⚠️有圖！長文！慎入！
一星期前，我出過一個post問大家有冇濕疹神醫推介！然後大家好積極留言, inbox, whatsapp.. 感謝大家無私分享，醫生呀，藥膏呀， 護膚品呀，番梘呀， 煲湯呀，芫茜呀.......咩秘方都有！我真係有睇哂！我差唔多變左半個專家😂結果..我睇完醫生後，情況原來唔係我想像咁🤦♀️所以我決定分享出黎！希望幫到有濕疹/乜疹...困擾嘅你！
咁嘅...其實我只係兩隻手踭位有濕疹，已經幾年啦，因為唔係成日痕，我只係痕時候，搽d類固醇藥膏，聽日就冇事..所以我都冇乜點理佢..
上星期， 突然好痕，範圍越來越大，我就愈搽愈多藥膏.. 越痕..我就越r.. 越r就起越多，結果就變成你地睇到張相一樣，手手腳腳都起哂呢d唔知乜野嘅粒粒，好痕，又冇燶頭，超熱發滾！
我頂唔順啦！上網search下有冇人試過啦...搵到一堆咩： 類固醇依賴... 急性蕁麻疹... 風癩... 食物敏感...畀蝨咬... 器官末期症狀響警號😱 越睇越驚！未知咩事已經自己嚇死左🤦♀️喺未等到你地推介之前，衝去睇左個中醫..我唔開名。
中：有冇食錯野？
我：冇呀，所有飲食，搽嘅野，全部一樣，冇新嘅野，同埋我好少野敏感，之前亦未試過！
中：......近排天氣好熱，唔好出街，留喺屋企，好似而家咁涼涼地得架啦...
我：er... 醫生，咁我即係係咪濕熱，起呢d疹，定係我脾胃唔好所以發出黎？
醫：咁你講哂啦...
我：😨
然後醫生開左3日中藥俾我，再寫左張紙俾我..
中：出去買熱疹水同治敏速，冇類固醇架。
我：下.......我生熱痱？？？？？？
中：我冇咁講你係....藥要沖定煲呀？
就係咁..我就走左....我生熱痱？？？😱😱😱
我好好奇，我冇曬過，冇出汗，頸同心口背脊呢d出汗位都冇出疹，熱痱淨係出喺手腳？？
我冇理啦，佢咁講我咁聽，試3日..我戒曬口，飲完一劑藥，原來係涼茶黎嘅😂之後搽熱痱水...發現越黎越痕，仲越黎越大粒，食第二次藥，仲係好痕...然後又試過搽好多大家都話又止痕， 又天然護膚嘅cream...做足哂所有吩咐，都仲係好痕，冇好到😓我忍唔住，決定咩都唔搽！ 豁出去...
當晚食壽司飲sake.. 勁開心，因為屋企用還原水機，得閒再用ph2.5 酸性水沖下手腳，發現冇咁痕！利申：不是廣告，純粹洗手見到部機，記得講過濕疹可以有幫助。
神奇嘅事發生左啦😱由於我腸胃一向唔好，我食左粒益生菌，去左個toilet 之後....好多粒粒自己消失左😱😱😱...我再keep住想食乜就食乜飲乜就飲乜，保持心情開朗，只係做兩件事，
1.用酸性水沖手腳
2.食益生菌
3日後.. 我而家好咗八成，連原本嘅濕疹都好返好多🙏我上網search下，原來一早就有人講過益生菌係幫助濕疹/ 蕁麻疹...
我到而家都唔知自己係乜野事，我覺得最大可能係呢排壓力好大，情緒又差，內分泌有啲失調，大家明啦，都唔止我一個...要處理嘅事又一大堆，見到皮膚咁，仲難過... 然後問題越滾越大，惡性循環。所以最重要係保持心境開朗，痕嘅試下用ph2. 5水沖下, 試下食益生菌，試下一樽喇，幫唔到濕疹，都幫到腸胃😉
希望呢篇文幫到你地，香港人，唔好絕望，一齊行，有得醫架！
P. S. 當我食完3日中藥時，先發現點解仲有咁多包藥嘅🤔原來一次係食兩包藥，我只係食左一包😂😂😂😂😂😂😂可能我跟足黎食就好左都唔定😅可能我真係熱痱😏
頭蝨藥膏 在 必去蝨哪裡買: 蝨立淨. 必去蝨在PTT/MOBILE01/Dcard上的毛 ... 的推薦與評價
... 藥膏陰蝨藥膏哪裡買lindane中文頭蝨藥推薦lindane洗髮精景德製藥必去蝨景德必去蝨必去蝨藥用乳劑治理頭蝨的藥物是什麼?在哪裡可以買得到? 頭蝨寄生在 ... ... <看更多>