關於 長洲西園 價錢 ，我們在網路上蒐集到這些相關的討論、資訊與評價

屯門悅品酒店Staycation報告📑 #企鵝主題房🐧

早前提到因為想帶奶油仔去屯門百田遊園同共融公園，方便我呢位孕媽媽可以輕鬆啲玩，就係屯門揾一晚住宿🛏

👉🏻屯門百田遊園：https://www.facebook.com/nylemamaandbaby/posts/238008095006253
👉🏻屯門共融公園：https://www.facebook.com/nylemamaandbaby/posts/238498574957205

今次揀左價格親民嘅屯門悅品酒店，我地八月尾去，八月中大概$550訂到希臘主題房，無包任何餐飲。

✨Check-in情況✨
入住當日係星期日，仲係暑假嘅關係，本來寫3pm可以check-in，我地2:50pm到達，前台話要等多30-45分鐘先有希臘主題房，如果泰國房就即有😅等到3:30pm問多次，要再等多30分鐘😱不過今次就有企鵝房揀（企鵝房價錢較貴，不過今次可以免費upgrade)。最後我地就入住企鵝房啦🐧🎉

✨游泳池 🏊🏻‍♀️✨
check-in 時想book游水，但職員話已經full晒，可以每段游水時間開始後排waitlist。好彩我地都有得游☺️不過泳池個位係酒店building圍住，太陽唔係好曬到，加上會無啦啦有陣陣冷氣吹出來，啲水都幾凍，所以游左20分鐘就走啦～

✨房間🐧✨
我地入住嘅企鵝房，好可愛！房間唔大，不過由牆到床，到沐室用品包裝都有企鵝仔嘅蹤影，奶油仔見到都超開心🥳 我地臨走仲買左呢隻企鵝公仔返屋企💕

✨Playroom✨
酒店5樓有間playroom，官網有package包免費玩playroom，如果無包就另收費 。有電動車，啱細小朋友嘅玩樂區，同小朋友cosplay唔同職業嘅制服。因為package無包playroom，加上啱啱玩完百田遊園過來，所以就無玩酒店呢間lu~

✨餐飲✨
酒店有間火車主題嘅餐廳，不過我地睇見屯門有其他餐廳想試，就無留係酒店食啦~

✨酒店位置+附近設施✨
酒店行去V City、輕鐵站同西鐵店都係5分鐘內，好方便。搭輕鐵大概15分鐘可以去到屯門市中心同屯門公園。附近又多野食😋 V City有一田，屯門市廣場有Don Don Don Donki~ 夜晚去行下，買下日本生果，幻想自己去左日本都好😆

✨行程✨
Day 1️⃣
11am 百田遊園
12:30pm 加藤屋 Lunch
1:15pm 屯門共融公園
2:50pm 悦品酒店check-in
3:45pm 上房休息+參觀酒店
5:00pm 酒店游水
6:30pm Food Combo Dinner
7:30pm 行V City 一田

Day 2️⃣
7:30am 房中早餐 （尋晚一田買）
9am 輕鐵到屯門公園
9:30am 爬蟲館
10:00am 屯門共融公園
11:45pm 牧羊少年 Lunch
1:00pm check-out 返歸

✨總結✨
同之前玩同嘆埋酒店設施嘅staycation唔同，今次主要係book間房瞓一晚，玩同食四週圍嘅野。屯門悅品酒店都好方便同企理乾淨，加上有咁得意企鵝主題房，我地都滿意今次住宿🥰

********************我是分界線********** **********

有興趣睇睇其他Staycation報告嗎？
‼️ 因疫情措施常有變動，上年2020年的酒店安排分享可能都不太適用，純粹看看環境和設施應該還可以😉
✨ 2021年東涌世茂喜來登：https://www.facebook.com/100063911911638/posts/202488331891563/
✨2021年挪亞方舟：https://www.facebook.com/100063911911638/posts/192778386195891/?d=n
✨2021年黄金海岸：https://www.facebook.com/100063911911638/posts/172706114869785/?d=n
✨2021年愉景灣：https://www.facebook.com/109743250379384/posts/497651548255217/?d=n
✨2020年海洋公園萬豪：https://bit.ly/39wDmuL
✨2020年迪士尼探索家：https://bit.ly/3iXtwnk
✨2020年長洲西園：https://www.facebook.com/109743250379384/posts/438866234133749/?d=n

暫時去過呢幾間酒店staycation，奶油仔心目中嘅冠軍🏆仲係東涌世茂喜來登 3日2夜瘋狂食+游水之旅💕

阿娘鐘情嘅就係已經encore過2次嘅黃金海岸酒店同迪士尼探索家度假酒店 💕因為比較鍾意度假嘅感覺🏖

大家嘅心水又係邊返呢🥰?

#育兒 #育兒日記 #親子 #hkmama #hkmum #hkmami #hkmom #hkbaby #香港媽媽 #香港媽咪 #親子blogger #孕媽媽 #懷孕 #懷孕日記 #staycation #親子好去處

#親子好去處 3日2夜東涌世茂喜來登酒店Staycation

呢兩年開始去本地酒店Staycation，都係出名親子玩樂嘅酒店，包括黃金海岸酒店、迪士尼探索家酒店、海洋公園萬豪酒店、愉景灣酒店同挪亞方舟酒店，特別D嘅就試過長洲西園蒙古包glamping。~文末有回顧之前Staycation的post link~

次次都係2日1夜，雖然玩個時好開心，但感覺前一日先開開心心執完行李出發，下一晚又已經拎返哂D野出來洗🥲簡單D講，即係唔夠喉😆

今次趁奶油仔仲未要返學，可以唔洗就暑假期，7月頭去東涌世茂喜來登酒店，輕輕鬆鬆去個3日2夜之旅。點解揀呢間酒店呢？

1️⃣新酒店
✨上年12月新開，夠新淨。
✨比起之前去過嘅酒店，未算超熱門，所以唔洗擔心泳池/餐廳好難book嘅問題~ check-in已經可以book埋之後兩日游水時間🏊🏻‍♂️無限一日book幾多節，我地第二日留左係泳池4個鐘😂

2️⃣價錢唔錯
✨官網訂2晚送兩日2人自助早餐、昂坪360纜車來回票、昂坪至大澳來回巴士票、大澳船仔遊、大澳購物現金卷、可用優惠價$900（未加一）享用2人自助晚餐（只限星期一-四）。
(大澳遊：https://www.facebook.com/100063911911638/posts/197624879044575/?d=n）
✨我地7月頭去，海景房每晚$13xx，2大1小玩足3日入埋大澳，食左3餐自助餐，酒店埋單$36xx👍🏻暑假期應該貴D，不過可以留意官網，酒店應該多左野玩。

3️⃣萬豪集團酒店食物有質素保證
✨Staycation食呢part對阿娘好重要，野食正，為成個trip加多好多分💕
✨房價包嘅2日 #自助早餐 真係好正，種類多，好食，仲要有movenpick 雪榚同即製waffle😋
✨我地加$900要2人 #自助晚餐 (原價$6XX一位)，有即開生蠔、麵包蟹、龍蝦仔、刺身等回本野，不過呢D生冷海鮮阿娘都唔食得，幸好熱食都好野揀同好食🥘甜品唔算多，但每款都唔會係hea西餅個類，係好食嘅🍰🍮🍨未夠3歲嘅奶油仔唔洗錢，不過開餐10分鐘後就瞓左覺💤😅
✨酒店連住一個有幾間餐廳嘅平台，我地試左一間西餐Cabana Breeze，個餃子pizza好好食😍

4️⃣海景房睇到飛機升降✈️
✨雖然係正下方嘅近景係海邊工程，但奶油仔好鍾意睇工程船。望遠D就係飛機場🛫所以夜晚好靜係會聽到少少飛機聲架🤨

5️⃣有shuttle bus回來東涌地鐵站🚍
✨方便去昂坪360纜車站🚡同其他景點

‼️不過如果大家都想揀去呢度，就要留意返：
1️⃣夜晚好靜時會聽到飛機聲🛬
2️⃣普通房無浴缸，要套房先有。今次我地請酒店預備BB沖涼盤。咁奶油仔就可以照浸泡泡浴啦🛁
3️⃣我地7月頭時，酒店嘅兒童室因疫情關系仲未開返。我地第二日行10分鐘去左玩文東路體育館嘅兒童遊戲室🧸不過酒店係暑假應該有多D兒童活動，詳情可以睇返官網嘅最新親子package。
4️⃣呢間Sheraton Tung Chung同用作隔離酒店嘅Four Points by Sheraton，建築物來講係相連嘅building，不過唔同出入口，裡面所有樓層亦唔會互通到。我地入住當日咁啱有朋友係Four Points隔離緊，可以係building下面同房入面嘅佢揮手~

附上相多張~之前去2日1夜都係玩完個人謝哂。今次3日2夜之旅後，真係有充返電嘅感覺！奶油仔都玩得好開心🥳

💕Staycation回顧💕
✨ 黄金海岸：https://www.facebook.com/100063911911638/posts/172706114869785/?d=n
✨愉景灣：https://www.facebook.com/109743250379384/posts/497651548255217/?d=n
✨海洋公園萬豪：https://bit.ly/39wDmuL
✨迪士尼探索家：https://bit.ly/3iXtwnk
✨長洲西園：https://www.facebook.com/109743250379384/posts/438866234133749/?d=n
✨挪亞方舟：https://www.facebook.com/100063911911638/posts/192778386195891/?d=n

Sheraton Hong Kong Tung Chung Hotel

#東涌世茂喜來登酒店 #Staycation #3日2夜
#育兒 #親子 #hkmama #hkmum #hkmami #hkbaby #香港媽媽 #親子blogger #孕媽媽

✨挪亞方舟酒店2日1夜✨

慶祝奶油仔嫲嫲生日，今次帶兩老去staycation，揀咗寧靜悠閒嘅馬灣～

我地6月尾去，6月頭買到$6xx挪亞方舟酒店一晚包早餐，真係好抵！！

✨行程如下✨
Day 1
1️⃣馬灣沙灘Cafe Roma午餐
有兒童餐👍🏻仲有沙灘玩具提供（奶油仔最愛玩嘅踏步車都有） 👍🏻👍🏻

2️⃣沙灘玩玩玩
玩到3pm可以返酒店攞房～因為挪亞方舟酒店比較少房間，成日滿！我哋午餐之前去放低行李🧳未有房ready，不過沙灘同酒店5分鐘路程，都好方便~

3️⃣酒店地下大堂少量兒童設施
大人覺得無咩特別，淨係想快啲上房休息吓，不過奶油仔都係玩都唔捨得走😅😅😅我哋間房比較細，不過有個露台都幾舒服～

4️⃣高卡車&兒童單車🏎
原來我地房間package無包玩車，一係$60玩20分鐘，一係買挪亞方舟公園入場券就可以免費玩。奶油仔未夠3歲，買一張大人門票就可以同佢玩，即刻望下klook門票價錢，$125，平過酒店住客offer😅拎張票去酒店reception蓋印，張門票仲可以用多日~

5️⃣遊樂場
有超高滑梯，又有繩網同攀石元素，完全係奶油仔杯茶，超級放電⚡️⚡️

6️⃣展覽館
買咗公園玩券就可以入展覽館，包括：方舟博覽館、夢想星球同珍愛地球館。啲展覽館其實都係酒店同一棟裡面。2歲半嘅奶油仔入去嘆冷氣多過睇展品😂最鍾意就係睇方舟博覽館裏面嘅（真）動物。其實啲展品都好互動同有心思，好啱大啲嘅小朋友👍🏻

7️⃣酒店餐廳晚餐
玩到就快斷電，最方便就係返酒店食，weekday無buffet，計返住客85折優惠，大概$300一個set dinner🥘 唔係特別好好食，加上餐廳玻璃俾水氣整矇哂，見唔到青馬大橋夜景🙈自在快啲食完上房瞓💤💤💤（無瞓晏覺嘅奶油仔好似醉酒佬😑)

Day 2
1️⃣酒店餐廳自助早餐
阿娘我一邊食一邊OpenRice下馬灣有咩餐廳開咗😂唔難食嘅，只係失望左啲😂😂不過原來馬灣早餐無咩其他選擇😂😂😂

2️⃣馬灣舊村（原來封左啦🚫🚫🚫）
有啲失望，阿娘以前帶camp來過，成日同奶油爸提起呢個地方。去左附近紅樹林影下蟹仔🦀

3️⃣酒店bubble bath 🛁
今次試下Donki買嘅Biore U The Body，真係好起泡🛁🛁🛁好玩😆

4️⃣方舟花園影相📸️
奶油仔成日expect方舟有多啲真動物，見到啲假動物就話：「都唔郁嘅🙁」不過叫趁好天，臨走喺度影咗啲靚相💕

比起之前海洋公園、迪士尼、愉景灣同黄金海岸staycation，今次真係少野玩同食方面好一般～不過對奶油仔來講，一樣係咁開心，因為所有行程都係為佢以設，仲有爺爺嫲嫲全程貼身照顧陪玩😆

今次打得比較詳細，因為網上嘅資料搵到有限，希望幫到大家啦～

💕Staycation回顧💕
✨ 黄金海岸：https://www.facebook.com/100063911911638/posts/172706114869785/?d=n
✨愉景灣：https://www.facebook.com/109743250379384/posts/497651548255217/?d=n
✨海洋公園萬豪：https://bit.ly/39wDmuL
✨迪士尼探索家：https://bit.ly/3iXtwnk
✨長洲西園：https://www.facebook.com/109743250379384/posts/438866234133749/?d=n

#育兒 #親子 #hkmama #hkmum #hkmami #hkbaby #香港媽媽 #親子blogger #staycation #親子好去處

｜香港露營—豪使三千蚊住本地帳幕 兩手揈揈去Glamping睇星星 露營車不能煮食性價比低？
近一兩年香港興起Glamping，顧名思義，即是豪華式露營，營裏面齊備冷氣、床鋪，營地有淋浴間和包辦膳食，真正兩手揈揈，甚麼都不用預備就可以出發。不過，一晚住宿索價二三千元，現時跟超五星級酒店Staycation差不多價錢。同一筆錢，住酒店抑或帳幕，畀着是你又會怎選擇呢？

90後YouTuber阿俊和多多，在近半年去過4次Glamping，露營車、泡泡營、農莊和長洲西園都住過。他們有時覺得物超所值，又試過中伏，感覺是山長水遠去到花$3,000住「劏房」。比較外國的Glamping體驗，他們認為香港雖然正模仿和引入類似概念，亦擁有豐富的天然資源，但設施上各個營地質素很參差；以香港物價計算，套票收費也不合理。

https://hk.appledaily.com/lifestyle/20210227/6QXX2ZQWMJA7BC3D5G55HCN72U/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#露營 #西園 #Glamping #露營車 #Staycation
#果籽 #StayHome #WithMe #跟我一樣 #宅在家