<對 高登開放SMS註冊用戶 一事有感>
其實都係呢一年先返返高登。
當年走都唔記得點解,只係記得果陣時有好多小圈子,
攪到上高登日日都成堆小圈子POST攪到無哂癮。
呢一年返高登,重新認識下依家既風氣。
愈黎愈多傻的嗎當有趣
又多5毛同埋打手
最嚴重既係愈黎愈多5P 狗公黎搵食
不過有供先有求,同時都有堆MK妹係到成日曲線自貼收兵
講故台就更加唔洗講,琴日睇到個POST話愈黎愈多人跟風呢個實在不能同意更多。
其他台就唔清楚,真係少去,不過我有朋友去開體育台既,都話多左好多打手
WHATEVER啦,我今日想講既係高登用戶整體年齡同埋質素真係同時下降
唔係扮老屎忽,但係假假地都07小隊(當然有更多老前輩啦)
其他之前已經開放過用普通E-MAIL註冊, 方丈母親都比人跟機跟到2046阿努亞圖
但係一而再,再而三,今日夠膽死開埋SMS註冊。
真係想點?
你依家用香港政府放寬自由行同埋新移民有咩分別?
雖然我知道近一兩年高登線上人數真係跌得好勁
但係你依家咁做又有咩用?
你覺得真係救到高登?
高登其實唔係只係一個論壇咁簡單
其實高登係一種精神。
曾幾何時,見到高登巴絲夾錢登報 平反64,咩每日賣過百份,又好齊心起左好多仆街底,真係大快人心外加以高登為榮
當然唔係講為圍威喂果堆小學雞約埋一齊遊行之後去麥當勞吵吵鬧鬧果班啦
(知道咩事既人自然會明)
但係近年愈黎愈多小學雞,開口埋口都掛住高登係口邊
真係會威D? 你當高登係堂口名?
另外好多小學雞真係當上左高登一派就看透世事,
成日覺得自己高人一等
唔係囉唔好意思
之前引入既小學雞都算
但係依家咁樣,SMS註冊,一定會更加多類似既人入黎
高登雖然一直比人話5P化
但係我成日都覺得未死得哂
因為始終有人會叫班人返5P
搵食行遠D之類
但我見今日高登,愈黎愈多人 會開以下POST
"介入人地男女朋友無問題,介入到係本身對情侶有問題"
"女USER自貼胸/腳/求其邊到都好啦 ,就唔知點點點"
"入黎貼下自己對腳啦,之後勁多女USER扮哂好唔自願,曲線自貼"
"女USER開POST,我同男朋友唔開心,之後成班狗公PM問人拎電話"
"WECHAT 引狗公,但係明明係班小學雞扮人妖引人講三級野之後話人狗公"
"咩你上過幾多條女/之前EX有幾淫/咩食過幾多條女 又係成堆狗公係到搵食"
"咩90後WHATSAPP GROUP,有巴又有絲"
好心你班HIHI啦
有咩咪係高登討論囉,又要扮討論但係又明刀明槍拎哂電話咁
我諗真係過多兩三日,高登就會比我上面講果堆POST充斥哂
方丈,求下你啦,唔好再攪到高登呢個名愈黎愈差啦好嗎?
高登體育台 在 高登討論區HKGolden 在Facebook 上。如要連結高登討論區 ... 的推薦與評價
【體育台】(有相) 點解咁多男人係旺角排隊上樓買球拍？ by 職業敗家仔樓上的球拍特別好http://m3.hkgolden.com/view.aspx?message=6671172 ______ 【高登 ... ... <看更多>