【逐點擊破六大政治蛋頭學者謬論，兼收Larry Diamond皮】
中國人性好崇尚權威，袁世凱就係睇穿呢種民族弱點，先會借學者、老革命家之口歪曲事實將帝制合理化。；飯民大台就係深知香港人同樣深種中國小農DNA，所以梁家傑、李柱銘一眾政壇老不死，再加一堆蛋頭學者訴諸假權威，就想強將接受獨裁政府委任一件完全出賣群眾、違反民主嘅事，講到好似好有道理。
其實只要隨意引述呢班蛋頭學者支持臨立會2.0嘅理據，你就會知道佢地究竟有幾不堪。
1. 城大公共政策學系教授葉健民認為：
「果民主派決定總辭，是不尊重香港選民之舉，令數百萬民主派支持者失去在議會的代表」
駁斥：葉健民你最多只能代表你自己，其他香港選民諗乜關你尻事？真正民意嘅體現只能在於有公權力嘅選舉，豈係你呢條學棍可以代言？當然更重要嘅係，邊個同你講一個民主派嘅支持者必而需要在議會內有代表？當一個議會完全違反民主原則同失去合法性，民主派支持者同樣可以要求代表杯葛議會！
「反駁抗爭派「立法會無用」論，指整體而言，立法會功能面對不少限制，但只要民主派有創意、智慧和努力，絕對能夠「出奇制勝」。」
駁斥：呢個Point真係膠都廢撚事派。有創意、智慧和努力，呢啲嘢幾時出現響民主派班政棍上面呀？傻撚咗呀你？
2. 中大政治與行政學系高級講師蔡子強表示：
「區議會現時亦被政府架空，去年區選亦有參選人被DQ，如果抗爭派視整個體制為「政治花瓶」，便應該帶頭在區議會總辭。」
駁斥：呢個係一個極其卑鄙無恥嘅講法：反對臨立會2.0由頭到尾嘅基礎都係，呢一年任期並唔係選舉產生嘅結果，而唔係因為D唔DQ呢個問題，蔡子強呢條撚頭根本係轉移視線。呢班飯民議員最大問題係上一次選舉嘅民意授權只係去到2020年9月30日，10月1日開始嘅根本係非法任期，點可以拎埋黎同區議會比較？
3. 港大政治與公共行政學系教授李詠怡指出：
「除非民主派一直全面杯葛現在的體制，否則她不明白為何要杯葛續任一年的立法會。」
駁斥：呢件七頭學者又係犯咗同蔡子強一樣嘅謬誤。而家重點就係呢個「續任」係完全唔尊重選舉、僭建出黎嘅非法組織，同埋李詠怡你係咪連最基礎嘅資料都未睇清楚？人大決議係講到明，臨立會2.0「最少續任一年」！咁我想問如果下年、再下年，再下下年立法會都繼續用你口中嘅「續任形式」，一直唔再舉行選舉，咁飯民係咪做「萬年國代」，永世含撚落去？
如果一年就可以忍、兩年三年就唔可以，咁你個標準點定？係你出於教授嘅學術判斷，定係純粹個人喜好？
「就算最後唔能夠阻止法例通過，你最低限度都唔好俾政府過得咁容易呀⋯⋯ 如果你總辭，政府就可以大條道理地講，現在不是我不讓你們留在立法會，是你們自己走曬」
駁斥：真係好難相信一個政治與公共行政學系教授可以講出咁嘅說話。咩叫政府可以大條道理講唔係唔比你留在立法會，係你自己走哂？獨裁政權就係基於國際壓力，先至會容許一定程度嘅民選議會存在，你估只有反對派需要議會，獨裁政府就唔需要政治花瓶？
今次你杯葛呢個非民主委任，唔係止係向獨裁政權攤牌，講到明自己嘅底線就係拒絕任何非選舉產生嘅非法議會！用下你個學者腦諗下，如果獨裁政權真係咁想迫飯民杯葛議會，點解會連被DQ果4個議員都可以回歸議會？
李詠怡好明顯響過去4年都乜睇過飯民響立法會係點開會：成撚日缺席唔投票，甚至適當時候就會配合政府倒戈投贊成票──唔好比政府過得咁容易？佢地班撚頭直頭係令政府議案過得更容易呀！但其實討論呢個問題真係好撚ON9……唔過得咁容易，同過得容易，個結果上面有分別嗎？
4. 中大政治與行政學系副教授馬嶽及理大應用社會科學系助理教授鍾劍華質疑：
「提倡總辭者至今無法解答，如果日後議會沒了民主派，民主運動可以如何進行，而他們所指的「抗爭」和「留任議會」又為何有必然衝突」、「民主派若杯葛議會，亦沒有任何後續替代方案。」
駁斥：其實呢啲只係「錦鯉又有乜高見」式詭辯。你話抗爭派答唔倒拒絕「捐狗窿」之後後續方案係點，但你兩條學棍同樣答唔倒，留響議會之後，飯民究竟可以點抗爭：當議會你係永遠少數，議事規則又被修改至無辦法再用以前方式抗爭，然後仲要飯民議員本身懶過閪，然後你同我講留佢地響臨立會就係「替代方案」？
講到尾，你班廢老學棍只不過係唔攻同共產黨Show Hand，留番班「扮反對派」響議會黎換取心靈上虛假嘅安穩。但佢班廢老唔知嘅卻係，不停向呢個極權政府嘅橫蠻無理作出退讓，比佢睇穿你張底牌，咪撳撚住你黎砌囉！
5. 港大政治與公共行政學系教授陳祖為認為：
「現時支持總辭一方的理據複雜，牽涉很多謀略和估算在內，難以令人看到「顯然易見」的巨大理由。他指出今次政府以疫情為由押後選舉，若民主派集體總辭，一般人看來未必是合乎比例 (proportionate) 的回應」
駁斥：喂大佬呀你個陳祖為係咪老到懵撚咗呀？全世界嘅獨裁政權響取消選舉嘅時候，都梗係搵個觀冕堂皇嘅藉口架啦，唔撚通你又走去信？都唔好講過去一年香港抗爭成為全世界焦點，任何有常識嘅媒體都知道中共政府係以疫情做借口公然剝奪香港人嘅選舉權。
喂，呢一輪香港媒體先好努力咁列舉出國際間雖然有唔少國家會延後選舉，但好似香港咁嘅程度疫情延後足足一年卻係絕無僅有，即係陳祖為講嘅「不合乎比例回應」根本係同果班堅信國際間延後一年選舉係等閒事嘅藍屍廢老毫無分別──呢個經已唔係政見立場問題，而係陳祖為，你究竟有無足夠智慧符合番你所謂「學者」嘅身份？
6. 科大社會科學部副教授成名也認為：
「不應放棄議會戰線，從去年反送中運動可見，民主派在法案委員會拖延令市民警覺事件嚴重，而議員身份亦可掌握更多政府資料，接受傳媒訪問也能引起本地及國際社會關注」
駁斥：好心唔撚好乜再緬懷舊屎，舊屎沖咗去啦！而家《國安法》立法，飯民拖咗啲乜撚嘢呀？點解你條廢老學棍仲會相信中共操控香港仲要經過垃圾會？你話乜9掌握更多政府資料，我個人覺得根本無用，但就算退一萬步講，留一個響議會咪得囉，而家熱狗鄭松泰咪已入咗臨立會2.0囉，根本留多一個都無必要！
7. 本地蛋頭學者唔夠說服力，所以「現代籌安會」決定搬埋國際知名學者，葉劉論文導師Larry Diamond出山，為飯民「捐狗窿」背書。好多人吹捧Larry Diamond係因為佢響10年前就開始提出獨裁者侵蝕民主制度嘅危機，但其實亦因為佢套理論已有10年之久，去到今日經已過時事。
由於佢有好多論文其實都同上面籌安會六君子大同小異，所以呢度只揀兩點黎講：一係佢用左計量方式，列出委內瑞拉反對派自從杯葛選舉後，馬杜羅政府推行惡法嘅平均日數由二百幾日縮減到84日，反映反對派缺席議會只會令到人民生活更慘云云。
唔客氣講句，呢種強行將政治數字化嘅統計，除咗執迷於數字嘅學者可以用黎自慰外，根本反映唔倒乜嘢現實，因為：
A. 推動惡法所花費嘅日數長或者短，同人民所受嘅痛苦有無造成明顯分別？B. 會唔會反對派杯葛選舉之前，大部份最惡嘅法律已通過哂，所以杯葛選舉後嘅所謂「惡法」根本無關重要？C. 委內政府究竟又有幾依法辦事？D. 以而家委內瑞拉軍人獨大嘅情況，反對派響唔響議會究竟有咩分別？
Larry Diamond另一個最大問題係，佢地仲係用緊十幾廿年前獨裁者果套舊玩法黎分析現今民主發展，卻唔明白佢果套「競爭性威權主義」、「混合式政權」分析經已過時。
其實我響以前篇文《獨裁者的再進化》經已講過，無論係普京定係其他新式獨裁者，佢地響呢十幾年間經已累積咗更多操控選舉嘅經驗，反對派嘅所謂「拖延」、「阻礙」對佢地黎講根本唔係問題，反而反對派響議會嘅存在，更有助佢地向國際「交待」，減輕或拖慢制裁嘅痛楚，同時亦得以分化抗爭力量。
好撚簡單，獨裁者進化完，你諗咗套新嘢去對付佢，然後你估獨裁者唔撚識再進化去制衡你套嘢咩on9！
