［究竟發哥喺韓國有幾紅？］
有時諗，如果發哥做咗特首，香港個朵會唔會好似以前咁威？真係唔知，但小弟好肯定，發哥早已威過做特首！
喺韓國嗰陣，小弟識咗李東元哥(이동원 형)，佢堅迷戀8-90年代嘅香港歌同電影，張國榮呀、張學友呀，叫佢哼返兩咀絕無難度，皆因佢睇咗發哥嗰套英雄本色 영웅본색 ，再加埋哥哥唱嗰首OST當年情 단년정 ，只要一聽到「輕～輕說聲，在為我送溫暖⋯」，佢就會上身！
連韓國最強綜藝節目Running Man主持劉在石유재석 都勁愛香港電影，佢重話練英雄本色2首歌練咗廿年！
講起上嚟，我真係要多謝發哥。係佢令東元哥愛上香港電影，再愛上香港歌，繼而對我𠵱個香港仔特別好。佢講過：「我最憎K-pop！識聽，一定聽哥哥！識睇，一定睇發哥！」嘩哈哈⋯有時佢都幾好笑真係。
佢重話「港流襲韓」嘅年代，不知幾多阿豬媽(韓大媽)，當年成晚伏喺電視機前面，等發哥出現；不知幾多阿卒斯(韓大叔)，當年為儲夠錢買mark哥件乾濕褸，晚晚捱半條泡菜送白飯！
一套英雄本色，一個我們的發哥，將香港丁屎咁細嘅地方，推到全世界，比起上嚟，什麼星星的你，太陽後裔，都要行埋一邊！
阿豬媽泡菜邊度買 在 正宗韓國阿豬媽泡菜 - Facebook 的推薦與評價
正宗韓國阿豬媽泡菜 by POSH Jewellery Limited “阿豬媽”韓國正宗泡菜 ... 可直接到九龍灣企業廣場買嗎？ 6 yrs Report. Kennywai Chow. 請問幾錢罐？幾多重量？ ... <看更多>