#長文慎入又鬧正苦
#飲食業制祭
#星期二閃購 #全店八五折
▶️▶️ www.hktvmall.com/s/H7331001
今日，我相信做飲食業嘅，
無一個人訓得著。
香港政府：如果你喺邊境做好啲，
就算你要我哋戴口罩入餐廳又得，
限時或分時段食又得，一人一枱隔開食都得！
香港市民而家係好唔忿氣，
因為你仲死唔肯做好邊境檢疫呀！
又月尾，飲食業老闆，糧要出，租要交，
食材要找數，保就業錢未收到；
小市民去街市高危，超級市場唔可以多去，
唔可以喺街食飯。
你哋仲離地到，
覺得唔坐低食之嘛，送外賣咪得囉；
無地方坐底之嘛，坐公園食咪得囉。
知唔知唔係洗少咗碗，洗碗姐姐就可以變身車手，明天轉行送外賣㗎？
亦唔係樓面餐具攞喺度唔用，會自動變成飯盒餐具㗎！
你試吓，叫你煮一餐飯，
就拎去你隔離屋唧，
要快靚正，安全，衛生，保溫，你點搞？

最唔忿氣係，船底穿晒洞入水，
你死唔肯去封啲缺口，
淨係叫船上啲人，個個著救生衣邊有用？
我哋個個著晒啦，早在你未搞條阿婆底褲之前已經知道嘞！
關口你就鬆，有關市民食飯你就緊，
你點張弛有道法呀？
34類免檢疫人士，成29萬人，
有衛生署醫學監察通知書可入境豁免檢疫，
等於成4% 香港人口咁多人，可以通街走。
張弛到而家第三波，你收緊咗邊個窿？
月尾27號，今日飲食界個個忙到癲，忙變陣。
但係有個咁既政府，真係神仙難變。
去到呢一刻，真係好難再有正能量，
我仲喺公司簽緊票，
睇新聞好似睇緊鬼故咁，
月尾流流，個人真係好謝！
各位，邊一刻你覺得仲有啲positive power，
拿出來撐住其他人吖唔該！
明天（星期二）我們在HKTV Mall做閃購，
有幾個items特價，其他產品做85折，
而家可以click入去買，貯糧呀各位！
#感謝外賣步兵 #感謝外賣車手 #感謝HKTVMall平台
#感謝我啲同事跟我傻傻的研究食品 #由朝做到晚
29萬人次屬於34種獲香港政府認可入境免檢疫人士包括：
1. 跨境貨車司機
2. 跨境巴士司機
3. 往返香港與中國的機組人員
4. 政府人員
5. 處理跨境運作的政府機構及承辦商
6. 貨船船員
7. 客船船員
8. 漁船及收魚艇船員
9. 向居住中國的港人提供支援的社署人員
10. 因港府工程而在中國工作的建造人員
11. 為疫情進行研究/提供意見的人員
12. 居於中國的牲囗進口商
13. 為生產家居檢疫手環的人員
14. 為供應防護裝備的人員
15. 居於沙頭角的居民
16. 押運貨幣及票據的保安
17. 從中國製造和供港日常用品的人員
18. 在中國從事生產的香港企業人員
19. 香港大學深圳醫院僱員
20. 在中國及澳門提供醫療及牙醫服務的香港企業人員
21. 與政府合作進行動物疾病的預防和控制專家
22. 在中國提供建造業專業服務人員
23. 來往中澳台的仲裁員、調解員或法律執業者
24. 來往中澳台重大商業交易的法律執業者
25. 香港的公營研發機構或從事科技研發工作公司
26. 執業會計師前往中國為在認可證券市場上市
27. 上市公司的董事因公務往來中港
28. 在聯交所上市並已納入恒生指數、恒生中國企業指數的行政人員
29. 在中國進行物流、港口或船務業務
30. 經營供港的農場/養殖場的人士，最多兩名在中國水域漁船作業的人士
31. 在中國居住的中三至中五級學生
32. 為香港供應新型冠狀病毒檢測服務
33. 持有航空營運人許可證的高級管理人員及機管理的高層
34. 內地國安人員
養殖場出租 在 水產養殖場地租售買賣專區 - Facebook 的推薦與評價
水產養殖場地租售的廣告或業代文以一周(168hr)為限,特別公告,重複廣告,先停刊一個月,再犯刪除用戶~~也歡迎大家檢舉一些奇怪的廣告文~~. ... <看更多>