【龔成問答信箱】(Q19161-Q19180)
Q19161:
老師,我分唔到投資同投機,有冇啲簡單易明既說明其中分別?
龔成老師:
如果你是買入股票如同一間企業,長期成為你的財富組合的一部分,而你買入前經過仔細分析企業,就是投資(即是:投入資金)。
------------------------------------------------
Q19162:
龔sir 我想代我表哥佢多謝你一聲 本來佢想親自pm你 不過佢冇咩點用facebook,所以我幫佢講啦。
我表哥佢今年32歲。 大約係五年前 佢當時做緊文員仔,人工$12000 而我表哥佢係月光族,從不儲錢 因為佢話自己冇能力係香港置業, 只求及時行樂, 所以到27歲時 戶口仲係連6位數都冇。
之後我介紹左佢睇你的百萬富翁系列,佢由一開始拒絕睇(佢認為呢類書都係呃人) 到後來佢主動去買第2,3本你的書, 再聽你書中講的建議 去閱讀不同的書藉, 我睇到佢係有改變, 佢之後同我地講 唔想再咁落去, 既然有人可以做到 ,佢都要決心改變自己, 要效法你咁格奮鬥。
之後佢重考左大學,成功入到大學讀工程, 佢一邊讀書一邊搞啲小生意同投資 ,最後只用左4年時間 係畢業時儲到100萬,而家仲搵左份有前途的工作, 屋企人都感到好欣慰。
除左想同你講多謝, 仲想比你知道 你做既野其實幫左唔少人(特別係我地呢啲只受填鴨教育的90/00後後) 令我地明白財務知識的重要性。期待你分享更多正能量/財務知識比有需要的人!
龔成老師:
太好了!
我出書的其中一個目的,就是想幫翻個社會,我自己都是18歲,係圖書館免費睇書,得到好多知識,到今日,算是有少少能力,所以都希望幫翻人!
可以幫到你表哥改變實在太好!證明我的努力都有作用,大家加油!保持進步!繼續對不同人有正面影響!
------------------------------------------------
Q19163:
老師,你喺股票勝經中提到散戶十大錯誤之一:溝貨
其實同平均入市法,月供…等等有乜分別?
龔成老師:
最主要是「預設的金額」。
溝貨,就是無計劃去進行,例如最初只想買入$10萬就夠。
不過,買入$10萬後,股價下跌,所以再入另一個$10萬,再跌再入$10萬。
分注買入,就是將$10萬,分成多次,例如4次,每次$25000。
這是一個風險管理的問題。
月供,是從長期的財富角度,投入一定的比例落去,這都是一個預先設定的投資計劃。
------------------------------------------------
Q19164:
老師,這幾天有個機會比我作出你所說的建立「資產」的決定。
你點睇投資車位/電單車位?
我亦做了資料搜集,實地考察,而這抉擇佔了我8成總資產,所以糾結。求指點
龔成老師
車位是資產項,本質上,可投資,成為你長遠財富組合的一部分,因為佢長遠的價格及現金流都會向上。
但要留意,現價唔算平,我地其中一個衡量平貴的方法,就是睇佢租金回報率,至於現時回報率,唔算高,因此投資吸引力未算強。除非你找到一些租金回報率較高的車位,否則,未必是好投資,始終佔了你大部分財富,要小心D。
------------------------------------------------
Q19165:
老師 我有些問題想問 就是關於企業的內在價值與企業平貴,因為我在你寫的書時,了解到最好在股價低於企業的內在價值
但是究竟如何衡量所謂的‘平貴’ 與‘價值’之間的關係。
因為平貴同價值都係一啲空泛的概念。企業價值 我大概知道是由分析該企業的財務狀況、行業前景、賺錢能力等等因素來判定其價值。
但平貴是個相對且含糊的概念,是你的書中並沒有清楚交代如何知道企業嘅股價現時低於還是高於其價值。
謝謝龔sir, 好人一世有好報
只外,如果可以過澳門開班 我一定會報名的
龔成老師:
首先你要明白,企業價值與股價是不同的概念,股價就是平日見到的價格,而價值,就要我地自己計算出來,以企業角度,計出這企業值多少錢。
要計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
因為估值要配置最新的大環境分析,因此在書裡表述較難講,所以會集中在課堂裡講述。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
如果要深入計算,基本上要好仔細的研究企業,要分析好多財務數據用比率,先至有較完整的答案。
例如計出來的企業價值是$70-$100,現價是$120,現價就是貴。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班班」就得。我地有具體資料就會 whatsapp你。
因為現時已有好多澳門人留左位。
------------------------------------------------
Q19166:
龔sir,最近人仔升值,會否利好一些消費零售股,想問下莎莎前景如何,買入的策略又是如何
龔成老師:
莎莎(0178)不是無質素,但佢已經無過往年代般的賺錢能力,同時香港的零售市道有風險,都令這股近年的表現較一般。
這企業本身在行業有一定的地位,賺錢能力不差,但就會受經濟及零售市道影響,令股價較為波動。
人民幣升值的確會有少少利好,但要等疫情過去先見到。
另外,其實股票班我都有講這股的估值,在過往10年,自由行較為黃金年代過左,所以從估值上,無之前咁高。
佢在行業的優勢仍在,但整體行業及零售市道,無過往咁強,我地就要將估值略有調低。雖然長遠仍有質素,但這刻只能視為合理區,同時投資注碼不能太大注,亦要有耐心先有收成。
------------------------------------------------
Q19167:
龔sir,我媽已退休,63歲、佢從來冇買股票,最近突然問我話想拿20萬(佢30%現金)買哂煤氣話想收息
我因為有睇開你文章都大概知道煤氣價值、想慢慢分析佢知紅股、增長力、派息各樣野係咩一回事。
但佢好冇耐性唔想聽,我最後同佢講應該要分散投資買2800會好點。
可以痳煩老師用你既功力說服佢唔好一棍買哂某隻野嗎?
龔成老師:
煤氣(0003)有質素的,但任何股票,都會有不確定性,就算優質股,都會有平貴的時候,因此,我地要建立一個平衡的組合。
以收息股來說,煤氣都可以,但只能成為其中一個成員,因為佢的股息率大約是3%,其實未算好高,應該加入其他收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
至於紅股,其實是左右手數的遊戲,例如10送1,假設股價為$11,當佢送完股後,就會調整10%,大約為$10,所以根本無著數。另外,佢已經減左紅股,最近變成了20送1。
------------------------------------------------
Q19168:
龔Sir,你好!我現在投資覺得好迷茫,唔知自己做的決定是否正確,希望龔Sir可俾到寶貴意見!
首先我會講下我現在和之前狀況,希望唔好介意。
我今年35歲已結婚太太香港人有個小朋友香港出世今年4歲了,我是馬拉西亞新移民
2017年bb出世後先決定裸移民,當時我和太太總現金約35萬港幣,馬來西亞有固定26萬馬幣現金放定期
(每年利息當家用俾屋企人)大馬有1份儲蓄基金,年供6000馬幣供8年,15年後拿回7.5萬馬幣(現時已供完)43歲先可拿。
由於2017年至2019年期間發生的事情導致我和太太總現金+投資極速下降至21萬,
(當中冇任何虧損投資)我開始有危機感,2020年1月開始自定儲蓄投資理財
我投資如下:匯豐買入價57.15=2000股 約11.5萬(當初想長期收息)
中國人壽年供基金每年3.6萬 供5年
現金=6萬
兩人每月平均收入3.3萬計劃月儲1萬-1.2萬
由於今年疫情導致收入下降唯有將儲蓄目標降低至8k-1萬
現在預計2020年12月總資產有
匯豐=57.15=2000股
電能=41.15=1000股
中國人壽年供=$36000
6820=2.2=3萬股
現金=13.7萬
現時投資2,3線股,賺到錢就買入高息股 保持有5-10萬現金防身錢。
目標在我55歲前能夠儲夠500萬+每年有5-7%回報可以和太太返馬來西亞退休!
我這一刻在糾結是否要繼續買入高息股,見到匯豐股價大跌而又停止派息,依家我開始轉買入電能
我所有投資經驗和資訊都是在網上提供,每天肯花1-2小時睇財經新聞!
希望龔Sir能俾到寶貴意見我!
最後想問我應該適合睇龔Sir邊幾本書?
無論點我真的要 講聲謝謝你,俾機會講出我自己的想法。
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
所以,你而一刻著力點唔應該係"收息股"﹐而應該放係有增長力的股票身上。用佢地去幫助你累積財富,當到一個水平,才轉回收息股去過退休生活。
匯控(0005)和電能(0006)都係收息股,現階段不宜持有太多,可沽出部份換碼至其他增長股上。
FRIENDTIMES(6820)係是中國的手機遊戲開發商、發行商及營運商,專注於女性玩家的手機遊戲。
除發行自主開發的遊戲外,佢亦通過第三方分銷平台發行及營運第三方開發的遊戲,以及授權第三方發行商於海外市場發行及營運集團的遊戲。
見佢增長快速,佢這類公司的風險高,加上上市不久,根本不知佢的真實情況。因此,這股業務有發展,但同樣有風險。此股暫時只宜小注,建議沽出小部份去平衡個風險。
中國人壽儲蓄基金方面,你都要了解翻佢質素和升值能力。你可以用盈富(2800)作比較,佢年平均增長約8%至10%(連股息再投資),去決定維持這基金,還是轉投至其他優質股。
現時,你可先用每月5成儲到的錢做月供,其餘先儲起,用一邊月供一邊儲蓄的策略。
選股上,你可以投資在平穏增長股︰盈富(2800)、銀娛(0027)、恆基(0012)、中銀(2388)、港鐵(0066)、煤氣(0003)、長建(1038)、港交所(0388)、長建(1038)、粵海(0270)、領展(0823)、或潛力股︰中生(1177)、福壽園(1448)、華夏恒生科技(3088)、阿里(9988)、騰訊(0700)。
現時大市只是合理區,你現有13.7萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
以恆指過去年平均回報10%計(連股息再投資),我單以你每月投資$10000去計,20年後大約會增值至680萬,故這樣安排相信很大機會達至你的財務目標。
書本上,你可以先睇我寫架"80後百萬富翁"、"財務自由行"和"股票勝經"。
------------------------------------------------
Q19169:
謝謝龔sir 的書 雖然只看到一百多頁《財務自由行》 但獲益良多 很多只知道應該是咁使而不知原因的東西 你寫得很清楚明白
比如人人說負債是資產 但沒人說為什麼跟如何做到 真心你的書給我清晰方法 比很多專家給出幾組數字 你的書給清晰指導出正確方向 這個是我佩服你的地方 真心謝謝!
其實看到這 突然覺得開發層壓式推消的人很強 他是將主人跟平民的關係放在一個小型公司實行
由下層去供養上位者 我也終於明你一開首說為什麼喜歡借錢給別人
龔成老師:
太好了!有好多重要知識,學校都無教,所以我地要自己主動學習。
至於「層壓式推銷」,其實這是一個好強的資產項,只是有些模式太過進逼,甚至會有法律上的問題。所以,我地要學習這些運作,套用在其他事情上,例如正當的團隊銷售。
保持進步!加油!
------------------------------------------------
Q19170:
老師,我對股票全無認識,但有聽YouTube 你分享,盈富基金係好嘅選擇。
呢幾個月有番固定嘅工作但收入比以前少左只有14500出現金不用mpf,但用6000供人壽基金儲蓄及5000家用
車費不出10元,公司包3餐,仲單身平均仲可迫自己储多1500~2000左右,可否見議某些投資較好
thz
龔成老師:
人壽基金儲蓄不是不好,但這是較為防守性的工具,風險較低,回報都較低,因此,其實不用供太多,足夠就得。
餘下資金應該用於增值。
你現時可以儲下現金先,到現金足夠,可以月供盈富(2800),這是最適合的選擇。
如果想進D,可月供安碩恆生科技ETF(3067)。不過現價唔平,不能大注,要慢慢月供。
------------------------------------------------
Q19171:
龔sir你好
我上年買左居屋$300萬(未補地價),380尺,而家月供$11xxx,供25年。
我想10年內買層大d既樓,希望有3房,唔知得唔得...?
我月入$43000,先生收入$28000,供樓及水電方面先生負責,我就負責工人費用,家庭及保險開支,另外再比家用我父母,常規開支合共$18000左右。
如果我每月儲$10000,投資$10000,可以做到以上目標嗎?我34歲,先生35歲。有一3歲女兒,準備生多個小朋友。
目前持有:
012 1000股 $30.4入
9988 100股 $250.6入
1928 400股 $30.6入
1123 2000股 $11.45入
1183 4000股 $1.81入
823 191股 平均$61.4入,月供$2000
1810 63股 平均$23.5入,月供$1000
6823 500股 平均$10.89,月供$1000(供夠1手會轉供第二隻)
另外,我有一份已供5年既儲蓄保,已供完,本金USD$13254,打算退休時取用(66歲時可有保證連非保證回報共USD$80000)
龔成老師:
你現時儲蓄+投資金額,一年約有$24萬,假設你全部會投資,得到的回報率為10%一年。最終滾存數目為$380萬,你可以自己衡量,這個數目的現金,是否足夠到時你地買目標物業。
上述假設投入$20000每月,即是你現時每月保持投資$10000,另外,要好好利用剩下$10000的現金,在適當時期投資,才可以把握到機會。
我相信只要你有少少選股能力,可基本投資知識,當大跌市可把握到機會,你不能爭取到10%以上的回報率。
至於現時的持股,基本上都有質素的,中港照相(1123)質素則較一般。
另外,你之後應該以「10%」為投資目標,因此應該投資平穩增長類股為核心。
------------------------------------------------
Q19172:
龔sir 想問下你會唔會睇恆生指數? 其實呢個指數係咪只係講係指數入面既股份升跌? 因為之前有見過佢下跌但物管股反而上升,(果時係大炒物管股)。
但睇反恆生指數入面既股票,唔係全部都有投資價值,有d入左恆指之後業務差左,但又無被取消恆指名單,令一d投資者覺得買恆指入面既股票一定無死。
之前睇你本年報勝經講到,要分析番前5年既年報,咁每半年或者每季既報告你會唔會睇? 真係會有年報報喜又報憂?
最近既科網股好似唔係好穩定,阿里,京東,網易,好似京東比較好,阿里股價會跌我明白,因為螞蟻既原因,但我唔太明網易最近點解跌左咁多,佢出左既業績都唔錯,股價反而下跌?
831利亞,我之前入左一手,睇番佢今日出左既股東大會通知見到,佢賣左ok店收到29億,之後排息都排左差唔多29億。即是佢將賣左既收益全部比股東? 加上佢排息後會除淨,現價$4.5減去股息$3.85咁佢除淨之後就會變左亳子股?
佢將賺錢既業績賣左,但又唔留d現金再發展,咁算唔算變相縮水? 我應唔應該係佢除淨之前賣左佢? 睇完股東大會之後我自己覺得唔應該繼續持有,想問下你意見。
我依家買左車股之後都唔會點睇,會發掘下仲有無其他股可以投資,睇緊9633 農夫山泉。
龔成老師:
恆生指數會睇的,而恆指只是由裡面的52隻股票組成,不過,當中的股票已經佔全香港上市公司市值的一半以上,因此,都有參考價值的。
我地分析企業,會以「長期價值」角度作分析,因此,會睇5年的年報,至於最新的半年業績、季度業績,都會睇,但最重要是以「長期角度」作分析點。
企業有可能會報喜不報憂,所以要睇多幾年,就可以有更立體的情況。
至於網股,因為中國會加強監管,自然影響賺錢能力,不過,你唔好太著重中短期分析,要睇長期。
利亞零售(0831)出售香港「OK便利店」業務,作價27﹒9億元現金,交易完成後,擬向股東派發特
別現金股息每股3﹒85元。利亞零售預期出售收益約29億元。
利亞零售表示,便利店業務主要以密集運營模式服務香港市場,並且由於其覆蓋之產品種類繁多,因此涉及相對龐大的物流營運設置以及供應鏈基礎設施。
另一方面,剩餘集團的品牌(聖安娜、Mon cher和Zoff),其實都適合利用互聯網及線上平台,對中等收入客戶群更具吸引力,並且更少依賴物流設置以及供應鏈基礎設施。
但始終賣左資產後,發展只是一般,同埋之後好睇佢資金的運用情況,現價合理區中上部,投資價值只是中等。
要留意,唔好只貪佢特別息,派息後股價會除淨,自然下跌翻,而特別息只有一次,之後唔會有的。所以,佢的確有機會變成毫子股。
農夫山泉(9633)有質素的。
是中國包裝飲用水及飲料的龍頭企業,旗下品牌包括農夫山泉、東方樹葉、尖叫等。佢係中國擁有10個區域取水許可證,並在其周邊建立生產基地。
其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告,2012年至2019年間,連續八年保持中國包裝飲用水市場佔有率第一的領導地位。
業務上,的確有吸引力的,不過,我一向都新股半新股都無興趣,因為真實面要慢慢先見到。此股可投資,但只建議小注,同時你要明白當中的風險。
由於有一定的品牌價值,因此企業質素與發展正面,財務數據不差,生意與盈利都有理想增長,不過上市不久,股價較波動,同時上市前數據可能執靚過,因此要注意風險度。
最好等回少少先投資,這股適合長線的。
------------------------------------------------
Q19173:
成哥。我睇返對話原來都留意左你5年,多謝你推介隻比亞迪。
龔成老師:
係呀,我持有左佢12年,相信中間推介過好多次,就算多年前出的《80後2百萬富翁》都用好多內容講這股。
------------------------------------------------
Q19174:
我見到網上話如果特朗普玩嘢唔同拜登做交接,有繼續撩事鬥非喺度搗亂,所以美國可能金融市場動盪引發新一輪危機,預測子月有大事,唔止天災可能全球經濟崩潰,我咁多貨怕唔怕。
現時持有700、1211、1810、9618、3690,但都是高位入的。而家已無錢再溝貨了。
龔成老師:
第一,你唔好太信網上的分析,你應該多從「企業長期面睇」
第二,你唔好太集中短期分析,無意思。
第三,唔好太著重中短期的賺蝕數。
第四,你現時無現金是有問題的,這刻市況應該持有3-5成現金。
第五,你唔好成日打算溝貨,加注要有策略,睇自己現金,睇股價平貴。
其實你持有的股票,都有質素的,選股無問題,只是買入價全部都貴!
這些價位,只能小小注,又或月供,你這刻守住先,如果持貨太多,上翻去要減。
暫時可以長線的。
------------------------------------------------
Q19175:
你好 成兄,本人今年28歲 由上半年開始價值投資 開始搵左一d低股值既優質股買入 其中買入左303 已有40%升幅
因為想再調整好d個組合 所以想將303賣出換馬 其中睇中868 1666 1833
1. 想問下以上3隻既便宜區大概係幾多
2.另外 手上有939既股票 計埋收息 暫時無輸無贏 想請教成哥 我應該都將939換馬嗎?
龔成老師:
偉易達(0303)作為收息股,可以,但增長力就不算強。
雖然近年的股價較一般,但本質都未算差,但就唔叫好強。
佢過往派息比率高達9成,成立於70年代,業務是電子產品,這麼高的派息,反映管理層明白這公司已過了最高增長的年代,之後只會是平穩增長。
公司已不需要每年投資發展,反而管理層、大股東,偏向想收息,因此這是重派息多過重發展的公司。
雖然佢係某些業務做得不錯,但發展心不強,同時大環境並不是高速增長,故相信佢之後都會平穩。近年這公司的生意,都是平穩增長,如果比較幾年前的盈利,都是差不多。
如果你目標係收息為主,此股可持有。
但如果你想組合增長力加強,可以轉其他。
1)同仁堂科技(1666)雖然都有質素,但增長力比過往有少少減。
信義玻璃(0868)有質素,有增長力。
這股在《50優質潛力股》中,一直是其中一隻潛力股,無論在2016年版,還是最新的版本。可見,這股有長線投資的價值,這類股有貨可一直持有。
當然,近年股價上升了不少,股價是唯一的風險,業務則仍是長期睇好,市場長遠發展正面。
現價大約在合理區頂,如投資,這刻唔建議大注。
平安好醫生(1833)長遠有發展力。
佢係中國領先的一站式醫療健康系統平台,透過「移動醫療+AI」,為每個家庭提供一位家庭醫生,為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者,以平均月活躍客戶,以及在線諮詢量計,是中國最大規模的互聯網醫療健康平台。
企業的業務有潛力,本身有優勢,大環境的配合,都成了這企業的機遇,前景正面,不過財務數據未算好理想。
雖然長遠的企業價值向上,但股價在中短期,可以十分波動,因為市場以「前景」作估值,故此變化必然很大。好難得出平貴的準確數,只能估估下,作參考。
因此,低風險者未必適合投資,若投資者考慮這股,亦不能大注投資,買入後就耐心長線持有,等待這企業改變整個行業的情況,初步分析,$100以上是貴的價位,$100以下開始為合理區頂。
2)不要理會賺蝕數。
如果你想組合有較強的增長,就轉其他。
------------------------------------------------
Q19176:
你好 想向你請教平時睇書 嘅方法 小弟驚自己睇太多書但係學唔到入面啲嘢 或者好快睇完又唔記得, 我明白睇完之後要盡量去實踐
但係唔係每一樣嘢都可以立刻/每分每秒 實踐到? 想請問你平時睇書之後有冇話會點樣整notes定係點樣可以有條理咁做整理
尤其是還在初學階時
龔成老師:
我會用筆劃書的,部分會有另一本策記炒低,久不久重溫重點。
同時,你可以將書本分類,將筆記分類,這都是好重要的。
例如致富、成功、投資、股票、物業、管理、溝通等,這是大類。
而股票又分選股、估值、投資策略、價值投資、投資心理等,你多分類就得。
------------------------------------------------
Q19177:
龔成老師您好,我現時是學生,暫儲了三萬左右的本金,月頭買入$8000恆生股債混合基金,希望長期持有,其餘資金想購入0371北控水務集團收息可以嗎?
另外想請教03718北控城市資源有發展潛力嗎?
我亦有考慮過月供2800,但因近期收入不穩定,每月平均只有$3000左右,老師您認為我可以嘗試月供,還是等低價購入?感謝!
龔成老師:
這類基金都可長線的,你持有就得。
至於北控水務集團(0371)有質素的,不過增長力就不算強。
反而北控城市資源(3718),質素與增長力更高。
佢主要在中國從事環境衛生服務;危險廢物處理業務;以及廢棄電器及電子產品處理業務。
環境衛生服務方面,佢的服務涵蓋綜合道路清潔、垃圾分類、垃圾收運、垃圾轉運站管理、公廁管理、糞便收運、綠道養護、河道保潔服務。
同時自2019年起開始,佢有係北京的若干商住區域提供物業管理服務。
過往財務數據不差,有一定的增長力,有長線投資價值。但都要注意,這股近期上升了不少,要注意股價風險,現價算是合理區頂。
從累積財富及平衡風險的角度,月供盈富(2800)$3000對你較有利。但如果你想取多D經驗及想進取D,就儲現金等機會投資。
------------------------------------------------
Q19178:
今年10月啱啱20歲,英國swansea大學Y1
- 早兩年18歲開始就有睇股票但係最後去左炒外匯因為可以有500倍leverege唔駛太大本金, 一開始賺左20萬,之後試過兩次13萬,但係到而加輸左接近1球,想盡快收復失地
- 有冇可能30歲金做到financial freedom
- 而加現金有5萬
而加其實應該要點做?
龔成老師:
首先,唔好再做這類槓杆投資行為,我過往從事過孖展投資經紀,見證大量客戶投資成績,他們大部分的結果只有一個,就是輸錢!
第一,你要大量學習正確的投資知識,你可以睇(股票勝經》,第二,你心態上唔好太急想「追翻輸的數」,要理性投資,令財富穩步累積。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你利用10年時間,集中「增值」,只要努力儲蓄、投資,要做到財務自由都有可能的。
------------------------------------------------
Q19179:
阿sir, 自從看到你的書,見你點一步一步完成目標。我都向你學習,由嘗試小目標開始,不斷完成目標,到現在越試越大目標,覺得生活很有成功感。感覺人生充滿希望。
阿sir, 希望你可以繼續努力,我都會幫多些人。
龔成老師:
太好了!
我相信我地可以做到的事,比預期可以更多!
要相信自己,定大目標,加油!
------------------------------------------------
Q19180:
您好龔成,請問一間上市公司,發行可換股債券或非上市認股權證,這樣的行動會對股價有利定無利?謝謝
龔成老師:
要睇佢的目的,而及發行比邊個。
如果佢的目的是為公司發展,例如與發行給一些戰略性投資者,有利企業長遠的發展,這是有利。
但如果只是益自己人,而公司本身並無資金壓力,這當然對公司不利。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過31萬的網紅Spark Liang 张开亮,也在其Youtube影片中提到,BigPay vs Visa vs Mastercard vs 本地兑换商 哪一个是最低的兑换率?找出最低的兑换率还不够? 其实有一个更有效的组合可以让你的兑换过程发挥到最极致 今天的视频里,Spark不但比较了各种的兑换率 还教你怎样开始这个组合的秘诀! 信用卡申请链接▸https://star...
「馬幣換人民幣」的推薦目錄:
- 關於馬幣換人民幣 在 龔成 Facebook 的精選貼文
- 關於馬幣換人民幣 在 吃喝樂遊記 Facebook 的最佳解答
- 關於馬幣換人民幣 在 吃喝樂遊記 Facebook 的最佳貼文
- 關於馬幣換人民幣 在 Spark Liang 张开亮 Youtube 的精選貼文
- 關於馬幣換人民幣 在 TingLin婷 Youtube 的最佳貼文
- 關於馬幣換人民幣 在 60人民幣換馬幣在PTT/Dcard完整相關資訊 - 數位感 的評價
- 關於馬幣換人民幣 在 60人民幣換馬幣在PTT/Dcard完整相關資訊 - 數位感 的評價
- 關於馬幣換人民幣 在 呆呆馬幣↔️人民幣 - Facebook 的評價
- 關於馬幣換人民幣 在 微信领取不到马币红包?怎么办? [马来西亚已经拿不到人民币了 的評價
馬幣換人民幣 在 吃喝樂遊記 Facebook 的最佳解答
這次去韓國遊玩, 同樣也是預訂了[韓遊網]的kt wifi egg. 超便宜的, 一天只需要RM3.33(台幣25/港幣7 per day). 這個不是廣告文,我的版只是分享一切我自己旅遊的訊息. 沒有收取任何利益
來跟大家簡單的解說一下
~提供的wifi機是韓國電訊公司的KT-Egg,可以在仁川機場T1或是 T2領取。領取和返還地點可以不一樣。 舉個例子: 你可以在金浦機場和釜山金海機場領取wifi機,然後在仁川機場歸還
~wifi機可以在這三個韓國機場領取(仁川國際機場T1,T2, 釜山金海機場, 仁川金浦機場). 暫時濟州機場無法租借
~wifi機沒有限制任何流量(unlimited usage)
~領取wifi機的時候,需要出示訂單+護照+信用卡 (韓遊網說會收取押金, 但是現場kt 員工只是刷我的信用卡認證是可以使用的,實際上沒有刷任何押金)
~網站是出示人民幣租借價格(可以把貨幣轉換成港幣/台幣/美金/新幣/馬幣)
~wifi機沒有遇上當機或是收線不好的狀況
~wifi開機狀態, 大概可以維持6-7個小時左右。之後就要用充電寶charging
~可以3-5個人共享wifi機
如果有興趣租借, 可以自行去[韓遊網]網站查詢wifi機詳情。http://m.hanyouwang.com
馬幣換人民幣 在 吃喝樂遊記 Facebook 的最佳貼文
這個絕對不是詐騙文, 也不是業配文。本人沒收取任何利益。純粹是分享, 其實我也怕說了出來以後會不會漲價租借不到這麼便宜的wifi機🤣
其實是在韓國群組看到有版友分享租借過韓遊網的wifi機, 然後發現價格超級便宜的,當時上網付費租借之後,還有點不相信為何這麼便宜🤣😂。
我租13天, 才花了馬幣RM40.42(台幣304.55/港幣75.61), 也就是說平均RM3.11 per day!!!!! 真的真的很便宜啊😍😍😍
抱歉我忘了拍wifi機的照片, 所以我只能提供自己的訂單訊息分享給大家😓。
來跟大家簡單的解說一下
~提供的wifi機是KT-Egg,可以在仁川機場T1 或是 T2領取。領取和返還地點都一樣。也可以在金浦機場和釜山金海機場領取wifi機
~wifi機沒有限制任何流量(unlimited usage)
~領取wifi機的時候,需要出示訂單+護照+信用卡 (信用卡是用來記錄在案, 當時沒有刷押金)
~網站是出示人民幣租借價格(可以把貨幣轉換成港幣/台幣/美金/新幣/馬幣)
~wifi機沒有遇上當機或是收線不好的狀況
~wifi開機狀態, 大概可以維持6-7個小時左右。之後就要用充電寶charging
如果有興趣租借, 可以自行google關鍵字:韓遊網 wifi
馬幣換人民幣 在 Spark Liang 张开亮 Youtube 的精選貼文
BigPay vs Visa vs Mastercard vs 本地兑换商
哪一个是最低的兑换率?找出最低的兑换率还不够?
其实有一个更有效的组合可以让你的兑换过程发挥到最极致
今天的视频里,Spark不但比较了各种的兑换率
还教你怎样开始这个组合的秘诀!
信用卡申请链接▸https://starter.finspark.com/creditcard/
BigPay referral code▸JOOCAUOY2G
.
獲取我的獨家理財貼士
http://bit.ly/get-spark-financial-tips
.
【免費】股票投資工作坊 - 從0開始學股票
http://bit.ly/join-free-webinar-now
.
🔥點擊連結瞭解更多詳情或購買🔥
https://valueinmind.co/zh/sparks/
.
【汇率的计算】
Visa▸http://bit.ly/2GtlgJE
Mastercard▸http://bit.ly/MastercardCal
【🔎更多相关影片】
✔️8大价值投资的方法【投资大师理念系列】
https://youtu.be/va8BHZdTZKM
✔️查理蒙格的4大投资理念【投资大师理念系列】
https://youtu.be/d3EUfc24b_o
✔️投机也能赚钱?科斯托兰尼教你投资4大秘诀【投资大师理念系列】
https://youtu.be/HwrX-QIebz4
【🙋♂关注我们,以获取更多理财知识💰】
理财嘛嘛档FB▸ http://bit.ly/2FFn1TQ
理财嘛嘛档YouTube▸ http://bit.ly/2U9c1s3
Spark的FB▸ https://www.fb.com/sparkliang/
Spark的YouTube▸ http://bit.ly/sparkliang-youtube
美股交易交流区▸ http://bit.ly/finspark-foreign-stocks
Icon credit to : https://www.flaticon.com/
#兑换率 #BigPay #匯率計算
![post-title](https://i.ytimg.com/vi/d996RksPVyE/hqdefault.jpg)
馬幣換人民幣 在 TingLin婷 Youtube 的最佳貼文
#精華版 #曼谷 #廉航機場指南 #換錢攻略 #拉差達火車夜市 #必吃 #必喝
Ting IG 👉🏻 https://instagram.com/etinglin?igshid=yybzzbyb9336
理恩IG 👉🏻 https://instagram.com/leanhu?igshid=rawj81vripxj
*記得點選高清畫質看
喜歡我的影片歡迎訂閱我的頻道 (記得按下小鈴鐺) 及分享我的影片
Superrich 捷運分行資訊:
* 暹羅廣場站/BTS Siam Square
* 在靠近三號出口往四號出口的地方營業時間:11:00 am ~ 8:00 pm(每天)電話:02-658-3972
* 奇隆站/BTS Chit Lom
* 在空鐵站一號出口外面(要出站)。營業時間:10:00 am ~ 8:00 pm(每天)電話:02-655-2400
* 娜娜站/BTS Nana
* 在空鐵站裡面。營業時間:10:00 am ~ 8:00 pm(每天)電話:02-655-2488
* 阿索克站/BTS Asok
* 在 Asok 空鐵站一號出口外面(要出站)。營業時間:10:00 am ~ 8:00 pm(每天)電話:02-651-2535
* 阿奴站/BTS On-Nut
* 在空鐵站一號出口外面(要出站)。營業時間:10:00 am ~ 8:00 pm(每天)電話:02-715-9820
* 蒙奇站/BTS Mo Chit
* 營業時間:11:00 am ~ 8:00 pm(每天)電話:02-617-5700
* Viphavadi 22 橘色(靠近 Mo Chit 站/恰圖恰週末市集附近)
* 地址:18-34 Soi Thonglor Chom Phon Road, Chatuchak, Bangkok 10900.營業時間:9:00 am ~ 6:00 pm(週一到週六, 週日不營業)電話:02-513-8127
* Vibhavadi 22 綠色(靠近 Mo Chit 站/恰圖恰週末市集附近)
* 地址 18/4 Vibhavadi 22 Vibhavadi - Rangsit Rd. Chompon Chatuchak Bangkok 10900營業時間:10:00 - 17:00(週一 - 週五, 週日不營業)10:00 - 16:00(週六 & 國定假日)
*總行在BTS Chit Lom(奇隆)站、Central World對面巷子內
營業時間:週一~週五9:00~18:00;週日、假日9:00~16:00
*注意事項:
✅換匯一定要記得帶護照。
✅留意換匯的面額:
* 台幣要以 1000, 500, 100 三種面額來兌換。
* 美金則以 100 美金的面額來兌換。
* 人民幣是 100, 50 元面額匯率最好。
* 港幣都一樣沒差。
* 馬幣(馬來西亞)則是100, 50 匯率最好。
✅泰國曼谷自由行 part.2 必去!必吃!必體驗!暹羅廣場.霓虹夜市.牛仔街 soi cowboy https://youtu.be/JuN7YIlUOUw
✅泰國曼谷自由行 part.3 鄭王廟 泰國傳統服飾 必穿! 席娜卡琳火車夜市 必去! https://youtu.be/Kwwn9e2KHDU
祝大家旅途愉快!
本人其他:
IG : etinglin
FB :Tingmakeup
Weibo : TingLin婷
小紅書 : TingLin婷
合作聯絡信箱 : fishoooo55@yahoo.com.tw
IG : etinglin 小盒子
![post-title](https://i.ytimg.com/vi/hvQ1tgXEL4Q/hqdefault.jpg)
馬幣換人民幣 在 60人民幣換馬幣在PTT/Dcard完整相關資訊 - 數位感 的推薦與評價
匯率查詢網站.60 人民币¥ (CNY)兑换RM (MYR)今天实际汇率是多少使用Ex-Rate货币转换器计算60 CNY兑换MYR (马来西亚林吉特)实时汇率。 在线计算¥对RM汇率。 國泰世華銀行幣 ... ... <看更多>
馬幣換人民幣 在 呆呆馬幣↔️人民幣 - Facebook 的推薦與評價
人民幣 馬幣轉換#絕對誠信#認真交易Bukit Rahman Putra. ... <看更多>
馬幣換人民幣 在 60人民幣換馬幣在PTT/Dcard完整相關資訊 - 數位感 的推薦與評價
匯率查詢網站.60 人民币¥ (CNY)兑换RM (MYR)今天实际汇率是多少使用Ex-Rate货币转换器计算60 CNY兑换MYR (马来西亚林吉特)实时汇率。 在线计算¥对RM汇率。 國泰世華銀行幣 ... ... <看更多>