<<創新可以說是沒有盡頭>>
我們用六年去證明這句話的可信性
見到這幾天洗版出火警鐘Post, 真係好得意
油麻地停車場既期票今天讓我們開出，俾一年時間我地找數！
2021年好多突破要做，入會，包裝，網站，新系列，新店，新展示，新模具可以話排山倒海，正所謂無一百都有七八十，不過今天我長文想講講公司今年既變化（長文慎入，不喜勿插，多多包容）
今年公司人手上最大變化就係無論前線定back office定倉都多左好多人，今年收左政府保就業資助唔係用嚟創就業，年頭搬去新office面對最大變改係由2002年來第一次租office經歷過18年由敬業街，到成業街，到偉業街的寫倉合一的工作環境，今年倉在大業街，office在巧明街，物流部的幾位兄弟都真係比以前少見左好多，他們日日 OT到深夜的消息都係好遲才傳到我知，辛苦晒佢地。今年物流部加多左一部5.5吨ISUZU及多一倍人手，而同一幢大廈，由租一個單位加到租三個單位去應付越來越多的貨，除了代理多左三個品牌Greenlight, CollectA, Disney Baby. 主要是Tiny由2018年10月推出台灣系列，我地正在開發中國，澳門，台灣，星加坡，泰國，印尼，日本，英國及澳洲市場的場景及車仔，大家問點解情景無乜發表過？因為俾人抄得太快啦。。。所以出貨先發表。
也因為好多產品逐一開發，所以設計部增加左一倍人手，有11位產品設計師，個個讀 Product Design出身既精英加埋一位Graphic Designer同攝影師Timothy，組成13人設計團隊，另外有10位freelance designer小組，Tiny全部產品由香港designer設計，年頭到年尾，由早到晚，永不停步，下一個震撼創作將於下星期展開鋪天蓋地宣傳及開始銷售。
市場部門分代理，批發，海外，網上，訂制，客服，零售7個小組組成，今年仍有3間店籌備中，因為今年會拓展至十五間 Tiny及 B51專門店，所以每月也不少新同事加入，整年都舉辦左唔少 Product Training 及考試，而 CS, 客戶服務也多謝大家意見，也加多一位客戶服務，唔講唔知她們都係我地之前的前線同事，有豐富B2C經驗，更能幫到大家產品售後問題。
R&D（全名 Research & Development) 由 Merchandising, QC, Development三小組組成，而開發好長時間大部份都係因為要走Licensing Approval Procedure，授權審批流程，市場上怎樣操作我唸今時今日不提了，自己做好自己，今年出 Coca Cola，Shell，Sanrio, Line Friends等授權或Cross Over產品，每款由產品＋產品包裝兩部分組成，大部份授權有產品Style Guide, 包裝有包裝Design Guide, 我敢講就係因為Licensor向Licensee提供不停更新既 Style Guide, 而包裝也有統一Design Guide, 所以出到嚟成個系列係好震撼，但當中以半年計的不停修改真係對各開發部既同事嚟講的確係好痛苦既過程。做左兩年的一位資深既 Production Planner同事因為去國外進修而離職，幸運係新同事十分用心，好快已經跟進得好好。
今次分享住咁多先，下次分享一下新 E-Marketing及兩位新貨速遞主播既故事，好快上海玩具展開幕，到時再同大家分享。
香港line friends專門店 在 LINE FRIENDS - 主頁 - Facebook 的推薦與評價
LINE FRIENDS. 234775 個讚好· 1331 人正在談論這個. Global Creative Studio LINE FRIENDS, creating new culture with content beyond expectations. ... <看更多>