關於 高興openrice ，我們在網路上蒐集到這些相關的討論、資訊與評價

❤️ 景樂集團賀年糕點 Giveaway!
🇭🇰 餐廳: #Kingparrotgroup
▫▫▫▫▫
🎁 獎品: ❝賀年糕點 (自選口味) 1盒 ❞
🏆 得獎名額: 10位
▫️▫️▫️▫️▫️
🔻菜式分類:
#foodieyanyanxkingparrotgroupgiveaway
#foodieyanyan新年糕點賀禮
▫▫▫▫▫
🔴Yanyan介紹:

飲食集團 King Parrot Group 景樂集團🔸在今個新年，推出5款100%香港製造的賀年糕點🇭🇰，讓大家高高興興過個好年呀! 包括: 熱食🔥的 櫻花蝦瑤柱蘿蔔糕 和 紅藜麥栗子紫薯糕、凍食❄️的 鮮蔗汁桂花馬蹄糕、蘆薈楊枝甘露糕 和 紅豆杞子桂花糕。

足料的蘿蔔糕✨，用櫻花蝦、瑤柱、臘味調味，鮮香十足，增升味道層次。而紅藜麥栗子紫薯糕🍠，色澤鮮艷特別，採用健康的紅藜麥和紫薯，飽肚又健康。最後的 蘆薈楊枝甘露糕🥭，是我每次必買的糕點~ 香甜可口，作為甜品很不錯唷!

即日起至2 月 11 日期間，可到𣄃下餐廳到 購買現貨賀年糕點🌟。而憑東亞銀行信用卡或 KPG Royal卡💳購物滿$250，即可享9折優惠呀!

聽完我的介紹後，你也想吃新年限定的糕點嗎?😏想食就即刻參加 Foodieyanyannn x King Parrot Group的Giveaway啦!

***只在Instagram進行哦!!***
👉🏻👉🏻👉🏻Link: https://bit.ly/3oCWD1m
▫️▫️▫️▫️▫️
🕰 截止日期: 2021年02月07日 11:59pm
▫️▫️▫️▫️▫️
🔺相同餐廳食評: #foodieyanyanKingParrotgroup
▫▫▫▫▫
👧🏻 我的飲食&旅遊&美容生活分享平台:
💖 Media Get Ready 香港: [ Foodieyanyannn ]
💛 OpenRice Hong Kong : [ Lokyanyan ]
❤️ Instagram: [ Foodieyanyannn ]
🧡 Facebook Page : [ Foodieyanyannn ]
💜 Dianping : [ Foodieyanyannn ]
💙 Google & Tripadvisor : [ Lokyanyan ]
💚 Blog : [ Japanholicc日本旅遊美食情報 ]
https://foodieyanyan.wixsite.com/japanholicc
▫▫▫▫▫

《生日飯懲罰黃店旺角性價比高超正的熱石燒。堅石燒》
.
呢個禮拜係我生日週，疫情又未過，本身都真係唔係好想出街食飯，但朋友們都好好，要冒着生命危險和我食生日飯🙇🏻‍♂️🙏🏻，一切在心中。除咗感動我還有少少要求，就係希望幫襯黃店，我都知道而家百業蕭條，好多嘅鋪頭唔單止黃店都開始頂唔順甚至結業，所以如果要出去食飯我都想盡量支持返黃店。
.
所以今次我哋就揀咗位於旺角嘅堅石燒。無錯，呢間就係蕭生果間熱石燒，唔使講都知佢黃都發光啦。
.
原來約夜晚都幾多人撐黃店，當我們去walk in攞位原來要仲要等成十幾個，起碼都等成半個鐘以上，下次可用app預先訂位唔使等，所以我就用呢半個鐘去咗買部GOpro, 突然覺得自己好似土豪，去到鋪頭都冇點問斬釘截鐵就極速買咗🤣點知我哋返到嚟都過咗兩個號，好好彩呢度嘅侍應都幾好即刻安排返俾我哋！人真好！🙇🏻‍♂️🙇🏻‍♂️🙏🏻
.
入面嘅場地都幾大，有啲似韓國嘅燒烤場，但係第一個比我的感覺就係煙霧瀰漫，我好擔心我啲衫褲同背囊會吸晒啲煙呀😖。不過原來佢有部機係俾你走過嘅時候噴一噴就可以清除晒啲味，都真係幾貼心！☺️
.
配套同服務好還不夠，還要食物方面要ok才過關，見到佢嘅肉類主要以牛為主，淨係牛都有六七種，會分別200g, 300g 和400g 作售賣，再揀唔同嘅種類有唔同嘅價錢，另外仲有雞扒同埋豬扒價錢都好抵$78就有一大塊，但我哋今次來主要係食牛肉的，朋友知我大食，佢就分別點左美國牛板翼400g($218)和美國大理石400g($138), 即係我哋兩條友一共食800g😝😝, 200g大概就係我圖中一塊， 我諗一般人食200g 就夠了，但朋友仍怕我唔夠食，佢竟然再點了小食好似韓式炸雞（$28）同埋韓式煎餅（$28）。真係超豐富😍😍😍😍吃貨表示很高興！
.
其實佢都唔使怕我唔夠食，因為每人只需要加$12就可以任食出面自助吧嘅飯，意粉，沙律同埋雪糕，同埋任飲汽水。本身我對呢$12所加嘅嘢都冇乜期望，因為我認為係薩莉亞嘅自助吧質素，點知樣樣野都好正，飯同沙律好正常，但佢嘅意粉係牛油蒜香撈意粉，意粉軟硬適中味道又超香，唔使配肉類就咁食都好好食，我食咗三大碗😍雪糕分別有芒果朱古力港式奶茶同埋椰子菠蘿四款口味，除咗椰子菠蘿其他三款都超正，我幫大家試晒了。
.
講開自助吧就忍唔住講咗落去添，講返我哋嘅主菜嗰個2款牛嚟到嘅時候真係俾佢嘅份量嚇親, 原來400g真係好多, 每款足足有兩大件，每個人佢會比一塊燒到超熱嘅石版俾你，仲有牛油等你唔使癡底。我急不及待要食貴啲嘅牛板翼先，牛扒真係唔適宜煎得太熟，手腳要夠快唔係就好快變咗全熟會好韌，不過好在佢的牛味非常之濃郁，當我燒第二塊嘅時候大概五成熟就冇咁韌，加上黑椒同埋海鹽最正，鍾意牛味濃嘅朋友可以試吓牛板翼。
.
不過我就鍾意肉質林身一啲的美國大理石，唔好問我點解佢叫大理石我都唔知道，可能佢真係好似一舊石頭勁厚身，點左400g即係兩大舊, 佢算係性價比非常之高因為200g都係$78，我諗一般人食200g都應該飽到上心口, 因為佢太厚嘅關係一定要切開來再燒，而且我大概燒到五成熟左右就食了，佢嘅肉質比較鮮嫩同埋林身，但牛肉嘅味道的確冇牛版翼咁濃烈，不過我呢啲冇牙嘅阿伯始終都係鍾意食軟身啲嘅食物，同埋呢個價錢真係抵到爛！
.
另外值得推介嘅係佢嘅小食，雖然$28但係一啲都唔Hea，好似韓式炸雞咁佢有四件分别兩件雞球同埋兩件雞中翼，放咗一陣嘅外皮都仲係好脆，嗰個韓式辣醬好夠味！韓式煎餅我就覺得佢煎得唔係好夠香，不過味道唔錯！
.
整體來講呢間堅石燒質素的確好高，朋友都覺得佢人如其名好堅，最緊要係我哋食得超滿足之餘又去懲罰到黃店，我真係幾推介大家去試👍👍希望大家都繼續去支持呢啲有心嘅黃店。
.
吃貨提提你👉如果提早一日上OpenRice預訂座位仲有八五折，又更加抵了😝
.
———————————————————
店名：堅石燒
環境🏝：7/10
服務💁🏼‍♀️：8.5/10
價錢💰：8/10
食物質素🍝: 8/10
整體🙆🏻‍♂️：8.2/10 (吃貨推薦👍😋）
地址:
旺角彌敦道565-567號銀座廣場LG樓

《好睇又好食既cafe》
有無人知啲OpenRice 啲積分有咩用？🤔
好耐無食All day breakfast ，今次搵左間喺觀塘環境幾好既cafe ，決定去享受下星期天。
—————————————————————
#大家高興（All Day Breakfast） 💰74
價錢黎講算平，第一啖食雜菌，熱騰騰同炒香幾好食，佢用左小小黑椒調味，都幾惹味。平時好少食沙律，覺得啲菜會好生，但今日呢款俾左足夠既沙律醬令到我可以食曬啲菜🤩多士搽左牛油到果醬去烘，食落甜甜地好脆👍
個奄列幾飽肚，佢唔係普通炒滑蛋，依係加左薯仔片去炒，雖然份量都幾多，但食落個蛋比較乾身，薯仔片食到好似蕃薯味😂，但味道唔差，只係茄汁豆既牌子麻麻地。另外，兩條既腸仔竟然係爆汁芝士腸，都無失望。食完真係好飽好滿足。
（呢款跟餐仲送咗杯細橙汁。）
好味指數：8/10

飲品：
#朱古力沙冰 💰34
好大杯，沙冰面仲有一堆cream 🤩飲落仲有啲Oreo 碎，好正。
好味指數：7/10

甜品：
雙重朱古力Pancake 💰52
Pancake 面有一球朱古力雪糕，下面有兩大塊好厚身既pancake ，中間搽咗啲朱古力醬同夾雜咗啲Oreo粒，食落熱騰騰同好軟綿，夾雜埋雪糕凍冰冰既感覺，真係好正，份量好多，幾飽肚，建議兩個人share食。
好味指數：8/10
✅不設加一
✅價錢大眾化
✅食物質素中上
❌唔可以當係Cafe，太多人既時候同朋友傾計都有啲困難
❌座位分隔比較近
Instagram :@noodles_queen_food
🍚: natalietongym
大眾點評：米線皇后
Facebook: noodles_queen
👉🏻#跟住皇后去觀塘
—————————————————————
📍高興 (觀塘)
觀塘成業街19-23號成業工業大廈地下2號舖

@ 高興 Happinesssss