【公關仔師傅風水運程】
橫洲呢塊風水地呢,起十幢樓係會影響風水,起「十減一」就會風生水起;而咁多年以多官商鄉黑都欠金,所以霸官地攪停車場,因為車有鐵屬金,對於屬豬屬狗都不如嘅官商鄉黑合作係橫行無忌之象。加上摸底凶星的肆虐,加強官商鄉黑張牙舞爪嘅惡行,流年不利。
不過剛剛行到嘅「六八九」運,由於北方閞照明顯暗淡,被港人自強星不斷衝擊入中,加上已經行到四年尾運,將會有一番新人事氣象。橫洲嘅地運將會逆轉到本土一方,官商鄉黑嘅財位會有兜巴星來臨,有如大把大把車走官商鄉黑嘅旺氣,加上背後嘅皇后山行緊水運,猶如照妖鏡將小人盡現,有危就有機,可謂小吉象。
而剛剛進入嘅自主運,有十九泛民本土星入宅,於立法方位會有一番新氣象;今年嘅吉祥物可以揀凱迪福星,加上松炎入宮,實力、敢言創新,未入立法正宮位置就先嚟個太歲頭上動土,彰顯政治實力,大增利泛民及本土星嘅光芒,雖未至於如魚得水,但總算為死水濁池引入一流清泉,有望展開新局面。各方市民想一沾民權旺氣,就要留意「目及實」同「關注」兩個吉位。俾個貼士大家,可以係呢兩個吉位加貼「討論」同「思考」兩道開光神符,咁就自然遠離蛇齋餅糉,增強港人自身能量,闢邪化煞,庇佑東方之珠安康順遂。
記住緊守崗位,咬實唔放,對住官商鄉黑嘅籠門狂射波,雖然「粒粒皆辛苦」,但好球唔怕一射再射,港人力量必定會自主入宅,希望在明天。
#玲玲民峰有無補充 #風水之嘛你講就係咁我講都得啦 #風水佬呃你十年八年公關仔呃你笑下做年
Search
風水佬呃你十年八年公關仔呃你笑下做年 在 一貫道問題討論區| LIu yao Qi | Facebook 的推薦與評價
林鈺林罡風劫煞瘤妖螶 ♀️ ,你想搞「內憂外患」想要造成宇宙世界全民惶恐不安 ... 話說民國五十八年農曆八月十五日這一天,台灣本島是颳颱風的天氣,而東北方海面 ... ... <看更多>