科網巨企待落實反壟斷法政策再作部署
12月15日，多雲，早上天氣相當清涼，下午部份時間天色明朗及乾燥，未來幾日維持相當清涼氣溫，大家要注意保暖。隔晚美股個別發展，道指跟標指先升後跌，只有納指最終仍保持上升。雖然疫苖已運抵美國各州，但喺疫情嚴峻下，美國實施更多社交限制措施，投資者擔心將影響經濟復甦步伐，抵銷咗當地開始接種疫苗嘅樂觀情緒。不過聯儲局將於今明兩晚召開2020年最後一次議息會議，市場關注議息結果及經濟刺激方案進度。
內地日前召開會議研究2021年經濟工作，會中首提「反壟斷」及防止資本無序擴張，並將其列為明年經濟重點。有分析指，呢個會議帶畀市場嘅訊息係明顯要打擊互聯網巨頭，未來互聯網巨頭將受到更多限制與規範，拖累近日已見疲態嘅科網巨企噚日進一步受壓。除咗中國官方打壓科網巨企意圖相當明顯之外，美國亦喺上周向社交平台龍頭Facebook發起兩項反壟斷訴訟，要求Facebook拆售早年收購嘅Instagram及WhatsApp。另外，拜登入主白宮後，為應付民主黨內激進派，或要實行高福利主義，上台後或加稅及推出更多救濟措施，定必向近年賺大錢嘅科網巨企開刀。
無論中國或美國，可預期未來向科網巨企實施更多規範，即使未必會對呢批巨企造成重大傷害，但將會大大限制其未來發展空間，呢批股份能否仍維持超高估值，實在值得商榷。尤其喺疫情之下，消費習慣改變，網購對實體經濟嘅零售業具致命性打擊，而零售業一向提供大量就業機會，限制網購可以略為紓緩零售業窘境，緩解內地就業壓力。所以近日內地有地方出現禁止科企網上團購活動，以超低價爭生意，以保障小商戶飯碗。
喺可見將來，中外科企即將迎來一輪重估潮，近日騰訊控股(00700) 股價及相關新聞 、阿里巴巴(09988) 股價及相關新聞 、美團(03690) 股價及相關新聞 及京東(009618)股價受壓，正正係反映投資者擔心呢類科網巨企估值空間將大打折扣。過往每當JATMX股價急跌都係撈貨好機會，但喺政策風險影響下，暫時只有小米(01810) 股價及相關新聞 避過一劫，即係呢段時間相關股份偏軟下跌，亦未必係撈貨好機會。又或者跌勢太急，股價出現相當吸引水平值得撈貨，亦傾向短炒見好要收。
不過長遠嚟講，喺經濟結構轉變下，四大科網巨企，即ATMJ阿里、騰訊、美團及京東，已連接個人生活，其平台提供嘅商機亦不能抹殺，未來中國經濟發展某程度上仍依賴平台經濟。或者喺國策定咗落嚟，相關法例訂立下，平台經濟有望得到更健康發展。投資者或者等反壟斷法政策出台，落實規管有更清晰指示下，再作部署，暫時都係先忍忍手，聖誕節長假前都係少做少錯。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
騰訊會議登入 在 騰訊會議教學(一) 登入、建立會議室、複製連結分享 - YouTube 的推薦與評價
1、如何登入騰訊會議2、建立會議室3、複製連結並上傳至Line群組. ... <看更多>