【人大選舉演義之一：飯民大台一盤散沙 潛伏內鬼乘勢騎劫】
以下落黎，想同大家講下一件超技術、超複雜、亦無乜人關心，但充份反映出黃屍飯民大台機制有幾荒謬嘅事件：人大選舉名單之亂，大家無聊又有時間的話可以睇下：
話說聽朝早人大選舉就會舉行，基本上大家都呢個銜頭除咗有個別特權，就只會係橡皮圖章，本來就唔應該理，問題係係因為民主300+選贏咗幾百個選委，而呢班選委入面又有大半登記咗成為人大選舉嘅候選人，於是就掀起咗一場究竟點樣善用呢堆飯民人大選票嘅爭論
正常要響一場選舉形成一股力量，最基本就係搞一張推薦名單，約束所有成員跟名單投，咁樣你就可以揸住呢幾百票去派代表選又好、造王又好、同人Bargain乜都好甚至集體杯葛選舉都好，大前提只要大家團結一致就係一股力量，但問題出現勒：
首先，民主300+本身響曾俊華大敗之後其實已一盤散沙，好多選委連人大選民都無登記，力量早已經潰不成軍；其次，參加人大選委嘅飯民代表寥寥可數，除咗尻鳴團同楊繼娼呢啲騎呢怪被DQ外，就連最有代表性嘅郭家麒，都因為拒絕簽選舉同意書而被取消資格，結果所謂剩番嘅「泛民代表」就只番兩個人：一個係宗教界嘅亨利，另一個係高教界嘅王凱峰。
亨利基本上無咩值得講，但成件事有趣就在於王凱峰呢個人上面。呢位雖然前港大教授、現任浸大教授之前因為楊丹案告密被港大開除而聲名鵲起，其後亦積極加入各大學工會，所以挾此名聲銜頭成為民主300+推薦名單「高教界民主行動」成員之一；問題係雖然佢被飯民大台推薦，但佢本身卻係積極反佔中人士，當日我已向「高教界民主行動」提出質疑，但佢地係完全零反應。
到今日人大選舉，呢位假黃屍，真藍屍嘅建制派終於露出狐狸尾巴，先大讚林鄭加大高教界研究撥款而聲稱自己「願與林鄭同行」；然後又以人大選民身份提名譚志源；建制派立場已表露無遺，而最搞笑嘅係，呢位王凱峰教授即使係咁，仍然係「高教界民主行動」成員、民主300+成員，而佢仲要之後正式宣佈參選人大！然後飯民大台仲敢話所有挑戰佢地位嘅人係鬼係收共產黨錢，佢地自己招攬成員加入本身就極度兒嬉……
呢位王凱峰其實就係睇準飯民大台易入難走，基於飯民左膠「家和萬事興」嘅價值觀，只要入咗民主300+，之後就算做嘢幾無賴都唔會被趕走，你睇馮煒光去到最後一刻先比民主黨革止、羅致光竟然加入建制都可以響民主黨「停薪留職」就可以得知；而佢嘅如意算盤就係，一方面話自己係飯民「唯二」候選人，另一方面又透過提名譚志源同中聯辦利益交換，一次過食哂兩家茶禮，一個唔覺意比佢選倒人大，就成為佢投共第一步。
但係民主300+啲人又唔係蠢得哂。響上星期六，民主300+召開會議商討投票策略，其中一樣想做嘅就係制訂一份推薦名單，而基於會上唔少人都已發覺王凱峰有投共之心，所以最後作為民主300+、高教界民主行動成員嘅佢，竟然被篩走於泛民推薦名單之外！不過呢個王凱峰有咁大野心兼食飯民建制兩家茶禮，又點會無後著呢……原來佢一早已搵咗前民主黨主席、飯民大老何俊仁背書，展開絕地反擊戰！
究竟何俊仁有幾無恥、王凱峰點樣利用飯民大台機制大反擊；究竟人大機制有幾荒謬、荒謬到竟然迫到你唔食屎唔得，請看下回分解～
#人大選舉演義
高教界民主行動 在 #高教界民主行動 - अन्वेषण गर्नुहोस् | Facebook 的推薦與評價
今日（11月6日）29名學者及大學教職員宣布組織「高教界民主行動」，競逐高等教育界特首選委，成員包括「佔中三子」的香港大學法律學院副教授戴耀廷、中文大學社會學系 ... ... <看更多>