【 叱咤的一點思考 】或者咁講,由坤哥配唔配拎我最喜愛歌曲及歌手獎項衍生的討論,其實可以寫篇論文分析。我疑惑、思考的是:你覺得坤哥差,即係有相對啦,咁邊位歌手好?同輩呀。
又,香港樂壇搞到如斯境地,豈是單一因素?無綫養大港豬?無綫壟斷香港市場?市場太細?世代之爭?網民話事?獎項機制出問題?香港老闆只懂北上搵錢?統統都可以是切入點,在乎你倚著哪個點去寫。
承認吧,舊一套由老一輩建立的香港樂壇系統已崩解,現在播放媒介如此多,使鬼電台電視專業推介?但正因如此,音樂市場越見小眾,像《羅生門》這樣大紅的歌,只會越來越少,加上網民很多時都是情緒主導,無風定向,叱咤一時,已不可能叱咤十年二十年。
可惜,好多香港娛樂界老闆來到千禧後15年依舊唔明,跟受眾脫節,兩者漸行漸遠,現在還說搞甚麼香港金曲獎已太遲,因為就算是電影金像獎,同樣是來來去去幾個樣,如果一兩年後,白只拎到影帝(2015年拎咗金馬獎最佳男配角),你沒看過舞台劇沒看過《踏血尋梅》,你是否也會挑剔,超,條友識做戲咩?!
#阿叔隨便講唔好太認真 #叱咤 #商台 #坤哥 #吳業坤
Search