關於 非洲真係死緊人呀 ，我們在網路上蒐集到這些相關的討論、資訊與評價

［婊揚好人好事］是咁的，尋日見到隻新聞稿，明愛社區中心同香港喇沙會搞左個「好。鞋子」回收計劃，目標係收集3000對鞋，運去非洲喀麥隆偏遠山區，「改善居於貧瘠地區居民的生活」。

陣膠味濃到一個點。

首先，好多人都已經講解過點解唔好直接捐日用品去非洲，因為你會直接破壞當地市場的平衡。非洲唔係冇地方賣鞋，非洲有自己的工廠可以造鞋，如果你有睇戰狼二，你仲會發現非洲受著我天朝的庇佑，連鬼佬都唔敢蝦非洲。但當你將3000對鞋運去非洲後，原來要買鞋的人，就不用再買了，原料供應商、工廠、物流、零售等各方面的人，將會同時面臨你的衝擊。正如你喺深水埗賣緊平價電腦，突然美國蘋果大發慈悲，在深水埗免費派二手蘋果電腦，你覺得你這小店能生存下去嗎？

讀到這裡，你可能會話「咁佢地抵死啦，賣咁貴又質量唔好！」係，無錯，對比起大家捐出來免費的鞋，他們初起步的工業根本連強國十分之一的質量也沒有。但這是所有工業起步時，必須要經歷的痛楚，就好似打機咁，一開始梗係lv1架，之後慢慢升級裝備，學新技術才能成長。但你在新手村放個lv99的boss出黎，叫佢點打又點成長？總有膠人會話非洲的朋友唔等得咁耐，無錯，正正係唔等得咁耐，先要幫他們扶起工作和經濟，你有冇信心或打算去捐一世的鞋先？你冇。你諗下人地建一間工廠要幾多錢投資，你條粉皮走去捐足三年，咁邊個捱到三年？之後人地執左笠，你又唔捐，咁非洲人著草呀？我係非洲商人都唔敢再投資整鞋啦，容乜易過兩年你又扯起條根話要捐夠30萬對鞋黎？通往地獄的道路，往往是由善意鋪成的，最後非洲的朋友除了原來的人外，還有商家都會一起赤腳踏上你善良的不歸之路。

你講，你自己抵唔抵婊？好啦，你應該又會話自己捐去喀麥隆偏遠山區，那裡根本無人賣鞋，點會影響到經濟呢？

華生，恭喜你，你突破自己條盲腸啦！你有冇問過人地想要啲咩？定係你自己主觀覺得條村需要鞋你就捐鞋了？我夠話你需要一個大腦啦，唔通我又捉你呢個矯情的小賤人入醫院治療了哦？你都識講偏遠山區，白癡都知道山區最缺乏的往往不是鞋，而是藥物。喀麥隆爆完黃熱病、今年已經爆左霍亂、利什曼原蟲症、禽流感、小兒麻痺症。你有冇諗過人地好日都唔見有架大貨車山長水遠揸過黎，全村人即刻充滿期待圍住貨車等你派藥，點知一打開個箱，全場黑人問號：＿你，鞋？！你冇野呀嘛？班細路小兒麻痺癱晒啦，你俾對鞋佢做乜？不如玩大佢，你下次捐棺材啦好冇？

鞋，衰極都仲可以用樹葉去製造，但藥物，冇一個巫醫可以鍊成。

其實你好心做壞事，我都唔會婊揚你，但新聞稿我睇到呢句真係眼火都爆埋：「今次的活動已超越金錢的考慮，也是希望藉此喚醒香港人的環保意識及珍惜物品的心！」

大佬，乜原來你捐鞋的目標唔係為左幫人，而係希望「喚醒香港人的環保意識及珍惜物品的心」，你有冇諗過我唔想用一個咁唔人道嘅方法去被你喚醒？同個呀媽俾５蚊個乞丐，之後當住人地面同個女講：拿，要俾心機讀書呀，如果唔係大個做乞衣就要靠人施捨架啦。你睇下佢幾慘？記得珍惜媽媽對你嘅好呀！

這是那門子的行善？環保？你計下自己由香港運到去非洲，成件事幾多碳排放？仲要叫捐贈者用袋裝好每一對鞋，你募三千對即係三千個膠袋，真係好環保呀！你地兩個機構真係離地到唔駛著鞋，唔怪之得叫大家捐啦。

真心，香港喇沙會如果真係要幫人，我介紹一個群體俾你：香港美食車中伏苦主大聯盟。你喇沙師兄曾俊華的傑作，不過你就唔好捐鞋啦，佢地日日開檔都蝕到鞋鞋聲，話晒都係你地嘅人闖嘅禍，不如執左自己啲蘇州S先，然後才去肆虐非洲？

參考資料：
衛生福利部疾病管制署
http://www.cdc.gov.tw/professional/countryinfo.aspx…

Adam Ruins Everything: 為什麼買一送一模式沒有幫助任何人
https://www.youtube.com/watch?v=xtHx4nnr1ko　

東非想禁二手衣 美國施壓肯亞退讓
https://udn.com/news/story/6809/2562652　

原文: https://topick.hket.com/article/1928471/舊鞋救命%20明愛發起愛心回收舊鞋大行動

#出師婊
#婊揚好人好事
#有心為善雖善不賞
#無心為惡雖惡不罰
#我唔介意大家沽名釣譽
#但唔好傷害到人
#非洲真係死緊人呀
#仲好意思籌六萬運輸費
#你係喇沙家長真係唔好捐
#應該趁這機會教小朋友不是所有做好事的都是好人
#社會真的很黑暗哦

《香港十大商舖成交紀錄》香港的十大商舖紀錄有那十個?

(10) 舖最貴呎價成交? 
(9) 舖最平呎價成交? 
(8) 舖最貴每月呎租?
(7) 舖最貴每月單一租值?
(6) 舖加租最多?
(5) 舖減租最多?
(4) 舖單一成交最大金額?
(3) 舖單一蝕本最大金額?
(2) 舖升幅最多倍數?
(1) 舖跌幅最多百份比? 

答案在影片裏。
..........

「行街睇舖團」人數：每次限最多十位
報名/查詢:
聯絡: Suki / Monica
電話: 2830 1111
Whatsapp: 9218 5223
Email: cs@bwfund.com
只適合持有港幣八百資產以上想買舖人士參與。
..........

影片內容: 

舖每呎高達137萬，低至1429蚊，貴至每月1378萬，每呎要成8667蚊，租金升213%，但跌就百分之76，最大單11.5億，但蝕就4.6億，升可以7600倍，但跌就百分之92.5。舖真係可以天堂可以地獄。


你一輪咀係道噏緊乜嘢呀？


我係道噏緊十個商舖天堂與地獄嘅成交紀錄。你知唔知邊十個？


買舖 要買得 PRO， 我哋經常搞行街睇舖團，想報名可以打2830 1111，經過梗係要識呢十個舖市紀錄啦！


第10： 論呎價，全港最貴嘅舖就係我後面呢間銅鑼灣波斯富街77至83號波斯富大廈地下N舖，實用面積得嗰126呎，喺2014年資本策略就用1.85億買入，後來因為自由行減少，業主英記茶莊為求成交，願意減價1200萬，最終以1.73億沽出，實用呎價都高達137萬一呎，依然係全港呎價鋪王。


相比起住宅，最貴嘅樓，即使今時今曰，山頂既Mount Nicholson 係今年3月，每呎都最多只係賣過152000蚊，相比下，舖王就貴多樓王8倍。 所以舖王唔單止係舖王，應該係叫做物業之王，論呎價，應該無任何物業貴過佢嘅137萬一呎。 即使有, 我估都只係骨灰龕位，咁細個啦。


記住，舖價可以高達137萬一呎。


第9：講完最貴呎價，咁最平呢？ 唉，畀張紙巾我先。而家舖市基本上係大幅落後大市，差 過住宅、差過工廈、差過商廈、差過車位、連骨灰龕位都差過。 啱啱講嗰啲，全部依家日日創新高。 但舖市呢，所有新高都係講緊11 、12、 13、 14年，但所有嘅新低都係呢兩三年發生。 我做舖嘅，都真係一殼眼淚，不過近排好返好多啦。論最平呎價？ 唔好講N年前嗰啲，因為比較唔到，近年嘅話可說係我後面呢個佐敦廣場。


前身係百爵酒樓，面積近兩萬呎涉及四層樓面，係1992年嘅時候就劏咗成為160間鋪，當時嘅呎價就已經兩三萬蚊呎。 可惜好多買家收舖之後先發個實用率超低，得嗰三四成， 向賣方追討後賣方仲清盤埋間公司，管理公司都執埋，由於欠缺管理，舖價瀑跌。 喺呢度3樓9號舖，建築面積約70平方呎，係2016年4月嘅時候就沽出咗只係十萬蚊，呎價只係得1429蚊， 原業主喺九二年以70萬買入，揸咗廿四年，蝕咗八成六。


相比下，同一時期，即使最隔涉， 被譽為有可能係最平私人屋苑嘅大嶼山澄碧邨， 係2016年5月就賣咗170萬，以建築面積615呎計，呎價都要成2764蚊， 最隔涉嘅住宅比起咁中心位置嘅佐敦廣場間舖，同期住宅呎價都高出近一倍。


藝人薛家燕當年都係呢道用左254萬買左兩間，揸咗18年，係2010年就以27萬6000蚊賣買返畀財團，蝕咗近9成。 到依家你睇下，依然都係咁吉。


記住， 近年舖最平都只係1429蚊一呎。


第8。 講完買賣成交，而家就講下租務。全港最貴呎租嘅舖就係喺我後面呢間銅鑼灣景隆街同駱克道交界嘅找換店，景隆街2號呢間迷你舖, 建築面積50呎，實用只得嗰30呎，2014年4月續租租金為26萬，實用呎租為$8667。雖然 隨著自由行的縮減，2017年5月續租時，租金下跌咗近一半，至13.8萬蚊， 憑著實用每方呎每月四千六百蚊依然是香港的租值舖王。


記住， 鋪月租呎價可高達8667蚊。


第7： 講完呎租之王，而家就講下成間舖租起，最貴係邊間。就係我後面呢間銅鑼灣渣甸街 5 至 19 號京華中心地庫、地下，以及 1 至 4 樓共 6 層巨舖，總面積51,188 方呎，由 Forever 21 係2011年承租, 成為全港有史以來 最貴嘅單一舖租、月租高達 1,378 萬元。 可惜Forever 21 品牌喺2017年撤出，依家由Victoria Secret只係用一半價值，七百萬就租到。


相比起住宅單位， 摷番資料2012年5月份嘅時候，西半山天匯頂層複式單位，就用咗天價月租125萬租出， 以實用面積5732平方呎計，呎租都只係218蚊。 相比起最貴嘅舖王，舖王貴樓王呎租足足40倍。成間嘅租值都相差成十倍。 所以做得舖王，可說說是所有物業之王。


記住，最貴嘅鋪月租係1378萬。


第6: 講起加租最多， 可以數返去2011年自由行好景嘅時候，銅鑼灣羅素街58號，即係同波斯富街大單邊呢個位， 建築面積地下700呎加一樓1100呎，太子珠寶鐘錶嗰時就以每月250萬續租， 比起舊租80萬，租金急升超過兩倍，即係213%。 嗰陣時嘅業主幾狼，樓？ 邊度有加咁多呀。


記住，舖租一加可以加213%。


第5: 升得急，亦都跌得甘。香港史上減租最多個案，就係我後面呢道。恩平道17至19號地舖，同白沙道嘅大單邊，建築面積1471呎，2013年起以月租170萬租給名錶IWC, IWC 約滿後減租以60萬再租給英國家電品牌Dyson， 可惜由於Dyson冇辦法打通1及2樓於是放棄租用。 於2017年8月再租給藝廊40萬元, 由高峰期足足跌了76%，相信係香港單一減租嘅紀錄。 仲未衰完，即使減租咗，可惜不足半年間藝廊又再執笠，依家最新租左俾Initial， 希望做得住啦。


記住，舖租最多減76%。


第4: 舖市歷來單一舖最大單Deal 呢？ 可以數返去2012年6月， 內地投資者劉軍就用咗11.42億買咗我後面，波斯富街 108 至 120 號寶榮大樓地下 A 、 B 號舖、1 及 2 樓，即泉章居舊址，總樓面約 2.5 萬方呎，係當時及至今最大單單一舖嘅 deal 。嗰陣時，原業主都只係早三年，即係2009年7月以約3.07億元買入姐，三年升近三倍，仲要係交吉賣，劉軍係唔係買貴咗呢？


好多人問我，佢買間舖買得靚唔靚。我話好簡單啫，唔使問咁多，你賣返出去有錢賺嘅，咪買得靚囉。賣出去蝕本嘅，咪買得差囉。喺劉軍呢單case，就買咗嗰差位，因為係蝕大本。


記住，舖最大單單一成交係11.42億。


第3。 香港市場蝕本最多嘅鋪係邊間？ 就係劉軍呢間啦。佢係2012年以11.42億元買入之後，吉咗一年，2013年底終於搵到先施百貨進駐，以月租190萬租出大部份樓面，2016年續租時就減咗兩成至150萬先施續租到依家。當時地下AB號舖則長期租不出，直至2014年底，劉軍劈價五成，以2.1億元出售地下AB號舖予宏安鄧清河，劉軍再係2017年2月以4.68億沽埋先施個位俾冠華鏡業，前後合共套現6.78億，比起2012年買入價11.42億， 未計手續費，係五年間就蝕咗4.64億， 即係蝕本超過4成，相信至今係香港歷史上蝕本最多錢嘅商舖成交。


老實說，買得呢啲位置嘅一般都係好強實力，有頭有面嘅投資者。即使係蝕本都唔會咁樣高調沽貨離場，好樣衰。仲洗見人？ 係都靜雞雞，公司股份轉讓無人知道。不過，如果唔係本地投資者嘅， 冇識咁多朋友，我估就相對冇所謂嘅。 我去非洲買鋪，蝕本咪照沽囉，但如果係香港，蝕大本，好樣衰㗎媽，仲駛出來行！


記住，舖蝕最多係4.64億。


第2: 講完蝕得最甘，不如講下升得最多。我後面呢間係全港有史以來升得最多倍的舖， 地址係波斯富街76號地舖(羅素街及波斯富街交界)。本來是Rado, 現在是 Folli Follie。 原業主於1966年以5萬元買入, 係2011年1月以3.8億沽俾英皇。45年間升值7600倍， 是香港舖界紀錄，應該也是所有物業中的紀錄。建築面積600呎，呎價$63萬，買入時租金為每月64萬，回報2.0%。之後2014年3月加租1.8倍至179萬， 隨著零售業自由行大跌，Rado 於2015年12月撤出，follie follie 進駐，最新租金為90萬，呎租由$2983減至$1500。 舖市升過千倍好平常，但係升7600倍依然係香港紀錄。


樓的話，最多一般升都只係升幾百倍。係我後面呢間，勿地臣街16號一個單位，係2017年1月，因為收購而被發展商用3600萬買入，原業主係70年用$37000買入單位，46年間就升值咗972倍。 翻查有報導過嘅資料，呢單已經係香港樓嘅紀錄。


如果你喺1960年代買入香港第一個大型私人屋苑，即係美孚新邨，第一手揸到而家，揸足50年，都只係升咗大約二三百倍。 所以舖王升值潛力遠遠大過樓王。


記住，舖可以升值7600倍。


第1: 上帝要你滅亡，必先令你瘋狂。升得多，梗係亦都會跌得甘。 買樓一般最多都只係蝕幾成。即時97年最高峰嘅時候買入，03年沙士嘅時候沽出，就蝕七成囉。但買舖就蝕得更甘啦。 你以為我上面講嘅佐敦廣場蝕得甘？ 未算。 我後面呢個尖沙咀金馬倫道首都廣場一樓F148舖，實用80呎，前身係DNA 商場， 喺2013年由劏場大王尹柏權劏出嚟，全場劏舖數目超過700個， 推出首兩年五厘回報保證，吸引咗唔少第一次買舖嘅買家，原業主係2014年用827.2萬第一手買入， 由於欠缺推廣及管理不善，舖價大跌淪為死場，原業主就係2017年5月以70萬沽出， 未計手續費， 帳面蝕咗足足91.5%。


呢個未係香港紀錄，只係排第二。第一應該係位於我後面荃灣近路德圍嘅地皇廣場， 前身為登發大廈嘅商場，本來係幾間大型食肆同補習社。 喺2012年又係劏場大王尹柏權劏出二百五十間舖， 又係首兩年五厘回報保證，可惜劏場最終又係淪為死場，係2017年7月地皇廣場內一個2樓嘅238號舖，建築面積 84 方呎，實用面積 42 方呎。原業主用400萬4千元買入，持貨五年以30 萬元沽出，帳面勁蝕 92.5%！ 比首都廣場嗰間蝕多1%，呢個先至係香港舖市蝕本嘅紀錄， 我相信亦都係喺香港所有物業市場蝕本嘅紀錄。


好多人問我蝕咁多點解要賣呢？你要明白，商場舖即使你租唔出，每個月都要畀冷氣同管理費，每間舖平均要比成千幾蚊港幣。 一方面你租唔出的話，你可以每個月繼續俾千幾蚊，或者一次過收30萬斬纜就算數啦。 你可以等，但回望返佐敦廣場，一吉起來就可以至今吉足廿六年，咁你會選擇每個月畀千幾蚊， 唔好彩嘅畀足26年，或者袋三十萬認輸離場呢？ 你自己計計數啦。


好在喺2017年8月份，有個叫李根興嘅攪屎棍聯同一班業主， 一齊唱歌跳舞希望聯合力量招租搞返旺個場 ，而家？已經100%出租曬啦！ 想租鋪？可以打俾 Olive Wong 5640 8020 睇下你仲有無份入場。三十萬一間？ History 啦，依家肯以倍數上返去。


但最後，都要記住鋪可以蝕92.5%。


今日聽多次個南無佬講咗啲乜？


舖每呎高達137萬，低至1429蚊，貴至每月1378萬，每呎要成8667蚊，租金升213%，但跌就百分之76，最大單11.5億，但蝕就4.6億，升可以7600倍，但跌就百分之92.5。舖真係可以天堂可以地獄。


而家聽得明啦掛。你去天堂定地獄？ 睇你本事啦。


李根興博士 Edwin @ 2018年8月
盛滙商舖基金 Bridgeway 創辦人
- 關於「舖」：聯絡我 WhatsApp 90361143 edwinlee@bwfund.com

http://www.facebook.com/lamfungfrances
http://www.facebook.com/tagconcept

【難道我可以扭轉宿命出少啲粉刺？最強消炎殺菌補濕洗面組合！】
esse gel cleanser 有機潔面凝膠 100ml + Odacité Jo+L 荷荷巴薰衣草毛孔清透精油 5ml

有時啲嘢就係咁，你同佢無仇無怨，佢係都要針對你！講緊嘅，係老是常出現嘅面油同粉刺！莫講話油性暗瘡肌吖，早幾日潮濕到世界末日咁，呢兩日空氣又差，腸粉咁白滑嘅牙瘋都出多咗油脂呀！定期做深層清潔就梗架啦，但冇奶油日日做咁傷害皮脂層架嘛！大家嚟評下理嘞，是咪揀返款洗到人黑貓都變白貓嘅潔面產品，才是正經事先？


喂但你千祈咪咁戇兜兜，以為天生油底嘅用啲有磨砂同終極多泡面產品就代表好L乾淨，暗瘡都可以洗走埋喎！揀錯洗面只會越洗越乾，皮膚越洗越爆瘡！到時你嗌到鄭嘉頴叫.jpg咁都茅人理你架啦！


Fresh fresh地介紹返，esse gel cleanser採用極溫和嘅表面活性劑，植物性嘅泡沫成分徹底洗走全日痴痴埋埋嘅污糟嘢同過多油脂！含有薄荷及綠薄荷油，有效促進肌膚血液循環，幫助排毒！非洲蘆薈汁有非常到位嘅抗炎功效，鎮靜受損皮膚，笨且能夠調節肌膚免疫力！蜜樹提取物抗氧化功效比綠茶高十倍，去黃能力是肯定的！有埋迷迭香先至絕呀！唔～果種清新味道令人放鬆到忘掉心中情，洗走油脂同時洗滌埋心靈呀真係！


短短兩分鐘嘅洗面，啲面油同污糟嘢已經走都走唔切，洗完唔乾又滑滑！朝早洗完特別醒神，好多入手咗嘅油油豬表示，返咗半日工再瞬間看鼻頭，比之前出少咗油嘅喂～仲可以當埋剃鬚gel用，唔怪得突然多咗豬仔豬佬嚟入手啦！


查實呢支gel cleanser唔是得油底用得架，咩膚質都可以用！有粉刺暗粒暗瘡問題，甚至慘絕人寰到心口呀背脊都有粒粒的話，加兩滴Odacité Jo+L荷荷巴薰衣草毛孔清透精油溝埋一齊洗面，洗走啲廢油，殺菌消炎真係堅work！牙瘋呢招殺菌鐧喺過去一年已經拯救咗唔少紅痘兵，塊面浪過油咁趕客 ，又或者係皮膚死灰多粒嘅你冇藉口唔入手啦啩？


TAG Concept
www.tag-concept.com
總店：旺角新之城3樓306
13:30 - 22:30
分店：銅鑼灣東角駅2樓275
13:15 - 22:15
WhatsApp：54425298
WeChat：tagconceptonline


#tagconcept
#esse
#esseskincare