面前這位見工的年輕人濃眉大眼,自信滿滿,中氣十足,一看便肯定是人才。
再加上那張亮麗的 CV,美國名牌大學 cum laude 畢業,過去五年在國際顧問公司和美資大行工作,本來真係唔使「in」都覺得請硬佢。
誰不知,一問到以前工作過的地方,一面倒有彈冇讚:高層有高層嘅白癡,同事有同事嘅低 B,講到好似,如果唔係佢,百年大行都逃不過倒閉的厄運。
最後有冇請到佢,答案呼之欲出,不用多言;想說的是,現在每次遇到這些個人英雄主義者,都令我不禁想起半年前見過的兩位年輕人。
有位大客的女兒出來搞了幾年初創,一路在尋找 marketing 的人才,然後便問我有沒有聽過 Rubio and Jamie。一聽這兩個名字,我第一個反應是反問大客的女兒:「係唔係卡通人物?」
你以為所謂的中環人好醒,但其實困在一個世界太久,出面另一個世界正在發生什麼事也變得極度的後知後覺。「佢哋兩個搞咗間 marketing 公司,我想搵佢哋過檔。」人哋兩位係老闆,要佢哋過檔,即係要晒佢哋全公司嘅人?「梗係唔係啦,淨係佢兩個已經夠。」
找人穿針引線,終於有幸坐下來,靜靜欣賞兩位的蘆山真面目。雖然佢哋唔係卡通人物,但長得跟卡通人物一樣趣怪,真係瘦虎肥龍咁款,跟那位 cum laude 人才完全是兩個世界的人——cum laude 淨係對皮鞋已經看得出他對衣著是多講究,相反這兩個 Rubio and Jamie (by the way 兩個都係仔) 連長褲都懶得穿。
但係。
一開口。
嘩。
痞痞的短褲波鞋,絲毫也掩蓋不住凜凜的大將之風。
「葉生,」瘦虎先說,「好多謝你見我哋,更加多謝你嘅 offer,但其實淨係靠我哋兩個,當年點會起死回生,真正嘅功勞係一班同事。」
所謂「死」,是他們當年原來搞了一個紅遍旅遊界的深度遊,帶團友走訪像北韓這些冷門的神秘地方,生意成功到連一位大孖沙富二代都嚷著要入股,但就是一個 covid 打埋嚟,一夜之間「化整為零」。
然後,所謂「生」。
有些旅遊公司仍然選擇等待一個美好明天,但他們決定轉型,於是起用原班人馬,搞了一家 marketing 公司,生意竟然回得去以前的巔峰。
「好彩我哋班同事夠後生,」攝氏三十度都帶著冷帽的肥龍說,「佢哋適應力同生命力都好強,如果唔係我哋都唔可以話變就變。」
其實呢。
太子女嘅 offer,真係慷概到連我都想做。可能佢哋覺得,間公司繼續 run 落去,一定唔只呢個數;又可能佢哋覺得,要放棄一班同事,自己之後發達都發得唔安樂。
什麼是 team spirit,其實沒有一個特定註釋,而那份 team spirit 在每一個團隊有多重要,完全取決於那個領袖。
好耐之前,香港有間學校,學校有隊籃球隊,籃球隊有位教練,叫老梁。
籃球隊有位明星球員,就叫他 Mike 吧。
老梁十分器重 Mike,球隊的大部份戰術都以 Mike 為重心。
然後有一次,Mike 在練波的時候遲到半個鐘,老梁罰佢跑咗十個圈。被罰之後,Mike 不服氣,在之後的練波時間擺明 hea。
老梁在練習後找他訓話,問他為什麼「玩嘢」;Mike 說自己跑完十個圈之後很累,但以他平時的體能,十個圈其實很小兒科。
又到了第二天,Mike 又遲到,照舊被罰跑圈。練習完畢後,老梁說,如果下次再遲到,佢跑完圈後唔可以跟大隊練習,只可以坐喺場邊。
結果,下一次的練習,Mike 再遲到,明顯是故意的。他跑完圈,準備加入練習,但老梁把他叫住。「我上次講過咩?」老梁來真的,「你坐喺度。」Mike 有點錯愕,原來他不相信教練真的會把這個主力球員擱在一旁。
「你,如果再遲到,下一次,連圈都唔使跑,因為我會趕你出校隊。」
Mike 聽到這句,竟然冷冷一笑,因為他不相信教練會犧牲他。
結果,大家應該估到:Mike 再遲,然後他真的被逐了。
學界比賽正式展開,老梁的籃球隊裏每一位成員都很努力,有幾場差點可以勝出,但最終一場都贏不到。Mike 每一場都在觀眾席,最後一場不例外。
就算是最後一場,老梁都堅持在場邊給每位隊員訓話:「你哋打得好好,我真心以你哋為榮。」
怎料,老梁的話音剛落,Mike 在不遠處喊了一句:「自己攞嚟賤。」
「你講乜嘢?」老梁咆哮了。
Mike 怔住了,沒有回話。
老梁之後的一句話,我這一世都記住了。
「係,我攞嚟賤,因為我寧願隊波冇咗你,輸晒每一場,都唔想隊波靠你贏,然後畀其他隊友覺得,贏波重要過互相尊重。」
諗咗人哋,先再諗自己,team spirit 就是同理心的極致。
何詩蓓贏得兩次銀牌,兩次在 IG 報喜,都是說同一句話:WE DID IT。
明明是一個人游,卻歸功於所有人,這就是為什麼攞不到金牌,香港人都當了她是世界冠軍。
同時也有10部Youtube影片,追蹤數超過2,230的網紅Emil Cheung 華弟,也在其Youtube影片中提到,華弟好耐無打比賽,要Drive In 突破真係無容易。 嘗試練好中距離,等比賽都有用武之地!? 大家打地下聯賽,應該多啲突破,爭取機會跳投! 【華弟出城】- 洛杉磯 Los Angeles ?之旅 https://www.youtube.com/watch?v=0_obFGl4RFU&t=13s ...
香港學界籃球比賽 在 Facebook 的最佳貼文
關於運動心理學。
工作關係,接觸過許多運動員,連帶他們背後的團隊,亦時有碰面。團隊中有訓練員有助教有按摩師有機械師,還有為運動員提供支援的心理學專家。
曾經有一段時間,我對這題目非常有興趣。因為心理學這回事沒有初階數學中公式和答案的絕對關係,一加一等如二就等如二,斷不會突然變成三或四。可是一百人就有一百種心理,而這一百個人在不同的環境和情緒下,又會有無數種狀態。這解釋了為何在三分線外球球穿針的球員會在罰球線上射十中一,射術最好的前鋒又會於12碼點上飛機連連,都是心理使然。
我曾經是學生運動員,練過水,亦打過籃球,水平當然比一般更一般,而我的罰球更非常差。到現在不時跟朋友打打衛生波,依然是被取笑的對象。我記得很清楚:中三那年的學界籃球比賽,兩隊平手,最後階段,我進攻被打手,球證吹罰犯規亦同時吹完場雞;即是說,我要在空無一人的球場中獨自射兩個罰球,入一球,就足以勝出了。
結果?我兩罰全炒,然後加時輸埋。
在此之前,我的罰球命中率其實是不錯的,但經此一役,以後每站到罰球線就有種說不出的不自在;年前工作時遇到運動心理學專家,閒聊時就打趣說出這個情況。他認為,既然我清楚心理壓力和陰影的由來,要不就正面面對這個創傷(他還說了些很專門的字眼,我忘記了),要不,就試試為自己建立一套「習慣」(Routine)。
習慣,不難理解。字母哥射罰球前幾乎要耍套太極,是種習慣;郵差馬龍站在罰球線上永遠要口噏噏講完先射,是種習慣。專家解釋,習慣除了讓運動員於短時間內放鬆抽離,更重要的,是讓人集中(在此,放鬆和集中之間並沒有衝突。運動時的心理本身就是種游走於緊張和鬆馳之間的微妙狀態);所以米高佐敦的賽前餐單永遠一模一樣,也習慣場場開新鞋兼指定要自己穿鞋帶。假若多年習慣突然打亂,表面上是可以全無影響的,但肯定 — — 是 #肯定 會影響到極之微妙的比賽心理。頂尖水平的運動競賽,少許改變足以左右勝負,這點你知我知單眼佬都知。強如勒邦占士為了集中比賽,每年季後賽期間都不玩ig;一個苦等四年 — — 正確來說是五年才踏上奧運舞台的香港運動員,竟然要在賽事期間出po回應欠缺事實基礎的指責,荒天下之大謬。竟還人說只是小事沒有影響?打死我都唔信。
以年計的努力付諸東流,如何補償?奧運四年一度,運動員生涯又有幾長,其實,無法補償。
#家朗加油
新場:https://mewe.com/p/ngkahim
我挨之:www.instagram.com/vinceng88
陀地新地盤:https://content-blogchannel.hktvmall.com/zh/media/content_partner/CP00008/
小怪獸s嘅成長記錄:https://www.youtube.com/channel/UCNV_i17rTpUCiG7aIxlA_PA
香港學界籃球比賽 在 畢明 Facebook 的最讚貼文
做職業運動員係一件非常之寂寞嘅事。
見到 @黃文萱LeticiaWong講得咁清楚,我都想講吓自己嘅經歷。同埋再講一次,伍家朗真係好好波,識打羽毛球嘅人一睇就知,打到佢咁水平係極唔容易,大家唔好忘記佢曾經贏過林丹。
細細個,我打羽毛球都真係幾叻嘅,原因好簡單,我嘅童年同青少年,基本上係喺CCC渡過。即係跑馬地口嗰間木球會,我好鍾意打波,瞓醒就跳住去打,有啲天份,亦幾勤力,後來CCC有埋泳池就打完波游水,絕對係一個多動症兒童。去到中學, Form one我已經打贏晒全校,順手打埋校隊打埋學界,有教練叫我去打港隊青年軍,什麼去銀禧集訓,什麼練體能,老實講去到佢寫嘅第二第三點,我已經放棄咗。
我唔鍾意練體能嘅枯燥,同堅辛苦,亦都覺得生活只有訓練太過單調。(我咁鍾意吃喝玩樂enjoy life! 中五嘅時候,Eng Lit嘅老師Miss Luk苦口婆心同我講:會考喇,你真係要勤力啲唔可以再enjoy life喇,但我冇聽佢講,仍然enjoy life,不過成績都好好)F.3 嘅時候,我老竇同我講,唔可以再成日打波,一係揀讀書一係揀打波,揀打波你讀書唔會好得去邊。香港亦都冇好似美國北卡(North Carolina University)專比籃球精英讀大學嘅地方,米高佐敦同Vince Carter都係嗰度畢業。
當時我諗,如果變成職業運動員,我應該唔會enjoy,而讀書我都真心鍾意。結果我揀咗讀書,同貪圖逸樂,所以對於啲選擇刻苦,長期受高度紀律訓練嘅專業運動員,我有無比嘅respect。
實不相瞞,小學嘅時候,PE先生已經睇得出我骨格精奇,抽咗我出嚟訓練,叫我跑學界短跑。全間小學,得我一個人跑,同學仔上堂、玩,我就俾先生叫我孭住個好重嘅背囊,負重喺操場跑圈,當時冇乜嘢專業器械,老師係咁將一啲好厚、一磚磚嘅書塞入個背囊度等我個袋重啲,然後就叫我跑。全學校得我一個,去比賽得我一個。嗰時我讀緊小學,訓練嘅時候你就會知道你會冇晒朋友,冇正常生活,天煞孤星一樣。我仲記得,老師帶咗我去PE房入面一堆釘鞋度揀我嘅size,都唔知有幾多人着過,殘殘舊舊嘅釘鞋佢叫我揀一對,其實我都唔係好啱着,就着咗去比賽。係去政府大球場,當年仲未裝修,有啲荒蕪,跑咗第一,對釘鞋仍然係咁核突。我覺得做運動員好慘。
或者你有所不知,網球名宿Agassi同佢老婆嘉芙,兩公婆打網球咁叻,世界第一,但佢哋係嚴禁自己嘅仔女做職業網球手,覺得付出太大、壓力太可怕,而且會冇咗正常生活。我嘅小打令希臘網球手Tsitsipas,目前世界排名第四, 22歲,五年前即係佢17歲時轉打職業,啲人訪問佢,佢好坦白咁講,話佢嘅青少年時期,從來未睇過演唱會,未去過所有年輕人去玩嘅活動,平日只有訓練同埋比賽。
講咗咁耐,最想講嘅係,做高水平嘅專業運動員真係好唔容易,做香港嘅運動員,更加唔容易,伍家朗曾經世界排名第六,依家都排第九。今日大家好記得張家朗,希望香港人唔好淨係喺國際大賽,同埋攞到獎嘅時候,先記得撐香港嘅運動員,因為佢哋係比賽之間、攞獎之間,仍然係努力不懈咁好辛苦去鍛鍊。
張家朗又好伍家朗又好,其他不知名嘅香港運動員都好,佢哋嘅努力,好多時係我哋睇唔到嘅,我特別希望香港嘅廣告客戶,多啲留意一啲未必係最高調嘅香港運動員,我好相信佢哋嘅故事,佢哋嘅堅毅,佢哋嘅努力,係可以做到好好嘅代言人。
至於我自己,體能上嘅刻苦我未必夠堅持,但精神上、知性上、創作上、文字嘅馬拉松,我從不鬆懈,每一篇稿都用最謙卑最專注嘅心情,好認真咁唔俾自己揸流攤去寫。
點解咁辛苦做廣告都要寫稿,係因為想任何時候都繼續磨劍,我相信「寫學雙長」,希望唔好俾自己懶,長期練好個腦嘅能量。從未停過飢餓地去睇書、強迫症地吸收知識同新事物,希望令自己可以比到更有營養嘅創作、文章同內容大家。我稿品應該係唔錯嘅,廿幾年來從未脫稿,從未臨時請假,夜晚2 am先放工,我就返到屋企寫到朝早六點。
每個人,可以揀一條同自己過唔去嘅路,埋首刻苦耐勞咁去行、去修,亦係一種幸福。希望呢種辛苦幸福,唔好太過寂寞。
再一次,多謝支持我Patreon,等我可以繼續創/寫作嘅每一位,多謝你哋。
#有感而發啫
#撐香港運動員
#希望多啲廣告客戶撐佢哋
-—-——-------------------------
👉🏼https://www.patreon.com/budming
謝謝你的訂閱,讓我不必學習光合作用,可以繼續創/寫作、分享知識。
香港學界籃球比賽 在 Emil Cheung 華弟 Youtube 的最佳解答
華弟好耐無打比賽,要Drive In 突破真係無容易。
嘗試練好中距離,等比賽都有用武之地!?
大家打地下聯賽,應該多啲突破,爭取機會跳投!
【華弟出城】- 洛杉磯 Los Angeles ?之旅
https://www.youtube.com/watch?v=0_obFGl4RFU&t=13s
【華弟出城】10-華弟繼續跟NBA訓練員學師
https://www.youtube.com/watch?v=sdCsCM90myM&t=4s
Music: Double Dealing- Richard Adams
如有更多問題,可以透過以下方法聯繫??????
??Instagram & Facebook:EmilCheungSports
? YouTube: Emil Cheung 華弟
香港學界籃球比賽 在 Emil Cheung 華弟 Youtube 的最佳解答
我今年參加「Walk Up Jardine House 齊步上怡廈」比賽,身體力行透過行動喚起大眾對精神健康嘅關注。每年一度嘅「齊步上怡廈」籌款活動係由怡和集團同旗下註冊慈善組織「思健」籌辦,而「思健」致力改變大眾對復元人士嘅態度,從而減少對復元人士嘅負面標籤。
希望到時大家可以喺現場打氣!同時,今年活動以嘉年華形式舉行,適合大人小朋友一同參與!你哋亦都可以叫埋親朋戚友過來比賽場外的體驗活動,了解精神健康、齊減壓,並一同支持復元人士踏上康復之路!????
——
?活動詳情 @walkupjardinehouse
?日期:2019年4月28日(星期日)
?時間:上午8時至下午3時
?地點:中環康樂廣場1號怡和大廈
比賽當天歡迎公眾參與非賽事體驗活動,包括臉部彩繪、Voice Up展覽、樂聚一家、布偶製作、培苗工作坊、廚餘配對遊戲等,萬勿錯過!??
#walkupjardinehouse #charityevent #mindset #mindsethongkong #jardinematheson #jardines #jardineambassador #raceevent
香港學界籃球比賽 在 FanPiece Basketball Youtube 的精選貼文
上星期日於伊館開打的學界籃球精英賽,經過一輪比賽,最終冠、亞、季軍亦已塵埃落定。
現在,我們來回顧當天的四強與冠軍賽事吧!同場還有球員與教練的賽後訪問!(由於技術問題緣故,片段中沒有女子組的決賽片段。如果想重溫比賽內容,可以前往我們的專欄:
https://s.fanpiece.com/nIdEkxE
或者到Nike Basketball Facebook進行女子組賽事重溫:https://www.facebook.com/NikeBasketballHK/videos/2419720154724597/)