一段時間無參加跑步活動嘞
今次約埋馮堅成一齊跑,沿途有人一齊傾計影下相,好開心 (好啦以後我唔好成日獨跑啦....😅)
好彩琴日所參加嘅精英組,開跑至完成都無落雨,只係有啲濕和熱
成績一般啦,最緊要係參與嘛!
在此特別多謝大會安排,跑完第一場後天氣轉壞
安全考慮顧及親子跑大人細路安全,立即應變並決定取消
係無奈嘅,但如之前所講
有得做善事、又可以推廣關注健康
就算最後落唔到場嘅朋友,都已經參與左,做左好事啦!
.
不得不再提一提
件跑衫係相當之靚🥰
.
#香港泌尿外科學會 #牛仔漫畫 #慈善主題跑 #牛仔X契爺向前跑 #關注男士健康 #受惠機構為聖雅各福群會
香港泌尿外科學會 在 周家怡 Facebook 的最讚貼文
大家細個有冇睇牛仔漫畫?我就有睇啦,到而家都仲好懷念!早排聽到香港泌尿外科學會搞咗第一個牛仔漫畫慈善主題跑《牛仔 X 契爺向前跑》,重拾好多回憶,仲要多謝大會送上跑手專用T恤同埋背囊俾我,聽講話活動反應好好,名額爆滿,但大家都可以照樣去現場同牛仔影相架!
😁🥰
詳情請看:www.hkuacharityrun.org
#香港泌尿外科學會 #牛仔漫#慈善主題跑 #牛仔X契爺向前跑 #關注男士健康 #受惠機構為聖雅各福群會
香港泌尿外科學會 在 伍家謙 Facebook 的精選貼文
有冇人記得《牛仔》漫畫?
細個嗰陣,覺得星期日同屋企人去茶樓係一件好悶嘅事,所以經過茶樓門口書報攤,一定會扭計買幾本漫畫解悶;大人總係覺得公仔書冇益,總係話呢本唔好嗰本唔得,但係《牛仔》永遠係例外。本書四方型,每篇四格,主要係講主角「牛仔」同佢爸爸「契爺」嘅生活趣事。畫家王司馬先生用簡單畫風演繹呢啲小故事,溫馨有趣,總之就係小朋友會睇得好開心嗰隻啦。
關於呢本漫畫,另一件印象深刻嘅就係佢最後嗰一集。當年見到電視話《牛仔》出結局篇(係,當年連漫畫都會喺電視賣廣告嘅),立即衝落街買;最後一期叫《牛仔再見》,到而家我仲記得個封面,係契爺抱住牛仔咁嘅。細路仔,每逢卡通片同漫畫大結局都會唔捨得,我記得我見到個封面嗰陣我有喊🤣
漫畫人物可以喺書入面永遠定格,無論過咗幾多年,牛仔依然係牛仔;我雖然要由細路變中佬,但童心不老。所以當知道香港泌尿外科學會搞咗個《牛仔 X 契爺向前跑》嘅時候,真係好開心;收到大會送嚟嘅跑手專用tee同背囊嗰陣,個感覺就好似返番去當年,喺茶樓門口攞住本《牛仔》漫畫嗰一刻咁。聽講呢個活動嘅反應好好,參賽名額已經差唔多爆滿;不過叫得做牛仔漫畫慈善主題跑,現場當然有好多相關嘅嘢啦。為咗重捨童年回憶、為咗慈善、為咗支持香港泌尿外科學會同聖雅各福群會,大家都不妨去現場睇下,搵下牛仔影相啦。想知多啲可以睇👉🏻 www.hkuacharityrun.org 👈🏻
#香港泌尿外科學會 #牛仔漫 #慈善主題跑 #牛仔X契爺向前跑 #關注男士健康 #受惠機構為聖雅各福群會