噚晚老公無啦啦話同朋友去行山
問我行唔行？
我話都喺屋企咁耐 就出去運動下啦
我問佢去邊行？ 佢話雞公嶺
然後，我問佢難唔難行
佢答我平路黎...
上到山嘅開段 我覺得比人呃咗
#說好的平路呢 😐
搞到我仲帶埋隻貓 雞脾出黎
只係行到平路嘅時候
放咗佢出黎行一段路仔
跟住就係老公嘅負重訓練～
⛰雞公嶺真係唔易行
行過一個又一個嘅山頭
但沿途風景的確係好靚嘅...
同埋今日天氣好好
由於佢全程都無野遮掩
好易中暑🥵 我地2個人帶咗3支水
啲山路狹窄；凹凸不平；斜度大；超多沙石
同埋帶住雞脾 體力都有啲透支
行到果度差唔多一半已經飲晒3支水
咁就行到一半到達主峰
決定轉路落山喇
我地向大江埔方向落山果陣，
前面有啲比我地大嘅姨姨叔叔們話
其中一個朋友 岩岩跣腳碌咗落山😱
到我地知嘅時候 叔叔已經上返條路到
但就嚇到佢老婆心都跳埋出黎
好在叔叔無乜事 撞到個咀少少姐
真係好好彩啊 🙏🏻 好彩碌咗咁遠都無咩事
落山時我地都跣咗好多次 步步為營
所以有一定危險性！
暴曬之下 我地都曬傷咗對手臂
真係腳仔都軟埋👀 好攰啊！
☝️☝️☝️
仲有 岩岩見到好多人今日行山
而家馬鞍山山火已6小時仍未撲救 😟
同埋其他山都有大量垃圾同口罩
香港人唔該愛惜返我地嘅地方
自己垃圾自己帶走！
Btw 我地今日個山無咁嚴重嘅情況
可能因為難行 唔係太多人
但希望香港人俾返啲質素大家睇
可唔可以做好啲？
Namaste 🙏
#雞公嶺 #山野無痕 #自己垃圾自己帶走 #行山友 #雞脾仔日記 #帶貓行山
