法羅群島嘅天氣變幻莫測。呢一刻晴天,下一刻可以落大雨,分分鐘會落冰雹添。所以如果黎旅行嘅朋友,喺衣著方面都幾頭痛,尤其黎法羅群島,戶外活動特別多!到底著咩衫適合?外出又有咩必備?今日同大家分享下啦☺️
《上身篇》
1.一件防風的外套
呢度就算晴天都可以好大風,大風嘅程度係講緊可以吹跌你。就算溫度唔算低,刮起風上黎係會凍到騰騰震架!如果你件外套防風係會大大增加外套保暖的程度!
2.一件防水的外套
呢度三分二嘅時間落雨,所以一件防水外套係必備的!如果你件褸唔防水,個身一濕就好易凍親架啦!而由於太大風,遮喺呢度無用架!一出街就會吹爛,所以喺度你唔會見到有人擔遮。大家多數會著雨褸或防水外套。
3.一件有帽的外套
因為太大風,如果無帽會吹到頭暈!戴其他帽又好易被吹走(除非係好緊的冷帽),所以我建議本身件外套有帽,咁唔帶遮都唔驚整濕個頭。
簡單黎講,就係一件防風防水有帽外套😆我自己黎之前就買左件north face 嘅兩件頭外套,外面嗰件係防風防水有帽,入面嗰件係保暖的抓毛外套。咁夏天的時候基本上加件薄冷衫就足夠啦!咁至於冬天,我建議用羽絨外套取代抓毛外套,再著返防風防水有帽外套喺外面,再加件羊毛冷衫(怕凍可以再加件heat tech)同頸巾耳罩就掂晒。因為室內有暖氣,如果著太多衫會好熱,所以必需係外套上加減,方便喺室內時除低。
《下身篇》
1.普通牛仔褲
其實下身我普遍都係著普通牛仔褲,不過如果去行山就最好著有彈性的牛仔褲,因為呢度山路難行,分分鐘要跨過好多泥路或者山澗。至於冬天黎的朋友,我建議買條防水運動褲,因為冬天呢度會落好多雨同落雪,咁運動褲入面再加條虧佬褲就ok啦!
2.行山鞋
我強烈建議買一對防水的行山街!千祈唔好著心愛的波鞋黎,因為著完可以同佢講bye bye。而且呢度成日落雨,山路好滑,如果著普通鞋黎,一不小心都可以同你d friend 講bye bye。唔係講笑,最近好多遊客命喪呢度(有興趣可以睇返呢篇,我當時的衣著係完美的反面教材 https://www.facebook.com/whereisfaroeislands/posts/304160586723104)
3.長襪
如果著行山鞋就千萬唔好著船襪。因為行山鞋著船襪係會成日甩襪架😆建議都係著返長襪,唔係鞋以上同褲以下嗰寸肉會凍架。
除左衣著上,仲有咩野要帶呢?
1.口罩
冬天時建議帶口罩,因為冬天會落冰雹,打落塊面超凍!建議戴返個口罩,就算唔落雹個人都無咁凍
2.紙巾
唔係講笑,遇上大風,鼻涕係會情不自禁咁流落黎,我已經試過幾次唔記得帶紙巾不得已將鼻涕hi落大地之子身上😝
3.地圖
呢度的電話訊號接收好差,唔好太依賴google map!地圖在手,旅遊無憂!
大家如果喺衣著上或者裝備上仲有咩問題的話,歡迎提問😉
---------------------------------------------------
想睇更多法羅群島靚相?
請follow ig: whereisfaroeislands
https://www.instagram.com/whereisfaroeislands
鞋 帶 成日甩 在 STYLE-TIPS.COM Facebook 的精選貼文
【鞋帶成日甩?】
因為錯綁鞋帶,所以成日甩囉,原來可以2秒就搞掂!學野啦!
(轉自:venlee lifehack)
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
【Be My Valentine 2016】
http://style-tips.com/campaign/valentine2016/styling