有人話，女校出身嘅女生對於拍拖觀念頗有落差，畢業之後需要時間適應外面社會，而我就喺大學時候追返晒所有經驗值。
同成為小三一樣，當你一腳踏兩船，你係好難同朋友分擔呢個秘密，情感都要自己一力承擔。中七嘅暑假認識了N開始拍拖，然後3個月後大學Ocamp又認識了J。N係暖男J係Alpha male，我當時揀極都揀唔到。作為揸過半年船嘅掌舵人，我嘅自白係：心覺得好糾結好慚愧因為講咗好多連自己都唔記得嘅大話，身亦覺得好不潔因為同時與兩個男人發生關係，但係...
“我都唔想㗎，我可能有選擇困難症。”
呢個係我當時俾自己嘅藉口。其實我係三心兩意，而且嘗試逃避選擇，諗住拖得就拖，避得就避，可以自私就自私。我貪心，所以兩邊都唔想鬆手；我怯懦，唔敢面對要向其中一方提出分手嘅一刻；我混亂，因為我當時根本唔知道自己想要什麼...最後三敗俱傷。
對於所有船家我有以下意見：
面對選擇大家都徬徨過，好多一腳踏兩船嘅人都會推說話自己分唔清愛邊一個，又或者有啲船家甚至就係enjoy呢種刺激，追求魅力嘅認同和成就感，所以更加唔想放手。
可是，所謂因果報應如影隨形。一起風兩條船，如果唔早日解決嘅話，火剩風勢只會一起被燒掉，最後只會由腳踏兩船到一無所有。我仍然清楚記得當J忍唔住決心離開嘅時候，佢同我講咗一句”貪心嘅人永遠唔會有好結果”，直到而家我仍然銘記於心。對於我嗰半年嘅惡行，而家諗返起都有一種毛孔想擴張嘅麻痹感。
事實上，人似乎天生都有迴避選擇嘅傾向，因為做完選擇就代表要承擔選擇後嘅後果。我認為，自稱有選擇困難症嘅人最重要嘅係要認識自己，越清晰越懂得捨棄，越有勇氣去對抗外界硬加給社會嘅道德觀念。
假如你而家唔小心成為陷入極端焦慮嘅船家，我勸你要盡快勇敢面對。選擇嘅重要關鍵通常都有對與錯，而大家都會偏向選對嘅。但係喺感情世界根本就無對錯，只有承擔後果嘅多與少。”出得黎行預咗要還”，就算你驚都會面對，要自己衡量一下邊一個對你黎講係比較心甘情願。
有人話，如果你同時愛上兩個人，你就應該選第二個。因為如果你真係愛第一個，你就唔會愛上第二個。計我話，當你連自己都唔知自己想要啲咩，如何去愛其他人？拖住一個又話愛另外一個是否太自私？你應該兩個都要放棄，唔好晒人哋時間之餘要學習獨處，等自己嘅思緒同貪婪沉澱，令自己成為一個更成熟嘅人先再去愛下一個。有啲嘢緣份到自然就係你嘅，你永遠唔知最後嗰個係一個新嘅緣份，定兜兜轉轉仍然係佢。
最重要係你要認清自己。
其實，可以專一亦係一種幸福。
共勉之。
#面對選擇你可以更勇敢
#女人像鹽
面對選擇你可以更勇敢 在 洪雪珍- 【勇敢樂觀，是一種選擇 的推薦與評價
再出版《哪有工作不委屈，不工作你會更委屈》。我選擇面對市場的殘酷考驗，這就是勇敢！ 勇敢，是一種能力！做出選擇之後，就要比上 ... ... <看更多>