頭先畫畫吓公仔收到電話疑似順豐打嚟，話我8月21日寄出咗份異常郵件去北京收件人叫林華但冇人收件，順豐條友聲稱份郵件入面係我嘅個人身份證，我心諗我點會寄張身份證去北京呀傻的嗎？
跟住佢同我講咗一大輪核對資料就轉比佢經理聽，佢經理自我介紹話佢叫郭明，佢Chok咗把勁殷勤嘅聲說服力+1，佢話我應該個人資料外洩被騙子用嚟做不法嘢，仲話佢可以幫我報公安，我心諗勁奇怪囉佢打份工邊可能咁helpful，佢仲話幫我駁個電話去北京東城區公安局，叫我唔好收線佢依家用舉報熱線轉駁過去，我問郭明：「我怎麼肯定這真的是公安局而不是假的詐騙我個人資料的電話？」郭明信心滿滿誠意拳拳咁秒答我：「您可以放心，我們順豐是正式認證的公司不會騙人。」那我就放心了，我見佢答得咁快說服力+7，但多疑心煩又失眠嘅我心諗乜順豐同公安局搭通晒天地線嘅？（疑心+1）
跟住有個公安聽電話把聲霸道總裁咁，自稱自己係公安個名叫雷力，我心諗係咪雷力恒玩電話，同埋有冇咁橋個個名都兩個字又郭明又林華又雷力呀？你唔好話自己係曹操張飛劉備關羽？（疑心+7）雷力恒話用錄音電話重新打過嚟比我正式報案問我一啲個人資料，點知佢再打嚟訊號收得勁差差到cut咗我線，我心諗唔通觀音菩薩顯靈提我小心騙子？
我就即刻喺電腦search雷力 北京市東城區公安局 電話+86 (10)110，出嚟嘅第一個網已經係公安局騙子來電，Comment仲話「林華現在很出名了，中國公安，奧克蘭大使館都在找他的同伙」，我心諗我個寄件人又係林華喎！乜佢哋連改名都懶！What a shame!
跟住雷力恒狂打畀我，我就冇再聽佢電話，但雷力恒鍥而不捨咁由世界各地包括北京廣東東莞深圳打咗4個電話嚟，我望一望錶，頂佢成個詐騙集團浪費咗我足足一個鐘！我寶貴嘅青春就這樣被欺騙🥲我的青春小鳥一樣不回來～～(這首歌好old school👴🏻)
我相信好多地方媽媽同無知婦孺會同我一樣容易受騙，所以打咗呢篇警世文，打完發現浪費咗兩個鐘，青春真易逝🥲
順豐 收 件 人身份證 在 台灣順豐速運- 【公告】進口快遞收貨人實名制施行通知親愛的 ... 的推薦與評價
現在大陸寄到台灣，順豐站點都要求台灣人別須提供身分證號碼才能寄件。請問是每一個站點都這樣嗎？是的話請你們資訊公佈台灣人收件需要提身分證號，謝謝。 ... <看更多>