follow我地ig會有更多唔同既相同更新
instagram.com/twosmallmouth
.
【三年抗痘謝謝你不離不棄】
(注明非廣告)
一直想寫這篇文很久
但一直在拖不知在拖啥
可能也順便等整張臉都好清光了再寫
也可能是因為結婚了想要感謝一下阿陳
.
雖然好似係想分享爛面的過程
但其實也是一篇放閃文
由細到大我皮膚都超光鮮白滑
就連於最可惡既青春期一晚怒啪一筒pringles
我都唔會爆一粒瘡
同左阿陳一齊之後,唔知係咩原因
可能壓大力機器壞食野衰
休息少護膚唔好生理期荷爾蒙
乜乜77加加埋埋唔鳩知幾百種原因邊種先岩既情況下
我爛面了,一爛爛了大約3年既時間
一開始覺得係小事好快就好
以為係黎M姐點知黎完M都冇停過爆
雖然最嚴重既時候都未去到月球表面咁
但一塊面大大細細加埋可以生成16/17粒暗瘡咁多
果陣心諗一塊面點解可以生到咁撚多架?
真係妝都唔鳩想化,
遮又遮唔晒又驚會阻塞毛孔,
每日一早起床就係摸下自己塊面到底有冇生新既瘡,
一摸到有就會有depress好嬲好不知所措,
連情侶之間既meet面珠呢D動作我都唔鐘意,
因為一meet就會掂到我D瘡(真係屌)
果陣我連見到自己個素顏樣都覺得好恐怖
但阿陳都冇離棄我,
佢雖然塊面好白滑但卻係個擠暗瘡既撚手,
幫我擠暗瘡就變左我地每日都會做既一樣野,
係屬於我地之間既回憶
#唔知係開心定唔開心但諗返都甜蜜既
#冇錯係好嘔心但係愛啊哈利
#冇錯好似係話唔擠得但唔擠真係一世都唔謝
#佢仲話自己好手勢所以宜家冇印冇盛
好不容易等到幾粒大野謝左,
真係春風吹又生,永冇停手,
再到下一次黎M又多幾粒!
為左塊面我去左睇西醫,一開始幾有效,
但好返唔去睇2,3個月又黎料
於是斷斷續續試左果個好有名氣既西醫一排我放棄
轉去睇中醫,睇第一個中醫,
正頭正路俾㷛好左既湯包(藥)你拎返去,
每日一包咁隊落去,
苦到賴屎但一心想靚返都係要飲,
仲要戒口,有一堆list既野唔食得,
當然最愛既辣野、打邊爐、熱氣野全部都唔食得啦,
又係咁睇撚左半年,都係冇效既仆街!
之後轉過第二個都係幾出名既中醫,
又係一樣戒口,然後先係叫我用藥粉沖成液體每日早晚飲
又係苦到賴屎,飲左2、3個月開始好似好轉左少少,
佢就話可以轉食中藥整既膠囊,但每次要啪20粒,
對於唔識食藥既我,要分開5次啪20粒,
每次啪果陣都要條頸chok後先吞到,
記得一開始食果陣我chok到條頸扭親埋
又係咁食左2、3個月,
繼續時而嚴重時而還好,但都係繼續生既狀態,
又俾我發現有一個貌似醫暗瘡好厲害既西醫,
由於之前已經試左好L多個,所以都係半信半疑,
一去到個西醫話我唔洗戒口(聽到呢句已經爽撚左),
又話我唔算太嚴重,3個月搞掂,之後配藥每半年覆診就得,
於是乎我食佢既西藥食左一個月就停左,
一路只是配佢既洗面、藥膏、cream咁搽,
由2017年年頭開始,真係3個月已經見效,
佢既效果唔係之前睇西醫咁快,
但真係慢慢出少左出少左,
每日朝早起身唔洗再惶恐咁去摸自己塊面,
可以俾阿陳meet返面珠都唔會俾暗瘡un到佢手指,
可以想食咩就食咩,唔洗再飲勁難飲既中藥,
到宜家我都係半年去覆一次診,
每次配定佢既洗面、藥膏乜乜77等等,
經歷左呢個3年幾以黎既抗戰,
我真係有一刻以為我要結婚果日朝早起床
都要擔心自己係咪又生多左幾粒暗瘡,
宜家我只係得返好少既暗瘡印同埋黎M果陣會生1、2粒
真係覺得好撚感恩,
同埋要多謝阿陳一路都冇嫌棄我爛面,仲幫我擠暗瘡
抵受冇數次被暗瘡顏射既moment,
我相信寫完呢篇文會有好多人想知個西醫係邊叉個
想知就問我或ig DM我啦,因為佢都真係好多人睇,
我都唔想迫爆佢但又想大家飽受暗瘡折磨既人都會好得返晒
宜家好拓賴我好返後完全冇痕跡冇變月球表面
經歷呢一劫真係可話係患難見真情,
冇爛面過既真係未必會明果個感受架嗚哇,
同埋宜家明白咩生暗瘡既原因呀剩呀好多都係廢架,
如果真係不停出既話就快D醫好佢,
唔係話你戒下口唔化妝減下壓做下運動就會好
好啦寫左好春長想睇既就會睇架啦,
post張圖文不符既因為我都唔鳩想po我爛面圖嚇親大家。
最後提多次大家follow埋我地ig~~
instagram.com/twosmallmouth
兩邊內容會有唔同架科科~~
同時也有1部Youtube影片,追蹤數超過3萬的網紅[email protected],也在其Youtube影片中提到,暗瘡問題 專題 - 趙麗珊醫生@FindDoc.com 資料來源:http://www.FindDoc.com 問題一:Tommy 是一名大學生。他臉上留下許多暗瘡印,凹凸洞。他曾用過不同藥物,如暗瘡膏等,但成效不大,而且當中有多種化學物質,是否會對皮膚造成不良影響?0:19 問題二:Tommy...
青春期暗瘡洗面膏 在 [email protected] Youtube 的最讚貼文
暗瘡問題 專題 - 趙麗珊醫生@FindDoc.com
資料來源:http://www.FindDoc.com
問題一:Tommy 是一名大學生。他臉上留下許多暗瘡印,凹凸洞。他曾用過不同藥物,如暗瘡膏等,但成效不大,而且當中有多種化學物質,是否會對皮膚造成不良影響?0:19
問題二:Tommy身邊的朋友並沒有受暗瘡的困擾,就算生了也不會留印。他為甚麼會經常生暗瘡,是否暗瘡的處理手法不當,應如何處理?1:43
問題三:有甚麼治療可以消除暗瘡印及凹凸洞?治療成效如何?風險如何?4:02
查詢醫生資訊:
http://www.finddoc.com/
Let's Connect:
https://www.facebook.com/FindDoc
https://plus.google.com/102821364210960788806/posts
![post-title](https://i.ytimg.com/vi/YD_Od6dvoeY/hqdefault.jpg)