話說前幾日去左新蒲崗享樂烘焙 @ly_bakery 掃bagel同Scone, 加埋同事一個掃咗廿幾個bagel, 扣起左同事嗰啲，呢度全部就係屬於我一個人㗎啦哈哈哈😍😍😍原來我每隻味買咗一個，嗰日一共有九隻味，有啲鍾意食嘅買多幾個，例如抹茶麻糬同埋紫菜嗰啲，嗰日龍友上身，逐一去同佢地拍咗寫真🥰呢幾日都逐一試晒味，可以做返個包膠俾大家😋：
.
🥯抹茶麻糬bagel（$20）: 算是我最鍾意食嘅其中一款口味，抹茶味都算濃，中間嘅麻薯甜度適中，煙韌得來可以拉絲咁滯👍
.
🥯紫菜肉鬆芝士bagel（$20）: 同事推介，又係驚喜之作，一打開已經有濃濃嘅紫菜香味撲鼻，中間係頗多嘅肉鬆同埋鹹香嘅芝士，有啲似食緊肉鬆包嘅感覺😋
.
🥯黑松露芝士bagel ($20): 黑松露味好出，比中間嘅芝士味更加搶，鍾意食黑松露味嘅朋友不容錯過。
.
🥯手工芋泥bagel($18): 芋泥香甜軟棉，似食緊台式芋泥餡，不過甜而不膩，正喎😋
.
🥯擂沙黑芝麻bagel($18): 顧名思義佢將擂沙黑芝麻湯圓嘅concept放咗落去，除咗bagel嘅表面沾滿晒黑白芝麻，內裏都係🈵️🈵️嘅黑芝麻醬，芝麻醬香味撲鼻。
.
🥯特濃咖啡Bailey bagel($20): 我見到佢係咖啡加Bailey呢個配搭已經好想試, 食落咖啡味比較出慢慢先至食到少少Bailey嘅甜味, 當然佢都講到明入面係有酒，所以唔飲酒嘅人士自己可以衝量去試，但係我就唔係好食得出有酒味，不過本身Bailey 都係嗰種香甜味較多，總之都好好味😋
.
🥯朱古力紅莓bagel ($16): 我都好鍾意呢隻味道，上面有啲朱古力粒粒，加埋紅莓嘅酸酸甜甜成件事又好夾🥰
.
🥯藍莓乳酪bagel ($18): 又係另一個我好鍾意嘅經典味道，bagel出面有好多藍莓嘅粒粒，中間有滿滿芝士同埋乳酪醬，係唔會失手嘅經典配搭👍
.
🥯伯爵茶麻糬bagel($20):相對味道較為清淡嘅一款，第一口會食到中間麻糬嘅甜味，伯爵茶嘅味道要慢慢先至會滲出，比較清雅啲一款bagel
.
總算今次一次過試晒佢咁多款口味嘅bagel, 整體來講我覺得佢嘅bagel口感煙韌，綿密得來有咬口，多款味道又都好平均，冇話邊一款特別有伏，而且佢嘅價錢都係介乎$14-$20/1個，呢個質素嘅bagel我見網上好多IG shop買到廿幾三十蚊一個仲冇佢咁好食，可能網上好多吹大左，所以以佢嘅性價比來講真係算高👍下次我出開新蒲崗再去掃貨先😋
.
btw我都有試咗佢幾款嘅scone, 我覺得還好, 都係Bagels比較出色，不過我見到佢有好多唔同嘅麵包款，下次有機會再試埋佢其他嘅麵包款先😋
.
店名：享樂烘焙💛
新蒲崗大有街3號萬迪廣埸地下E舖 @ 享樂烘焙 LY Bakery
香甜軟棉 在 香甜軟棉 的推薦與評價
香甜軟棉. Photos. See all · No photo description available. Videos. See all. play0:38. GirlStyle 台灣女生日常. September 28, 2020 · 53K views. ... <看更多>