#小編食好西 之 海景嘉福洲際酒店生蠔鴨肝回本buffet實測😋
9月海景咖啡廊嘅自助餐有新主題,主打鴨肝生蠔,而家要食到生蠔嘅自助餐一係就好貴,一係就質數參差,今次試下佢究竟堅定流先!🥳🥳🥳
🎊優惠詳情🎊 https://flyagain.la/97923
🎊預訂網址🎊 https://flyagain.la/q2k3
📍預訂日期📍 即日起~9月14日23:59
📍入住日期📍 9 月 9 日至 10 月 31 日
🚌位置及交通
海景嘉福洲際酒店位於尖東核心地帶,尖東站、紅磡站行過去都好近,附近超多巴士站,好易去!食完之後想去散步落下格都唔難,酒店隔籬就係天橋過海濱長廊,或者行返去彌敦道都唔係好遠!
💰焦點1-🦪生蠔
生蠔係今次自助餐嘅重點!平時自助餐都係得一至兩款,今次你就有三款生蠔!🦪🦪🦪包括就係法國Fine De Claire、愛爾蘭生蠔同埋蘇格蘭生蠔!估唔到係自助餐都可以食到mini 蠔吧platter,都係一個大驚喜!如果想食齊3隻蠔就要頭圍食啦,因為小編想臨尾食甜品前食多次,都係得返1款蠔🥲
去到熱食部分都見到唔同蠔嘅蹤影:薑蔥炒蠔、日式炸蠔、蛋奄列配蠔、蠔仔粥等等🤯食咗咁多生冷嘢,係時候食返啲熱嘢暖下個胃~其他嘢食例如日式炸蠔睇落好似炸得好脆好金黃,不過咬落就唔太搵到蠔嘅身影🧐除咗出面嘅食物,每位都會有一客芝士焗蠔,睇得出用咗2-3隻芝士,好邪惡🧀🧀
去到甜品部分,都仲有蠔!大家唔洗驚唔係暗黑料理,而係個仿生蠔造型的柚子忌廉芝士慕斯,好精緻好有心思!☺️
💰焦點2-匈牙利鴨肝
作為主題食材,今次鴨肝入饌嘅菜式都唔少:頭盤沙律、壽司、炒飯、鴨肝多士、仲有鴨肝焦糖燉蛋!🤯🤯
頭盤嘅鴨肝慕絲沙律配石榴籽蔓越莓汁用咗好多雜莓,感覺都唔廉價,食落去酸酸甜甜亦都可以解到鴨肝本身嘅肥膩感,幾好幾好!😆
而個鴨肝壽司一見到都嚇親,厚到成塊午餐肉咁!不過同壽司飯一齊食唔大驚喜,感覺就好似為鴨肝解膩咁,而壽司可能都擺過一陣,所以就凍咗🤥🤥
至於個多士就即煎好香口,下面法包吸咗鴨肝油,咬入口油香爆晒出黎,好香好邪惡!🤤
如果以上嘅嘢都未填飽你個肚,可以食埋呢個海鮮露筍鴨肝炒飯,不過望落都唔係好大驚喜🥴
至於甜品鴨肝焦糖燉蛋係今次甜品師傅精心研發,一個有咸香嘅焦糖燉蛋都幾新奇!可以試下!🤡
💰🦐🦀海鮮
海鮮種類都唔少架:青口、小龍蝦、凍蝦、翡翠螺、煙三文魚都係自助餐基本嘢,正常發揮;而麵包蟹就好貼心界開咗幾份,裡面都多膏嘅,可以一戰!加分位就係個醬汁:今次見到有紅酒醋同泰式辣醬,幾開胃,又可以有啲新鮮感!
💰限量食品🤑
開始晚市嘅時候就會棟個牌話你知幾點會有咩食推出,例如7點半會有即燒乳豬🐷,呢個真係必排!望住師傅去燒層皮,佢嘅脂肪唔算太厚,但係個皮係非常脆,整體脆而不膩,好食!
之後甜品時間就有黑松露巴斯克芝士蛋糕,小編都係第一次食!松露味偏淡,口感濕潤綿滑,唔錯嘅,不過唔睇牌我真係唔知係有松露😳可能2種重口味撞埋一齊要調校調校下🤔
之後8點半小編諗住收手,然後出面好多人排火焰雪山!🔥諗住好似芝士蛋糕咁可以之後先拎,點知已經冇晒😭😭下次想食記得排定隊!
🥘 熱食
介紹完咁多嘢食,仲有冇其他?有!燉湯、焗龍蝦、即烤羊架、連炸蝦熱狗都有!🤯好惹味嘅麻辣炒龍蝦鉗、慢煮豬肉、燒牛肉/三文魚、印度串燒等等,各國美食都有齊晒,完全唔馬虎!
🍰 甜品
欣賞呢度甜品全部都係一口甜品!容易拎又唔會破壞整個蛋糕,仲每份都咁多料,唔洗揀!除咗甜品,仲有6款Haagen-Dazs雪糕,任食唔嬲!🍨🍨🍨
💬 總結
今次海景嘉福嘅自助餐就好似同生蠔愛好者挑機咁,就係驚你唔食,一次過推出咁3款生蠔、由頭盤到甜品都有貼題,食物種類都有好多,唔會覺得悶👍🏻另外想講嘅係擺盤小小心思位,喺沙律同Cold cut都放咗食用花上去裝飾,成碟嘢即刻高級咗!係小編私心嘅加分位🤟🏻而家有優惠,平日$540連加一,可以一戰!
完
同時也有13部Youtube影片,追蹤數超過9萬的網紅Smart Travel,也在其Youtube影片中提到,#娛樂八卦#SmartTrave #陳自瑤 #森美 #簡慕華 #江美儀 #李佳芯 #周嘉洛 #港網 #最想邊位TVB人過檔Viu #曾志偉 #汪明荃 #開心大綜藝 #C君尋人記 #娛樂版 #是日娛樂重點推介 【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #S...
食完蟹唔可以食咩生果 在 Facebook 的最佳解答
[今日寫呢啲]一個字:日本股。幾時買?應該星期五,「希望起到身」。買乜?未知,但點都搵啲嘢買。都話有現金就身痕,長期100% 持倉(實情只係呢樣嘢已經贏好多人,但我又唔會槓杆或借錢的,除咗買樓)
==============
已烴2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
市況冇乜好講,港股冇乜力,成交都係連1500億都冇。騰訊700 HKTV 1137 甚至理文化工746之類,係升,但全部都開得高收day low。ADR又受壓,中概股又差。
美股?一樣麻麻地,我個垃圾倉急跌添,唔知係咪金絲雀,聞到啲燶味。
要驚嘅,永遠大把嘢驚。經濟好又驚加息,經濟差又話影響盈利。侵侵上場又話世界大戰,拜登上場又話美國人學普通話。華融爆煲又話驚,恒大爆煲又話驚,港航爆煲又話驚。唔止,嚟緊仲有美國債務上限,以而家政治形勢,共和黨有排同你玩。但,邊驚得咁多?
我經常都話,自我開Patreon以嚟,股市都係極順風順水,易玩到極。但唔代表永遠都係咁,要有心理準備。但你又唔係聽日退休,做乜咁驚跌?跌咪平啲買。升晒我先驚。
例如邊啲先晒我先驚?咪日本股。實情我舊年已經開始講,但得個講字有春用咩。今年剛好畢菲特生日,佢堆日本股升咗三成幾,我又寫多咗次。已經做緊功課研究緊啲個股,誰不知,頂丫,首相辭埋職,日經連升8日!慘
但,又如何?我都係照買的!一向跌我又買,升一樣買。星期五就買,咁但講緊幾皮嘢啫。
買乜?仲要研究下。遲下Patreon話你知。但,你心急嘅,咪買ETF。文入面我都介紹咗幾隻,都記住日經同東證指數唔同的說。Patreon入面有討論。
不過,我自己都係覺得玩個股好玩啲,反正我買得少。到時再話你知買乜。但應該唔係Donki(唔掂),可能係壽司郎(升到癲)
至於理文化工746嘅,呢度都講咗七七八八啦。唯獨係早兩晚同舊老細同埋高人食飯(即係我本書多謝嗰兩位)(BTW,原本去老北京,即係有人中一氧化碳毒嗰間,好彩逃過一劫),又講咗啲嘢我知,又學到嘢。Patreon入面有講。
要知道,當年(2009)就係佢兩個彈呢隻嘢畀我的。唔通我識睇化工股?但冇人識,所以佢唯有搵個應該最信得過最打得嘅,就係區區在下我本人。
正如早兩日都講標哥係乜都踢晒畀我做(佢自己可以專心捉圍棋,後來佢連捉圍棋都問我!),根本睇你點睇。的確寫咗我又唔會高啲人工,頂多賺咗幾箱大閘蟹。你負面嘅咪可以話「我都唔係睇呢個sector」「我JD 冇寫呢樣服務喎」「做乜你唔搵XXX寫」「做乜你唔自己寫」。但,塞咗畀你嘅嘢,最後你咪學習到,有經驗咯。如果當年係XXX寫,就唔係而家我在呢度講呢隻嘢啦。See?
每日一圖嘅,美股近十年因乜跑贏?你可以睇下,文入面有講。但,留意之前係跑輸的。個轉角位在邊?正係2008年。你以為金融海融重挫美國?剛好掉轉,全部新興市場死晒(除咗中國)。正所謂,美金嘅嘢,我們的貨幣,你們的問題。當然,亦可能因為Big Tech冒起。
第二個圖講CAPE(唔知係乜我幫你唔到,自己Google,你睇啲網友仲要大大聲串我唔識嘢,哦)。用呢個CAPE睇,美國過去四十年,有三十九年零五個月,估值係高過「長期平均」。即係過去四十年,你只得七個月係應該買股票。咁你估下你捉唔捉到?更唔好講若果你自作聰明走去沽空。
兩篇Good Read,第一篇係畀你估下,有幾多人用Apple Pay?當然正路你連幾多人用iPhone都未必知,亦都唔係度度收,所以個樣本係乜都要搞清楚。但,另一方法問:你估下有Apple Pay,而該場合又用到嘅情況下,有幾多iPhone用家會用?答案係:極少。有幾少?點解?篇文話你知。
第二篇,就係睇返啲分析員,放假之後出嘅report,估嘅數特別準。爭幾遠?就Patreon入面講。作者話證明放完假返嚟做嘢,頭腦都勁啲。但我就話差矣:其實分析員放假返嚟嘅report,咪就係佢地放假嗰時整!咁當然你都可以話放假係好事嚟嘅,唔放假邊有得靜靜地返公司在個位做嘢。
==============
已烴2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
食完蟹唔可以食咩生果 在 龔成 Facebook 的最佳解答
【龔成問答信箱】(Q22401-Q22420)
Q22401:
Hello 依家溫緊進階班第5堂 notes 你話如果附屬公司多而且比較接近50% or 小數股東股益較大 個純利率會扭曲左
想問下幾多間附屬公司先為之多。同樣 小數股東股益點樣先為之大 例如佔左總盈利既某個%就叫大?
龔成老師︰
我地要估這個調整,主要係因為當集團對附屬公司持股,較接近50%時,即附屬公司盈利中,有不少比重非有集團所有,令計算出來的純利率出現偏差。
所以,我地有時係會唔扣"非控股權益",直接用盈利(而非股東應佔溢利)去除營業額,去計算純利率。
但我地唔需要一見到"非控股權益"有數字,就去做這個調整。因為有時個數字好細,當你調整後,發現純利率其實無明顯變化。
所以,你預"非控股權益"大於"盈利"10%,我地才會對純利率進行調整,令佢數字更能反映真實情況。
------------------------------------------------
Q22402:
你好請教1928,見佢近期弱左,如靠債去還債,賺到的利潤都會被利息蠶食。
派一次中期息都要10億美元,好難想像何時內可以做到。
還未計續牌等政治風險,以你的專業分析點解可以對此企業有咁堅定信心?
龔成老何:
金沙(1928)風險度的確增加左,但投資者分析時,不要將中短期因素太過放大,其實只要澳門疫情穩定翻少少,其實就無事。
睇翻上半年,金沙中期經調整物業EBITDA 2.34億美元,銀娛都是EBITDA有正數的,反映如果唔計會計因素,佢是有錢賺的,除非疫情惡化,否則,佢無問題,而我地從投資,是投資企業的長期,不用將當刻的短期因素太過放大,同時佢持有的資產好有價值,要融資都十分容易。
至於政治因素,的確有少少,但如果從「澳門政府想那些博企續牌的角度」,就是金沙、銀娛,這是從就業、澳門發展等的角度去分析。
------------------------------------------------
Q22403:
你好。想問9926同2878點睇,9926跟人買跌左十元。點算,唉。守唔守好
龔成老師:
康方生物(9926)你預佢上落會較大,不宜持有太多。
主要從事生物製藥業務,專注於腫瘤學及免疫學治療領域。
佢候選藥物例如有AK104:適應症包括子宮頸癌、肝細胞癌、食管鱗狀細胞瘤、胃癌、非小細胞肺癌、黑色素瘤、晚期實體瘤、外周T細胞淋巴瘤;預計於2021年下半年在中國提交治療子宮頸癌的首次NDA(新藥申請/生物製品許可申請),及開始在美國進行治療晚期或轉移性實體瘤的Ib/II期臨床試驗,以
及聯合治療實體瘤的試驗。
這企業現時是投資期,回報要慢慢先見到,不過,這股估值十分難。因為無實在的收入與盈利進行計算。
只可以話,風險較高,是有危有機的類別。投資注碼一定不能大。
如果持貨,小注,長線,不是不可。投資得就一定長線,等佢長期回報。
如黑持貨多,宜減。
晶門半導體(2878)都算有長線投資價值,佢係一間無晶圓廠半導體公司,主要從事設計、開發及銷售專有集成電路晶片產品及系統解決方案業務。
佢的產品及方案可供應用於智能手機、平板電腦、電視╱顯示器、筆記本電腦以及其他智能產品。
雖然都有一定的生意,但多年來都出現虧損,到近年才算好轉。行業需求對佢是利好的。
這企業質素未算好高,因為技術未算好強,這股如果持貨不過多,都可守住先。
------------------------------------------------
Q22404:
我想請教你
2869在11元買入
1313 在 9.9買入需止蝕嗎?
我知3319/1313是優質股可以守,2869是優質股嗎?
多謝阿sir解告令我心態有改變
龔成老師:
綠城服務(2869)仍算有質素的。佢為中國高端住宅物業服務供應商,提供以下三類服務:
(1)物業管理服務:包括保安服務、保潔及園藝服務,以及物業維修及保養服務。
(2)顧問諮詢服務:包括在建物業服務(示範單位管理服務及建築工地保安服務)及管理諮詢服務(於項目設計及開發階段提供物業開發諮詢服務,以及於物業交付後提供各種物業管理諮詢服務)。
(3)園區增值服務:包括園區產品及服務(購物協助、拎包入住服務、交通服務、文化教育服務、房屋返租與置換服務及二手房交易的經紀服務)、家居生活服務(物業維修及保養、家政服務、保健及娛樂),以及園區空間服務(出租廣告空間,並提供廣告設計、製作及出版服務)。
過往發展不差,業務有增長,現價合理區中上部。
這股都可以守,但你預佢中短期會有少少波動。
至於另外兩股,都可持有。但你較集中在內地地產相關行業,小心行業集中風險。
------------------------------------------------
Q22405:
如果我40歲,加按d錢出嚟投資會唔會有風險?謝謝你的意見
龔成老師︰
以你年齡可承受的風險程度(以你年紀,建議總負債,最多只可以佔總資產6成),加上現時仍處低息期,加按是沒有問題的。
關鍵是加按後,將資金買入其他資產,創造更高的回報,由於加按是要支付利息的,所以新資產產生的利息回報一定要比加按的利率高,這樣才值得做。
最好有比較明顯的息差回報,這樣才能抵銷加按後,加大負債為你所帶來的風險。因此,你加按前,最好先計劃如何分配新資金,如何平衡風險,怎樣說服自己獲得理想的回報,即是有充分的理由,而非為加按而按。
若是投資於股市,相信中低風險會較合適,公用股、內銀股、收息股、房託等,都可考慮,策略為長期的增值及收息,期望股息回報大於加按利息,這樣就值得做。但絕不建議炒賣等方式投入股市。
------------------------------------------------
Q22406:
到目前為止,我們現住的村屋政府還沒有任何收地計劃。估計還可以起碼多住十年八載。我想得到一些資料關於鄰近地區政府收地價、土地私人買賣價錢等資料,
從而比較一下地主開出的價錢是否合理。請問以上資料可以從哪裏得知呢?謝謝你的幫忙!祝生活愉快!
除了以上住屋問題之外,從二月至今,已分段買入以下股票合共約200,000。(之前打算用1,000,000投資,其中500,000分注入市及月供股票;
其餘500,000手持現金等大跌市才大力度掃貨),請問暫時這個股票組合是否合適我?分注買入速度又是否過急呢?
66 - 43.50 (12.3%)
1658 - 5.70 (9.6%)
1928 - 29.20 (13.2%)
1972 - 22.90 (12.9%)
2800 - 27.80 (7.8%)
3067 - 17.60 (19.9%)
9633 - 56.80 (12.8%)
9988 - 198 (11.2%)
另外,月供股票方面也開始了兩個月。分別月供以下股票。月供股票因為剛開始,未有計算在以上。
2800 - $3000
27 - $2000
66 - $1000
請問以上我的股票組合是否潛力股方面佔約40%太多呢?之後再分注買入的資金,我會偏向平穩增長股及收息股。請問龔sir有什麼股票建議加入我的組合呢?
以上問題太多,不好意思。希望得到你的抽空回覆。祝身體健康,生活愉快!
龔成老師︰
你可以去田土廳和地政總署,可以睇到交易金額和一些補償計算資料,你可以用來參考。
你現時持股和月供計劃,大致上係可以。但安碩恒生科技(3067)和阿里巴巴(9988)係潛力股,這類股票以你48歲,最多佔2成左右好了。
未來時間,就正如你所講,要偏向平穩增長股及收息股,去慢慢拉低翻潛力股比例,以免風險過高。以下都是一些合適選擇,現價都合理,你可以參考下。
但緊記唔好偏重個別企/行業,個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
現時你投入了1/5資金,這個比例係可以。當再出現多10-15%左右回調,就可以再加下一注。而另外50萬,但等大跌市出現,才分注入貨。
------------------------------------------------
Q22407:
1) 龔sir , 想問一問關於美股TLRY , 持有半年虧損接近40% , 應繼續持有還是止損,能幫手分析一下嗎
2) 龔sir, 6993 係米仲可以持有 ,仲可以守
龔成老師︰
1) Tilray Inc (TLRY)從事是一家從事製藥業務的公司。該公司是一家向藥品分銷商供應大麻產品的供應商。
大麻股過往曾是熱炒對象,過去一年波幅好大,由$5至到$67。上市後,更曾經升至$300,可見這隻股票,有一定投機味道。
我自己無仔細研究過大麻行業和相關股份,但從佢財務數據睇,上市後收入係有明顯上升,但依然未能達至收支平衡。
因此,此股現價不少部份,係來自投資者對"將來"的睇去。只要未來前景稍有偏離,你預佢會有較大幅調整。
此股唔係話無投資價值,但確定性較高,只宜小小注。
2) 藍月亮(6993)不是劣質,但最新業績令人失望,由於上市前的數據幾靚,因此,有可能佢上市前執靚盤數,這亦是我對新股/半新股有保留的原因。
佢最新的中期虧損約$4400萬元,去年同期純利約$3億元。虧損主因是市場上,其他平台出現過剩的較低價產品,導致佢定價策略及產品在市場上的價格體系受到干擾。
為統一產品在市場上的定價,佢向其客戶提供若干折扣以穩定產品的市場價格,此類折扣對其於上半年的毛利率產生約9%的負面影響。
相信中短期未必強,但長遠,其實又不算好差,佢成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一。
整體有質素,不過之前貴,現價算是合理區中上部,如果你小注持有都可以。
------------------------------------------------
Q22408:
龔老師你好,我想聽一下老師的意見.本人可承受高風險。
1. 持有1257,20,000股平均價3.4。現價掉到2.77左右,應否繼續持有或減持?
2. 持有1448,6,000股平均價7.02。現價7.42應否增持?
還是增加其它平衡增長股?
龔成老師︰
1) 中國光大綠色環保(1257)其實本質不差。
睇翻佢的業務情況,長遠發展其實是一個大方向,但佢近年負債有所上升,加上市場擔心佢之後的增長力有所減慢,因此對這股的評價減少左。的確,負債與發展持續性,是這股的風險因素。
長遠來說,這股仍是有投資價值。但不建議太過大注,始終都有風險,同時可能仍會弱一段時期。你明白這些風險,你照長線持有係可以。
當然,若你持股佔組合較多的話,我比較建議你沽出少少,去平衡翻個風險,咁會較好。
2) 福壽園(1448)有質素,現價算合理區頂,如果你現貨佔組合比重不多,或者資金較充裕,現價可以再加小小注。
否則,你等佢回多10%左右,才再加注會較好。
以下增長股,都適合你30歲年紀,你可以參考下。
平穏增長股︰指數基金、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、粵海(0270)
潛力股︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。
平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22409:
真的衷心感謝,讓我瞓吾著幾日不斷思考過去錯在哪!同時,我並非抗拒買股票,亦十分認同你價值投資的方法。
我從不同category 選了一些之前心儀的和你推薦的選一至两隻,想把台灣現金調回來建立一個組合,比D意見?
銀行-滙豐/恆生/中銀3988(但PE 4倍不到,好似鬼鬼哋)/citibank
地產 - 恒基/新世界/置富
科網-阿里/騰訊/MSFT
手機-小米/舜宇/瑞聲
網絡-電盈/香港電訊/移動
電車-比亞迪/中國電車/雅廸
公共-地鐵
醫療-和黃醫藥/平安好醫生
零售-佐丹奴/六福/周大福
休閒-金沙/銀河
指數或基金-2800或3086華夏納指
建倉用80至100萬,留150萬現金等。
有點長,抱歉!
老實講,我清楚年齡影響可承擔的投資風險,只是希望在還有生產力(10-12年)間,除完成兩個小朋友在外地讀完書和以後照顧到自己已滿足了!
龔成老師︰
以你48歲年紀,我唔建議太進取。你可以用恒基(0012)、地鐵(0066)、金沙(1928)/銀娛(0027)、六福(0590)/周大福(1929)、指數基金作為核心,為組合提供平穏增值能力。
之後,再配以一些收息股,好似滙豐/恆生/中銀3988、置富(0778)、佐丹奴(0709)。
中行(3988)和一些內銀股,你會發現地市盈率都係好低。因為市場覺得佢地壞帳潛在風險大,所以市場唔會比佢地個市盈率太高。
最後,若果你想個增長力強少少,可以加入一些潛力股,例如阿里(9988)、騰訊(0700)、比亞迪(1211 - 但現價偏貴,可先用2845代替)。但由於潛力股風險較高,總額不要高於組合2成。
現時大市只在合理水平,先用80至100萬建倉,再另留150萬現金等大跌市機會,係可以。
若你想加快增值速度(但會承受較高風險),你可以調高少少潛力股和平穏增長股比重。
否則,你這個年紀,我建議按潛力股/平穏增長股/收息股(20/40/40)的比例,會較穏當。
------------------------------------------------
Q22410:
龔成老師, 你好~ 本人35歲, 月入2萬幾, 60萬左右, 買了以下股票~ 月儲萬五至2萬左右~
買了以下股票, 但一直持續跌勢, 雖然以下股票都是有質素的, 但.. 某些股票仍需要賣出先止蝕嗎? 謝謝!
另外, 怎樣可以增加財富呢.. 因有可能10年後便跟小朋友去外國讀書, 相信在外國對於我來說, 不易搵工作… 買那些股票是比較隱陣呢, 謝謝!
700 騰訊 買入: $616 x 400 (現價約: $537)
1211 比亞迪 買入 $157 x 500 (現價約: $218.
388 港交所 買入: $437.5 x 200 (現價約: $531.5)
2800 盈富 買入: $28.43 x 3000 (現價約: $27.72)
3690 美團 買入: $290.30 X 200 (現價約: $268.80)
9988 阿里巴巴 買入: $223.8 X 100 (現價約: $202.60)
1398 工商銀行 買入: $5.33 X 3000 (現價約: $4.39)
1810 小米集團 買入: $24.75 X 400 (現價約: $26.
1972 太古地產 買入 $23.10 X 400 (現價約: $22.95)
1177 中國生物製藥 買入 $7.44 X 1000 (現價約: $6.99)
3067 安碩 買入: $17.12 X 300 (現價約: $15.28)
2638 港燈 SS 買入: $7.61 X 500 (現價約: $7.80)
3088 華夏恆生 買入: $10.34 X 200 (現價約: $9.22)
龔成老師︰
你現時持股都係有質素,你唔好太比個買入價或者大市氣氛影響,令你做出錯誤決定。緊記只要係有質素,長線投資價無轉壞,就算股價下跌,我地都應該照持有。
由於你尚有10年時間,用以上股票去增值,都係可以。
但有個較大問題,你而家太偏重左係潛力股(0700, 1211, 0388, 3690, 9988, 1810, 1177, 3067, 3088),佢地雖然有增長潛力,同時風險都較高,不宜持有過多。
你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
但你唔需要減持任何股票,只要未來時間,加大翻平穏增長股部份,令組合慢慢回復平衡,咁就可以。
平穏增長股:指數基金、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
但到10年後,你要移居外國,你可能會需要穏定現金流,去支援生活,多於財富增值。
那時候,你可以將部份股票,慢慢換成收息股,用股息收入,去減輕你生活負擔。至於比重多少,你就按自己實際情況而定。
------------------------------------------------
Q22411:
龔 sir 您好!又要打擾您!有關一些資產問題希望您可提供一些意見。
本人有一層剛供完的樓,由於預計子女在未來五至八年後會移居外國 (他們已有當地護照),所以我希望在當地置業。但由於疫情關係,
暫時不能往來外地親自考察當地不同區域的環境,而我又不想只靠海外agent 隔山買牛,所以暫時對於將要付出的金額只有很初步的概念。
現在問題是,我應否在此期間先翻按現在的居所,先keep 錢向手,再等時機去用這筆錢於海外買樓(根據疫情,有機會我要兩年左右才真正落實買到,
甚或如果到時樓價因大量移民而飛升, 海外置業計劃亦可能泡湯)
另一考慮是,我自己工作的房屋津貼將會屆滿,人工也已經到了max, 所以翻按的還款能力會降低,我應否take risk 仍然去翻按 (因市場常有消息指高息時代很快重臨)
不好意思,可能說得有些亂。盼龔sir 比D意見
龔成老師︰
你2個問題,都係建基於一些假設性結果(外地樓價大升/環球息口大升),但這些結果,到底會否成真,幾時會成真,無人會知。
我地係投資時,係唔應該用"估"去做策略。我地係因應現時情況,平衡各方利弊,去找出一個較可行方向。
由於你子女尚有5-8年才會移民當地,有一定時間。你而一刻其實唔需要急住買當地物,除非你好有信心,長線當地升幅,一定會跑嬴香港樓,咁就另作別論。
至於翻按,你就要一直支付利息開支成本。但你又未知幾時先買外國樓。如果到時外國樓升幅不多,可能這筆錢跟本用不上,你就白比利息。
我建議你先計劃清楚,如果你擔心到時賣左香港樓,都唔足夠你買外國樓。你可以把握這5-8年,用優質股去增值財富,令自己有更多資金可以動用,減少到時的不確定性。
------------------------------------------------
Q22412:
老師,我上了堂, 計算了00698 通達之估價為
市盈率9-12
保守盈利預測0.05
市值股價約$0.45-0.6
不知道為什麼,00698的估價跌了很多,我之前已經減持了很多,上堂後覺得此公司不優質,但還有少量貨,不知道如何處理剩下少量貨,約40000 股,請老師指導
龔成老師︰
佢過往市盈率大約係9-10.5倍,但由於佢質素唔係咁高,我會再打折扣,下調至6-8倍左右。
而每股盈利,可以用佢過去10年平均,大約HKD0.09。
合理價︰HKD0.54 - 0.72。
但要留意,通達集團(0698),只是不過不失。
佢主要從事電器產品(包括手機、手提電腦及其他電器產品)零部件生產;為電子產品及電器提供金屬外殼及其他五金部件;及提供塑膠機頂盒及生產體育產品。
現價計係偏平,但由於質素只係一般,唔值得持有太多,勉強可長線。若40000股只係佔你成個組合,一個好低的比重,你照持有係可以。否則,當有反彈,就要再沽多少少。
------------------------------------------------
Q22413:
老師,其實etf回報係唔係理應回報多過投資個股? 我見差唔多全部etf股價都係步步向上,好似無邊d係大起大落 或者 長線向下? 想問下呢個係ETF特性?
問題二. 想請問下一我地係咪應該買ETF好過買個股? 一般人理應唔會下下買中倍升股,但係etf就基本上股價係一直向上? 長線好小跌?
謝謝你的寶貴意見
龔成老師︰
1) 唔一定,因為ETF係一籃子優質企業,可以係追蹤一個股票市場、一個行業、或者特定產品(如黃金)。
以盈富(2800)這隻較為人所熟識的ETF為例,佢係追蹤恆生指數,等同買入58間優質企業。
但當中有潛力股,有平穏增長股,也收息股。若你用當中的比亞迪(1211)為例,佢近2年一定係跑嬴盈富(2800)。
但如果你用中國人壽(2628)做比較,佢就明顯係跑輸恆指。所以,ETF唔一定係跑嬴個股。只係佢較有風險分散能力,令個整體回報相對穏定。
2) 如果你係初階投資者,不懂選股,但又睇好個別市場,ETF就會係一個唔錯選擇。
因為佢係一籃子股票,就算當中有些股票,表現未如理想,但只要大市或者相關行業係正面發展,你都會享受到成果。這就是分散風險,有利之處。
當然,如果你係買中一隻較具潛力的企業,升幅係有權優於ETF。但若投資個股時,你選擇錯誤,係可以大市/行業升,但你個隻跌。
------------------------------------------------
Q22414:
龔成 我係你fans 有買你啲書 亦曾經係你股票班學生 不過喺度好想同你講聲對唔住 我覺得自己好似辜負咗你咁 因為你當初教嗰套信念我無好好記住
搞到依家由賺錢變倒輸 初初我齋買港股都好哋哋 後尾學人買美股 賺咗少少之後就開始心雄 再玩埋沽空 結果依家輸到損手爛腳 我好嬲我自己
當初嫌你嗰套賺錢慢 於是就不知不覺好似走咗入賭場咁 仲要唔識走 越賭越大 到依家諗返轉頭 原來你一路教嗰套先係最穩陣 雖然唔會一夜致富
但最終一定有收成 依家我down得好緊要
近排工作 前途 甚至依家股市 無一樣嘢順利 好似時不與我咁 唔知點樣走出呢個困局…
龔成老師︰
其實,有唔少人都會因為短炒成功幾次,就會心雄,只後走上短炒之路。這就是點解我成日Q&A度提讀者,以前做證券行個陣,見短炒個班,可能會短期賺,但長遠都係輸晒架原因。
我地投資要成功,除了要學好一套投資方法外,經驗、自律性和心理素質,都係同樣重要。
有些人,本身心理素質好穏定,可以好好地操作個長線投資計劃。有些人,要好像你有一樣,要有所經歷才會明白。但重點係,這2種人最終都會走到財務自由之路。原因是,他們都"學懂"了。
你現時才34歲,依然很年青,只要你現時開始用正確方法,去創造你財富增值組合,係一D都唔遲。
而且,你比其他人經歷更多,對未來操作"真正"大升大跌市時,你心理上優勢,係會更加明顯,這都對你長線投資有利。
所以,你現時要做,就係收拾心情,做你應該做的事,一切自然慢慢會好。加油!!!
------------------------------------------------
Q22415:
老師,我手持幾隻蟹貨,可唔可以strong hold 牙?
3692 $33.1 2000 shares
2160 $16.7 5000 shares
1913 $55.5 500 shares
873 $24.7 3000 shares
謝謝
龔成老師︰
持有與否,你要睇翻企業本身有無質素。如果無,就算唔係蟹貨,係賺緊錢,都要減持,甚至係沽出。
微創心通醫療科技(2160)和翰森製藥(3692)不確定性較高,近期中央相關政策,令佢地風險高左,故暫時不要再加注。
普拉達(1913)有質素的。
佢係全球時裝及奢侈品集團之一,透過Prada、Miu Miu、Church’s 及Car Shoe品牌,從事設計、生產、推廣及銷售高級皮具用品、成衣及鞋履,以及透過特許協議提供眼鏡及香水。
有一定的品牌價值,但都較受經濟週期情況,你預佢中短期都會較波動,這股有長線投資的價值。
世茂服務(0873)由世茂集團(0813)分拆上市,業務有(1)物業管理服務(2)社區增值服務(3)非業主增值服務。
睇翻佢過往的財務數據,基本上都正面,業務不差同時有增長力,不過上市年期不算耐,因此參考價值會減。
股價上落較大,要注意風險。這股都有質素,有長線投資價值。
------------------------------------------------
Q22416:
龔sir, 睇而家個勢6088同788前景如何。6088坐緊3.48,788坐緊1.44
1858之前40入跌到20放埋一邊冇理到 點知前排彈咗一彈上30 好後悔冇溝 係咪繼續坐吓等
龔成老師︰
唔好用買入價,去決定是否持有一隻股票。我地要睇的是企業質素,只要佢有長線投資價值,中短期帳面虧損,唔係咁重要。
IT HON TENG(6088)質素中等,雖然都有投資價值,但企業不是最高質之列,因為企業的賺錢能力始終唔算好強,每件產品賺錢唔多。
同時業績有回落情況,不過,這股始終不是無質素,但預期長遠的增長力只是中等。若你持貨不多,可以守。
中國鐵塔(0788)質素無大變,但你預佢增長潛力同幾年前相比,會係弱左。整體而言,都有長線投資價值。
春立醫療(1858)長遠有發展的,但本身佢股價和盈利,都係較大上大落。你現貨照持有,只要唔係佔組合太重比例,咁就可以。
------------------------------------------------
Q22417:
老師點睇1024快手?佢差唔多每曰都跌,有投資價值嗎?現價$142是否仲係貴既水平?
問題2,另外今個月開始每月會買1手你書中介紹的潛力股1833(平安好醫生),用老師上堂教的估值計是合理價,現價吸引,會持續1年至2年買入,佢升到咩價位應該停買?
想問請如何操作?老師又覺得e家1833是處於咩水平?
龔成老師︰
1) 快手(1024)之前貴,現價開始合理,大致在合理區中上至頂。近期受大市和中央政策風險所影響,有較大回調,但本質上無太大轉變,有貨可照持有。
2) 平安好醫生(1833)長遠有發展力。
佢係中國領先的一站式醫療健康系統平台,透過「移動醫療+AI」,為每個家庭提供一位家庭醫生,為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者,以平均月活躍客戶,以及在線諮詢量計,是中國最大規模的互聯網醫療健康平台。
企業的業務有潛力,本身有優勢,大環境的配合,都成了這企業的機遇,前景正面,不過財務數據未算好理想。
雖然長遠的企業價值向上,但股價在中短期,可以十分波動,因為市場以「前景」作估值,故此變化必然很大。好難得出平貴的準確數,只能估估下,作參考。
因此,低風險者未必適合投資,若投資者考慮這股,亦不能大注投資,買入後就耐心長線持有,等待這企業改變整個行業的情況,現價算合理區中間位。
但好波動,你每月買1手,去平均個價格,係可以。但此股始終不確定性較高,不宜佔組合太多。
如果一個月買一手,會令佢佔你組合比例過重。你可以更改為月供,或者隔開多少少,例如每2,3個月才買一手,去平衡。
------------------------------------------------
Q22418:
龔sir,我有個理財問題想請教你,我手上有兩個物業出租,一個已經供完每月收租金$11500.00,
另一個仲有20幾年要供,每月租金收入$12500.00,租金可以cover供款和物業管理費等支出。
我的問題係我自己住的單位是租的,每月扣除租金收入後還需要付$20500.00。
我上完你初階股票班後一直思考,我係咪應該把手頭上兩個出租物業賣出,先幫自己買入一個自住用的物業來減底支出呢?
謝謝!
龔成老師︰
其實都唔一定,因為香港買賣樓宇成本唔細,你這個變動,可能要用你唔少錢。你可以主要考慮翻,邊個方法可以令你有更在資金空出,作投資增值之用。
如果你現時置業,反而令你每月投資優質股資金少左,其實係成個配置角度,就未必值得咁做。
當然,長線計你照好都持有一個適合自己長線生活需要的物業,但唔需要過急去進行。
你現時持有2個物業,若都有一定質素,你可以照持有,用佢地來資產追資產,平衡樓市波動的影響。
另一邊,你繼續用優質股去增值,到你可以做到買自住樓之餘,又可以保留一定優質股(最好可保留一間收租物業),才去出手買自住樓都未遲。
------------------------------------------------
Q22419:
1) 也想請問你1093, 《50值博倍升股》中亦提及此股能穩中求勝,請問此股的便宜區是多少?
2) 1297的便宜區是多少?
3) 你的著作《50值博倍升股》中提及1181是穩中求勝之選,請問此股的便宜區是多少?
4) 《50值博倍升股》中提及1458成功打開了一片藍海,請問此股的便宜區在哪?
5) 《50值博倍升股》中提及1373是穩中求勝之選,請問此股的便宜區是多少?
6)《50值博倍升股》中提及868是穩中求勝之選,請問此股的便宜區是多少?
7) 讀完仍的《50值博倍升股了》,但發現很多股票已升了很多,如果現時從書本中選一隻,你會選哪一隻?
8) 想問根據過往數據,本港樓市平均每年會上升多少?(樓價、租金分別上升多少?)我已在書中找到了。
9) 想問現有哪隻優質潛力股已跌至便宜區?
龔成老師︰
1) 石藥集團(1093)現價算合理區上部,要平宜區,要有好大幅回調,接近回一半才到。
2) 中國擎天軟件(1297)規模較細,以及行業存有風險。此股較難做個穏當估值,如你想投資,現價都有投資價值﹐但要控制注碼。
3) 唐宮中國(1181)現價計,你預回多3,4成,會開始到初步平宜區。
4) 周黑鴨(1458)雖然近期回落唔少,但都仲係偏貴,你預佢真係有好大跌幅,去有機會進入平宜區。
同埋,其股都有一定風險,不宜大注。
5) 國際家居零售(1373)你預跌在多2,3成,才算係初步平宜區。
6) 信義玻璃(0868)過往一段時間,累積了不少升幅,就算合理區,都要有一個明顯大回調才會到。所以,暫時唔好入市住。如果真係想入,最好用月供去儲貨。
7) 我會選中生(1177)和信義光能(0968),2隻雖然只在合理區上部,但本身質素較高。故在當中,值博率會係較好的2隻。
但由於現價唔平,只宜小注,等有明顯回調,才正式入市。
8) 過往數據,你可以作為一個參考。但更重要,你應著眼面前轉變、房屋政策、樓市供求問題。未來預期,香港中短期房屋都係維持供不應求。
再加上,近年多國政府都用量化寬鬆政策去救市,令市場資金大量增加。所以,可預見的將來,樓價都會維持上升。
9) 沒有,其實高質素的潛力股,極少跌到平宜區。所以你唔好諗住平宜區先入,要係合理區就開始分注,如果唔係,好機會錯失入市機會。
------------------------------------------------
Q22420:
老師,我睇返中國銀行和中銀香港每年既股息增長率,中國銀行既股息增長比較快,而家中國銀行呢個價位股息有8厘,如果股息再增長股價必定有影響,那投資中國比行不是比中銀香港好嗎?
同埋我想問如果我想查返中銀香港10年前既股價可以係邊到查詢?
同我想問通漲對阿里巴巴,騰訊,香港中華煤氣,同中銀香港會唔會有影響,我照你推介已買入呢四隻股票,之後仲想入d香港電訊同置富
龔成老師︰
我地唔可以單憑派息增長力,就去判斷一個企業情況。無錯,當中行(3988)股息再上調,有機會令股價再上。但
但始終中行(3988)本身已經好大間,加上佢業務上發展比中銀香港(2388)細,故增長力預期會較弱。
以你3X歲年紀,應該集中係財富增長上,故中銀香港(2388)會較為適合。
至於你想睇10年前股價,你可以去YAHOO財經,或者睇各個財經網的圖表,都會有。
阿里巴巴(9988),騰訊(0700),香港中華煤氣(0003),同中銀香港(2388)都係有質素的企業,長線都會跑嬴通漲,你長線持有就可以。
至於指數基金都係適合你,但香港電訊(6823)只係收息股,增長力不高,不太適合你這個年紀。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
食完蟹唔可以食咩生果 在 Smart Travel Youtube 的最佳貼文
#娛樂八卦#SmartTrave #陳自瑤 #森美 #簡慕華 #江美儀 #李佳芯 #周嘉洛 #港網 #最想邊位TVB人過檔Viu #曾志偉 #汪明荃 #開心大綜藝 #C君尋人記 #娛樂版 #是日娛樂重點推介
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
HK01
喺呢個報告之中, 講劇集,今個星期來個反高潮,齊齊跌!《愛•回家之開心速遞》由25.7點微跌至25.3點,《伙計辦大事》則比較大跌幅,由24.7點跌至22.8點。
我平時係一早起身, 煮完早餐坐喺張梳化開個電視盒, 睇咗 《伙計辦大事》十分鐘, 再飛嚟睇, 個劇本爛到不得了 ,同以前舊嘅有份演嘅 刑事偵緝檔案, 或者一號皇庭差天共地 .
至於綜藝方面,《尋人記》成為九大綜藝暫時最高收視的一個節目,
大家睇返我3月24號嗰條影片 , 當時係曾志偉攜同呢個王祖藍 , 煞有介事開一個介紹九個綜藝節目記者招待會 , 當時我逐一分析呢九個綜藝節目 , 只有尋人既係值得期待 , 其他全部係垃圾 . 你哋唔信可以睇返 , 我同好多香港人一樣,自細係撈電視汁大嘅,所以隨住個社會不斷咁變遷進步, 亦都好似一個便是寒暑表一樣, 知道邊啲係會受而家仲歡迎,Tvb除咗尋人記係稍為近期比較叫好叫座之外, 其他完全冇期待。我已經係講得好客氣呀, 所以嗰晚佢搵詩君做咗一個搞笑版嘅尋人記, 我勸喻佢哋盡早斬倉,cut咗嗰個咩開心大綜藝啦, 胡鬧低級趣味 ,唔好話我冇睇又喺度批評, 有啲上網數幾秒fast fwd就知道係咩龍料啦。
佢哋嘅《大整蠱》雖然在坊間引起討論,不過收視只得18.2點,老實講 , 大整蠱當中有冇啲係喺度做戲㗎呢 ? 仲有, 而家都唔係好興做大整蠱嘅題目, 畀我嘅感覺真係好似落街放咗100蚊紙喺度人造人去執 , 然後行出嚟話唔好意思呀你被整蠱啦 , 嗰種feel囉。你一係就參考日本啲整蠱節目,好勁呀, 搵個人扮鬼匿埋喺個電梯槽上面, 再收埋一個人若鏡頭, 突然之間一隻類似精子嘅女鬼半夜三更喺部電梯跳出嚟,嚇嗰啲鏡頭就真係有少少期待。日本啲綜藝真係好勁呀, 我見過有一個 , 部?嘅地下係紙皮嚟㗎 , 影個女演員一齊入到呢, 成個人跌咗落去嗰啲入面, 誣捏應該係假嘅, 畀人整蠱曬粗㗎啦 , 你畀啲鬼曬啲粗口播出街囉 。
比起《尋人記》下跌了幾個收視點。原因之一可能是宣傳不足,在開播之前一直只是四位主持人介紹有新節目,但並沒有太多節目內容作宣傳,第二則是《尋人記》的確是比較創新形式的節目,整蠱方向的節目過往其實出過不少。
《愛•回家之開心速遞》周一至五平均25.3點,最高收視周一(19日)晚26.5點。
原來,不只香港觀眾,連內地觀眾都對TVB稍有微詞,例如劇集《伙記辦大事》,內地網民都笑言劇中主角年齡大,欠缺年輕演員,且60歲的歐陽震華與50歲的萬綺雯,二人加起來110歲,仍要上演一分鐘的「壁咚」情節,網民認為看著令人尷尬非常。甚至,內地觀眾也認為現在的TVB,是個老人台。
Appledaily
原來,不只香港觀眾,連內地觀眾都對TVB稍有微詞,例如劇集《伙記辦大事》,內地網民都笑言劇中主角年齡大,欠缺年輕演員,且60歲的歐陽震華與50歲的萬綺雯,二人加起來110歲,仍要上演一分鐘的「壁咚」情節,網民認為看著令人尷尬非常。甚至,內地觀眾也認為現在的TVB,是個老人台。
「老人俱乐部。」
「不介意有些感情戏份,年纪大的人也会谈情说爱,但请不要壁咚,太惊吓了!」
「为了不被辣眼睛,我不会看的,还是看他们以前拍的经典就行了。」
「港剧还是看95年前后的吧,现在的TVB没人了。」
「年轻人挑不起大梁了,TVB还是没落。」
劇中平均年齡約58歲左右,略為年輕的也就40歲楊明、34歲賴慰玲、31歲陳瀅等,而其中飾演交通警的楊明有多次醉駕紀錄,當下又牽涉「不小心駕駛」官非,有夠諷刺。
隔籬台保錡食沙律一事,比較起來問題不算太嚴重,難怪愈來愈得觀眾原諒,何況保錡出鏡已被罰打重格。無論公司還是個人方面,都來得有誠意。
加起來110歲的「壁咚」情節,連出名「河蟹」的內地觀眾都話頂唔順。
加起來110歲的「壁咚」情節,連出名「河蟹」的內地觀眾都話頂唔順。
其實,TVB不乏得人心的幕前人員,因此網民早前就曾出Post討論,「有邊個TVB人,你覺得應該走去ViuTV?」排名不分先後,包括:Ali李佳芯、農夫、金城安(周嘉洛)、森美、Do姐、賴慰玲等等。甚至有人提議曾志偉,指他可扮吉祥物Sound Bear,並與ERROR合作,重拍《花姐ERROR遊》炸Sound Bear等情節。
食完蟹唔可以食咩生果 在 Smart Travel Youtube 的精選貼文
Hello大家好, 我係阿Tsar,
估唔到你哋咁鬼鍾意聽我講娛樂八卦新聞
Yoyo條影片, 大半日已經上咗Youtube熱爆榜
一日之內就已經有接近13萬人睇過
第二條影片關於龔嘉欣同埋張振朗,
又俾香港01、蘋果日報、明報等傳媒報導我呢一個Youtube頻道Smart Travel
多謝曬傳媒朋友, 既然係咁, 講開有條癮
連我嗰位副業做臨時演員嘅朋友都忍唔住要打電話嚟同我再爆料
我呢個friend本身都有一份幾好嘅職業 , 為興趣先至去做臨時演員嘅啫
所以佢都唔係太驚冇得撈, 所以咪越爆越堅囉
至於事件嘅主人翁係邊個呢 ? 等我講完件事畀你哋聽自己估先啦
你哋記得分享埋畀其他朋友一齊估?咁先至好玩㗎嘛!
那, 你哋聽完, 想我繼續有料爆, 記得睇完影片幫我分享訂閱同埋like
如果冇乜人睇,我又唔再爆㗎喇
話說近排係一個頒獎典禮之中,
有一個福街喺頒獎典禮當晚攞咗一個全場大獎兼一個豬肉獎
記者除咗拍到一個人黑面之外,
其實幕後好多工作人員都鄧其他嘅被提名人不值
好似我自己就鍾意其中一個被提名人,行內覺得佢係好好先生
事實上佢都真係一個好爸爸同埋好老公
不過當晚佢得唔到獎,都好有風度
即刻返屋企同三個仔女一齊玩
我都覺得佢套劇裏面好多演員都非常之出色
好似阿柴8呀、大馬新抱呀、美女與野獸呀、矮女呀
連同阿好爸爸自己,成套劇都好好睇
唯獨是坐咗成晚都與獎無緣, 真係戥佢哋呢套劇嘅演員唔值
話說回來, 我今日要講呢位福街,其實行內嘅人都知佢係”福街”
等我講下佢點”福街”畀你哋聽下
以前阿”福街”冇咁紅嘅, 後來拍咗一個電視劇話事人嘅劇之後
以下我將呢一位話事人叫佢做阿公啦
阿公覺得佢好旺自己,之後兩個人就拍住上
有親呢位阿公嘅戲呢, 都一定預埋”福街”嘅
仲要呢個電視台鬧演員慌, 個個上曬大陸搵真銀
咁阿福街順利成章地成為咗呢位阿公嘅御用男主角囉
係呀福街未紅嘅時候已經結咗婚㗎喇 ,
老婆大佢少少 , 冇咁有名氣嘅 , 同佢生咗個女
初頭都仲幾好嘅 , 點知呀福街越嚟越紅
仲同佢每套戲嘅女主角傳出緋聞
先後有西蘭花喇,之後有矮妹啦 ,不過當時矮妹自己都有個幾好嘅情歌男友
就冇受佢溝, 另外一套劇 ,有個新進嘅姐仔打機女神,
佢都又想dab埋人喎, 打幾女神梗係唔騷佢啦
人哋又後生又靚,仲有個好啱嘴型嘅青年才俊男朋友
大家都係類似半唐番咁啦,目前為止,
佢冇正式同阿西蘭花公開咩戀情,但係緋聞就傳到成個東南亞娛樂圈都知啦
行內人個個都知道佢哋兩個有嘢,西蘭花個人本身係癲癲喪喪嘅, 當福街係偶像咁崇拜
福街對西蘭花嗰種若即若離,真係搞到呀西蘭花瘋瘋癲癲
總之兩個人就掟煲唔掟蓋 ,閒時摘下菜,
西蘭花都唔係傻女嚟嘅,成個森林有點止一棵樹呀
福街除咗對佢劇裏面嘅女主角有殺錯冇放過之外
其實佢嘅工作態度都令到好多行內人側目
係得阿公仲用呀福街咋嘛,其他合作過嘅電視台話事人都怕q咗佢
因為佢嘅工作態度唔好囉, 你哋有冇聽過咩叫文替呀?
由於呀福街紅咗之後, 佢自己都知道好旺阿公
所以佢就開始耍大牌, 經常遲到, 恃住有靠山呀嘛
但係成組人等佢咁又點呢?佢公司竟然諗到一個仿效大陸大牌演員嘅方法
就係用文替, 咩叫文替呢 ? In case你哋有啲人唔知道, 我就話畀你哋聽喇
文替即係文戲嘅替身, 即係如果唔使動作戲嘅時候 ,拍一啲淨係靜態講對白啦
咪搵啲替身幫佢下次淨係影到背影嗰啲戲囉 ,之後再加返啲配音落去, 剪接上做啲手腳, 咪當佢成個人仲喺度做戲囉, 有冇睇到周星馳嗰本 斯坦尼斯拉夫斯基嘅《演員自我修養》
全個電視才得佢一個係咁樣,需要用到文睇㗎咋,
你知啦, 拍電視劇唔係淨係拍你一個起呀大佬
其他人都有其他嘅劇要趕去第二個廠㗎 ,
你咁樣同斷人衣食如同殺人父母有咩分別呀
所以阿公就將佢嗰啲文戲, 預先搵個替身頂住當先囉
但係佢遲到冇唔好意思㗎喎, 去到錄影廠就扮曬大支嘢
嗰啲工作態度真係差到好福街
你哋當晚見到佢得獎 ,台前有人為佢拍掌 ,
就以為佢好好人緣呀?台下面尤其是嗰啲幕後人員呀
個個都炒蜆炒蟹,你成日遲大到,人哋幕後啲卒仔要做多好多嘢㗎
仲有呀, 好多同佢一齊有份提名㗎,或者合作過嘅演員、包括埋林記
但係就唔包括一類人,就係幫佢做父替嗰啲臨時演員囉
唔係電視台有呢啲福街, 又邊會有多啲收入呢
不過如果你喺任何一個商業機構
再多一啲咁嘅人嘅話, 其他嘅工作人員呀幕前幕後都好唔公平啦
佢同佢名義上嘅妻子關係都係覆水難收㗎喇, 改改你嘅工作態度啦,福街!
唉唔同你哋講呀 ,我揸緊車 ,頭先轉黃燈就話可以同你哋吹水啫
而家轉返做綠燈呀 ,我要開車喇,下次再轉黃燈再同你哋吹水啦,拜拜。
#萬千星輝頒獎典禮2020 #最佳男主角 #視帝 #王浩信 #陳自瑤 #FBI微表情 #最佳教材 #tvb娛樂新聞 #獨家爆料 #萬千星輝頒獎典禮2020 #張振朗 #龔嘉欣 #王浩信 #陳自瑤 #最受歡迎電視男角色#最受歡迎電視女角色 #最喜愛TVB女主角 #馬來西亞 #黎耀祥 #最佳男主角 #視帝 #王浩信 #陳自瑤成 #FBI微表情 #最佳教材
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
食完蟹唔可以食咩生果 在 alex lam Youtube 的最佳解答
最近疫情令出外用餐機會大減
同大家分享一下食過咩餐又幾好食介紹比你
聖誕節前後點都要搵食,西餐呢間唔錯
午市餐抵食!!仲可以試埋佢獨家流心牛角包
當係全日早餐類型CAFE都得,仲有靚咖啡飲
LUNCH 餐牌,有四種前菜選,法式龍蝦湯牛角
冬季限定,燒紫薯沙律,烤南瓜薑奶油湯
選了龍蝦湯牛角和加錢配日本蟹膏·流心牛角包
最有趣既地方係,佢外層係完全酥脆
中間落刀切開好似溫泉咁湧出黎
影相打卡,相機食先岩曬
當然佢唔止好睇,味道亦都相當唔錯
牛角包身酥脆,中間部份吸滿鮮味龍蝦湯
如可以加少少蝦肉味道會更佳
金黃色既龍蝦湯,用麵包沾湯食法獨特
冬季限定口味
日本蟹膏·流心牛角包
估佢唔到連蟹膏都可以放入牛角包
創意認真夠曬,呢款就唔係湯黎既
餡料係少少液化狀態既濃郁蟹膏
濃郁鮮味之餘帶點咸香蟹籽,有少許日式風味
慢煮安格斯牛扒低脂高蛋白營養餐
少油,高蛋白健康全日版早餐
牛扒用上慢煮,上菜前再煎香
入口肉味濃郁之餘,牛肉既油香同肉汁仍然保留
牛肉中間呈粉嫩,味道稍稍淡了些,加少少黑椒味道會更豐富同美味
另配上一隻看似近乎無用油煎既蛋
蛋中間仍然係半生熟既,可以同沙律一齊食
伴碟大約一半係沙律菜,一半係煎蛋同牛肉
好岩健身或追求味道但又要有營養既朋友食
香煎西班牙黑毛豬腩配芥末籽燒汁及奶油南瓜蓉
豬腩煎至微微帶焦香,層層分明,一層肥一層肉
個豬皮非常脆口,肉質細緻有彈性,入口甘香肥美
配上特製既芥末籽燒汁味道非常夾
仲有奶油南瓜蓉 食入口慢慢有南瓜既香同自然甜味散出黎,整個配搭係非常好味
海鹽焦糖咖啡流心牛角包
灑上滿滿既咖啡粉,入味微甘少少苦澀
中間係海鹽焦糖流心餡
充滿咖啡香氣,同流心湯味道與別不同
牛角包有一鹹一甜好滿足
白松露雪糕配風乾草莓
灑滿開心果仁碎配上風乾草莓
食入口第一時間先聞到白松露既香氣
慢慢係口腔中溶化,味道更濃更突出
配上草莓令到整體味道更豐富
呢個甜品高貴優雅之餘影相仲好靚
最後結尾飲返2杯餐飲
玫瑰鮮奶咖啡 /有氣蜜桃提子汁
用上鮮奶製作,入口細滑,泡沫夠幼,帶淡淡花香
果汁清爽解膩
中環善慶街9號地舖
G/F, 9 Shin Hing Street, Central
港鐵上環站 A2 出口, 步行約6分鐘
開飯介紹
小店以慢煮為概念,少調味少油,保留食材原汁原味,將食物天然味道呈現。招牌菜包括真空慢煮牛頰肉、西班牙黑毛豬及慢煮三文魚配冬蔭清湯,另外自家製龍蝦湯流心牛角包亦很受歡近。