【吹水的商機】
接載外國遊客，係的士司機常見任務，儘管司機並無責任對遊客特別好，但隨口傾幾句等佢地印象好啲，亦無甚壞處。
呢頭「ありがとう」完幾個日本乘客，酒店職員已緊握門框，驚死我落客就走咁。「裕華國貨！」職員嘅嗓音自打開嘅車門傳入，一對外籍夫婦去裕華國貨？會唔會係去翠華呀。由於職員報錯地址都唔係第一次，去到目的地先發現去錯絶對係投訴無門，而且於事無補，同乘客再三確認最實際。
居然，乘客真係去裕華，我了解吓佢哋點解要去啦，佢哋話要搵啲Old Fashion嘢。我嘅想像力唔足以將裕華同外國人拉埋，但重點係無搞錯地址就得。一路上順口講吓香港特色嘢，提吓佢哋兩個人去機場唔好白痴到搭港鐵，傾傾吓，問到佢哋係咩國家嘅人，佢哋要我估。
一對中年外國夫妻，休閒西裝配搭，除咗男乘客面色較紅潤之外，真係分唔到咩國家。從口音判斷應該係歐洲人，所以我唔肯定咁問佢係咪英國人。「不是。」略帶英語口音嘅普通話，震驚咗亂估嘅我。兼通中英文，莫非係戰鬥民族？（其實無乜關係，可能因為再之前上咗個勁索俄妹，固有此語。）當然再一次估錯，咁我請佢哋開估啦。
登登登凳，原來係德意志民族。每次問到乘客來自邊個國家，都求其搵啲相關嘢吹吓，以示親切。德國人，就同佢講法蘭克福書展啦。呢個一年一度世界級書展，係世界各地書商傾翻譯本版權嘅熱門時機，但相信都係相關界別先知，至少香港應該無乜人聽過，唔知德國人又點。點知，德國乘客一聽就知咩事，仲話識人做出版，都唔知係咪吹水。
我即刻同佢哋講，我都有本書參展喎，回贈頭先嘅Really俾佢哋，好在我有第三版在手，馬上送上畀佢哋揭吓。佢哋一見到係第三版，即刻話我肯定好有錢，令我不得不講吓兩地文化差異。「我都想發達，可惜我賣書嘅利潤仲及唔上載你地呢程車。」再一次引來Realy之聲。「禾的年的紅的，可能 全趕啲一個 出書 嘅的士」繼續係普通話讀封面字。「哦，呢句係話我可能係香港第一本由的士司機寫嘅的士書。」「可能全世界都係呢。」呢句佢地用返英文講。我唔肯定呢樣嘢，哈哈哈笑吓就算。出書又唔係破處，第一個定第n個唔係太重要，重點係好唔好睇啫。武俠小說不知凡幾，但金庸只有一個。
臨落車前我都Hardsell佢哋提「朋友」去法蘭克福書展，一個唔覺意出本翻譯本，咁紅的就可以駛進國際。（或柒出國際）
-------------------------------------------------------------------------
大家可以FOLLOW我嘅
IG：lazytaxihk
同白告作者ACC，入面有啲短篇故事，同一啲生活評論等等。
#法蘭克福書展
#lazytaxi
#的士
#taxi
#我的你的紅的
面色紅潤英文 在 常喝面色紅潤，補氣養血睡眠好，黑眼圈也沒有了- YouTube 的推薦與評價
臉色蠟黃沒精神，多喝這道湯，常喝面色紅潤，補氣養血睡眠好，黑眼圈也沒有 ... 美食多的可以點擊： https://reurl.cc/43LRD3 【英文字幕Subtitel ... ... <看更多>