https://www.patreon.com/posts/55065397
話說某黃標KOL響自己網台節目大放厥詞話自己睇咗幾本阿富汗相關書籍、已成「阿富汗問題專家」，真係唔知佢那來如此狂妄自信。
即使我自從ISIS冒起後長期追蹤敘利亞、伊拉克同阿富汗相關新聞，去到最尾都絕對唔敢同「專家」兩個字拉上任何關係；就算作出所謂分析，都只限於我比較熟悉嘅軍事角度進行，然後你點估倒轉個頭就有啲KOL睇完幾本書幾套戲就夠膽自稱「阿富汗專家」。
當然另一方面，我係好唔鍾意有啲人除咗只係鬧人「唔識嘢」，但卻一句都噏唔出人地唔識啲乜。我覺得唔開名係無問題，因為重點從來唔係邊個講，而係人地講錯啲乜、大錯定小錯，同埋真正正確嘅資訊係乜，否則呢啲批評同樣毫無價值。
對於呢位「阿富汗專家」做例子，我當然唔會浪費時間聽佢尻噏，但睇佢寫嘅幾個TAG，就經已發現幾個「驚人」錯誤。
1. 首先叫倒「拜登擅長於法律，但無Trump有基本軍事知識」本身經已好令人尷尬──作為一個Trump粉，都只能夠好遺憾咁講，特朗普對軍事範疇嘅知識係近乎零。其實如果有跟開特朗普新聞，都會知佢由最初參選時連Nuclear triad係乜都唔知、一路去到不切實際嘅550艘造艦計劃，半開玩笑話「只有臥底先會建議使用電磁彈射」……
相反，敗燈雖然同特朗普一樣無參過軍，但佢早年曾經熱衷於核武裁軍研究，之後坐外交委員會果陣又長期關注南斯拉夫內戰同科索沃問題，如果單單計「軍事知識」，敗燈一定知得比特朗普多。
但正正因為特朗普對軍事嘅無知，所以先會熱衷於組成軍人內閣，將呢個佢唔擅長嘅議題放權交比專業人士處理；又雖然Trump響任內不停炒走唔聽佢話嘅閣員，但由始至終響任內都無因為越權干涉而出現過災難性後果。掉番轉，亦因為特朗普唔熟軍事，所以佢旗下將領先至能夠私底下幫佢將錯誤嘅決定補鑊，其中最經典嘅莫過於特朗普要求從敘利亞全面撤軍，最後軍方竟然以「敘利亞本土有油田需要美軍駐守」呃Q咗佢准許保留最低限度駐軍，令庫爾德族人不致任由土耳其／敘利亞軍隊宰割。
敗燈上任就美軍呢種好運就開始消失，原因就係因為呢條垃圾自以為有足夠處理軍事議題嘅經驗同能力，所以即使成個國防部、兩位前任國務卿都同佢講明太急撤出阿富汗必然導致災難性後果，敗燈仍然持住自己「識嘢」而一意孤行。所以有句彥語講得好：「呢個世界有一樣嘢比一無所知更加危險，就係一知半解」。
2. 由劉世良去到老千石，都好鍾意借助荷里活電影去評論阿富汗問題。KOLs提過嘅《Charlie Wilson’s War》、《The Outpost》、《War Machine》、《Lions of Lamb》我都睇過，又當然電影可以令觀眾用最容易方式、響較短時間內了解大致昭題所在，但作為評論員其實真係要小心引用，因為電影通常都會有政治立場偏頗、同劇情過度簡化嘅問題。
黃標口中提到「要講阿富汗一定要由Charlie Wilson講起」，我一睇又知大鑊。雖然《Charlie Wilson’s War》響講到美國政府點會暗中資助阿富汗游擊隊裝備刺針飛彈呢段故事大致上都符合史實，然而佢個結局卻太過簡化──電影結尾講到阿富汗游擊隊大獲全勝趕走蘇聯軍隊，Tom Hanks飾演嘅Charlie Wilson建議中情局追加撥款響阿富汗進行教育基建卻遭受冷待，暗示美國佬打完仗就抽身而走置諸不理，埋下日後911災難種籽。
但呢種講法係咪公平呢？要知道當日蘇聯入侵阿富汗，佢地其中一種收買人心嘅方式就係興建學校、醫院同馬路！但阿富汗部落政治、宗教背景同埋複雜地形，都令呢啲計劃難以生效；而美國當時就選擇最低成本方式，資助宗教狂熱份子組成嘅游擊隊推翻親蘇政府，結果大獲成功，你話美國政府會唔會咁蠢，立刻用番蘇聯同一套方法去解決阿富汗問題？
更加唔好講塔里班其實響前一段時間都同美國政府保持良好關係，直至奧馬爾Short咗無啦啦瘋狂支持拉登為止。
然後去到小布殊時代佔領阿富汗全境，你估美國政府無諗過透過提升阿富汗人生活水平黎令當地人民擺脫對塔里班嘅支持？廿年黎1萬億美元對阿富汗援助入面，就有一大筆呢啲相關資助，但結果呢？由蘇聯時期一直唔能夠成功嘅收買人心政策，響廿一世紀一樣失敗，其實如果你花時間睇一睇阿富汗主要交通網絡，你就明白塔里班要搞禍社區建設根本係易如反掌。
所以如果有「阿富汗專家」／國際關係KOL話，「要講阿富汗一定要由Charlie Wilson講起」，基本上都係九成中伏。
3. 至於呢位「阿富汗專家」講到「布林肯無同北方軍閥傾個Deal去保護政府」、「Biden會依靠軍方專家做決策」呢啲Point，基本上已係流於狗噏無知嘅程度──大佬北方軍閥響美軍全面撤出前，經已被大量暗殺、唔少根據地被連根拔起，保護首都？佢地憑乜？同埋你美國佬諗住走人，然後想北方軍閥去首都做炮灰？傻撚咗？我有實力嘅，西瓜靠大邊，同塔里班Deal唔好？
真正識得戰略嘅軍閥，先唔會走去守護首都咁戇尻，阿姆魯拉·薩利赫趁喀布爾淪陷，將軍隊轉移至塔里班防守比較薄弱嘅地區反擊、自身支持度較高嘅地區（例如北方軍閥重鎮潘傑西爾），呢啲就係真正軍事行家，同尻吹「阿富汗專家」嘅分別。
至於敗燈會依靠軍方專家？佢識咁諗就唔會造成今日嘅大敗啦！呢條無能廢老從來最大問題都係自信心爆棚，我好有信心往後美軍嘅軍事行動佢仍然會一意孤行，至於會唔會蘊釀成軍事災難呢，就唯有向上天祈禱啦！
電磁彈射問題 在 有哪些優點？美國航母為什麼使用電磁彈射？| #探索時分 的推薦與評價
探索時分#003福建號# 電磁彈射 航空母艦是令人生畏的海上巨獸，一架又一架的戰鬥機從這裡起飛，呼嘯著掠過藍天。可是有一個 問題 ，現在的噴氣式飛機， ... ... <看更多>