Search
香港偽中產戒甩戇膠虛榮嘅好方法
還記得當年响香港，仲係一條貪威識食嘅「偽中產」嘅時候，有一層供到天荒地老（都未必供得完）幾百尺「好見洗」嘅偽毫宅，然後揸架幾十萬嘅「貨van」（好聽啲叫豪華七人車），帶隻火柴其實大量生產嘅限量版錶，就以為自己擁有了全世界，沾沾自喜感覺好L高尚。
結果因為自己打爆咗個鐘意無謂比較嘅「偽中產」玻璃心，去英國做返個簡簡單單嘅鄉下佬。初到英國嘅某一日，去到Knightsbridge，見到嗰度啲屋同車嗰啲大蛇痾尿之後，殘留响心底深處嗰啲玻璃心碎片，就好似激光打膽石一樣，徹底排晒出體外，個人舒服晒...
今日咁啱去開倫敦Knightsbridge，途經兩三條街，頭尾唔洗十五鐘，隨意咁影幾架同大家分享下，係咪好治愈呢？係囉，比咩呢？限乜量版呢？
#英國人其實好窮㗎
【偽中產回流英國之路remastered 3】
請理解個原post寫在17年，回看雨傘、偽中產、沉默大多數、社會同政府嘅感受同對自己離開嘅影響，滿以為已經好悲觀。點知短短幾年間，變化竟然係斷崖式嘅淪落。可悲嘅係香港已經真係壞咗，唯一可幸嘅係好多「沉默嘅大多數」醒咗。希望呢一次，大家可以持續咁齊心。我必須承認，那天睇錯了很多中產朋友，你地的確對年輕人嘅態度改變咗，今天我希望我繼續睇錯落去...錯咗就係錯，所以無改內容意思！
****************************************
正如之前所講，雖然香港政治環境討厭，但並唔足以迫走我（記住係2016年！）。只可以話呢香港呢十年幾嘅變化，直到近年就肯定係催化劑，令我一家人離開香港去英國重新生活嘅決心更堅定。坦白講與其話厭惡香港政府（當年CY，依家又如何？），本人更痛恨嘅反而係包括自己在內嘅一班偽中產。因為一隻手係拍唔響嘅，社會有咩人就自然做就乜嘅政府同議員。
今時今日嘅香港中產，即係所謂嘅廢老廢中，邊個唔係經歷過殖民地時代生活過？分別只係經歷過幾多，個金魚腦又記得幾多。唔該唔好再用「戀殖」做籍口，坦白啲諗下當時嘅社會同依家有咩分別。以前香港所有人都好專心咁「搵錢」，因為每個人都有機會向上流動機會，每個行業都有神話。雖則當年嘅香港社會，大部份都係政治白痴，剩係識講錢嘅「港豬」，但至少有個識用腦（叻唔叻無謂比較）嘅政府，無政治立場、唔貪污（亦唔打人講法治）嘅公務員團隊。
就算係無民主，但肯定有無盡嘅自由。唔只鬧呢個嗰個嘅政治批評，就算攞港督英女王黎笑，個社會都有一份包容性同幽默感，何來咁多忌諱同意識形態？當年更無人會介意自稱係「香港人」或者係「中國人」、甚至係「英國人」都無問題。本來呢種身份模糊，就係香港人响國際上嘅優勢同特質。其實香港人從前都有既愛國，又唔討厭英國嘅時候，邊個搞到大家分得咁清楚，互相詆毁同歧視？如果話係人心未回歸，咁點解殖民地時代，我見過老一輩會去國貨公司，買彩電同單車送上大陸？華東水災嘅時候，成家人仆到打去電視台捐錢？六四嗰時，阿爸同啲uncles對住部電視流晒馬尿？難道英國佬當年教香港人愛國，還是特區政府令到大家變咗「更愛做香港人」？
自問做咗幾十年香港人，當然明白凡事有因必有果，有啲事情的確係共業。就係九七前後嘅社會生態，就做成香港偽中產嘅錯覺，只要繼續有自由、法治同揾錢機會，無民主並唔緊要（因為嗰啲係天跌落黎嘅）。可惜佢地唔明白，當呢三樣嘢都慢慢減少嘅時候（估唔到16年後就唔係慢慢！），民主嘅重要性就突顯晒出黎，因為：「點衰點壞自己揀（仆街唔好喊）」。
不過可惡嘅係，班偽中產最怕無剩返嗰些少搵錢機會，仲驚自己層樓會跌，所以從來都選擇做「沉默嘅大多數」。當乜都無嘅年青人出聲嘅時候，反對得最大聲嘅必定係班偽中產，是因為支持政府有特點立場嗎？不是，說穿了就係驚失去已經擁有嗰小小，即係自私！班偽中產咩時候同年輕人最齊心呢？沙士嗰時，錢無得搵，樓跌到入骨，幾咁同聲同氣？搞到自己仔女國教嗰時，亦齊心非常，但雨傘嘅時候又咩取態呢？（真心希望香港人，尤其是中產，响2019年今次係真正嘅齊心，唔支持都唔好再指責。）
其實香港都唔係完全無選舉吖，大家睇下歷年嘅投票率，同啲中產選區選啲乜嘢人出黎？香港偽中產關於民主，證明咗兩樣嘢。第一，既要唔滿意，但唔鐘意投票，去投票，又驚選到出黎嘅人搞事，影響到自己。第二，呢幾十年，有無期望過有能力嘅政治人才（唔係剩係sell理念，含眼淚投嗰啲）？睇到咁都覺得無希望啦。慢慢唔理唔選唔出聲，結果係點？咪比嗰啲以前諗都未諗過，想象都想象唔到嘅人，例如類似義和團呀，大媽形狀呀，疑似社團人士嘅人士，人肉錄音機呀等等代表香港人，話自己有幾愛國囉。怪得邊個？（估唔到全部實現晒，仲加送DQ同又拉又鎖？！）
如果要我講一個理由，點解對香港死心，我會話係個社會多過政府。還記得雨傘嘅時候，自己生意唔見咗三成，都隻眼開隻眼閉咁比幾個年青同事早啲放工去金鐘。但當睇到嗰啲所謂反佔中嘅理由，有乜辦法唔心灰（嗰班「係咁㗎啦」「點解搞事」同「阻住返工揾食」）？無人要你地革命，亦唔係爭取獨立，只係要求多小小權利（仲要係年輕人幫埋你班友同仔女），咁都唔齊心小小？腦海裡面會問，就算比晒完全民主香港，結果係咪都一樣？
講講下已經離題，仲要寫到咁長，下次會講回流英國真正嘅決定性原因。
Photo Source: 我，2014年某日在旺角
#GoodbyeHKHelloUK
#偽中產回流英國之路
#Remastered
#偽中產講偽中產
#當日原來睇錯咗
+++++++++++++++++++++++++++++++++
英國居留簽證懶人包（香港人限定）
http://bit.ly/2MfFPPZ
偽中產回流英國之路remastered 1
http://bit.ly/2LdV35P
偽中產回流英國之路remastered 2
http://bit.ly/2LpEXX0
英國移民生活網
重要舊文重溫
www.goodbyehkhellouk.com
+++++++++++++++++++++++++++++++++
【偽中產回流英國之路remastered 1】
兩年前寫，今日睇返再改，心態有無變？
呢兩三個禮拜，心情同大家一樣唔好，情緒有啲唔多穩定。但總算有點自制，無亂用自己個網絡平台放負。除咗蒐集歷史，同大家分別同思考，亦回顧返呢個Page史前第一個破百like嘅post。睇返除咗好笑同幼嫩，仍然有一份感慨，2014、2016、2019，其實有無變過？所以當發洩，重新寫過，希望唔會悶死大家。
--------------------------------------------
越黎越想希望離開香港，相信呢個想法當年並唔只我一個有，亦肯定唔會係最後一個。老老實實，香港嘅政治環境，只係會令人討厭，未足以迫走我呢個偽中產（注：2016年呀），始終會欺騙自己响香港好似擁有好多好多。要決定離開原本嘅家，的確係一個好大嘅決定，當中考慮因素同面對嘅難題，每個人都唔同，於我以言自己嘅身體、家庭生活模式與及個女嘅將來，係佔當中好大成份。
當年响香港，自問都有一份唔錯嘅工作，供緊一間唔錯嘅偽豪宅，個女亦開始讀唔錯嘅所謂國際幼稚園。一家三口，每年可以去一兩次日本，日常消費當然都幾「中產」（真係人生何求？！）。但係，久唔久我我都問自己兩個問題：「究竟我地咁樣係唔係真係幸福呢？我地想個女將來係點呢？」
作為一個香港嘅所謂中產，我估大部份都同我差唔多，每天每月每年嘅循環無限loop都係一樣。番工搵幾萬至十幾萬，死供爛供一間似樣嘅樓，請個工人姐姐，一個星期要出去排隊食下好嘢，跟著要去兩三次日本韓國shopping同打卡。久唔久買下afford得起嘅表或者手袋（唔係top line嗰啲），玩啲懶有品味嘅「屎忽鬼」興趣。有仔女嘅就要讀國際學校，學埋晒啲古靈精怪課外活動。然後加多張Disneyland Annual Pass，去下公園，去下郊外親子下。心靈自稱滿足了，但錢無乜得剩。
咁如果唔死，剩返嗰幾十年呢？未到都幻想到！到仔女差唔多大，一個唔好彩响唔多出色，咪送去外國讀書，叫佢地讀一啲自以為搵到食嘅科，例如，engineering，business，marketing咁囉（响香港讀到「神科」就唔洗走啦！）。咁好彩遇到樓市一個半個跌浪，咪買多一間樓比仔女。到仔女讀完書就回流香港揾錢，做父母嘅就利用自己嘅偽中產connection，「安排」份合自己但唔理仔女理想嘅工。就係咁，個仔女又會跟著自己咁變成第二代中產，循環不息。結果兩代都無發達，都係搵錢、供樓同消費（好聽啲咪叫父幹）。
可惜呢個只不過係美好嘅幻想，亦係我地呢班偽中產一廂情願認為嘅美好將來。但係將來實際會係點呢？唔好講香港咁大，以世界嘅發展嘅速度同變化，將來一定超乎我地嘅想象同眼界。呢個就係我地幾代香港偽中產嘅國際視野盲點，因為我地嘅上一代都係用咁嘅模式培育我地，但係現在已經係2017年，而唔係5、6、7、8十年代。90年代之後，唔該睇下個世界運作模式變咗幾多，睇睇依家嘅世界首富，呢廿幾年變咗係咩人，幾多歲同做乜？
結果，我反反複複諗咗好多次，到底係咪應該繼續只係為咗層樓，比較物質而活呢？又想唔想個女嘅將來，由我兩公婆呢兩條高不成低不就，無視野嘅偽中產父母安排呢？佢係唔係應該有自由意志決定未來，選擇自己嘅將來呢？
上面嘅一堆問題，加上香港嘅政治環境，連埋經歷緊嘅變態幼兒教育，我同我老婆好詳細咁討論好多次。結果我一家三口去咗一次好長嘅英國之旅，四圍行感受一下環境，白撞下啲estate agent睇下屋，亂咁去下人地嘅pre-school。返到香港之後，可怕嘅事發生响自己身上，速使我地決定移民英國。下回繼續...
#偽中產回流英國之路
#Remastered
#GoodbyeHKHelloUK
#其實有無變過？
+++++++++++++++++++++++++++++++++
英國居留簽證懶人包（香港人限定）
http://bit.ly/2MfFPPZ
英國移民生活網
重要舊文重溫
www.goodbyehkhellouk.com
+++++++++++++++++++++++++++++++++
「贏在射精前」加拿大版，係點樣「贏在大隻啲」？
852郵報
http://www.post852.com
西DorSi偽中產生活態度中国香港特别行政区繁体中文. 粉絲量即時粉絲量. -. 總觀看量. 7072.45萬. 頻道數據. 頻道趨勢. 熱門影片. 數據更新時間 2023-02-14. ... <看更多>
[偽中產遊廣州] 人均¥35！香港幾乎失傳嘅懷舊點心！ Video; Audio ... ... <看更多>
香港偽中產 在 偽中產的移民夢- 五月飛箱今日終於收到寄船的家檔，負責搬運 ... 的推薦與評價
五月飛箱今日終於收到寄船的家檔，負責搬運的香港公司感覺少少混亂同唔清唔楚，好彩最後都送到了(但係有一張摺檯人間蒸發了)。加拿大呢邊負責接手的搬運公司就幾有交帶 ... ... <看更多>