［三星報喜］三星電子（係，嗰間三星）星期二出咗第三季業績指引，預計營運利潤按年跌56%—但股價照升。點解？咪又係預期，好過預期就得。
明明話半導體行業唔掂，南韓出口仆直喎。都係。所以咪跌咁多，但都係少過預期。因為手機賣得好，補返啲。話在韓國賣咗100萬部Galaxy Note 10，5G機。然後仲話可能可以搶華為份額，此話不假。果粉叔粉好多時水火不容，亦唔同作孽系統。但歐美中高端市場啲華為用家（係有一班友的），就好可能轉三叔。
其實小弟上個月去韓國時好似開賣Galaxy Note 10，都想去睇去試玩，最後都係作罷。太毒，都係拯救韓妹（同韓仔）緊要啲。
但當然，其實晶片佔三星大半利潤，點都補唔返晒。講到尾都係睇晶片。
又，你睇，三星股價，遠遠跑贏韓國指數（其實佔咗廿幾近三十巴仙比重）。韓國指數KOSPI，亞洲最差嘅市場咁滯，冇記錯今年係跌嘅。而再加上韓圜仲要跌。外國人買，再輸多6-7%。有埋三星都仲差不多亞洲最差，冇埋真係包晒艇。
又又又，點解講星期二股價唔講星期三？因為星期三韓國放假。放乜假？放韓文假。正確嚟講係韓文字母假，嗰啲圓圈一棟的東西。正式點譯做中文？其實係冇嘅。你見有時叫諺文日，或者韓字日，都仲係有啲問題
好簡單嚟講，以前韓國對果堆東西嘅稱呼，就真係係「諺文」，但而家個叫法，係冇漢字對應嘅。正如個首都，以前就真係漢城，但而家個叫法「首爾」其實本無漢字，只係音譯。咁正如果堆東西，以前就真係「諺文」，而家嘛，只係冇漢字對應嘅音—早兩個月去首爾，去睇呢個「諺文」博物館（你睇我幾有文化），佢中文簡介，亦只係音譯，就叫呢堆嘢做「韓古爾」，Hangul
補多筆，首爾呢個地名極之其咁特別，聞說係全個朝鮮半島唯一一個冇對應漢字嘅地名，原本隻字係韓文本身有（唔關漢字事）嘅東西，意思就係首都／京城，有話係源首邑—但總之，係冇漢字對應的。又BTW，韓國地鐵啲漢字，其實唔係畀遊客睇的—留意嗰啲係韓式漢字。就除咗首爾站，要無中生有。
韓字日 在 EZKorea #節慶#韓文節#한글날每年的10月9日，在韓國是國定 ... 的推薦與評價
韓國 光復後便將這個節日重新定為陽曆10月9日，自2006年起將此日立為國定假日。 ◎韓文字(訓民正音)的由來？ 訓民正音是西元1443年，世宗大王 ... ... <看更多>