《小丸子帶比我太多太美好嘅回憶了... 大概我要傷心好一陣子了...》
大部份嘅卡通片，都主張導人向善，逼Ｄ細路努力上進，例如叮噹勤喻大雄要比心機溫習，靜怡要扮哂大愛同everyone 做 friends，壞人最終會比美少女戰士收服，要好似麵包超人咁，犧牲小我，meet 自己塊面幫助肚餓嘅人，要好似哈姆太郎咁日日都咁開心。
但小丸子係唔同架，小丸子係令我明白，作為一個細路...
※ 唔想好似家姐咁聽話...
※ 唔想努力，但想得到回報...
※ 唔想同唔靚嘅同學做friend...
※ 妒忌花輪同學有錢...
※ 比較花輪同學媽媽比自己媽媽靚同後生...
※ 嫌棄屋企餐飯唔好食...
※ 同情洋蔥頭同學屋企比人燒左，但冇能為力所以唔打算幫，但唔覺得內疚
※ 覺得爺爺麻煩，有時想賣甩佢...
※ 覺得同學有分親疏，有好野只會益小玉...
※ 覺得丸尾煩膠，而且知道要點利用佢想做班長嘅弱點，得到著數...
總之，一個小朋友... 有D 懶，有D 妒忌人，有D口衰，有D貪錢，有D講過唔算數，有D 狡猾，有Ｄ私心... 係正常架。
月頭傷感一次，月尾又傷感一次，今年確係令人心碎
《國家幫你發展事業 你成為國家嘅產業》
有一個地方一直都好想去，就係小丸子嘅鄉下，日本靜岡清水市，終於俾我得償所願。其實之前幾次去日本一直都想去（無錯啦，我就係成日去日本，所以買唔到樓嘅廢青），但靜岡呢個location確係兩頭唔到岸，今次我由大阪去靜岡，再去到小丸子鄉下，轉左3次車，都要3個幾鐘，到達個下真係支力到好感動。
曾經有聽過，喧鬧嘅都市係培養唔到文青嘅，來到靜岡清水市，我終於明白到，點解會出到小丸子呢個人才，只有呢個咁平靜嘅清水市先培養到小丸子咁嘅漫畫家，同小丸子爺爺咁嘅詩人。清水市個海景靚到好似window 嘅wallpaper 一樣，有啲地方嘅景觀真係好岩做屋企牆紙，小丸子鄉下就係其中一個應該要製成牆紙嘅地方。我相信如果我生長喺呢個咁平靜嘅清水市，我應該更有才華。
※※※※※※
我確係好佩服日本人將一個平平無奇嘅清水市，都可以轉化成一個「好想去」嘅景點...
一到清水站，你就見到周圍都係小丸子poster，然後佢會有免費專車，車你到小丸子展館。你想像下，一個國家，一個小鎮咁畀心機，去配合本地創作人發展佢嘅事業，真係好做到野。國家幫你發展事業，而你就成為國家嘅旅遊產業，日本喺呢方面真係做得好出色。小丸子展館紀念品區，以小丸子卡通去賣靜岡土產，用小丸子包裝大米，綠茶。靜岡sell 小丸子，小丸子再sell 返靜岡。甚至小丸子入面嘅配角，生得好似洋蔥嘅永澤同學，都有佢嘅selling point，竟然用洋蔥頭同學sell 洋蔥湯。
我覺得一個人有成就到，成個國家同成個地區都用你來宣傳返個地區，連個火車站都用你做poster，真係好威。大家諗下，國家甚至特區幫名人打造專題館，再用名人宣傳返個區，喺香港我只係諗到孫中山先生同埋奧運站 (話說奧運站叫奧運站，係因為慶祝李麗珊拎到奧運金牌)。九龍公園都有擺本地動漫人物，灣仔都有動漫中心，但地區配合度極低，宣傳到好似冇宣傳一樣。完全發揮唔到「亙相宣傳，亙相利用」嘅功力。香港嘅官方姿態往往係政府「幫」本地創作者，其實呢件事並唔係單向嘅。政府如果做得好，係大家益大家，國家如果幫手發展創作人嘅事業，創作人都可以成為國家產業架。
※※※※※※
PS. 其實小丸子套卡通，我並唔係特別鐘意小丸子，佢只係一個女版大雄，每一刻都希望不勞而獲同埋發大達。我最鐘意嘅其實係永澤同學，同埋野口同學，因為佢兩個都比一般嘅細路成熟，永澤同學因為屋企火燭，一夜之間遭逢巨變，時刻都有悲傷嘅感覺散發出來，我就係鐘意佢咁沈鬱嘅個性。至於野口同學，我最鐘意佢唔埋堆，唔想理人地感受，social 同每秒都顧人感受，在意人地點睇你，真係好支力，你見野口我行我素，唔同班入面嘅八婆做friend，你就知佢有大智慧啦。
#靜岡有好多IQ博士嘅烏鴉不停呀呀呀咁飛過
#另一個鐘意永澤嘅原因應該係佢把聲係叮噹把聲來架
#我成日覺得銅鑼灣好應該有個古感仔博物館_長洲應個有個珊潺crossover_McDull博物館
靜岡有好多iq博士嘅烏鴉不停呀呀呀咁飛過 在 靜岡有好多iq博士嘅烏鴉不停呀呀呀咁飛過 - Facebook 的推薦與評價
explore #靜岡有好多iq博士嘅烏鴉不停呀呀呀咁飛過at Facebook. ... <看更多>