話時話，維X檸檬茶好似越嚟越甜咁。
早前飯局節錄，驚自己唔記得：
「我份糧，有一半係犧牲自己quality of life換返來，我返大陸只敢食灼菜、白飯，飲罐裝可樂。近期睇化左，會飲返多d水。要應酬食飯，免治肉一定唔食，頂多食少量雞、魚，牛豬唔會掂。了解國情？你越近大陸，就越憎大陸。」
「買包大陸製維x檸茶，飲完胃會頂住。初時以為自己有事啦，飲過香港版就無事，根本係d糖漿有問題，我對呢d好敏感的，近年香港某咖啡連鎖店都係，一飲就有同樣反應，我都唔敢飲。」
「現在班網撚講政治，係又屌唔係又屌，我只係想知尖沙咀響邊度，點樣去，答案係：屌你，唔係銅鑼灣囉...仆街啦你，坐的士去是咪傻的！講完一輪，無人講到點樣去，但係就不斷講唔係荃灣唔係泰國唔係火星...」
「有好多人講本土，其實並非真係咁珍惜香港文化，佢地只係想無晒大陸人。但係單純想無晒大陸人未算係本土喎，只係排外，呢個時勢排外無問題架，等於白血球打病菌，你排囉。問題係我響你個中產商場蒸砵仔糕？播粵曲？你叫我扯返街市啦。」
「人地源吉兆庵、中村藤吉都係賣傳統日本糕點，幾十蚊一細塊，你班港女咪撲去買，然後自拍囉。雞屎藤茶棵你又覺得cheap喇。自己唔尊重自己，人地點會尊重你。」
