[追女仔入唔到閘，真係慘過食兩舊屎]
好耐之前，我哋曾經教過一個朋友追女仔。
喺我哋精心安排底下，我哋個朋友拎住支結他，再加一個用$24人仔掏返嚟，可以著火之後變花嘅魔術道具，去等個女仔放工。
嗰晚好大風仲要有啲雨，風大雨大搞到佢就算點唱，點彈，練咗幾耐，個女仔都聽到好唔耐煩。 風大雨大又搞到佢個道具一著火，支花就唔知飛咗去邊。
但老老竇竇，一個男仔烏燈黑火，風大雨大孭住支木結他，拎住支花，支花仲要曉著火，去等住同一個冇咩機會應承佢嘅女仔表白，其實都幾有一種毒L嘅浪漫。
而嗰晚佢唱嘅，就係《浪花一朵朵》。
咁估到估到啦，個女仔冇好似歌詞入面咁，一定會愛上佢。
但係其實我哋一早都知道，就算嗰晚唔大風，佢追到哩個女仔嘅機會，都好微細。 不過冇計啦，兄弟叫到，點都要幫手諗，係就係有啲似撞佢去死嘅，但係唔試過，佢又點會死心。
嗰晚令我哋肯肯定定咁明白咗一個道理，有時追女仔呢，真係講入閘架。意思即係個女仔到底有冇諗住俾你參賽，大家都知道有時入唔入到閘，真係可以毫無理由。(當然有時係講樣HEHE)
你入咗閘，就算你嗰晚結他都跌爛埋，條女都會覺得你好QQ，好可憐呀傻豬豬，跟手打個車輪，喊哂咁話多謝你對我咁好。
你冇入閘，就算你整到架飛機帶佢飛都冇用啦。可能佢都會話多謝你對佢咁好嘅，但係跟手就會讚你好人，話咩你對我好好“不過”...之類啦。
入咗閘，心機係加分，個女仔可能會一世記得。
冇入閘，做咁多，可能對面真係得啖笑。
好啦，我哋送哩首歌，比所有冇入閘嘅朋友，同埋我哋嗰個單緊身嘅朋友，記住“你不要害怕，你不會寂寞，我會一直陪在你的左右，讓你樂悠悠”
對唔住呀，打咗你段故出嚟，我知你唔會嬲我嘅。
#我唔會講你知主角係邊個
#隔離嗰個係華哥
隔離嗰個係華哥 在 #隔離嗰個係華哥 - अन्वेषण गर्नुहोस् - फेसबुक 的推薦與評價
Facebook मा #隔離嗰個係華哥अन्वेषण गर्नुहोस्. ... <看更多>