偏偏選了在昨晚,是否知道周一又再是復課之期?──「巴拔馬麻,偶知道偶老了,常常不舒服,帶給你們麻煩。偶不想你們上班後更加辛苦,不如就讓偶現在提早搭太空船找光仔吧!」(──如果真的因為這樣,聰聰,你實在太傻了。在巴拔馬麻心中,你比一切都來得重要。照料你是世上最快樂的事。)我不得不相信,聰聰是隻有靈性的狗。
還有一事:當昨天見聰聰不妥時,本來已約了今天見獸醫姐姐,也有預計醫生可能會提出讓聰聰打針離去,內心極度忐忑。孰知聰聰竟自作主張,先行告辭,不讓巴拔馬麻面臨那難過的抉擇。一念及此,心更加隱隱作痛。──記得獸獸姐姐說過,聰聰是一隻任勞任怨、默默忍受的乖狗:針灸、打針、餵藥,總是不吭一聲。回想這十一年來,聰聰不曾破壞家中任何物件(自己的公仔除外),在家也不吠叫擾人,巴拔馬麻對牠從無打罵的需要。在街上,從不曾主動挑釁別的狗(但不知何解牠不太受狗歡迎,常被欺負,當然牠試過還手),散步時對巴拔亦步亦趨,不虞走失。十一年前,巴拔在寵物店發現三歲的聰聰,一見如故,詢問之下店主說有人帶牠來洗澡後不接走。不過巴拔覺得另有內情,因當時聰聰骨瘦如柴,皮膚有病,且嚴重護食(以致後來在行為訓練班打架被踢出班房),更甚是只懂蹲下小便,故獸醫懷疑聰聰長期困籠且營養不良。即使真相如何,如此善良的小狗,當初怎麼有人忍心遺棄甚至虐待?聰聰,巴拔馬麻當年答應讓你以後做個心肝寶貝,不知我們做得可夠好?今天,在你畢業的同時,我們也總算畢業了。
我們的幸運,更在於透過聰聰,我們認識了許多好人。聰聰去過的咖啡店、診所、美容店,裡面的哥哥姐姐無不喜愛牠。甚至在最後的歲月,我們幸運找到朋友出讓戰車,找到樂意讓我們停泊那龐然大物的咖啡店,成為聰聰經常出巡的基地,更在此認識了一群街坊,這也算聰聰晚年值得紀念之事。當然,還有你們──專頁的粉絲們。自聰聰身體走下坡,巴拔不只一次動過關閉專頁的念頭。當初開闢專頁,只為貪玩,沒料到吸引了一群忠實粉絲。從你們每天的留言,我深深感受到你們對聰聰的愛,已超越了虛擬空間;甚至你們彼此之間,竟也彷彿成了朋友。但我深知聰聰總有離世的一天,我實在不忍見此:一隻虛擬空間裡你們素未謀面的小狗,終令你們有心碎神傷的一天!這也是我思前想後,到前年終於決定邀請大家開生日會的原因──就讓聰聰衝破虛幻的屏幕,讓你們真實地緊抱吧!雖然我知這樣,待聰聰離開時大家或更悲慟──這本非我原意,實在非常對不起。但每念及我的小狗備受你們萬千寵愛,我實在為聰聰感到有無比的福氣。感謝你們!
自今天起,巴拔馬麻要習慣家裡沒有聰聰的日子了。多懷念把小食放到聰聰嘴邊,為食聰聰急不及待一口咬下去的表情。聰聰的飯兜將會空置,聰聰的頸圈已經掛起──而這個專頁也不會再有聰聰的最新照片了。但八年來大家在這裡給予聰聰的愛,是聰聰一生的最大寶藏。我們將永誌難忘。聰聰愛你們。
長期肚痾原因 在 Dr 文科生 Facebook 的最佳解答
記得有一段時間文科生瘋狂肚痾,很久沒看過如香蕉般成形的大便,媽媽便跟我說一定是我個人太濕,所以扭濕熱。
但在香港我們常常都會聽到「濕」這個,到底什麼是濕?西方醫學並沒有濕和扭濕熱這個概念,所以今日請來中醫師好友(帥哥Gordon)為我們分享中醫對「濕」的理解。
*以下內容由中醫師提供,只作分享討論,並非正式醫療諮詢,如對「濕」有任何問題,請諮詢中醫師意見。
首先,濕在中醫角度是一種生理和病理的概念。濕就好像人體的水份,正常的時候,體內的津液水份可以滋養皮膚臟腑四肢,但如果自身脾胃功能失常,加上外界因素,例如:天氣潮濕,居住地方濕氣過重,都會令身體有過多的濕氣積聚,不能排出體外,便會出現濕重的症狀。
濕重症狀包括:
1)起床後仍覺得疲倦
2)自覺身體四肢浮腫
3)胸悶不舒,
4)舌體胖大兼兩邊有齒痕,舌苔厚膩
5)排泄物較稀溏,皮膚易長濕疹
6)上述症狀又在陰雨潮濕天加重
病因上,濕可以分為內濕和外濕。
內濕最常見的原因係脾胃功能失常,脾胃在中醫學角度係負責管理身體水份代謝。當飲食並沒有任何節制,嗜食生冷凍飲,如珍珠奶茶,魚生刺身等等,加上思慮過度,都會容易損傷脾胃,當脾胃不能運化水濕,水濕停聚,便會形成濕重。
而外濕則因為外在環境所影響,香港處於南方,屬亞熱帶地區,四面環海,春夏時空氣濕度增加,同時亦會影響人體,產生濕氣,此為外濕。
在處理「外濕」方面,當天氣潮濕可適用抽濕機抽濕,衣物應透過陽光曬乾,切勿掛於室內晾干 。而處理濕重最簡單的方法便是做適量運動,透過運動排出汗水。如果濕的情況嚴重或持續,或會影響各種疾病的痊癒,故應重視「濕」的處理。
在處理濕重、寒濕和濕熱方面,有不同的湯水或涼茶適用;市面上亦有售賣不同的中藥材湯包或即沖即飲的沖劑,可考慮選購具健脾、去濕功能、無添加的配方,同時需要注意藥材的質素和真偽,經真偽及安全檢測或有科研機構監控的產品質素較有保證。當然,不同人的體質有所不同,亦可考慮向中醫師諮詢意見。
注意事項:長期病患者、正服用長期藥物或孕婦服用任何中醫藥產品前請先諮詢醫生或中醫師意見。
長期肚痾原因 在 小花插畫 Facebook 的精選貼文
動保朋友必看!
當大家對泰國狗被殺,還是很憤怒的時候,可以看看這篇文章。
我係漁護署一個散仔。先申報:承認呢個係分身account,我仲要保住份工。我係漁護人但係從冇殺生。我支持抗爭,但抗爭要準先有用,唔想錯方向。有啲說話官方唔會講,趁而家多人關注我想俾人知香港實際情況係點。
以下信不信由你,為防自爆,我唔會覆。我冇講大話,有咩疑問可以拎我講嘅野去問官方或者動物團體。希望有人願意睇下。
1)如果泰國狗事件重演,可以點救佢?
如果真係要救,我諗唯一方法係唔好通報,船員唔帶佢落船,直接原船拎走。瘋狗症幾乎係漁記第一天條。潛伏期長,100%死亡率,有得預防冇得醫,發病等於被判死刑。聽老師傅講,以前香港有瘋狗症,漁護有殺錯冇放過,喺街見一隻殺一隻,惡貓都要殺。香港已經幾廿年冇瘋狗症,如果放左隻病狗入黎,分分鐘黎多次大屠殺。呢隻狗冇晶片(=冇打針紀錄)、船主承認佢由泰國(疫區)上船非法入口、船主簽紙放棄隻狗、法例話只要懷疑隻狗接觸過瘋狗症就可以啪<—綜合以上幾點:個獸醫而家俾人鬧到仆街,但係俾佢揀多次,佢都會啪。如果唔啪,佢又真係有病,觀察期間唔小心傳染到其他動物/人,無論係全面殺狗(大家睇過豬瘟演習)定係死左人都揹唔起,佢邊敢搏。
2)唔係等4日/7日先可以殺咩?
4日係普通流浪狗,入境狗有唔同law。7日係一隻狗咬人之後要隔離7日。因為瘋狗症發病就會咬人+發病後7日一定死=坐7日監睇下佢會唔會死,唔死就唔係因為瘋狗症而咬人。普通一隻狗冇咬人坐完7日監唔代表冇病,可能係未發病。
3)點解唔隔離?
因為係非法入口又冇晶片。你想由疫區申請隻狗入黎,打齊針齊晒文件都要隔離4個月。呢隻狗連晶片都冇,漁記響晒red alert,連隔離都唔想搏,除非有朝一日可以upgrade硬件軟件去handle呢啲誤入境嘅無辜狗。
4)呢單野而家變國際新聞,乘勢追擊啦!起碼救到之後無意中入境嘅狗
晒氣啦。管理層全部係獸醫。佢地全部讀書人脾氣,只要啲科學野係啱,佢地唔會理公關。好硬頸㗎,冇情講,有時講明咁做實俾人投訴,佢地一講啲科學野我地即刻收皮。人地讀過番書,專業人士,冇計。但基於佢地呢種特性,佢地啲決定雖然唔合情,但一定合理合法,吹佢唔漲,你最多話佢真心膠,冇得用法律/科學講得贏佢。今次佢跟晒law跟指引,真係冇做錯。黎緊會改動物例,不過唔會改瘋狗症。一講到瘋狗症,佢地就起晒鋼。佢地只信科學,你地唔駛旨意可以靠講隻狗好慘就屌到佢改例,冇可能。不如貼地啲諗下點幫本地狗仲好。
講咁多唔係想幫漁護護航,係想解釋漁護有幾驚疫區非法入口冇晶片狗。如果大家訴求係下次有同樣情況會有不一樣結果,全港跪求都冇用。唔好誤會,我唔係叫大家不了了之。我係想趁今次時機可以集多啲人出聲,但係唔想大家用錯力,浪費今次嘅凝聚力。漁護會有一次動物福利改革,會重新立法,已落實今年內開始諮詢。呢次改革係動物團體同漁護開會開幾年爭取返黎。今次事件全港關注,如果大家著眼今次事件,會發生咩事?例如諮詢期收到70%追究/檢討泰國狗及同類事件、10%提高遺棄/虐畜執法標準、10%檢討漁護處理投訴手法、10%收緊繁殖場管制。政府個腦點諗野大家都知。泰國狗事件,涉及瘋狗症問題,唔考慮。其他問題,每項不足一成人提出,咁即係少數人啦,即係唔多人關注。份報告最後就係咁寫。
香港咁多動物福利團體,點解咁少機構遣責呢件事?就算有都係輕描淡寫,好少機構有追打。原因就係佢地都清楚我以上講嘅野,知道呢條規則冇得改,亦怕同漁護呢個時候追究一件冇得改變嘅事會模糊焦點,浪費佢地近年心血。作為動保團體,佢地又唔可以出黎叫大家唔駛蹝氣。而家最活躍追究呢件事,都係呢幾年冇參與過追漁護改革,而呢啲時候先出黎搶光環。
順帶一提,動港咁多動保團體,漁護網頁只列出十幾間,點解咁偏頗都冇人嘈?因為列出要符合關乎寵物權益(即係唔計野生動物)、合法註冊組織、非牟利慈善團體幾個條件。所以你見列出團體有包括十個人都冇嘅小組織,而有啲fb好活躍嘅大組織又冇份。如果大家想捐錢,都係為動物好。你自己決定想捐俾非牟利團體,定係牟利團體,自己可以上漁護或者稅局查下。
講返改革,作為見慣動物點被對待嘅人,我建議可以諗下呢啲方向:
(1) 加強無牌養狗罰則(攞牌打晶片真係好重要,如果身邊有人養狗又唔打晶片,請大力勸喻)
(2) 擴狗房狗位之後加長四日時限
(3) 修補棄養漏洞(棄養犯法但有漏洞係半公開秘密,唔喺度講,唔想教識更多人)
(4) 加強邊境捉走私狗(而家多左大陸走私狗落黎,大陸都係瘋狗症疫區,唔好害到香港啲狗)
(5) 經常有人話”管理署迫我送走隻狗”。你養之前已經知大廈唔俾養,講到尾都係一己私慾,為左短暫快樂,用一條生命去賭博,衰左就賴管理處。可以點攪?領養就有家訪調查。買狗有冇可能要証明屋企可以養狗先准買?
(6) 改指引改設備 - 減少索狗時傷狗。要求以後唔可以捉狗太離地。TNR又失敗左,唔知可唔可以繼續。我未諗到有冇方法改善捉狗問題
(7) 加強巡邏捉非法放生
(8) 撞傷動物唔即時送去獸醫等同撞車逃逸
(9) 管制寵物用品 - 獸醫有講過市面起碼一半狗帶都會令狗承受冇必要嘅痛楚/不適。管制choke chain設計 / 其他容易傷狗嘅物品
(10) 而家合格唔駛啪嘅狗都送去動物機構俾人領養,官方冇得領養,要靠團體自己安排。政府起碼應該出錢出場地每個月集合一大班動物機構攪領養日
(11) 檢討牛隊野豬隊運作,研究安全帶走動物嘅方法,不殺不麻醉
(12) 加狗公園,最好每個大型公園都開一個位俾狗玩
(13) 政府攪多啲訓練課程俾狗主,狗主有責任訓練狗唔亂吠亂撲,減低唔養狗嘅人討厭狗嘅機會。愈少人討厭狗愈易改善動物福利
(14) 希望可以加帶動物去學校做活動教學,起碼俾幾個鐘小朋友同動物相處,自細唔好怕貓怕狗,學識尊重生命。最好攪個好似愛丁堡獎勵計劃咁鼓勵學生做動物義工
(14) 資助動物機構同學校/社區中心合作攪活動,俾人親眼睇下俾人棄養嘅動物有幾慘,教人唔好棄養。同埋好多人以為等人領養嘅動物=流浪動物,污糟生蟲毛打結,兇殘對人有敵意,其實唔係,去參觀過就眼見為實
(15) 繁殖場係大毒瘤。我諗要爆瘋狗症先會收返啲牌(好似禽流感雞牌咁)。要求一刀切就不切實際,政府冇可能肯做。可唔可以逐步提高持牌要求?設備好啲起碼啲狗生活好啲。要求愈高成本愈高,慢慢迫佢地自動執笠
一間公司要改變,顧客要求一定比員工建議有用。希望有人覺得有參考價值。希望今次keep到團火。遊行又好,討論又好,可以keep到去諮詢期都多啲人出聲。
以上係我嘅諗法。如果你睇到呢度,多謝你。
有冇人繼續睇都好,講開就想繼續講埋其他諗法,可能有啲亂。
1)求大家一定要打晶片!!
晶片=身份証。都係3年一次,每次$80啫,我唔明點解咁多人唔打。就算你住離島,只要集夠人想打,針隊會送埋上門幫你打。隻狗幾乖都有機會甩繩走失。我地捉到有晶片同冇晶片嘅狗係兩回事。有晶片就會搵主人。除非主人親口話唔要,如果唔係都盡量唔啪。啪左之後搵到主人咁點算?老細都驚人投訴,對有晶片嘅狗會小心啲。
冇晶片就走正常程序,狗房仲有位都會留多陣,夠4日唔合格又爆位就會啪。過左就好難追。冇晶片,我有心幫你搵紀錄都唔100%肯定有冇啪左你隻狗。肯定有好多狗有主人冇晶片,無辜被啪。搵失狗又係,好多老人家唔會幫隻狗影相,間唔中就有”佢叫XX,好大隻,啡色,好乖”點幫你問幫你搵。就算搵到,點証明隻狗係你養?俾左你,聽日有第二個人出黎拎住張差唔多嘅相話係佢養,點攪?所以又要攪一大輪。漁記搵到失狗同普通流浪狗係兩種心態。打晶片係保護佢。
2)點解要捉狗
呢句一定有人信:公務員係唔會自己搵野做。漁護唔會周街巡,會去捉狗一定係有人投訴,尤其係區議員。淨係做投訴都做到狗房爆晒,我地真係冇跑數呢回事,信不信由你。
3)點解會投訴?
香港好多投訴撚。由污糟、好嘈、好臭、我好驚,什至”流浪狗一定有病,我死左係唔係你負責”都係投訴理由。最通常源頭係有人餵貓狗,引到一班貓狗聚集,又喂慣左就唔驚人喺啲屋苑/公園附近走黎走去,好快有人投訴。唔該啲老豆老母唔好亂教仔,見到有人放狗有拖繩,隻狗乖乖行,都要大大聲同個仔講:唔好行埋去呀,好污糟㗎,你行埋去就咬死你。你培育緊一條恐狗投訴撚。狗唔會無啦啦咬人,喺香港人傷狗多過狗傷人。投訴撚周圍都有,你阻唔到。你餵佢只係短期對佢好,餵到有人報警/報漁記只會害死佢地。我建議直接搵機構接收佢地,然後捐錢捐食物做義工。(雖然未必接收得晒,而家太多太多流浪狗)
4)咁見到流浪貓狗點算?
承上,搵啲動物機構。不過要check清楚,而家好多扮愛心真牟利嘅仆街貓狗義工或者道德大愛動物撚,做到動物義工臭晒朵。SAA同LAP算比較好,冇機構嘅貓狗義工要特別小心,好多慣犯。題外話見到牛千其唔好報警。牛又唔會攻擊人,你做咩要報警?!阿sir講麻醉牛係好麻煩。牛瞓覺係屈腳肚貼地背向天咁瞓。佢地身體同內臟結構令佢地唔可以完全肌肉鬆弛咁長期側瞓,會死。自身重量壓住個肺呼吸唔到會死,昏迷中繼續反初都會死。所以麻醉一隻牛要幾日前開始斷食(好似我地做手術前唔食野)同有足夠設備保護固定佢嘅姿勢。喺路邊冇設備咁麻醉一隻牛,靠人力抬上車,車程dun到返去,咁都幾個鐘,好多牛醒唔返。見到牛唔駛理㗎,牛有靈性,佢識返屋企。如果喺馬路就bu幾下,佢會行走。真係唔得就call啲牛義工組織,佢地識引隻牛走。唔好報警!一出動麻醉好易害死佢!
5)點解香港咁多流浪狗
因為好多人遺棄。抽到居屋/小朋友哮喘呢啲算比較合理。比較難聽係分左手/要搬屋/要結婚我另一半唔鍾意佢。on9啲嘅有bb個時好得意大個醜樣左/我唔知佢會變咁大隻/我冇諗過佢會病/佢啲屎好臭/佢唔聽話。每個bb都好得意,好少人大個做男神女神。大個一定會變樣,唔想變樣就玩毛公仔,唔好學人養狗。養之前做下功課,唔想隻狗變大咪一開始揀細狗養。狗係生物,會痾屎生蟲口臭甩毛,有生老病死,有情緒有脾氣,佢幾健康幾乖係睇主人點照顧。你三分鐘熱度就咪鬼養狗,養倉鼠咪好,一兩年命又易照顧。你養貓狗一年半載就玩厭唔要,人地之後個十幾年點過?政府要堵塞棄養漏洞。拋妻要分身家,棄子要俾贍養費,棄養點可以唔負責任。
6)另一個原因係少人領養
講真,大家講到有幾愛動物都好,有幾多人肯去領養?領養好少會有純種狗,就算有都多數有病,雜種狗又冇咁靚。啲人揀狗都係揀外表。我想講其實純種狗好易有病,唔好到有病時又棄,你知有咩常見病要幾錢醫,你ok先好養。唔好咁迷戀養bb。由細養到大係會好開心好有成功感,但係bb同人bb一樣難照顧,如果你全家要返工返學大半日冇人喺屋企就唔適合養bb。雖然丟貓狗bb喺屋企大半日唔會死,但意外好難講,咁你丟個人bb仔喺屋企大半日都唔會死啦,你係唔係丟?佢會唔開心,有情緒問題,周圍咬野,有分離恐懼,唔好為自己開心就咁自私。好多人會買貓狗陪老人家。狗由幼年到中年都好有精力,要人陪玩陪跑,貓就一啲啲,你俾老人家養盞大家辛苦,handle唔到又棄。老人家養返中年以上嘅動物好啲,淡定啲唔會亂咬野,又唔驚佢跑黎跑去kick親老人家。
7)領養有咩好處
講救狗好多人都聽唔入耳,人人顧住揀靚狗。我講個實際啲嘅理由:可以”試”。寵物店你最多都係一兩個鐘就決定買,又多數係幾個月大嘅bb,睇唔清性格。領養前可以去慢慢相處,一邊學點幫佢沖涼剪指甲執屎放狗,一邊了解佢咩性格,試下同隻狗夾唔夾。唔夾咪當做左義工囉,唔駛養左又唔要佢。隻狗如果本身有病,義工又會坦白同你講。如果呃左你,你有機會俾返隻狗佢或者由得隻狗病,佢冇著數。呢啲組織多多少少要靠光環,呃完你臭左個名好難做。寵物店收左錢就唔關佢事,仲話bb係好難湊好易病,鬧返你唔識照顧,變左黑店大不了換舖換名再做。
8)點解咁少人領養
我發覺近幾年香港多左有大陸人個種”恩主”心態。竟然有人棄養講:我捐隻狗俾其他人養。佢仲要沾沾自喜,覺得自己做善事咁。佢係狗,唔係你個死港女啲手袋呀,捐你個頭。棄動物其實犯法,但係啲人唔知點解識走法律隙,要立法改善。有啲仲要以放生為名謀殺動物,將淡水魚倒落咸水海都得。好多人會放啲動物去公園水池,去雀鳥塔,去香港公園,以後有人餵,見返同類好開心,覺得自己做好事。動物有地域性㗎,你放隻外來動物,佢會俾人圍毆。你估放養嘅會贏定係慣左籠養嘅溫室花朵會贏?就算冇地盤問題,都要面臨爭食,佢慣左有主人餵點識爭?等於你殺左佢。領養個啲又係,嫌手續太煩:我而家冇錢咩?你咁煩我寧願去買。有錢大晒咩。填表家訪裝貓窗搬走對動物有毒嘅花草,呢啲基本野,你咁都嫌煩你就唔會頂到十幾年幫佢執屎梳毛剪指甲,你唔養好過。義工唔教你,到時隻貓跳樓或者食錯野死左,你唔好喊住話”冇諗過會咁”。有啲真係好煩要不斷家訪keep住send相就見人見智啦。我諗係因為有好多仆街領養完拎去賣,所以啲手續先愈攪愈複雜。
9)領養有咩要留意
記住記住記住,領養前要問清楚轉狗牌啲安排。有啲變態義工會恰普通人唔知有狗牌呢樣野,領養完唔轉名。之後如果你滿足唔到佢十萬個要求激嬲左佢,佢會要求拎返隻狗。如果未轉名,就算你養左一年半載有感情,佢都有權拎返。有啲變態義工成日玩呢招,仲要哭訴話隻狗好慘,又俾人遺棄。走火入魔覺得全世界係衰人,得佢自己係救狗天使,講唔到道理。大家小心。
10)賣狗
以前有一班慣犯拎自己養嘅狗去生b去賣,走法律隙唔駛申請繁殖牌又有錢賺。而家就係立左法捉呢啲人,賣自己養嘅狗都要申請,冇申請就犯法。專登開左一隊人做,阿頭係一個好辣嘅正義人老將,應該會堅做,但係聽講做得好慢。今時今日賣狗都係靠facebook/ig/論壇。啲老將都唔知識唔識搵post。大家見到就幫手cap啲資料報1823。如果驚政府做太慢,未捉到已經賣完刪post,你cap圖即時兇佢報警都好,希望嚇到佢。當風險大過利益就冇人會做。
講左咁多,又講講下離左題,唔知有冇人睇到呢度。我呢啲散仔,大政策就冇我份,實際運作我覺得漁護進步緊嘅。以前啲仆街老屎忽唔當狗係命。聽到佢地吠就又打又鬧,或者淋凍水開風扇整病佢地。仲要賺啲陰質錢,捉左靚狗未搵主人就打龍通賣俾寵物店。呀,以上嘅黑暗史係我發夢見到,聽下就算。而家班老屎忽退休七七八八啦,新一代好好多。捉狗就難免,佢地本能一定會掙扎,會好驚,好易會刮損/爆牙血。捉狗啪狗會繼續,唔駛期待短期有咩改變。你會覺得唔啱聽,覺得冷血,但實際貼地情況係咁,我想俾人知,官腔唔會俾人知。
曾經講過會擴展呀,起新地方做狗房,先進啲,容納多啲狗。我諗係好嘅,收投訴就捉狗呢樣野唔知要過幾多年先有新對策,起碼擴展左先,始終多啲位,啲狗先有機會留多幾日。如果夠位養晒全香港嘅流浪狗就好(發夢都冇可能),養到有人領養為止,或者養佢過世,伙記唔駛捉,狗又唔駛驚。佢地住慣左咪唔驚,當俾人養咁,又唔駛喺街愈生愈多。如果我返工就係養狗,放工又養狗,幾正。唔好講咩動物係屬於大自然,天生天養就得,唔好捉佢地。香港啲狗本身唔係野生動物,係人類為私慾繁殖佢地之後養完又唔要,唔可以用大自然黎講,人工培養嘅狗唔適合流浪。不過諗太多啦,聽左咁耐都冇動靜,可能啲錢都拎晒去明日大嶼啦,佢有錢都俾晒150,邊會到香港狗。
大家想幫就捐錢俾啲義工組織啦,等佢地擴展應該快好多。你幫下啲私人公司,政府見私人公司有咩做得好,過左十年八年會on居居跟住做㗎啦。希望有人睇下啦。我唔會回唔可以再解釋,唔可以自爆。同埋我早幾日開左個新facebook account先寫文,點知今日再login要電話認證,我開分身又點會俾電話,我下次可能都login唔返呢個account。用得分身account就唔會刪post,會唔會俾人report完俾人del account就唔知。唔好意思咁遲先講,我冇諗過自己愈寫愈長,未試過寫咁多野,攪左幾日。以上係內部人貼地真話,信不信由你。如果唔啱聽,對唔住。如果啱聽,請幫手。
P.S. 我唔識用分身account仲會唔會追查到。想爆料有咩更安全方法可以爆?