關於 香港老師也移民無神論者的巴別塔 ，我們在網路上蒐集到這些相關的討論、資訊與評價

https://www.patreon.com/posts/52701627

兩則教育界新聞有感：老師派發《蘋果》被停職反映每間小學都是一個極權／德信校長出事九成同政治無關

想講嘅，當然係色色圓小學嘅「教師買蘋果被篤灰結果全日被停職事件」

拿同大家諗嘅唔同，呢度唔係特意想作出價值判斷（雖然都有），而係想感嘆一下，成件事就係一個社會嘅縮影。

事緣響618買爆蘋果日，色色圓小學有老師目義勇為買十份蘋果番去派比同事，然後有藍屍老師向校長打小報告；校長召見老師指控其違反「辦學團體不談政治，不帶政治入學校的規定」，要求回收報紙，否則會向辦學團體及校董會報告。

之後校長以「動機不良」為理由停職一日，並要求該老師回收報紙及選寫報告，老師拒絕收回報紙，然而本身收到蘋果的其他老師們，皆已自行退回報紙予派發者，事情似乎仍僵持落去，但涉事老師已在Facebook刪除相關貼文，反映本身已有大事化小傾向。

成件事所有角色幾乎都有人怪罪：企響黃絲一方，當然會指責教告密者卑鄙無恥、校長橫蠻無理；而藍絲老師則斥派發蘋果為「搞事者」為「痴漢」，話報警拉佢都好合理。然後仲有一班人則指責私底下交回蘋果予派發者嘅老師係「無種」、「軟弱」，延伸去到抗爭者承受被孤立嘅惡果。

而我會將我嘅感想綜合為以下幾點：

1.其實已唔止一次講過，基於畸型嘅權力分佈，以及封閉式、難以從外部監察嘅工作環境，一間間學校其實就係唔同嘅獨立王國；而由於小學入面嘅學生年紀較輕，更難就學校嘅不公提出質疑，結果小學「王國」往往係比中學更加黑暗、扭曲。

「極品」興德學校、李東海小學跳樓自殺，再去到今日派發蘋果遭停職，都只係冰山一角。

2.正如前面所講，校長響學校入面，就係絕對嘅暴君，唯一能夠對佢作出質疑嘅，就只有校董會同辦學團體。退一萬步而言，就當618當日派發蘋果係一件敏感話題，而家位老師係響同事之間派發，而唔係同學之間派發，對學生有咩影響？

但響色色圓呢個「小學王國」入面，校長就等同於習近平大權獨攬，佢話你有問題，就係有問題。當派蘋果咁小事都比人懲罰，我覺得呢間小學平時嘅迫害一定唔限於政治，仲有好多變態嘢。

3.至於退回報紙比派發者嘅其他老師，我覺得大家可以多啲理解一啲客觀條件：首先正如我之前所講，小學係一個「封閉嘅王國」，響入面你係唔會搵倒任何援手，如果係講緊係響抗爭現場，因為校長監管唔倒你、無人知你身份，保護自己得好的話亦唔會被秋後算帳；

但響學校其實嚴格黎講只係比監倉好少少，你一舉一動都會被校長爪牙監視，任何抗爭最尾都只會換黎更多嘅迫害，直至你辭職／被炒為止。

究竟呢班老師響退回蘋果日報之時嘅心態係點？現有嘅資料其實相當有限：佢地係可能出於關心派發者會被整治，因此交回報紙以希望幫佢大事化小，亦有可能因為派發者係Perm，而收報紙者卻係毫無保障嘅合約教師，所以響計算過後覺得因此無左份工覺得唔抵而退縮；

當然亦有可能係同大多數人猜測一樣，平時就講到自己點支持民主自由，一到危機來臨時就第一個怕死縮沙──但即使係咁，我地亦唔需要特別批評呢班教師，試問響香港絕大多數黃屍咪又係咁撚樣，真正願意冒風險撐抗爭嘅人，200萬+1入面我諗連十份一都無，我地又何必苛責呢班黃色經濟圈嘅縮影？

4. 反而有兩個次要人物我認為卻係更值得一講：一個係當色色圓學校果位董主任瘋狂向派發蘋果嘅老師攻擊之時，竟然會提到教協副會長葉建源「完全唔知呢條傻仔係乜人，就盲目撐佢……希望有人見到我呢個帖會勸下葉建源喇！」

然後你完全係Feel倒，班藍屍教師從來都當葉建源同教協係自己人。事實上教協葉建源響件事發生之後，只軟弱無力咁講咗句「學校唔應該小事化大」，而完全唔會強調單嘢根本係一場赤祼祼嘅政治迫害──講到尾，教協其實就不過係一個教師工會，仲要係一個立場保守連藍屍都當係自己人、無卵蛋毫無Bargaining Power嘅淺藍工會

另外要一提嘅，當然係有「女版黃世七」之稱嘅前教學助理，「香港思覺魯屍也移民」嘅版主啦。響佢身上你就好清楚睇倒呢班移民KOL究竟個心態係點：佢地就係做咗抗爭逃兵，然後為咗逃避比人指責，結果仲要反過來仲要惡人先告狀，將所有唔同意見嘅人視之為鬼（例如世七老屈坐監嘅椰子係共產黨嘅鬼，劉穎匡叫人唔好移民係比共產黨落藥），甚至乎會利用異見者支持抗爭呢個「弱點」，作為搞到人地無咗份工嘅武器。

即係呢個移民思覺老師已講到明「邊個老師有黃色成份我一定會舉報」，務求令所有仲堅持留響學校暗撐抗爭嘅老師趕盡殺絕，想問點解仲有黃屍會癲到走去繼續支持佢、認同佢？除咗人性嘅醜惡同愚昧，我諗唔倒其他理由；而佢同黃世七呢啲垃撚圾，同迫害抗爭者嘅藍屍，本質上真係無咩分別。

https://www.patreon.com/posts/guo-jiao-yu-xi-47270986

「國安教育」專洗乜人腦？如何令自己子女不被洗腦？

本來條題應該係「如果你仔女會被中共洗腦，個責任一定唔響學校而響你身上」，但諗諗下條題實在太激，好多冚家中剷港孩家長會接受唔倒，所以改成呢條容易呃Like嘅。當然我並唔反對年青人往海外升學，甚至乎我識得唔同年齡嘅人都有埋怨父母點解當初唔供自己去外國讀書。

但移民升學唔係個個家庭都有資格做，如果留響香港走唔甩，咁作為父母點樣預防仔女被「國安教育」洗腦？又或者「國安教育」究竟點樣洗腦？

見倒而家好多中產都係以「唔想仔女被洗腦」作為移民理由，於是我就開始諗，究竟一個藍屍是如何煉成的？作為一個橫跨回歸前後嘅學生，出黎教過一排中小學，即使當日嘅國民教育唔太明顯，其實好多嘢已默默做緊：例如開始會響週會教你唱國歌紅歌，年中至少搞十幾廿次大陸交流團，再加埋果堆賑災同小弟弟站起來了嘅強國新聞，學生對中國唔多唔少都會有啲正面印象。

但如果話學校可以教到一個學生變成藍屍，就未免太過誇大老師同學校嘅威力：真係老師講乜學生就入腦，就人人都係高材生啦！大家都做過學生，有乜可能唔知道早會週會就係傾計同訓覺嘅最佳時間？

由於我好細個開始已關心政治，所以特別會留意身邊同學一路成長過程嘅政見，響度分享下我嘅觀察：

1. 一個家庭如果父母都係黃絲，仔女響成長期間變成藍絲嘅機會係近乎0；

2. 如果響求學時期經已有好明顯嘅親愛國親共傾向，多數都係因為屋企本身已有非常濃厚嘅親建制背景：例如本身就係警察世家，老豆老母係建制中人，耳濡目染下就好大機會染藍；

3. 如果學校有明顯愛國洗腦傾向，而屋企又無特別政治立場呢？最曳嘅學生首先一定唔會變藍，因為佢地本身就有唔同程度嘅反權威、反社會傾向；另外本身懶散、資質中下嘅學生，就連你最想佢學倒嘅課堂知識都吸收唔切，仲邊得閒理你果堆愛國情懷？

至於最聰明果班學生，佢地響你灌輸洗腦教育之前，根本已明哂你龍嘢係乜，咁剩番落黎佢地需要選擇嘅，就係扮順民迎合老師校長嘅歡心，定係諗緊用乜方法將洗腦教育嘅內容玩番轉頭。

4. 講到咁咪即係無學生會被洗腦？咁又唔係。因為我地仲數漏咗一班資質中等，但又好聽話好勤力讀書，老師教乜就抄哂落簿嘅乖學生：佢地響學生年紀仲未有足夠嘅智慧睇穿背後洗腦教育嘅陰謀，而番到屋企家人又無特別教導佢地真正嘅是非黑白，於是就好乖咁吸收哂各種撐共嘅歪理，成為愛國教育嘅模範學生。

5. 當然，以前嘅愛國教育洗腦程度，同今日即將推行嘅「國安教育」可能係爭天共地，但當中嘅道理始終無變：就係最叻同最曳嘅學生一早已睇穿／唔會受「國安教育」影響；而剩番嘅學生，則好視乎佢地家長有無好好糾正仔女響學校接收嘅錯誤訊息，有以身作則教導仔女點樣面對極權嘅打壓……

簡單黎講，相比起壞同學壞朋友教壞細路，學校響洗腦教育上面嘅影響力其實係細得多──因為前者係引誘細路放縱自己嘅欲望，後者卻係強制要求渴望自由嘅年青人接受一套違背本性嘅社會規範。將所有問題歸咎於學校，其實就同以前啲家長話「點解學校無幫我教仔」無分別。

6. 又相比起學生時期被洗腦，我覺得成長畢業後嘅利益誘惑，以及養尊處優果種惰性，先至係變成藍屍嘅最大誘因。我識得唔少支持民主自由嘅Friend轉為撐建制，純粹就係因為埋建制堆利益足以出賣佢良心；又或者當你成為建制既得利益者一部份，例如作為公務員、中上階級、既得利益集團嘅一部份，無他，因為撐建制同自己利益一致之餘，同身邊人同聲同氣生活亦易過好多，亦好容易會變成淺藍。

7. 最後，與其擔心學校教壞你個小朋友，有時候父母係咪都要檢討下，自己有無灌輸啲錯誤價值觀比細路？好似上面果班黃轉藍嘅「中途建制」，好多時就係自細聽老豆老母教落：唔好同錢鬥氣，爭住出頭聽蝕底、同埋有食唔食，罪大惡極。

當見住自己父母講到幾撚支持民主但卻乜尻都唔付出，永遠做啲最低成本嘅「假抗爭」同入錢買贖罪券，個良心就輕易滿足得倒，耳濡目染下咪成為一個同老豆老母一樣咁無骨氣嘅人囉。呢種另類洗腦洗出黎嘅「淺黃」，本質上同無立場無原則、粹自私自利行先嘅「淺藍」係無乜分別，只要受下壓力、或者比人統戰一下，黃轉藍真係話咁易。

8. 不過對於仲留響香港、即將被「國安教育」洗禮嘅年青人，其實我又唔會太灰。可以預期，愈來愈多「覺得五四的精神是尊重與包容」嘅學生出現，呢個亦係無法避免嘅結果；但響2019年6月前，夠大把後生仔番去深圳飲喜茶食海底撈啦，結果一個612幾乎全部覺醒哂。

反而最撚鍾意捉鬼，響冷氣房留言就叻，前線永遠唔見人；一見勢色唔對就連病貓都丟低唔理，明明乜嘢挑戰政權嘅嘢都無做過，已食住後生仔嘅人血饅頭急急腳移民走佬，再響安全嘅地方大放厥詞指點江山……

世界是年青人的，不是廢中廢老的，歸根究底也是年青人的。反洗腦，唔止反「國安教育」洗腦咁簡單，更係要反果種自私自利嘅淺黃／淺藍鄉愿價值觀洗腦。