【阿公講鬼】《屯門山精》
＝＝有廣東話及繁中華語版＝＝
＝＝有廣東話及繁中華語版＝＝
＝＝有廣東話及繁中華語版＝＝
呢個故事，由山上一具男童屍體開始。
你可能覺得呢個係一個鬼故，或被殘殺嘅懸案。
但事實上，呢個係一個關於人性嘅故事。
男童約十歲，被發現時已死去多時，喺屯門一個山嘅山洞內。
估計佢喺山上遊玩時迷路，為避雨所以走入山洞。
男童四肢嚴重發脹，腳底滿佈刺穿皮膚嘅小洞，就好似受過嚴刑虐待一樣。
但最令人覺得詫異嘅係，男孩條頸，畀人用多個避孕套綁成一圈。
第一眼睇，會認為係勒死男童嘅兇器。
但呢個正正就係詫異之處，避孕套並無緊緊勒住男童條頸，亦無被勒傷嘅痕跡，避孕套只係好似頸鏈一樣掛喺男童條頸上。
發現男童屍體嘅係鵬叔，佢係屯門其中一條村嘅村民。
雖然未能確認男童嘅身份，但鵬叔心知，村民們亦心知肚明，男童嘅死只有一個可能性。
佢係被「山精」殺死。
因為喺幾個月前，鵬叔就親眼見過山精喺村內出現過。
或者有啲讀者唔知，我老婆豆姐嘅阿公，以前係做道士嘅。
佢有好多怪力亂神嘅故事，亦因為呢個原因，我出版咗《阿公講鬼》呢本書。
呢個屯門山精嘅故事，都係阿公同我講嘅。
故事發生喺七十年代，喺屯門有一條村，由於現時仍有人居住，所以我唔方便公開條村咩名，村入面嘅平房零零落落咁興建喺山邊。
如果住喺屯門區嘅舊村屋，上咗年紀嘅村民應該都有聽過，有關呢條村打山精嘅歷史。只係呢段黑歷史，唔會有人願意提起。
嗰個年代仲未有手機或數碼相機，雖然唔能夠拍低山精嘅照片，但村內嘅居民言之鑿鑿，喺半夜曾經見過山精出現。
傳說山精專門將小朋友或嬰兒拐帶上山，吸食佢哋嘅靈氣。
鵬叔亦曾親眼見過一次山精，當晚佢加班夜咗返屋企，佢聽到其中一戶鄰居嘅雞籠傳出叫聲。佢就走埋去睇吓發生咩事，起初以為係野豬闖入。
突然，佢就見到一道身影從雞籠走出嚟，仲回頭望咗鵬叔一眼，就跑返上山。當刻，佢同山精四目交投，鵬叔驚嚇一凜，停低腳步唔敢再走近。
「我可以肯定係野獸嘅目光…」鵬叔。
當時環境昏暗，村內亦只得幾支燈柱照明，鵬叔只能睇到山精嘅大概輪廓。山精有粗壯嘅四肢，背脊成弓字型，用四肢行走，身上無野獸嘅毛髮，留住一頭披頭散髮。
隔天早上，鵬叔就聽到村民們圍住鄰居門外議論紛紛，原來尋晚山精跑咗入雞籠，將雞和雞蛋都偷走咗，雞籠入面還殘忍被山精踩死和咬死嘅雞屍體。
為咗防止山精入屋傷害人，孩童入夜後都盡量避免出門，有啲村民仲會喺門外掛上麵包、糖果同玩具…希望可以打發山精離開。
鵬叔親眼目賭過山精，當然亦有咁樣做，佢唔係迷信嘅人，但只係以防萬一。每晚鵬叔放工返屋企，都會檢查門外嘅食物有無變少，村民話門外嘅食物會離奇消失，雖然有可能被野狗或野豬叼走，但所有人都確信係山精拎走咗。
鵬叔屋企有老婆，仲有一個四歲大嘅仔，佢可以保證，如果有人敢傷害佢嘅屋企人，唔理對方係咩妖魔鬼怪，佢都唔會輕易放過！
村長有見及此，集合村內嘅男人組成自衛隊，每星期跑到山上巡邏，各自拎住武器，鐵鎚、泥耙、鑊鏟…想將呢隻山精打死。
但估唔到仲未搵到山精，受害者更早一步出現。喺巡邏途中，鵬叔就發現咗男童嘅屍體。
歷史會不斷重演，七十年代嘅香港同而家一樣，有事發生唔會第一時間搵警察，當時鵬叔就透過朋友介紹搵到阿公。
村民希望阿公可以將山精消滅，唔好危害村民嘅安全。
阿公望到男童嘅屍體就問：「男童係邊戶人家嘅仔？」
「我哋唔認識嘅，應該係山精喺其他村捉返嚟。」鵬叔。
阿公檢查屍體後，四處張望：「奇怪喇…」
「有咩奇怪？」鵬叔。
「應該仲有一個女嘅。」阿公只係講咗呢句說話，就往山上走去。
（待續）
掛住阿公？畀啲反應黎睇吓！
５000 Like & 500Share
每晚９點正連載！
《如有雷同實屬不幸》４月發售
《屬於香港人》６月發售
書店沒有，只能網購
https://bluegodzistore.boutir.com/
＝＝＝＝＝＝＝＝＝＝＝
＝＝＝繁中華語版＝＝＝
＝＝＝＝＝＝＝＝＝＝＝
這個故事，由山上一具男童屍體開始。
你可能覺得這是一個鬼故事，或被殘殺的懸案。
但，這確實是一個關於人性的故事。
男童約十歲，被發現時已死去多時，在屯門一個山的山洞內。
是到山上遊玩時迷路，為避雨所以躲進山洞。
男童四肢嚴重發脹，腳底滿佈刺穿皮膚的小洞，宛如受過嚴刑虐待一樣。
但最令人感到詫異的是，男孩的頸上，被人用多個避孕套綁成一圈。
是勒死男童的兇器嗎？這正是詫異之處，避孕套沒有緊緊勒在男童的脖頸，亦沒有被勒的傷痕，避孕套只像頸飾一樣掛在頸上。
發現男童屍體的，是鵬叔，他是屯門其中一條村的村民。
雖然未能確認男童的身份，但鵬叔心知，村民們亦心知肚明，男童的死只有一個可能性。
他是被「山精」殺死。
因為在幾個月前，鵬叔就見過山精在村內出沒過。
也許有些讀者不知道，我老婆豆姐的阿公，以前是做道士的。
他有很多怪力亂神的故事，亦因為這個原因，我出版了《阿公講鬼》這本書。
這個屯門山精的故事，也是他告訴我的。
故事發生在七十年代，在屯門有一條村，現在還有人居住，名字我不方便公開，村內的平房零零落落地靠近山邊。
如果住在屯門區的村屋，上年紀的村民應該都有聽過，有關這條村打山精的歷史。
那個年代仍未有手機或數碼相機，雖然沒能拍下照片，但村內的居民言之鑿鑿，在半夜曾經看過山精出沒。
傳說山精專門將孩童或嬰兒拐帶回山上，吸食他們的靈氣。
鵬叔也曾見過一次山精，當晚他加班晚了回家，他聽到其中一戶鄰居的雞籠傳出叫聲。他便走近去一看，起初以為是野豬。
驀地，他看到一道身影從雞籠走出來，回頭看了鵬叔一眼，便跑回山上。當刻，他與山精四目交投，鵬叔驚嚇一凜，停下腳步不敢走近。
「那肯定是野獸的目光…」鵬叔說。
當時環境昏暗，村內亦只得幾支燈柱照明，鵬叔只能看到山精的大概輪廓。山精有粗壯的四肢，佝僂著背用四肢行走，身上沒有毛髮，留著一頭披頭散髮。
隔天早上，鵬叔便聽到村民們圍著鄰居的家門外議論紛紛，原來昨晚山精跑到雞籠，將雞和雞蛋都偷走了，現在雞籠內，還有被山精踩死和咬死的雞屍體。
為了防止山精入屋，孩童入夜後都盡量避免出門，有些村民更會在門外掛著麵包、糖果和玩具…希望可以打發山精離開。
鵬叔親眼目賭過山精，當然亦有這樣做，不是迷信，只是以防萬一。每晚鵬叔下班回家，都會檢查門外的食物有沒有變少，的確村民說門外的食物會離奇消失，雖說有可能被野狗或野豬叼走，但他們確信是山精拿走了。
鵬叔家中有老婆，還有四歲大的兒子，他可以保證，要是有人敢傷害他的家人，對方是什麼妖魔鬼怪他都不會輕易放過！
村長有見及此，集合村內的男人組成自衛隊，每星期到山上巡邏，各自拿著武器，想將這頭山精打死。
可是還沒找到山精，受害者更早一步出現。在巡邏途中，鵬叔就發現了男童的屍體。
歷史會不斷重演，七十年代的香港像現在一樣，有事發生不會第一時間找警察，當時鵬叔就透過朋友介紹找到阿公。
村民希望阿公可以將山精消滅，不要危害村民的安全。
阿公看到男童的屍體就問：「男童是哪戶人家的孩子？」
「我們不認識的，應該山精在其他村抓來的吧？」鵬叔。
阿公檢查屍體後，四處張望：「奇怪了…」
「什麼奇怪？」鵬叔。
「應該還有一個女的。」阿公只說了這句話，就往山上走去。
（待續）
５000 Like & 500Share
每晚９點正連載！
《如有雷同實屬不幸》４月發售
《屬於香港人》６月發售
書店沒有，只能網購
https://bluegodzistore.boutir.com/
香港野豬歷史 在 香港野豬關注組Hong Kong Wild Boar Concern Group - 一九八 ... 的推薦與評價
距離一九八零年，已經三十八年有多，如果社會要求修改動物相關法例，或草擬動保法，也是時候，將「民間野豬狩獵隊」一併送到歷史叢裡去了。 ... <看更多>