【十級痛係來回地獄，直到聽到bb喊聲先折返人間】
如果要正式計陣痛，咁就係由琴晚凌晨12點左右開始。之前已經上網睇過其他人分享話陣痛同平時懷孕後期嘅宮縮好唔同，所以一定會分到係咪真陣痛，咁我就諗住ok啦無理由人地分到我分唔到。但結果我係完全唔識分！因為岩岩開始嘅陣痛同我前幾晚瞓瞓下m痛嘅感覺差唔多，加上我又唔覺得痛得好有規律性（有時10分鐘痛一次有時5分鐘痛一次），所以就一直無理到，諗住既然忍到就忍多陣。
如是者持續左大概兩個鐘，去到凌晨2點幾，痛嘅頻率密左dd，但個程度就強左。應該話已經唔係m痛嘅感覺，而係個盤骨同尾龍骨位好痛，到果刻我都唔知點解自己仲唔察覺係陣痛，但我老公覺得係所以就捉左我去幫我洗定頭。好啦洗完大概3點幾，我上床攤左陣抖下，睇下會唔會舒緩啲，結果當然唔會，而且痛起上黎都幾辛苦（但都可接受），所以老公決定唔等啦要去醫院，無錯痛左3個幾鐘我都唔相信係陣痛，而家諗翻都唔知點解會咁蠢。結果係咁易𡁻左個蘋果之後4點幾就出發去醫院。坐車期間痛嘅程度繼續加強，個感覺大概係盤骨瘋狂被人左右擘開咁，頻率大概3分鐘1次，每次痛唔夠1分鐘。
去到醫院5點15分，登記完姑娘幫我檢查子宮頸狀況，原來已經開左2-3度，摸到bb頭仔。我打左個凸因爲果日晏就先被醫生check完話子宮頸仲未ready問我要唔要催生，估唔到即晚就開緊。登記完連待產房都唔洗入就直接入產房，果陣應該係6點左右。我仲記得入產房果時我好開心，因為好似等左10個月嘅禮物終於可以拆開咁。之後姑娘教我聞笑氣止痛，其實果陣我覺得可以未洗用住，雖然痛起上黎已經講唔到野但因為有停頓位仲可以回下氣。但既然佢叫咁我就用，開頭我掌握唔到到底點吸，所以唔覺得有咩效，剩係覺得有d臭。同樣程度嘅痛持續左半個鐘，而痛嘅位依然係下盤位置。姑娘知道左之後就用一舊熱嘅野放喺我肚臍對下嘅位，嘩點知下一次陣痛即刻由盤骨移左上個肚到，而果隻痛係痠疼+嚴重m痛+攪肚痛+被人扭住d腸嘅感覺，一句講哂就係個陣痛瞬間昇華左一個層次。
而由個陣痛位置升左上去果刻開始，我就開始生不如死。同時發覺無左笑氣會唔得，因為當你吸得好，佢可以整wing你個人，但同時又會有意識。Wing嘅程度係雙眼完全睇唔到野，無力控制d手腳，但又好清楚聽到人聲，姑娘講野會聽到哂，仲自己識點頭/搖頭回應，我都唔知點解會咁。吸得最勁果時會搞到好似tvb啲劇咁，要人搖醒自己先知發生緊咩事。但佢只係令你迷迷糊糊，並唔會令你感受唔到痛，所以佢嘅作用係令你wing住痛而非清醒地痛，的確有幫助嘅但都係好L痛。
講翻個陣痛，自肚痛開始我就完全無哂時間觀念，因為已經痛到剩係識捉實個笑氣罩係咁吸。但果陣講緊嘅，都只係開左3-4度，而10度先生得。之後一直都係同類嘅痛，但就愈黎愈強烈同埋好似痛完抖得果10秒又痛咁，密到岩岩放低個笑氣又要即刻拎翻起。印象中我呢個時候痛到喊，係控制唔到咁流眼淚，再同埋哀號。
再下一個層次，就到臨生果下（由於我劇痛左只係個幾鐘，所以我都唔知由4度升到10度嘅過程係點），因為臨生前除左極頻密(密到我真係感受唔到停頓)同極極極度劇痛(好似成個下身被人撕裂緊咁)之外，仲要加埋陰道被撐開嘅痛，雖然無肚痛咁辛苦但係兩樣野加埋就好L辛苦。原來傳說中嘅剪會陰真係剪左都唔知，但就會feel到咇bb出黎果幾下陰道口好似爆開嘅感覺。喺我記憶中呢段久仰大名嘅十級痛期間，雖然我係一直喪吸笑氣所以wing住乜都望唔清（都有打一支止痛針但我唔知有乜效)，但係就痛到面容扭曲，瘋狂大叫同踢腳，係大聲到d姑娘叫我唔好嗌留翻d力，我都知自己好嘈因爲我都未聽過自己咁大聲，咆吼尖叫，嗌好痛鬧痴線連粗口都出埋，但我真係控制唔到，果種痛係生不如死，好似落左地獄受懲罰咁。
可以形容嘅大概就係咁啦其實真係好難用言語表達，反正試過之後我好相信無一種痛可以及得上陣痛，真係畢生難忘到呢。的確聽到bb喊聲果下真係即刻笑翻哂，未痛完都想追住bb黎望，但都未至於唔記得哂之前嘅痛，所以如果而家你問我，我真係唔敢再生多個！(不過通常過多幾年又唔係咁講哈哈)
#羊羊的成長日記
陣痛位置 在 [懷孕] 到底什麼是陣痛...？ - 看板BabyMother - 批踢踢實業坊 的推薦與評價
我目前懷第二胎，週數是36+5。由於第一胎37+2就生了，醫生叮嚀可能也會差不多時間出
來，所以我已經在等產兆了。
生第一胎時真的很幸運，可以說是完全沒痛到就生完了！先是疑似高位破水，衝醫院後被
退貨，當晚就是一直經痛悶痛感（但比經痛還不痛多了且完全不規律），隔天中午上廁所
擦到血絲，下午去醫院已經開一指半，就被收住院了，但幾乎就是完全不痛也沒規律宮縮
，外加立刻決定打無痛（沒想到打無痛竟然榮登我生產全程最痛的部分），就算催生也不
痛，就這樣毫無痛感的三個半小時結束生完！
原本還喜滋滋的覺得自己很適合生孩子，沒想到第二胎被醫生宣告可能是急產體質，請我
一有產兆就要趕快去醫院，從這之後我就一直神經兮兮，不緊張別的，我好怕打不到無痛
啊啊啊啊啊啊！而且我真的不知道陣痛是什麼，除非破水是要立即衝醫院，其他什麼規律
陣痛的我第一胎完全沒體會到，到底陣痛是什麼感覺？我好無助.........
--
※ 發信站: 批踢踢實業坊(ptt.cc), 來自: 39.10.158.53
※ 文章網址: https://www.ptt.cc/bbs/BabyMother/M.1532368870.A.2AE.html
... <看更多>