Search
目前最突破自我的演出...現在自己看影片都會覺得不好意思🤣🤣🤣雖然有點38，但希望可以帶給你們一點歡樂！
Doritos
#多力多滋女孩 #說好的氣質呢
[上傳嗨趴照抽$5,000派對金]
多力多滋嗨場救星出動，一拳搞定冷場聯誼趴!!!
上傳你的趴踢“多力多滋嗨照”+TAG嗨友們
就有機會抽到$5,000派對金!!!
【活動辦法】
1. 2017/06/21 23:59 前加入粉絲，公開分享本篇貼文，並上傳你的趴踢“嗨照”並TAG好友，即可參加抽獎。
2. 趴踢“嗨照”需有多力多滋包裝出現(不限口味)
3. 留言內容勿涉及辱罵、毀謗、髒話等字眼，若有相關內容即喪失抽獎資格。
4. 本活動將抽出2名粉絲，獎項為《派對金$5,000》
5. 得獎者公布時間：2017/06/23於本粉絲團公布。
6. 本活動需為「 Doritos – Taiwan 」粉絲團粉絲才具抽獎資格。
7. 在不影響消費者權益之下，Doritos – Taiwan保有最終活動修改與解釋權利。
= Doritos- Taiwan提醒 禁止酒駕 未滿十八歲者禁止飲酒 =
《幫咗個朋友表白，好後悔⋯⋯》
好多人都話愚人節係一個表白嘅好時機，因為萬一失敗咗，都可以扮係講笑。你問，係咪真係有人咁做？我可以答你，有！嗰個就係我。
不過，我係幫人表白。
「信我啦，佢真係鍾意妳㗎！」企喺我面前呢個女仔，叫阿敏，佢係我大學期間暗戀三年嘅對象。
「今日係4月1號，你係咪玩我㗎？」阿敏半信半疑咁問我。
雖然一直好鍾意阿敏，但我知道自己襯唔起佢。第一，我唔靚仔，第二，我知自己畢咗業後只會打份萬零嘅牛工，第時都唔會買得起私樓⋯第三，佢鍾意嘅男仔條件好過我好多，成套韓劇男主角咁⋯⋯
「阿敏，我噚日趁佢飲咗少少酒，試探過佢，佢話一直都對你有意思，但唔敢同你講。」
「多謝你幫我問呀，阿聰，下次我請你食飯啦！」
「嗯，不過唔好又係去Canteen就得喇⋯⋯」
我一直強顏歡笑，但唔知點解，望住阿敏幸福嘅笑容，我又覺得好值得。
吖！唔記得講，阿敏鐘意嘅男仔，係我喺宿舍入面嘅其中一個朋友。靚仔、讀醫、識投資，未畢業已經儲到幾十萬，家底好贏在起跑線上，條件好到我連入場同佢比嘅資格都冇。
呢個世界就係可以咁唔公平，佢唔使出力就乜都贏晒，我就點努力都追唔上，就連鐘意嘅女仔都輸埋。
因為嗰日，無幾耐之後，佢哋就一齊咗。
我一直都冇再同阿敏聯絡，關於佢嘅事完全唔知，我逼自己唔好再諗佢。
直至一次同班hall嘅朋友出嚟食飯⋯⋯
「係勁喎！又食到新女，點啫，大唔大波？」
「送到上門唔通唔食咩！不過⋯⋯」
「不過咩呀？」
「死魚咗啲囉！」
「哈哈哈，屌，咁Pass過嚟啦！」
「你叫阿聰介紹囉，唔係佢我邊有得食。」
我鬆開佢搭住我膊頭隻手，好想一拳打落佢塊面度，但我只係講咗句：「我有啲唔舒服，想走先，你哋慢慢食。」
返到屋企，我忍唔住開咗阿敏嘅Facebook，由佢哋拍拖第一日開始睇起。
一開頭係啲高級餐廳嘅合照，之後係啲台灣日本泰國嘅旅行相，唔知點解，突然諗起佢哋夜晚響酒店⋯⋯個心痛咗一痛。
成個FB都係啲閃光彈，直到一句status：「點解要呃我⋯⋯？」睇返日期，係前幾日打嘅。
我鼓起咗僅餘嘅勇氣，whatsapp咗阿敏：「hi」
佢即刻就覆返我：「咦？乜你哋唔係去咗食飯咩？」
「係呀，不過我唔舒服走咗。」
「嗯！」
「唔開心？」
「少少⋯⋯」
我慢慢開始同佢傾起上嚟，感覺好奇怪，有少少狗公咁，但我唔理喇，只係好想知佢發生咩事。
佢話，其實佢哋兩個好少見面，成日都話好少陪佢。
「我覺得佢其實有第二個女仔⋯⋯」
「以佢性格，唔出奇吖！」我好想咁講，但只係安慰佢：「應該唔會嘅，唔好亂諗嘢啦！」
「阿聰，我想知多啲佢嘅嘢呀，你講多啲畀我聽吖！」
「下，我好忙㗎喎！」
「最多請你食飯啦！吖，仲有上次嗰餐呀！」
「乜妳仲記得。」
「點會唔記得。」
嗰晚，我同佢傾咗好耐，全部都係關於佢，冇一句係講我。
我嘅價值，可能就只係咁，但可以同佢講嘢，已經好夠。
一個星期之後，阿敏終於兌現咗承諾，約我出嚟食飯，之後好老套咁去咗海傍傾偈。
「乜妳飲酒㗎咩⋯⋯」
「我想飲。」
「唔好飲啦，好苦㗎！」
「你都一齊飲。」
我望住佢塊面愈嚟愈紅，愈挨愈埋。佢話有諗過想分手，佢知呢個男朋友對佢好差，但佢唔捨得，因為係第一次拍拖，時間心機，咩都畀晒佢。
講講下，佢挨咗落我度，原來呢個角度望佢係咁靚。
我好想錫落去同佢講：「其實一直鍾意你，但唔敢同你講嗰個係我。」
佢突然醒咗小小：「你講咩話？」
吓！唔通我口快快真係講咗出嚟？
佢繼續朦朦朧朧咁講：「唔好同我分手呀，唔好唔要我⋯⋯」
好彩，佢只係發開口夢。
佢當咗我係佢，攬得我好實，原來我都會有覺得幸福嘅時候，雖然只係得一陣，雖然根本唔係屬於我。
「阿敏，我真係好鍾意你。」我忍唔住細細咁喺佢耳邊講。
我知佢唔會聽到。
一直坐到半夜，我呢份短暫嘅運氣，隨住一個電話而結束。
「佢問我喺邊，話依家揸車過嚟接我。」
「嗯，咁⋯我自己走先。」
「多謝你呀⋯⋯」
「妳唔好諗咁多啦，佢一直都係咁鐘意妳。」
「真係？」
「真！我發誓！」
「哈哈，傻㗎咩，都唔關你事，發咩誓！」
「使唔使我陪妳等到佢嚟？」
「唔使喇，我驚佢見到會亂諗嘢。」
「咁我走喇⋯⋯」
「Bye Bye，今晚多謝你陪我。」
我慢慢離開咗佢嘅視線，但佢依然係我眼眶入面，我唔放心佢一個女仔喺度，所以喺好遠嘅角落頭度望住佢，好似個偷窺狂咁。
十幾分鐘之後，就見到著住西裝嘅佢嚟到，阿敏一見到佢就開心返晒，兩個人係咁有講有笑，十指緊扣咁慢慢愈行愈遠。
我行返出海傍，望住個海，望住個好黑嘅天，好想喊。
我好想返返去嗰日愚人節，當我同阿敏講：「信我啦，佢真係鐘意妳㗎！」佢問我「今日係4月1號，你係咪玩我㗎？」嘅時候，我之後答佢嘅係：
「係呀，講笑咋，妳咁都信！哈哈！」
祝妳幸福。
---------------------------
喜歡的話like我的page，會有更多故事及散文呢
***小說《初戀，是不可挽回的追悔》FB每晚10:00連載***
FB: 莎比亞
Follow IG睇獨家sweet相: sapeiar
最新出版：《鬼叫我唔識拍拖》各書局有售
網上試閱：http://on.fb.me/1PKxJnS
