Nj：《#自殺特攻 THE SUICIDE SQUAD》
－睇完熱血沸騰渾身是勁嘅真正娛樂大片，冇呃你，我好少咁興奮，即晚要做個live。太多打住勁片旗號嘅戲，睇完感覺最多係『OK』『幾好』『有驚喜』，但遠遠都唔夠呢套痴線
.
－對得住【III級只准18 歲或以上人士觀看】評級，無得剪無得避，睇過就明係不可能調整完某啲位去搞個IIB版。下下爆頭、爛內臟、噴血放題，可愛嘅海星都設計到特别恐怖核突，變種異形，過百個限制級畫面，呢啲先係真正三級片
.
－好睇過《銀河守護隊》，唔知咁比較會唔會唔係太好，可能得罪人。一個創作力無制限嘅導演，喺完全冇底線冇宇宙觀制肘嘅環境之下，任佢發揮，交出更瘋狂嘅成績。揾到相似之處，但無減娛樂性只有更癲狂
.
－班騎呢怪好笑得緊要，開心大堆頭爽爆。從來唔覺得需定死一種風格，黑暗風輕鬆風都可好睇。上次《猛禽暴隊》夠嘗試玩熱鬧，點知節奏掌握有問題，唔識拍，只有尷尬。但係James Gunn就有本事，流暢有趣，無厘頭對答，睇落簡單嘢都設計得有特色
.
- 趙喜娜（a.k.a. John Cena），雖然好多人唔想見到佢（我自己睇完F9都麻麻佢），但今次係有戲、好fit個角色。一個木獨嘅硬漢，喺個識玩嘅導演手上能夠善用、變搞笑能手。有個廁所型頭盔，夠晒搶眼嘅戲服，同另一主角Idris Elba鬥嘴鬥強極有火花，呢個似Troublemaker多過Peacemaker嘅角色應該會係佢代表作
.
- 故事，其實無咩特别。唔使驚前作包袱可以唔知頭唔知路咁入去，政變奪權反抗軍乜乜乜完全唔重要，見人就殺緊要啲 。反而喺個簡單任務背景入面，講到班主角自己背後嘅小故事。小丑女甩拖嘅心理狀態、同阿媽有特殊關係嘅波點人、無咩朋友嘅鯊王、唔多接受有個女又唔捨得唔理嘅神槍手、MVP補鼠者等，睇到唔同人個别嘅經歷，任務中大家之間又建立咗啲關係，係團隊而唔係各有各嘅感覺唔易拍
.
打咗咁大篇
奧運寫文金牌… 我最多謝我自己
超越自我，懶少一陣
咁高誠意，睇啦
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
電影iib級 在 ifva - 【三級動畫這邊看！】 電影評級有時真係好玄妙 - Facebook 的推薦與評價
電影 評級有時真係好玄妙，有時IIA 呀IIB 、III 級，可能睇完之後都係傻傻分不清究竟點解係依個評級。動畫組入圍作品就有一套III 級動畫，用霓虹來揭示愛情。 ... <看更多>