《月度報告》
總結成個十一月，我會話：呢個月，內堂經歷左好多，所有既粉絲都團結左。成績好，固然係開心既；感受至深，先至係最大既收穫。講緊既係科網股响月中既洗倉，我地玩緊既京東（9618）來回地獄又折返人間，我唸揸ATMX既朋友感受都係一樣，好徬徨，徬徨到有一刻懷疑人生。但我好多謝粉絲對我既信任，將決定交俾我，响失位既時候一齊堅持，結果笑到最後，贏過半成走。呢個經歷話俾我地知一樣野，就係價係死既，人係生既；內堂最珍貴、最有價值既地方，就係我既即市判斷，而並唔係幾個死固固既目標同止蝕價。
另一樣我想抒發既就係復星醫藥（2196）同阿里健康（241）。呢兩隻野我係事先張揚，左側部署，炒消息、炒盈喜。老實講，呢件事加深左我既一個信念，就係相信自己，唔需要理其他人識唔識欣賞，班無謂人既鳩嗡。佢地見升拜，見低踩，我唔怪得佢地，係因為佢地根本唔識，睇唔到我睇到既野。Anyway，呢兩隻股最終都顯現左佢既身價，令我吐氣揚眉。至於今個月既倉，最勇猛而又賺最多錢錢既當然係思摩爾（6969）同農夫山泉（9633），其中二手煙出入左兩次，每次都賺一成；鑽石水就賺7%，內堂個個歡天喜地。
最後我想分享既係：其實呢個月開心既唔只係內堂既粉，就連我自己都好開心。上兩個月公司搬竇，我個「黃金動物園」要拆夥，搞到諸事不順。今個月就唔同喇，我如虎添翼，郁倉既信心都返晒黎。加上我為左集中精神去照顧內堂，推晒所有交易時段既live，讓我可以更快、更敏捷咁領軍！內堂既粉絲就知喇，我有好多即市既出入位、浪頂浪底都俾得好準！26700點樓上停止買貨，27000套現六袋現金，簡直可以話係得心應手！黎緊既十二月，內堂一定都會有好好表現，目標係全年賺四成，內堂五個谷、千幾人開開心心過聖誕！
💪🏽
#內堂領軍 #WhatsApp群組 #富昌客戶尊享
阿聖拆夥 在 Re: [閒聊] ABuLae阿布雷場外討論消息? - 看板C_Chat 的推薦與評價