【拘捕抹窗清潔工？ 】
今日尖沙咀發生一宗飛窗落街砸死女遊客的意外，警方以「容許物件由高空墮下」罪名拘捕咗抹窗的清潔工。
香港法例第228章《簡易程序治罪條例》4B條《自建築物掉下的物體》，如有人容許任何東西(例如鋁窗)自建築物墜下，以致對在公眾地方之內或附近的人造成危險或損傷者，則容許該東西墜下的人，即屬犯罪，可處罰款$10,000及監禁6個月。除要承擔刑事責任外，還須負上民事責任，因受傷人士或因鋁窗墜下而招致財物損失的人士，可循民事途徑向有關人士索償。
工黨問過 法夢成員Edward Wong #比卡超 的法律意見，佢話根據《佔用人法律責任條例》第3條，業主民事上可能有所謂佔用人法律責任，去確保結構安全。
另外，大律師鄒幸彤亦指出，過往法庭都有處理過「跌窗落街」的案件，都係根據香港法例第228章《簡易程序治罪條例》4B(1)條《自建築物掉下的物體》去作出撿控，但法庭當時指出，如果被告係冇主觀決定去掉個窗落街，又或者係佢根本唔知道個窗係會跌落街，就唔會構成「自建築物掉下」或「容許」隻窗跌落街嘅情況；如果要講刑事責任，咁就會係管理嗰隻窗嘅人嘅責任，可以係業主或者僱主，又或者係相關「管理」隻窗嘅人。至於今次嘅實際案情仍然有待調查。
工黨認為警察無必要即時拘捕清潔工，應有待進一步調查再決定拘捕為案件負責的人士。工黨亦提提各位僱主或業主，一定要定期檢查及維修窗戶，悲劇真係一宗都嫌多！
延伸閱讀︰
立場新聞報道有關清潔工被捕︰
https://goo.gl/sDjPoe
《佔用人法律責任條例》
http://www.hklii.org/chi/hk/legis/ord/314/s3.html…
香港法例第228章《簡易程序治罪條例》4B條《自建築物掉下的物體》
https://www.elegislation.gov.hk/hk/cap228!zh-Hant-HK…
參考過往案件︰
https://www.hongkongcaselaw.com/hksar-v-pabustan-gemma-alt…/
https://www.hongkongcaselaw.com/the-queen-v-chan-pui-kay/
圖片︰立場新聞報道
