【龔成問答信箱】(Q20201-Q20220)
Q20201:
你好,龔SIR。我係之前上過你基礎班既學生。我用左市盈率去估值02382 舜宇光學科技。
市盈率,我用左2016至2020 既每股盈利既平均數去做合理每股盈利,之後再去你比的價網揀左2016至2020既市盈率,因為我見2010-2015個市盈率好低,有少少吾夠代表性。
所以就用左2016-2020再排大至細,抽中間3個。 就用左32.12 同37.06。再乘番每股盈利$2.28。 之後計出黎再加減10%。
計到出黎就係65同92,我想問我係咪應該調高番少少個市盈率,定我計錯左?
係咪可以參考番02018 瑞聲科技既市盈率去做市盈率參考?
龔成老師:
其實你計算無錯,我地估值無絕對的方法,不同角度會有不同的結果,有時我會同時同幾個角度去估值。
而「2010-2015個市盈率好低,有少少吾夠代表性」,你正確的。
你計算的方法,是一個較為保守的方法,而我認為保守是無問題的。但好多時我會同時用另一情景去估值,就是假設佢有較高的增長。
雖然瑞聲(2018)同舜宇(2382)是同行,但增長力及技術發展好唔同,因此,強行比較未必適合。
舜宇以佢最新的增長力及長遠發展,同30倍市盈率是可以的,只是運用EPS時,可以有較多的預期因素,根據不少大行分析,佢2021年的每股盈利,平均預測去到$5。
當我地為高增長股進行估值時,過往的數據參考價值會低左,反而同將來數據會多D。如果以$5及30倍市盈率作基礎,$150都是合理價。
------------------------------------------------
Q20202:
一直留意,你所揀嘅每隻都好有抗跌力,而且總係倍升!
最近個市回咗好多,個個都想從中尋寶,但點先可以做到你咁百發百中,百分百準確呢???
龔成老師:
大量分析,小心出手。
我平均一年分析50間公司,這些公司都是經過選股過程後,確認了是基本的優質股,然後再每個星期,花6-8小時去睇一間,以了解佢的優質度、平貴。
雖然一年分析50間公司,但我會好耐心,等佢地跌到平,或接近平的水平,先會出手。買入後就長線持有。
而一般的散戶,實在太心急,第一,唔做功課,第二,好心急就下決定,唔會耐心等靚價先買,第三,無耐性持有,升少少就賣。
------------------------------------------------
Q20203:
老師你好,我在172入了(6618)京東健康現跌了,你認為應該放長線還是早走早著呢 前景如何?
另外也想入1610 中糧家佳康 如果中短線的話現價可以嗎。謝謝老師
龔成老師:
京東健康(6618)由京東(9618)分折出來京東健康,將會來港上市。這股可長線。
其業務主要提供線上線下的醫藥出售和健康管理服務,業務布局包括醫藥電商、互聯網醫療、智慧醫療解決方案、健康服務等4個大板塊。
京東健康旗下京東大藥房,更是內地線上線下收入規模最大的零售藥房。其互聯網醫院,日接診量超過10萬次。
質素上,京東健康是有的,我相信前景是正面的。但由於估值難,不確定性大,同時暫時略貴。如果你持貨不過多,持有就得,有得守,但就預股價上落較大,因為現時股價始終唔平。
中糧家佳康(1610)主要從事飼料生產及生豬養殖、生產及銷售生鮮豬肉及肉製品(以「家佳康」和「萬威客」品牌出售)等。
佢亦於家佳康專賣店及透過大型電商營運商銷售部分產品。
整體質素中等,唔算差,但又唔算好好,佢會受肉價的上落影響,影響左盈利,令佢盈利上落大,有試過出現虧損。因此,佢會比較被動。
現價算是合理,但質素未算好高。長遠發展都有,但預佢中短期波動,這類股又唔太值得持有好多。
------------------------------------------------
Q20204:
老師想問多樣問題, 謝謝老師
我而家持有2013, 6186, 175, 6690請問可以長線持有嗎?
龔成老師:
可以,但部分股要留意風險。
微盟集團(2013)業務的確是將來發展的大趨勢,從業務潛力上,的確是有的,見佢財務數據的增長都強勁。但在估值上都略貴,股價可以好波動,不建議太大注。
至於另外3隻,都有質素,但現價都唔算平,都要注意風險,可長線的。
------------------------------------------------
Q20205:
龔成老師,請問你熟悉台灣股票市場嗎?台灣股票市場有如香港市場般月供股票嗎?
如果有,台灣有沒有月供股票如你常推介的盈富基金呢?
因如冇意外,將於5-6年後移居台灣,想趁在香港能揾多個錢既時候,可以係台灣投資一下,制造生活費💪🏻
感謝你的寶貴時間解答
龔成老師:
我不熟識台灣股市,但我相信都有這類月供服務的,你可以去銀行問下,但唔清楚台灣有無得月供盈富(2800)。
其實,你可以供其他指數基金,我相信台灣是有的。又或你可以供美股指數基金,例如VOO,都是可以長期月供,長線投資的。
------------------------------------------------
Q20206:
龔成老師,想請問一些理財疑惑?
現在我有一個車位,一次過買的,價值約100萬,我希望再攞去貸款,但銀行只可以我係佢哋銀行買投資產品才可以貸(例如基金),貸款利息現在約為2.2,可貸10年,最多20年,本人現時40歲,有穩定收入。
現在懷問是我應該憑月薪月供股票(都是老師建議那些其中一隻),或貸款用一大筆錢買銀行建議的基金,佢話三個月有一次息,回報大約7%,主要大陸的內銷,當然仲有多基金選擇,這個只是其一推薦的。
龔成老師:
最重要是睇「質素」,不要為借而借,不要為買而買。
你要睇翻銀行的產品,當中是否有真正的質素,長遠有無增長力。你要睇翻佢的投資策略,過往回報,風險度,如果你認為不差,就可以進行。
------------------------------------------------
Q20207:
龔sir你好,我有嘢想請教你,因為我老公太衝動買咗掃管笏一房310呎低層,呎價大概$169xx。同區隔離一年樓呎價都係萬一至萬三,我好貪心蝕多。我同佢講好唔好撻訂,冇咗廿幾萬就算。
第一次買樓,佢成日聽身邊朋友樓市一定向上。
但掃管笏太隔涉,同埋青山公路樓價水平都係低,萬一至萬二,但佢而家買咗萬六七一呎,仲要不是會自住的,風險好似好大吖?
我知你係股票專家,不過我都希望你俾少少意見,我心好煩,成日訓得差
龔成老師:
我先從香港樓市分析,在長遠計,我仍相信樓市在長遠計,因供求關係,仍是向上多。因為現時香港買樓的需求仍大,而長期供應不足,加上政府往後施政只會更加困難,好多所謂的大計劃都未必能夠實行,又或最後規模細左。
另一方面,需求大,我見唔少適婚年齡的朋友,都正等機會買樓,但未買樓,這些是「潛在需求」,過往每年不斷累積,只要樓市跌少少,就會有需求走出來,這令樓市不能大跌。
另外,樓市另一作用是「投資」,現時的租金無大跌情況,以投資回報率的角度分析,樓價都不會大跌,因此樓市平穩。
長遠計,租金及樓價會平穩,有少少向上,但不是倍升,不會好似過往般倍升,而是平穩向上。
至於你的樓,你要比較同區同類單位,大家的呎價,以及預期租金回報率情況,如果你的單位明顯貴,就要小心。如果差不多,就問題就不大。而我見你的的呎價比同區較貴,的確有點煩。(不過新樓有少少呎價高是正常的)
另外,買樓最大的原則,就是「供得起」,只要這方面你地無問題,其實是有得守的,如果你在供得起方面無問題,就勉強可以照進行,但你預一開始,你地已經用了較高價格買了該物業。
其實現時,撻訂與否已經是兩難,如果供得起可照供。最大問題不是樓市,是該樓盤你地買貴左。
------------------------------------------------
Q20208:
您好!
新手你那本比較好
因為太遲才明白您教的真理(資產vs現金)工作多年只有儲現金,今年7月開始(51高齡失業)才開始整理公積金及買股票
但今天一手都是蟹貨如下:
(9988有20手@285,
002有4手@73,
001有1手@58,
1810有1手@30,
2158有2手@60,
1055有7手@4.3。
請問如何是好
龔成老師:
你可首先睇:
《80後百萬富翁》
《股票勝經》
《財務自由行》
之後再睇其他。
書本在三聯、商務、誠品都有得賣。由於部分書在一些書店已斷,所以若你見唔到,問下職員就得(又或向職員訂都可以)。
以下是我的12本書:
《80後百萬富翁》(第8版)
《80後2百萬富翁》(第4版)
《80後3百萬富翁》(第2版)
《財務自由行》(第6版)
《大富翁致富藍圖》(第4版)
《50優質潛力股》(第3版)
《50穩健收息股》(第3版)
《50值博倍升股》(第1版)
《股票勝經》(第3版)
《選股勝經》(第2版)
《年報勝經》(第2版)
《5年買樓4部曲》(第1版)
至於你現時的組合,以你的年齡,可投資一些平穩增長型的股票,例始盈富(2800)、港鐵(0066)等。
至於你現時的持股,阿里(9988)可守,但就不要加注。
醫渡科技(2158)可守,但不宜持有太多。
中國南方航空股份(1055)質素都有D,但不算強,不宜持有太多。
------------------------------------------------
Q20209:
龔Sir,您好,我有一個財務需要個案,想聽取您的寶貴意見,想在現在的財務狀況底下達致每月額外享有被動收入HKD10-15萬。
一家五口財務狀況如下:
>>>>家庭balance sheet
Assets: 1) 現金、定期存款、保險產品、基金: 約HKD25,000,000
2) 自置物業1單位市值: 約HKD20,000,000
Liabilities: 1) 按揭貸款結餘: -約HKD7 百萬 (負債)
>>>>>>5 人家庭,3 未成年在學子女,幼子患長期病每月需付7-8 萬醫藥費,只有夫(46歲)工作每月總收入約HKD18萬
現為公司高管人員,但行業是傳統行業,正在受新經濟模式衝擊,恐式微,未來10年內有失業危機,到時一家經濟必定相當困難
而妻(44歲)是家庭煮婦照顧屋企。夫月入即家庭總月入HKD18萬已是剛好滿足家庭每月總開支包括保險供款、按揭還款。
>>>>>>目標: 想達致每月額外享有被動收入HKD10-15萬,令家庭開支可以鬆動些,應付開支之餘也不需要支取備用現金
定期存款,這些本來預備幼子突發醫療額外開支、子女出國升學開支與及兩夫婦日後年老的生活費。謝謝!
龔成老師︰
你每月已無資金可用作投資,故只可在你資產中,抽出部份來做投資增值。
若你預期你先生,大約十年後收入會有大變動。我地就好好把握這十年,去為未來架風浪做好準備。
如果你希望每月有10萬蚊現金流,以股息率5%計,你需要本金2400萬。你可以動用你現金和定期去增值,至於基金,你可以睇翻佢本身回報如何。你可以用盈富(2800)年平均8-10%去做比較,決定是否值得投資。
但由於你家庭未來收入有不確定性,投資前必需預留最少半年開支(包括日常支出和小朋友醫藥費,你可因應自己情況調整。),才開始投資。
現時大市在合理區,你可以將扣除應急錢後的一半資金,用分注形式,慢慢投入以下優質股。餘下一半,就等大跌市,才大力入貨。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、領展(0823)、粵海(0270)。
當你財富累積到2400萬,你就將佢慢慢轉換成一些優質收息股(目標係有5-6%股息率),咁就可以創造每月額外10萬現金流,來支持生活開銷。
------------------------------------------------
Q20210:
你好!首先真係好多謝你!你是我在投資方面的啟蒙老師!仲記得兩年前我剛剛開始投資時的得一兩萬,然後在你的指導下,開始開源節流!不斷睇書學習!
直到上年3月疫情大跌,就不斷入貨買入優質股,賬面獲利不少,財富終於有6位數,雖然只是一個小數目,但係意義重大,我深信我會在4年後 我畢業時會賺到人生第一個100萬!真係好多謝你!
另外有幾個關於投資問題想問下老師
1.小米。因為公司已有淨利,可以用市盈率推算合理價,根據Q3 每股盈利0.57,預測全年盈利0.8,過去平均市盈率30,推算合理價24,這樣對嗎?
2.以peg推算合理價,現在小米市盈率為47,peg等於1為合理,小米要做到盈利增長率47%,應該比較困難,所以當市盈率為30時,股價會較為合理?
3.關於指數基金,我認為是一個對新手非常好的投資產品,一直不明白為什麼有人會批評啊sir,另外如果想買追蹤中國股票市場的指數基金,3188還是2822好,3188好似更分散,2822比更集中金融行業?
4.由於市場越來越有效率,要找到價值比價格嚴重低估的股票越來越困難,如果遇上非常優質的股票是不是值得以高於合理價的價位買入?
問題有點多,麻煩龔sir了,再一次多謝老師一直以來的指導!!!
龔成老師:
太好了,累積財富是一個過程,你只要保持儲蓄,投資優質股,長線持有,財富就能保持增值,我相信你一定能累積到$100萬!
1)當我地分析時,會考慮企業現時的盈利去得出市盈率,以及預測下年度的盈利,去進行推算。
如果推算的全年盈利為$0.8,假設股價$30,預測市盈率就是38倍。
2)你都可以咁講。
但PEG只是一個輔助工具,只是參考下,不能成為估值的核心。
3)因為我已收到風,有行家請左打手攻擊我,我搶左人生意。
其實我無所謂,我唔會用這些手法,我地做好自己就得。
連巴菲特都叫,如果無選股能力的投資者,應該投資指數基金。
你可以考慮3188。
4)如果是有增長力的優質股,就算略貴,都可以小注買入,之後先等跌到合理區正式入。因為如果一直等跌,有機會等唔到。
------------------------------------------------
Q20211:
龔sir, 多謝你之前的指點。近排大市都幾熾熱,你認為應該在現時的股票加碼好,定係買多隻唔同的股票好?
個人睇好舜宇(136入得1手),AIA(1手ipo). 3033就5手@7.79
定係入吉利汽車?
我覺得瑞聲增長慢,好似唔太郁,都返唔到53水平。移卡我就覺得貴,唔捨得加注
龔成老師:
我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你上述持有的都是有質素的股票,可持有,如果你想加,可加吉利(0175)。瑞聲(2018)增長力唔算強。如果你想加潛力股,就3033,但要慢慢分注入,因為現價唔平。
------------------------------------------------
Q20212:
我想問下組合-需加?
有01833 06993 0788 3088
以下不定時入
3067 1810
09988 0006 0823
2800 太高.我應該入嗎?什麼價位好?
2802/2809/2826-現價位是否太高? 小米仲應該入?
2802/2809/2826-是否可以只選一個?
龔成老師:
你現時持有的,都是有質素的股票,你持有就得。
至於你不定時加入的,都可以,都是有質素的,只要你不要太急一次過入,慢慢分注同時留現金就得。
至於盈富(2800),仍是處於合理價,可分注。
至於上述3隻ETF,你同時投資都可以,都有潛力的,如果3選1就2826。
------------------------------------------------
Q20213:
Hello 龔sir真係好開心呀!雖然我哋大家彼此未見過面,但我真係當你係我嘅老師 !
你可以睇睇我哋上次嘅對話係七月 果次我講要喺30歲前上車 但結果26嘅我同先生喺上年九月買左我地人生第一層樓 今個月仲收埋樓添!係難以掩飾嘅興奮同埋喜悅
睇左你嘅書 睇你Facebook ,人生、財富、投資思維大大改變 發夢都諗唔到竟然可以喺咁短時間之內上到車,全部都係靠我哋自己!
真係非常非常非常多謝感謝你!我當左你係我嘅人生教練 ,都希望可以同你分享呢一份喜悅 。
我們的暫時現況:
先生工作非常穩定 但我受於疫情關係 已經足足一年 收入超級不穩 只有8、9千蚊每月 我們暫時可以話係負債累累(因為要供樓同應付裝修費還有日常) 我哋嘅積蓄淨剩返幾萬蚊
我哋仲有計劃遲下生小朋友 所以我哋想好好建立返我哋嘅儲蓄組合/計劃 睇咗你好多書 所學到嘅
我哋而家應該由月供股票開始儲起 這樣做正確嗎你認為
最後
祝你新年快樂 新一年搵多啲
盡快達成你嘅目標 無論事業愛情家庭都好好好!
萬分感激!一切盡在不言中
龔成老師:
太好了!恭喜!
這是你努力的成果!繼續加油!
你都要記住,「供得起」原則是最重要的,你要預留資金去供樓。特別你話收入不穩。
我建議你儲多D現金先,唔好太心急投資,做好防守,先做進攻。不要急。
到你有一定的現金,就開始月供或分注投資優質股,以「先增值,後現金流」的模式進行。
加油!保持進步!
------------------------------------------------
Q20214:
老師,我今年三十二歲,乜嘢都無既女人仔一個,假設我以後無男人無仔女養,有八十歲命,做野做到五十幾歲生產力下降
咁我仲要交租食飯醫療到底要用幾多錢?我估計最起碼要四百萬。
意思即係我呢二十八年每個月都要儲萬二蚊呢個計法有冇問題?
如果依家首先朝住一個目標去買三百萬以下既新界村屋當養老,暫時唔係自住既,係呢二十八年入面實現咗先,放租又好放係度都好,去到以後既生活係咪過得輕鬆啲?我唔識計劃可唔可以教下我?
龔成老師:
你32歲,醒覺到有這問題,有些人到50歲先醒覺,你現時仍有時間準備,可以以$400萬為目標。
你只要利用儲蓄、投資,其實是可以做到的,不用太過擔心。
而你考慮投資物業,都可以的,因為物業是資產項,長遠有租金,就能提供現金流比你。
我會建議你唔好只考慮單一資產,而是建立一個財富組合。
第一步,你要儲蓄。
第二步,要學投資,利用一些穩健工具,例如穩健股票,月供模式去滾大財富。
第三步,利用增值後的財富去投資物業。
第四步,如果有閒錢,同時投資股票,進入「股樓並行」狀態。
第五步,到年齡大時,再進行財富配置,集中在現金流類別資產。
另外,我建議你睇《5年買樓4部曲》這書,幫到你的。
------------------------------------------------
Q20215:
龔成老師,我呢幾日諗唔通想請教你心態問題。由2020年8月開始我投資幾隻平穩增長股:領展、粵海、阿里巴巴、小米等,平均都有8%增長,賺了一萬左右;美股方面就只夠膽買了幾隻加埋都唔夠50股。
這兩天朋友炒2隻美股,容易賺了2萬蚊。知道你叫人唔好炒股,我自問也沒有膽量和時間去炒。但我用了半年時間也比她只用數日賺得少...很難不去比較。
1. 因為我本金不多加上港股升幅不及美股,看見朋友也沒有甚麼投資知識,只看股票app討論區資訊,心思思令我都想玩幾隻短線的美股是否未嘗不可?很需要加快在幾年內儲夠首期...
2. 說回港股方面,我每隻股現只敢最多投資3萬...有興趣的股又實在很多,零願找一隻新的投資也沒有加注在現有的。想問你應該如何決定何時加注?
3. 還有不論美股還是港股,等了一段時間都總覺得是高位難以入場,QQQ/VOO/ARKK等也是,即使回少少都係唔敢入得多,等又好像浪費時間的...亦有很多評論至2021年將會大跌。我應該繼續耐心等,還是不要理這些預測繼續分注入場?
很想加快賺錢儲錢...不想再無了期交租
龔成老師:
1)有時,短炒你會見到有較好的回報,有時,長線會較好回報,我只能夠用大數去同你講,在我過往做10年銀行與證券行,短炒者,大多輸多贏少,當然,有人贏的。
人很喜歡以短期、當刻的或績作為指標,但你可睇下巴菲特,70年經驗,久唔久都有人話佢的方法不及短炒,但時間證明,佢的方法是最好的。
你的方向其實正確,但你都要明白,你投資的,大部分都是平穩增長股,你財富平衡增長,是正常的。
如果你學你朋友,有可能財富有較快增長,但背後就承受了較高風險,你要理性問自己,自己的風險承受程度如何?
你唔好睇表面,要睇核心,睇長期。
你見人賺錢多過你,但要同時想想,佢承受的風險比你多,這點你一定要明白!如果投資只想回報,不想風險,好大獲!
2)我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
如果你想組合有較好增長,可考慮月供3067。
3)唔好信「預測」,我投資20年,見預測都是一半半準,即是同買大細無乜分別。
建議你分注投資,同時留現金就得。
------------------------------------------------
Q20216:
老師,想告訴你一個好消息!我媽媽之前成日炒炒賣賣,之前我不斷叫佢跟你既方法。佢終於在幾個月前建立左收息,同平穩組合。佢今日同我講,佢好多謝你
佢個portfolio 都因為夠平衡,所以呢幾日升左好多
龔成老師:
太好了!
記住,我地是「配置」,同時這是長期過程,唔好太在意短期股價。方向已正確,集中收息就得。
------------------------------------------------
Q20217:
現時有45萬現金,阿里巴巴229入左兩手,上個月開始月供2000(2800),每月人工扣除供樓等其他開支另外可儲3000,想每月買一手3067做投資可5可行
定係有其他更好既儲錢方法?
想2年內儲到100萬
龔成老師:
財不入急門,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
你可以照上述方向進行,現時$45萬,部分可投資舊經濟股,而新經濟股如3067,慢慢買入就得。
總之,要留有一定的現金,如果大市有較大的下跌,你就可以把握機會入市,能有效提高你回報的。因此,平衡組合都很重要。
------------------------------------------------
Q20218:
老師,以下係我之前買入嘅股票,輸多過贏,依家我應該點做,如果要重新部署,應該要點?
求指導
5、455、745、755、1469、1776、2389
龔成老師:
記住,你最重要不是睇「賺蝕」,不是睇「買入價」,而是睇質素。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
天大藥業(0455)、中國國家文化產業(0745)、結好金融 (1469),質素不佳,建議賣出。
至於其他,質素都不是最高,不過就未算差,可以持有。但如果日後有資金,應該投資其他更優質的股。
------------------------------------------------
Q20219:
老師,你時常叫人月供2800,或買入,長揸3至5年,但佢 估價唔係成日上上落落,咁 淨係賺去息口, 咁我要買好多錢先可以, 因為我屋企有個準備退休嘅長者, 請指教
龔成老師:
我地永遠要睇「風險與回報」。
盈富(2800)並不是高回報類,是收息加基本增長,而好處是風險不高,有「穩中求勝」的作用,因此適合大部分投資者。
如果你想有較高回報,你可考慮安碩恒生科技(3067),當然,風險度會高左,你要自己衡量投資多少。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買可次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
記住,我地要「先想風險,後想回報」,如果是退休用,就要保守D,可能投資一些收息股更好。
------------------------------------------------
Q20220:
龔sir, 我睇咗你幾本書。我好同意你講將幾章節要將冇升值能力既股票沽出。我手頭上有30000股[email protected]平均入,而家賬面已經-50%
其實應該由佢放喺度定應該放棄,可以指教一下嗎?
龔成老師:
最重要不是睇「賺蝕」,不是睇「買入價」,而是睇質素。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
創維集團(0751)從事電機、智能系統技術業務、智能電器業務等,中國及海外都有市場。
近年增長力唔算強,生意未見有擴展力,盈利有點波動,整體的品牌價值及銷售網絡,未算好強。長遠發展力只是一般。
現價合理,但你預佢增長力唔算強,長遠算是不過不失。
所以,如果你想組合提高增長力,可以賣出。或賣出部分轉其他。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
香港今日豬肉零售價格 在 龔成 Facebook 的最佳貼文
【龔成問答信箱】(Q15361-Q15380)
Q15361:
老師你好,好奇想問,
點解你咁好肯免費答人問題?
龔成老師:
我在讀書時期,已經好想賺錢,但完全唔知點做,後來去到圖書館,狂睇有錢人相關的書,得到好大得著,我知道這些資源是社會免費比我,我當時已想,如果有日我真的有錢起來,我都想貢獻下個社會。
到今日,我財富逾千萬,雖然不是大數目,但對我來說已有一點點成績,我地想幫下一D,好似我過往情況的人,所以我不斷出書、答理財問題。
而我好明白一點,當我不斷貢獻自己,我反過來會得到愈多,我知道我長遠來說,又會間接在某些地方,但得了社會給我的野。
因為係我累積財富的過程中,好明白知識的重要,我利用知識賺到錢,幫我由月薪$1萬到今日的財富,我知道唔少人,其實都可以做到,只不過是佢地無相關知識,所以我明白知識的重要性,而最重要的是,我不斷分享知識,並不會因此而有損失,反而會有得著,因此我會繼續做。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15362:
老師,我經常聽你說,等到恆指24000以下才是真正的平,到時才用餘下的現金掃貨。但以估值來計算(你上堂教嘅市盈估值法),現在某些零售股已經到平,如:六福、利福國際。
那麼,我是否可以掃貨?定係仍然等24000以下才出手?
龔成老師:
24000是整個大市,你當然可以對個股作估值。
六福(0590)在合理區中下部,有投資價值,分注已可以進行,但未算平,市場對佢的恐慌情緒未算好高。利福(1212)都有類似的情況。
所以,暫時仍建議你分注入,同時留翻D現金,如果再跌少少你可以動用部分現金,到大跌先用盡。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15363:
成哥,自從2018年中無意遇上你Facebook, 我就跟你建議開始左月供股票,加上自己本身的股票,現時組合+平均買入價如下:
3@$15.14 qty2780
66@$28.46 qty2094
270@$15.88 qty1121
823@$82.42 qty372
939@$5.44 qty4000
941@$63.5 qty1000
1211@&47.05 qty 1914
1928@$36.56 qty 1370
2388@$28.4 qty 1474
2800@$27.79 qty 1634
大約50萬左右,除左港鐵+建行係大約6-7年前買入,其餘都係呢一年半入市
自問投資經驗仲好需要改善,例如823、3呢兩隻股在不合理高位時
唔識賣出/停月供;1928、1211平時唔敢入....仲有手多多買左啲中移動。多得投資之前都會睇一睇你Facebook, 依家個組合雖然有點分散,但感覺都唔係好有問題
嚟緊打算買你啲書開始增值下自己
而家撇除供樓+生活款項,月儲$13000左右,月供股票$10000,另有45萬可隨時動用資金。
打算用多30萬在平價時入市,15萬做生活儲備,咁樣可以嗎?
未來兩年內想有小朋友,有小朋友前應該係儲錢黃金時間
加上今年似乎會出現入市良機,心情難免有啲興奮
希望依家努力,25年後退休時可以財務自由
龔成老師:
你的方向正確,月供股票是一個長線投資,往往要5年以上先有效果,你保持進行就得,上述持有的,基本上都是有質素的股票,長線就得。
至於現金,相信今年是一個投資時期,你要好好運用,分注投資是較好的策略,無人知大市升跌,但我地可以運用策略平衡回報與風險。
你用$30萬入市,可以,分注同時留現金等平先入,是較好的策略。
加油,你這刻是儲資金的黃金時期,我相信你唔需要25年就可以財務自由的!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15364:
Hello~我之前43.7賣左1211點知佢而家升返好傷心
我另外上年開始都有keep住月供823平均價都88.78,而家佢跌到78.2...黎緊我有筆錢用完定期大概十萬,你覺得我好唔好買幾手823?你覺得佢會唔會繼續跌?
我應該點分配個十萬?我自己無乜另外既儲蓄可以用
Thanks~
龔成老師:
我地永遠唔會知中短期股價升跌,只可以話優質股長期會向上,因此盡量唔好輕易賣出。
月供是長期進行的,一般5年,因此,你可以繼續月供(反而你應期望佢中短期跌多D,比你多入平貨,期望遲D長先升)。
不過,你要睇翻你這刻的財富分配組合,如果領展(0823已佔一定的比例,這刻就唔好再一手手買,而是只月供就算。
$10萬要小心運用,唔好急。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15365:
啊 sir 你好,我近來留意緊維他奶,345。既優質,又同生活相關,營業額年增長,ROE 高,回落到28 蚊左右,算係合理偏低,所以唸住入,但係看到PE 50 倍,非常高,所以請教一下你看看點為止平
另外,中央用這種力量救市,未來一年係咪預計會有「劑」賬,好似十年前美國咁,令實物上升,但貨幣貶值?
龔成老師:
維他奶(0345)是很優質的股票,這個我在2016年出版的《50優質潛力股》已推介,但這股近年升得太多,唔少時間都處於貴的水平,因為佢中國業務發展得唔錯,市場對佢期望好大,有時甚至期望過大。
所以,股價回到合理區是必然的事,就算現價,仍處略貴水平。
如果有貨,這股可長線,但如果無貨想買,這刻只建議做何供,或小小注分注模式投資。要去到$25以下先開始合理區。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15366:
你好,1610中糧肉食可因豬肉價格上升令股價受惠嗎?這股潛力如何?
龔成老師:
中糧肉食(1610)會因此而受惠,但市場已經一早反映左當中因素,甚至已在高位回翻。唔好太因中短期情況而投資,要睇翻企業的長遠質素與前景。
整體來說,這企業不差的,但業務有點波動,之前出現過虧損,會有風險。你預這股現時的投資價值,算是不過不失,但去到好有潛力。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15367:
想問下如果想做到財務自由
而且又係岩踏入社會做準備
其實係咪現階段最好唔好買車?
龔成老師:
對,這刻不應買車。
因為買車會持續產生支出,我地會稱為「負債項」。
你現時是累積財富的黃金期,應該盡力買資產,累積財富,唔好這一刻增加負債。
你要「先投資,後享受」!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15368:
阿sir 你好!睇完你嘅書,先知道買樓係要以小資產追大資產,同埋可以用leverage 去加快擁有資產。
我今年終於儲夠首期買樓,但睇完樓之後有啲問題諗唔通,所以想請教下你
我先講下自己嘅背境:
我同太太年約30,有兩個小朋友,家庭月入$65000,人工會按年資遞增。依家同家人同住,三年內無住屋需要。依家無物業。
現時有120萬現金,所以想買樓收租,或將來有需要時用黎自住。
睇完樓之後,有兩個問題想請教你:
1. 因為東九龍(九龍灣和觀塘)逐漸成為第二個核心商業區,不斷有新落成嘅商業大廈,所以我覺得呢區放租應該唔難。睇完淘大之後覺得唔錯
但依家淘大樓齡係33至39年,咁我供10-20 年之後樓齡就會超過50,會唔會到時好難揾人承接?(因為不能做30年按揭)
2. 第二個心宜嘅區係將軍澳,因為樓齡較新,同多大型屋苑,但最近日出康城有多個新樓盤落成,令到突然有大量租盤,係咪會令到將軍澳區嘅租金受壓?咁我係咪應該唔考慮將軍澳?Million thanks
龔成老師:
雖然你這刻無自住需要,但這刻,首先置業,然後放租,到之後才自住,是較好的做法。
1)如果是質素有問題的樓,就有這類機會,所以,你要睇翻佢維修等方面,是否有大問題,相反,有些有質素,如美乎新村,就算好舊,仍是有質素的。而淘大本質不差的,不用太擔心。
2)因為當區的供應太多,加上交通始終一般,因此,質素不算高。
另外,香港樓在中短期有可能跌,但長遠會向上,你可以把握這個機會入市。你可以不斷睇樓,同時大力還價,目標是一個心急恐慌的業主,買平貨。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15369:
老師,匯控擬未來3年將裁員3.5萬人 佔員工總數約15%
我月供緊匯控,平均價格69.62,516股,老師你覺得我還應該繼續供嘛?這個股票還有質素嘛?
謝謝。
龔成老師:
匯豐(0005)的質素仍算有,但增長力,以及賺錢能力,都比過往有轉弱情況。這股類持有無問題,但你預佢只是收息,唔好對股價有特別期望。
如果匯豐佔你的財富組合不是過多,你保持進行無問題,但就唔建議金額太多。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15370:
龔SIR你好,我己報了五月股票入門班,好慶幸在大半年前開始跟你FB學習價值投資法,近半年順利入了一些合理價位低部的股票長線持有,
你寫的書己經睇到第八本,相信跟你學到的投資方法將會終生受用,非常感謝.
小弟有個置業問題想請教,大富翁致富藍圖內有指大圍有重點鐵路項目值得投資,我剛好住在大圍,眼見近日樓價下跌己出現實用四百多尺五百萬盤,
由於我做小生意公司約廿人,自己亦有供MPF和報薪俸稅,去中銀問過樓按問題,指可以僱員身份借六成,但我要做返高三個月人工MPF和等稅單出,可能要三四個月後,
我計過留返幾萬生活費,股票約六十萬不動,公司有二百萬夠運作,手上可以拿出五百六十萬現金,如果現在FULL PAY買一層約五百萬樓,之後再做返摟按套現出來等機會投資,
請問這方法可行?
因為有點怕到年中役症回穩後,樓價可能會昇返,錯過今次投資樓市機會,希望阿SIR指教一下,萬分感激
龔成老師:
你唔好心急FULL PAY,利用正常按揭去做。
首先,FULL PAY買樓好易引起稅局注意,佢可能會找你傾計,為免無謂的麻煩,唔好咁樣做,凡做生意都有機會有這情況。
另外,你FULL PAY後,點都會影響左中短期資金,所以,唔建議。
加上,香港經濟轉弱,中短期樓價好大機會會向下,但不會大跌,而長遠會向上,這是機會,但不要急。
所以,你這刻盡力做到收入等現金流的記錄,然後先買樓會較好。5月見!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15371:
老師你好,我現在28歲,之前一直都沒有投資,看了你的專頁後,想開始月供股票,我每月可存$20000,打算其中$15000按以下組合作月供:
2800 $5000
823 1038 66 2388 各$2000
1211 1177 各$1000
沒有投資經驗,以上組合可以嗎?另外有儲蓄約$40萬,會建議我投資哪隻股票嗎?
龔成老師:
你上述所選的,都是有質素的股票,金額方面適合,基本上可以進行,但緊記,月供是長期策略,唔好轉來轉去,要長線。
你可以這刻先開始月供,至於現金$40萬,由於你未有經驗,這刻唔建議太多動用,你最好在這段時間,增加投資知識。這刻最多用$10萬,可考慮盈富(2800)、恆基(0012)、希慎(0014)等。
以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15372:
龔sir 你好 本人今年26歲 份工做左就3年算幾穩定 月入27k 。依家大約有35萬現金 但冇乜投資經驗 係新手
我目標係3-4年內儲到首期上車 想問下我應該點投資好?
謝謝!
龔成老師:
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
你可以分注買入股票(即是每隔一段時間入一次,同時要留有現金)。又或做月供股票,每月$10000,以這方法去投入資金。
你可以考慮盈富(2800)$4000。
另外再加3隻(每隻$2000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)等,你可以了解下這些股票,然後從中選股。
如果你不懂股,就集中供盈富$10000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15373:
老師,我想問盈富基金跟隨恆指上落那麼是否表示除了派息以外,他的實際增值有限?另外想問平保/友邦/騰迅適合月供嗎?
我現在20歲剛開始接觸投資,現時月供1500煤氣,打算月供多一隻股票,我知道長揸比短炒好,但不太明白長揸可以如何做到複利的效果?是否代表把利息再放在同一隻股票上?
由於我現時的本金有限,如果長線的同時做一些短線投資滾大本金可行嗎?
龔成老師:
盈富(2800)是平穩增長股,每年除了有派息外,都有基本的增(不算高,但以長期來說,仍有的)。
至於這3股,都是有質素的,值得月供。
如果要做到複息效果,就要將股息再投資,即是收到股息後,再投入買相同股票(由於初期,你收息不會多,因此可以先儲起,等多D先入市)。
至於短線,這是賺不到錢的,我過往做銀行及證券行,見到100客有90個都有你這種想法,想短線去增加孫本金,但當中有89個都是輸錢的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15374:
老師,我26歲,未開股票戶口,月入$35K,有同保險公司做儲蓄plan,月供緊11k大概兩年半後完不過要五年後(2027)先攞返。未有買樓需要。
近日想買月供股,減晒支出大概有16k 淨。我想用10k 平均二千元買2800, 0066, 0003, 0388, 0823,淨低6k儲住先之後再買其他港股或海外市場。
想問老師呢個plan ok嗎?月供股會唔會同保險嗰份重疊?同埋自己手動月供會唔會比銀行plan好?
龔成老師:
保險公司的計劃,大多是增長力不多(但風險不算高),以你的年齡,是財富增長的黃金時期,這類產品不用投資太多。
至於你的月供計劃,可以。
你所選都是有質素的股票,都是有質素,可月供的,計劃已經可以開始。不過,你都要留有一定的現金等機會,這刻要有足夠的現金,喻大市波動,有資金就有機會。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15375:
老師,我係股票班舊生,請問roe個計算方法,其實係唔係將盈利除總股本就係roe,另外roe低係咪一定代表佢賺錢唔強,冇投資價值?thanks
另外,當年你點樣克服到打工果時,同朋輩之間,人工差太遠,好似我依家咁,自己先搵到萬幾蚊,人地已經搵3,4萬,雖然自己有做投資,人地冇,但好似同人既距離相差好遠咁,自問自己又冇太大能力搵得更多,睇下老師有冇咩心得,解決呢d心態上既問題
thanks
龔成老師:
初步可以咁講,其實我會在進階班再深入講ROE,你會更加掌握。
每個人都唔同,唔好太刻意比較,你做好自己的目標就得,我當年是「5年儲$100萬」為目標,這目標是我自己的,別人的收入與財富,多過我,少過我,都唔會影響我的目標!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15376:
老師 我地應該點樣去估算/分析一隻股票既現價係咪處於一個合理價錢?
另外,課堂係咪只有港島區 同埋想問下會唔會有星期六班?
最近開始睇你本股票聖經 學投資知識!
龔成老師:
首先你要明白,「價格」與「價值」是不同的兩回事,價格是每天波動的股價,這只是一個成交價,而價值則是企業的價值,由於計算企業價值,要花較長時間去解釋,就算是我的股票班,都要花5小時去講述,所以好難在這裡三言兩語講到。
簡單來講,企業價值由資產價值及業務價值組成,我地會分析企業的生意、盈利、賺錢能力、前景、資產負債等,從而計算出企業的價值。
當計算出企業的價值後,下一步就是比較現時股價,就能得知是平是貴。
股票班在2月開左星期六班,相信下次再搞星期六班都要半年後。暫時都會在港島區。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15377:
龔老師,好多謝你的回覆,並好感激你之前的提示
其實,幾個月前我的心情在谷底,沒有生活目標, 不知道生活在世上為的是什麼, 無聊而無意義的生活中
偶然看到你的facebooks ,感覺到你的正能量,真的被你啟發,開始有番啲目標, 希望上完你的堂後能學以致用,並希望能退休後能財務自由
在此好多謝你浪費咁多時間睇我的告白,告訴你的原因只是想令你知道你的大能力,真的能感染到人及幫倒人..
多謝你的分享及回覆喔
龔成老師:
每個人都有佢自己的目標,這是個人化的,你唔需要理會別人,做好自己,做自己想做的事就得!
財務自由是一個很好的目標!你有了目標,我相信會更積極,但你要明白,追求目標的過程中,一定有困難,但你都要克服,這是過程之一,加油!
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15378:
老師,感謝一直分享個案,令到我呢d唔識股票或者經常被大市波動牽動情緒,影響決定既人淡定左好多!
本人而家35歲,有250萬現金
150萬預留為下年買樓之用,而家當中100萬做緊定期,就快夠期喇!
剩下100萬,其中有60萬係股票
分別為 5號 *2000/ 9988 *1200/ 66 * 1500
現想再用1萬做月供股票,全部月供2800可以嗎?
應該點樣先可以長遠做到2萬被動收入?
另外,匯豐最近一份業積差,作為長期投資者是否應該繼續長期持有?謝謝回覆
龔成老師:
你的年齡是財富增值的時期,定期並不是好選擇,如果你買樓的$150萬已計好,就可以好好利用$100萬定期,如果這筆資金無特別用途,可將其中$50萬,分注投資優質股,長線投資。
但如果你本身經驗知識不多,就先動用$25萬,分注入優質股。
月供股票方面,你月供$10000盈富(2800)是可以的,已經可以開始進行。
如果你每月投資$1萬,預期回報10%,15年就可$380萬,到時投資6%收息股,每月大約有$20000。你可以用這為方向。
匯豐(0005)的確有點失望,不過並不是無質素。作為收息股,佢仍是可以的,但就唔好對股價有太大期望。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15379:
龔成老師您好,我今年30歲,每月收入扣除mpf後有2萬元,再扣除必要開支、保險後,剩下13300左右。
我打算把這些錢分成3部份,分別為月供股票(現時月供8000元,分別月供3,12,66,1211,2800),投資用備用現金,其他備用現金。請問該如何分佈。
龔成老師:
你現時月供的,都是有質素的股票,適合長線月供,盈富(2800)的佔比可以較多。
每月$8000,適合,你可以保持進行。
現時大市在合理區,你以一邊月供,一邊儲現金的模式進行可以,暫時盡量儲更多的現金。如果這刻的現金數不算多,就持有現金先,等跌市就可以投資優質股,如無心水投資盈富都可以。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q15380:
老師,請問2778冠君值得買入作收息用嗎?
現價是否可以分段買入呢?
謝謝!
龔成老師:
冠君產業(2778)有質素,這是不錯的收息股,不過中短期一定會弱,股息都會弱。但長期睇,佢仍是不差的,同時有投資價值,現時已經可以分注,只要同時留有一定的現金就得。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
香港今日豬肉零售價格 在 楊衛隆 Facebook 的最佳解答
市場崩潰近在眼前
我不是危言聳聽也不是大淡友,只是實話實說。中共說疫情緩和,新增確診數目下降。所有人都知道中共只重視權力,所有數據都是為了配合中共政策假造出來。中共繼續封鎖各大城市,同時又復工復產,完全不能自圓其說。中國以外疫情已經一發不可收拾。豬頭習下令復工,中國疫情立即緩和受控。你相信嗎?
中國疫情擴散、封城封省和停工拖得太長時間,中國經濟受到重創。即使香港,經濟情況也極度凶險。樓價舖租太高,生意太少。很多生意可以蝕本幾年,但是絕對不能幾個月沒有收入。很多香港人不能長時間沒有收入。訪港旅客由每日二十多萬跌至二千幾。很多零售店舖沒有做生意很長時間,不少已經破產倒閉。進出口業務、旅遊業、航運業、酒店業、零售業和服務業受到的打擊是致命,香港樓價和股價仍然堅挺。2020年2月24日,外圍已經崩了。意大利爆了股災。歐洲各國股市跌幅約4%,美國也跌了3%。香港市場還能夠靠一點點虛火撐下去嗎?
企債爆煲、銀行爆鍋、企業破產、金融崩潰,港元脫匯,人仔變廢紙,香港人失業。實力不足的供樓人首當其衝。拿了九成樓按和二按三按的人不會有好日子過。這就是我一直叫人不要買樓的原因。樓價大升,很開心。樓價大跌要去瞓街。
不要以為大陸熱錢可以拯救香港。大陸的情況比香港更加惡劣。大陸早就惡劣到餓死人,經濟全盤崩潰。中共高層急於解困卻又無計可施,於是計劃挾贓逃到海外。豬頭習與七常萎開十七萬人網上會議就是中共向黨內證明高層還沒有逃到海外。這樣做,十分明顯,中共高層挾贓外逃不是謠言那麼簡單而是中共官場內情。
看看形勢就知道中共為何一敗塗地。武漢新沙士病毒能夠完全反制防疫和監控措施。新沙士沒有疫苖也沒有解藥,只能依靠隔離病患阻止傳播。中共用的防疫措施完全根據2003年沙士的做法。可是,新沙士可以無病徵傳播,測體溫沒用。病毒潛伏期很長,隔離14日無效。測試結果經常出現假陰性,測試也沒有大用。這樣的武漢病毒由一開始已經註定中共無法防疫,疫情必然失控。
請看看南韓疫情由穩定變成失控,只是因為一位婆婆拒絕檢查是否染病而且四處走動。伊朗更加令人擔心,只是一位伊朗商人用接駁航班繞過封鎖,來往中國做生意,將病毒帶到伊朗。今日的官方數字是61人染病,12人死亡。可是,有伊朗議員說死亡數字是50人。61人染病,死掉50人,這病毒比伊波拉還要惡毒,傳染力強,幾乎染病即死。如果這位議員說的話真實,相信全球會病死幾十億人。伊朗官方數字死亡12人也是離譜,武漢新沙士的死亡率是2%,伊朗為何會是20%。因為新沙士重症率是20%,可能伊朗計少了非重症病人。那就是說伊朗無法檢測武漢新沙士輕症病人,全部8成非重症病人都在街上叭叭走。這也不是好事。
中國的糧食供應出了很大問題。中國14億人吃飯,農業至為重要,關乎國家存亡。豬頭習倒行逆施,將數百萬畝良田改為鬼城、無人商場寫字樓、基本建設如機場和碼頭等等。另外數百萬畝良田被圈起來,用作地產發展,大量農田荒廢。中共壓低糧價,農民破產,養豬業陷入空前困難。豬肉不夠,中共引入俄羅斯發瘟豬,將中國養豬業徹底打殘。中國漁業因為過度捕魚亦早就崩潰。剩下來的農業受到草地貪夜蛾襲擊,受災千萬畝。2019年的秋行軍蟲災禍波及120萬畝農田,推高了中國糧食價格。今次草地貪夜蛾災情是秋行軍蟲災情10倍以上。2020年是中共飢荒年,要用外匯買外國糧食。可是,要買外國糧食,中國要出口商品。長期停工停產,中國的外匯不足以養活14億人民。
處於內憂外患,疫情和糧荒兩面夾擊,再加上債市及金融崩潰,中共高層只能挾贓外逃。