《或者存在的不存在職業 – 賣情感的人》
你會嬲、你會笑、你會驚、你會喊。
你有情感。
而我賣情感。
當知道所謂情感，係由唔同嘅神經傳導素所組成嘅時候，
我就反過嚟諗：
「如果我知道每樣情緒嘅腦內分泌物成份，我就可以改變同掌握你嘅情緒。」
多巴胺釋放令你興奮；腦內啡產生令你愉悅；
血清素同腎上腺素去調節情感大小。
反覆實驗之下，雖然成份依體質因人而異，但都大同小異。
我已經可以隨時要你嬲、要你笑、要你驚、要你喊。
＝＝＝＝＝＝＝＝＝＝＝＝＝＝＝
『天堂級演奏，掀起所有人心中的情感開關』
『神畫面，所有聽眾一同落淚，最高之演奏降臨』
『注定成為神話的音樂，超越完美的演奏，後台專訪金牌制作人...』
在黑房之內，是兩人的笑聲。
「厲害！貴都係抵畀嘅，估唔到你連感情都可以控制到。」
笑聲之下，其中一個就係「金牌製作人」。
另一個就係我：
「其實唔難，所謂感情，都係一堆化學物質啫。」
金牌製作人笑問：「成間院幾百人你都控制到，咁你可唔可以令全世界嘅人一齊喊？」
我泛起一陣冷笑：「令全世界喊有咩意思？賺錢先係最重要。呢種化學品好貴，門生意又唔見得光，調到咁大劑量，我咪破產？哈哈。」
金牌製作人點起雪茄：「講得好，我有單生意，介紹畀你。」
＝＝＝＝＝＝
有啲表演，你現場睇到好感動好雀躍，但過咗排，再睇CD或YouTube又覺得平平無奇。
你會歸因於「現場氣氛」，
但亦有機會係當時遇上咗「賣感情的人」。
呢門係地下生意，
不過獨家，所以純利好高。
你想個Show成為神話、想確保個舞台帶領到人嘅情緒，
從而製造口碑，造星造神，我一樣幫到你。
甚至去到客戶競爭者嘅表演場地，
釋放急燥同憤怒嘅情緒，我都試過。
而今次工作，係牽涉一個選舉演說。
只要控制情緒，觸動現場所有人，輿論自然偏向佢，佢必勝無疑。
呢個候選人係咪好人？
我唔知，亦唔重要。
正如我唔會帶歡笑畀孤兒院；唔會去戰地釋放愉悅，
冇錢嘅嘢，多講無益。
每個人都有個價，佢畀我嘅價，足夠我出賣所有嘢，
That’s ALL.
我一早就去到會場Set Up。過程繁複無比，劑量太少會冇效；太多會致命，一毫升都唔可以搞錯。
正當我全神貫注之際，全場燈光熄滅，得返一盞射燈狠狠暴露我嘅位置！
「出事！」
事態異常，必有異像。
呢啲地下生意，仇口多，所以我一早有班專業保鑣，守住所有出入口。
但驟然而至嘅槍聲話畀我知，佢哋已經全滅。
連打鬥聲都冇就全滅，對家究竟係何方聖勝？
不過，我早有兩手準備，我對Server發出指令，釋放令人沮喪同傷心嘅情緒，而且份量足以致命。只要喺呢個會場，我就係神！
加上有個秘密冇人知，
呢種化學劑並唔係靠呼吸傳播，而係從皮膚而入。
除咗我自身中咗疫苗外，
冇人避得到！戴埋防毒面罩都冇用！
當我心中暗喜嘅時侯，
聽到幾下槍聲，連接下來係撕心嘅刺痛。
無數子彈喺我行動部位穿梭，雙腳同手臂已經掛彩......
瘋狂嘅痛楚下，我慘叫不斷，
但早已連一隻手指都郁唔到。
會場嘅燈已經開返晒，
一班全身著晒防生化衣物嘅特工企喺我面前。
「你哋係咩人？」我已經奄奄一息。
「你就叫我哋做『真相抹殺人』啦。」對面把聲好熟悉。
我聽到一頭霧水：「咩真相呀？咁關我咩事？」
佢話：
「你唔係第一個知道『人類情感可控制』，但我哋希望你係最後一個。
呢個世界，好多真相，都唔可以存在，
知道並唔係福氣。而且，我哋都唔容許有人知。
等如你唔需要知有外星人、唔需要知有時光機一樣。
知道咗，你就係呢個全世界唔需要嘅人。」
我知道，佢唔係講玩，佢嘅存在甚至凌駕於法律，
此刻唯有拼命求饒：
「你哋一開始唔殺我，留返我條命，一定有用意嘅...我仲有好多研究成果...我會守秘密...我...」
未等我講完，佢就截住我：
「唔好自作聰明，留返你條命，只係想同你講一句，
『做人，無知啲好。』
守秘密嘅只有死人。」
我帶住一絲希望被子彈轟破腦袋。
早就知，世界存在很多禁忌。
但貪念，總是令人無所顧忌。
充滿尖刺的香氣陷阱，我只是不小心...跨不過去而矣...
唔知呢個世界，係咪真係有「報夢」。
如果有，我一定要將『真相抹殺人』嘅真相散播出去。
因為，我記得啦...我記得啦...
呢把聲，就係嗰個金牌製作人。
腦袋再沒有活細胞。
再沒有情感，
也再沒有賣情感的人。
——————————————
其他不存在的職業系列Album：https://goo.gl/xh4bbt
如喜歡可以輕輕一Like~
其中推薦：
《造夢師》：https://goo.gl/7xVF8r
《死亡剪片師》https://goo.gl/le9re9
《死前通知員》https://goo.gl/jK49QO
《禮物追尋使》：https://goo.gl/SbcByB
Ig:cheungson88
*會慢慢Up嘢上去
雪茄多巴胺 在 ［心得］過境嘗試dunhill斗草- 看板Tobacco - 批踢踢實業坊 的推薦與評價
各位大大安安
小弟有緣分在疫情期間出外走走發表論文
為碩士生涯做個結尾
目前人在杜拜轉機
在菸草區逛到多巴胺狂分泌
耳聞dunhill已經沒生產了
或者說Peterson讓一批經典菸草續命
斗齡不久，還沒抽過
於是捏著窮學生預算買了一些菸草
小雪茄應該會送人，自己抽了一些感覺還好
但是Dunhill royal yacht真的讓小弟驚艷
V草底
水果香氣明顯
整體感覺柔順清爽
正好是我最喜歡的調配跟感覺
多巴胺上頭來跟大家分享今天被dunhill圈粉的體驗
謝謝機場庫存><
#抽菸有礙身體健康請勿吸菸
--
※ 發信站: 批踢踢實業坊(ptt.cc), 來自: 5.195.34.6 (阿聯)
※ 文章網址: https://www.ptt.cc/bbs/Tobacco/M.1656547431.A.321.html
... <看更多>